ARYNews.tv | Urdu – Har Lamha Bakhabar

Tag: independence day

  • یوم آزادی بطور یوم یکجہتی کشمیر منایا جا رہا ہے

    یوم آزادی بطور یوم یکجہتی کشمیر منایا جا رہا ہے

    ملک بھرمیں یومِ آزادی روایتی جوش وخروش اورجذبے سے منایا جارہاہے۔ ملک بھر میں سرکاری عمارتوں، سڑکوں اور راستوں کو قومی پرچموں سے سجایا گیا ہے۔

    تفصیلات کے مطابق ملک بھر میں یوم آزادی کشمیریوں سے اظہار یکجہتی کے طور پر منایا جا رہا ہے۔ یوم آزادی پر دن کا آغاز توپوں کی سلامی سے ہوا۔

    وفاقی دارالحکومت اسلام آباد میں یوم آزادی کے دن کا آغاز 31 توپوں جبکہ صوبائی دارالحکومتوں میں 21،21 توپوں کی سلامی سے ہوا۔ اس موقع پر ملک کی سلامتی اور یکجہتی کے لیے خصوصی دعائیں بھی کی گئیں۔

    یوم آزادی پر توپوں کی سلامی سے دن کا آغاز

    یوم آزادی پر صوبہ پنجاب کے دارلحکومت لاہورمیں دن کا آغاز 21 توپوں کی سلامی سے ہوا، اس موقع پر فضا تکبیر کے نعروں سے گونج اٹھی۔

    یوم آزادی کے موقع پر پشاور میں بھی 21 توپوں کی سلامی دی گئی۔ یوم آزادی پرتوپوں کی سلامی کی یہ تقریب کینٹ کے پانڈو اسٹیڈیم میں ہوئی جبکہ کوئٹہ کے آرمی پولوکلب میں بھی پاک فوج کے جوانوں کی جانب سے 21 توپوں کی سلامی دی گئی۔

    کراچی میں بھی دن کا آغاز 21 توپوں کی سلامتی سے کیا گیا۔ شہر شہر نمازفجرکی ادائیگی کے بعد مساجد میں ملکی ترقی وسلامتی اور خوشحالی کے لیے خصوصی دعائیں بھی کرائی گئیں۔

    کشمیریوں کو تہنا نہیں چھوڑیں گے، یوم آزادی پر صدر اور وزیراعظم کا پیغام

    صدر ڈاکٹر عارف علوی اور وزیراعظم عمران خان نے یوم آزادی اور یوم یکجہتی کشمیرکے موقع پر کہا کہ ہم کشمیریوں کے ساتھ تھے، ساتھ ہیں اور ہمیشہ ساتھ رہیں گے۔

    یوم آزادی کے موقع پر پرچم کشائی کی مرکزی تقریب اسلام آباد میں ہوگی۔ کشمیری عوام سے یکجہتی کے لیے قومی پرچم کے ساتھ کشمیرکا جھنڈا بھی لہرایا جائے گا۔

    وزیراعظم عمران خان کشمیریوں سے اظہار یکجہتی کے لیے آزاد کشمیر کے دارالحکومت مظفرآباد جائیں گے اور آزاد کشمیر کی قانون ساز اسمبلی سے خطاب بھی کریں گے۔

  • پاکستان کا یوم آزادی پر پاک بھارت سرحد پر مٹھائی کا تبادلہ نہ کرنے کا فیصلہ

    پاکستان کا یوم آزادی پر پاک بھارت سرحد پر مٹھائی کا تبادلہ نہ کرنے کا فیصلہ

    اسلام آباد : پاکستان نے مقبوضہ وادی میں بھارتی مظالم اور کشمیریوں سے اظہار یکجہتی کے لئے یوم آزادی پر پاک بھارت سرحد پر  روایتی مٹھائی کا تبادلہ نہ کرنے کا فیصلہ کیا ہے۔

    تفصیلات کے مطابق پاکستان نے کشمیریوں سے اظہار یکجہتی کے لئے فیصلہ کیا ہے کہ عیدالاضحیٰ اور یوم آزادی پر بھارت کو روایتی مٹھائی نہیں پیش کی جائے گی۔

    مٹھائی نہ دینے کا فیصلہ بھارت کے مقبوضہ وادی میں کشمیریوں سے ظلم و زیادتی کے تناظر میں کیا گیا، عید، یوم آزادی اور دیگر تہواروں پر بارڈراور پوسٹوں پر مٹھائی کا تبادلہ ہوتا تھا۔

    خیال رہے پاکستان پہلےہی بھارت کے ساتھ سفارتی تعلقات کم ترین سطح پرلا چکا ہے، پاکستان نے بھارت کے ساتھ بس اور ریل سروسز پہلے ہی معطل کر دی ہے جبکہ پاکستان نے بھارت کےساتھ تجارتی تعلقات مکمل طور پرختم کر دیئے ہیں۔

