اے آر وائی ڈیجیٹل کے ڈرامہ سیریل ’مقدر کا ستارہ‘ میں راضی نے نہ چاہتے ہوئے بھی نتاشا کو انگوٹھی پہنا دی۔
آئی ڈریم انٹرٹینمنٹ اور اے آر وائی ڈیجیٹل کی مشترکہ پیشکش ڈرامہ سیریل ’مقدر کا ستارہ‘ کی کاسٹ میں آریز احمد (فیضان)، فاطمہ آفندی (ہادیہ)، بابر علی (صفدر، فیضان کے والد)، نادیہ حسین (فیضان کی والدہ)، لائبہ خان (ہادیہ کی بہن، فضا) تانیہ حسین (رمشا)، عنایت خان (راضی)، رمہا احمد (نتاشا) سلمی حسن ودیگر شامل ہیں۔
ڈرامے کی کہانی صائمہ اختر نے لکھی ہے جبکہ اس کی ہدایت کاری کے فرائض ثاقب ظفر خان نے انجام دیے ہیں۔
’مقدر کا ستارہ‘ میں دکھایا گیا کہ کس طرح والدین اپنے بگڑے بچوں کو سدھارنے کے لیے ان کی شادی شریف گھرانوں کی بچیوں سے کردیتے ہیں جن کو سدھارنے کے لیے ان کو کن مسائل کا سامنا کرنا پڑتا ہے۔
گزشتہ قسط میں دکھایا گیا کہ ’راضی نے والدہ کے کہنے پر نہ چاہتے ہوئے بھی نتاشا کو منگنی کی انگوٹھی پہنا دی۔‘
اسپتال میں نتاشا اور راضی کے والدین موجود ہوتے ہیں، راضی کی والدہ کہتی ہیں کہ ’میرے بیٹے نے اگر زبان دی ہے تو وہ پیچھے نہیں ہٹے گا وہ کہتی ہیں کہ انگوٹھی پہناؤ۔
والدہ کے کہنے پر راضی نتاشا کو انگوٹھی پہنا دیتے ہیں جس کے بعد نتاشا کے چہرے پر خوشی دیکھی جاسکتی ہے۔‘
کیا راضی نتاشا سے شادی کرلیں گے؟ کیا ہادیہ بہن فضا کو اس صورت حال پر سمجھا سکیں گی؟ یہ جاننے کے لیے مقدر کا ستارہ کی اگلی قسط دیکھیں۔