اسلام آباد : شہر قائد کو بجلی فراہم کرنے والے ادارے کے الیکٹرک نے بجلی کی قیمتوں میں مزید اضافے کی تیاریاں شروع کردیں۔
تفصیلات کے مطابق ذرائع کا کہنا ہے کہ کے الیکٹرک نے سہ ماہی ایڈجسٹمنٹ کی درخواست نیپرا میں جمع کر ادی ہے۔
سہ ماہی ایڈجسٹمنٹ کی مد میں 2روپے 35پیسے اضافے کی درخواست کی گئی، درخواست میں مؤقف اختیار کیا گیا ہے کہ67پیسے فی یونٹ اضافہ بقایا جات کی مد میں کیا جائے یعنی مجموعی طور پر 3روہے دو پیسے اضافے کا کہا گیا ہے۔
درخواست کی منظوری کی صورت میں کراچی کے شہریوں پر 35کروڑ 70لاکھ روپے کا اضافی بوجھ پڑے گا، نیپرا کے الیکٹرک کی سماعت پر 19 اکتوبر کو کرے گا۔
یاد رہے کہ اس سے قبل 6اکتوبر کو کراچی والوں کیلئے بجلی4روپے45پیسے فی یونٹ تک مہنگی کی گئی تھی۔ بجلی کی فی یونٹ قیمت میں یہ اضافہ گزشتہ مالی سال کی پہلی سہ ماہی ایڈجسٹمنٹ کی مد میں کیا گیا تھا۔ کے الیکٹرک صارفین سے اضافی وصولیاں اکتوبر اور نومبر کے بلوں میں وصول کی جائیں گی۔