    پاکستان نے فیصلہ کیا تھا کہ 14  اگست کشمیریوں سے اظہار یک جہتی کے طور پر  جب کہ 15 اگست کو یوم سیاہ منایا جائے گا۔

    واضح رہے بھارتی پارلیمنٹ کے اجلاس میں بھارتی وزیرداخلہ نے آرٹیکل 370 ختم کرنے کا بل پیش کیا گیا تھا، بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کا عہدہ ختم کرکے اختیارات کونسل آف منسٹرز کو دے دیئے تھے ، جس کے بعد مقبوضہ کشمیر کی خصوصی حیثیت ختم ہوگئی۔

  • جشن آزادی : سول ایوی ایشن اتھارٹی کراچی ایئرپورٹ پر25 ہزار سے زائد پودے لگائے گی

    جشن آزادی : سول ایوی ایشن اتھارٹی کراچی ایئرپورٹ پر25 ہزار سے زائد پودے لگائے گی

    کراچی : سول ایوی ایشن اتھارٹی نے فیصلہ کیا ہے کہ جشن آزادی کے موقع پر کراچی ایئرپورٹ کے احاطے میں25 ہزار سے زائد پودے لگائے جائی گے، جس کا مقصد وزیراعظم عمران خان کی کلین اینڈ گرین پاکستان مہم کو فروغ دینا ہے۔

    تفصیلات کے مطابق وزیراعظم عمران خان کی کلین اینڈ گرین پاکستان مہم سول ایوی ایشن میں جاری ہے، اس سلسلے میں سول ایوی ایشن اتھارٹی نے کراچی ایئرپورٹ پر جشن آزادی کے موقع پر رواں ماہ 25 ہزار سے زائد پودے لگائے گی۔

    سول ایوی ایشن اتھارٹی کراچی ایئرپورٹ پر تین سال کے دوران ایک لاکھ سے زائد مختلف اقسام کے پھلوں کے درخت لگائے گی۔

    اس حوالے سے ترجمان سول ایوی ایشن اتھارٹی کا کہنا ہے کہ کراچی ایئرپورٹ کوسرسبز و شاداب بنانے کے ساتھ ساتھ مسافروں کو بھی سہولتیں فراہم کی جارہی ہیں۔

    ڈی جی سی اے اے کی ہدایت پر سول ایوی ایشن اتھارٹی نے کراچی ایئرپورٹ پر مختلف اقسام کے پھولوں کے پودے لگائے ہوئے ہیں۔

    ہمارا مقصد بیرون ملک سے آنے والے مسافروں کو خوشگوار ماحول فراہم کرنا ہے، ترجمان کا مزید کہنا ہے کہ درخت لگانے کی مہم کے ساتھ ساتھ ماحولیاتی آلودگی کے خاتمے میں مدد ملے گی۔

  • عمران اسماعیل کو آنے سے منع نہیں کیا، خود ہی ناراض ہوکر گئے، ترجمان مزار قائد

    عمران اسماعیل کو آنے سے منع نہیں کیا، خود ہی ناراض ہوکر گئے، ترجمان مزار قائد

    کراچی : مزار قائد کے ترجمان نے کہا ہے کہ نامزد گورنر سندھ عمران اسماعیل کو مزار قائد پر حاضری دینے سے منع نہیں کیا گیا، وہ خود ہی ناراض ہوکر گئے، ان کے پہنچنے پرسابق وزیراعلیٰ کی گاڑیاں باہر نکل رہی تھیں۔

    تفصیلات کے مطابق سندھ کے نامزد گورنر عمران اسماعیل، حلیم عادل شیخ، فروس شمیم نقوی، خرم شیر زمان اور دیگر رہنماؤں کے ہمراہ مزار قائد پر فاتحہ خوانی کے لیے پہنچے تو مزار کے مرکزی دروازے بند تھے، جس کے باعث انہیں مین گیٹ کے باہر سے ہی فاتحہ پڑھ کر واپس جانا پڑا۔

    سماجی رابطے کی ویب سائٹ ٹوئٹر پر اپنے پیغام میں عمران اسماعیل کا کہنا تھا کہ ہمیں مزار قائد کے اندر جانے اور فاتحہ کرنے کی اجازت نہیں دی گئی جب کہ سندھ کے نامزد وزیراعلیٰ اور پیپلزپارٹی کے دیگر رہنماؤں کو کمشنر کراچی فضل الرحمان کے ہمراہ مکمل پروٹوکول کے ساتھ مزار قائد میں جانے کی اجازت دی گئی۔

    اس حوالے سے ترجمان مزار قائد کا وضاحت دیتے ہوئے کہنا ہے کہ ہماری جانب سے عمران اسماعیل کو مزار قائد پر حاضری دینے سے منع نہیں کیا گیا، ان کے پہنچنے پر سابق وزیراعلیٰ کی گاڑیاں باہر نکل رہی تھیں۔

    ترجمان کے مطابق مزارقائد پر دس شخصیات کے چادر چڑھانے کےاجازت نامے موصول ہوئے تھے، پہلی حاضری اور چادر چڑھانے کی سرگرمی صبح 10بجے منعقد ہوئی جبکہ مزارقائد پرآخری حاضری دن 12بج کر15منٹ پر ہوئی، کوئی بھی سیاسی جماعت بینر یا جھنڈے کے بغیرمزارپرحاضری دے سکتے ہیں۔

    ترجمان مزار قائد کا مزید کہنا ہے کہ عمران اسماعیل جب مزار پر پہنچے تو سابق وزیراعلیٰ سید مراد علی شاہ کی گاڑیاں باہرنکل رہی تھیں، عمران اسماعیل سے دو منٹ انتظار کرنے کا کہا گیا تو وہ برا مان گئے اور اجازت ملنے کے بعد عمران اسماعیل نے آنے سے ہی منع کردیا۔

    ترجمان کا کہنا تھا کہ انتظامیہ کو عمران اسماعیل کی جانب سے مزار قائد پر حاضری کے لیے کوئی درخواست موصول نہیں ہوئی۔

  • شجر کاری مہم کامیاب، 19 لاکھ سے زائد پودوں کا تحفہ، سرعام کی ٹیم کا مزار قائد کے باہر جشن

    شجر کاری مہم کامیاب، 19 لاکھ سے زائد پودوں کا تحفہ، سرعام کی ٹیم کا مزار قائد کے باہر جشن

    کراچی: اے آر وائی کے پروگرام سرعام کی ٹیم نے شجر کاری مہم کا مقررہ ہدف تعداد سے زیادہ ہونے کے بعد پاکستان کا 71واں جشن آزادی مزار  قائد کے سامنے جوش و خروش سے منایا اور ملک کو سرسبز و شاداب بنانے کے عزم کو جاری رکھنے کا اعلان کیا۔

    تفصیلات کے مطابق اے آر وائی نیوز کے پروگرام سرعام کی ٹیم کے سربراہ اور سینئر صحافی اقرار الحسن نے یکم اگست کو شجر کاری مہم کا اعلان کرتے ہوئے 14 اگست سے قبل ملک بھر میں چودہ لاکھ پودے لگانے کا اعلان کیا تھا۔

    مزید پڑھیں: شجرکاری مہم کا مقصدمٹی سے محبت کا اظہاراورآنے والی نسلوں کی بہتری ہے، اقرارالحسن

    ٹیم سرعام نے شجر کاری مہم کے حوالے سے اپنا ہدف نہ صرف مقررہ تاریخ سے قبل پورا کیا بلکہ چودہ اگست تک ملک کو 19 لاکھ سے زائد پودوں کا تحفہ دیا۔

    سرعام کے اینکر اقرار الحسن کی قیادت میں مزار قائد کے سامنے شاندار تقریب کا انعقاد کیا گیا جس میں ہزاروں شہریوں نے شرکت کر کے وطن سے محبت کا ثبوت دیا اور آئندہ بھی ملک کی خدمت کرنے کا عزم دہرایا۔

    پروقار تقریب کا آغاز قومی ترانے سے ہوا، شرکا سے خطاب کرتے ہوئے اقرار الحسن نے بتایا کہ ہم نے انیس لاکھ سے زائد پودے لگا کر اپنا ہدف کامیابی کے ساتھ مکمل کیا۔ اقرارالحسن نے اے آروائی نیوز کی شجرکاری مہم کے سلسلے میں پاکستانی افواج کا شکریہ بھی ادا کیا۔

    اقرارالحسن اوراُن کے صاحبزادے پہلاج نے ملی نغمے گا کر شرکا کا لہو گرمایا۔

    یہ بھی پڑھیں: شجر کاری مہم، سرعام کا 14 لاکھ پودے لگانے کا ہدف مکمل، اگلا ٹارگٹ بھی سامنے آگیا

    اے آر وائی نیوز کی جانب سے ملک کو سرسبز و شاداب بنانے کی مہم میں عوام نے بڑھ چڑھ کر حصہ لیا اور مقررہ تاریخ سے  5 روز قبل ہی 14 لاکھ پودے لگانے کا ہدف مکمل کیا البتہ اقرار الحسن کے اعلان کے بعد شجر کاری مہم جاری رہی اور چودہ اگست تک ملک میں 19 لاکھ سے زائد درخت لگائے گئے۔

  • جشن آزادی پر قومی کرکٹرز کے قوم کے نام پیغامات، نیک خواہشات کا اظہار

    جشن آزادی پر قومی کرکٹرز کے قوم کے نام پیغامات، نیک خواہشات کا اظہار

    کراچی/ مردان : قومی کھلاڑیوں نے یوم آزادی کے موقع پر پوری قوم کو جشن آزادی کی مبارکباد دی ہے۔ اپنے پیغامات میں انہوں نے نیک خواہشات کا اظہار کرتے ہوئے آزادی جیسی عظیم نعمت کی قدر کرنے پر زور دیا۔

    تفصیلات کے مطابق پاکستا کے71ویں جشن آزادی کے موقع پر کرکٹرز اور دیگر کھلاڑیوں نے بھی پاکستانی قوم کو مبارکباد دی ہے، اس حوالے سے پاکستان کرکٹ ٹیم کے کھلاڑی شعیب ملک کی اہلیہ ثانیہ مرزا نے بھی پاکستانی قوم کو جشن آزادی کی مبارک باد اور نیک خواہشات کا اظہار کیا ہے۔

    سماجی رابطوں کی ویب سائٹ ٹوئٹر پر جاری اپنے ایک پیغام میں ان کا کہنا ہے کہ پاکستان کے71ویں جشن آزادی پر تمام پاکستانیوں مداحوں اور دوستوں کو بھارتی بھابھی کی جانب سے نیک تمنائیں اور جشن آزادی مبارک ہو۔

    پاکستان کرکٹ ٹیم کے کپتان سرفراز احمد نے بھی اپنی رہائش گاہ پر اہل خانہ کے ہمراہ آزادی کا جشن منایا اور کیک کاٹا۔

    سابق کرکٹر اور سوئنگ کے سلطان وسیم اکرم نے اپنے ٹوئٹر پیغام میں قوم کے نام اپنی پیغام میں کہا ہے کہ آج ہم صرف تاریخ کو ہی عزت نہیں بخش رہے بلکہ بحیثیت قوم ہم اپنے مستقبل کا جشن بھی منارہے ہیں۔

    بوم بوم شاہد آفریدی کا اپنے پیغام میں کہنا ہے کہ اس جشن آزادی پر آئیں اور عہد کریں کہ ہم سب مل کر اس ملک کو سنوارنے میں اپنا بھرپور کردار ادا کریں گے۔ تبدیلی خود سے کیونکہ ہم اس ملک سے ہیں اور یہ ملک ہم سے ہے۔ آزادی ایک نعمت ہے اس کی قدر کیجئے۔ پاکستان زندہ باد۔

    قومی ٹیم کے سابق فاسٹ بولر وقار یونس نے بھی اپنے ٹوئٹر پیغام میں کہا ہے کہ تمام دوستوں، ہم وطنوں کو چودہ اگست کی آزادی اور 2018 کی تبدیلی بہت بہت مبارک ہو۔

    اس کے علاوہ سابق کپتان اور آل راؤنڈر محمد حفیظ نے ٹوئٹر پر اپنے بچوں کے ساتھ تصویر شیئر کی ہے اپنے پیغام میں انہوں نے پاکستانی قوم کو آزادی کی مبارکباد دیتے ہوئے پاکستان زندہ باد کا نعرہ بھی لگایا۔

    علاوہ ازیں مردان میں قومی کرکٹر فخرزمان نے بھی جشن آزادی کا کیک کاٹا اور قوم کو یوم آزادی کی مبارکباد دی ہے، انہوں نے اپنے پیغام میں کہا کہ عوام پاکستان کو عظیم سے عظیم تر بنانے اور ملک کی ترقی میں اپنا بھرپور کردار ادا کریں۔

  • واہگہ بارڈر پر قومی پرچم اتارنے کی پروقار تقریب، شہریوں کا زبردست جوش وخروش

    واہگہ بارڈر پر قومی پرچم اتارنے کی پروقار تقریب، شہریوں کا زبردست جوش وخروش

    لاہور: واہگہ بارڈر پر پاکستان زندہ باد اور اللہ اکبر کی صداؤں کے درمیان پرچم اتارنے کی تقریب منعقد ہوئی، جس میں شہریوں کی بڑی تعداد نے شرکت کی، پرچم کشائی کی تقریب میں روایتی جوش و جذبہ دیکھنے میں آیا۔

    تفصیلات کے مطابق جشن آزادی پر واہگہ بارڈر پر پرچم اتارنے کی تقریب روایتی جوش وخروش کے ساتھ منعقد ہوئی، جس میں شہریوں کی بڑی تعداد نے شرکت کی، فضا نعرہ تکبیراللہ اکبراور پاکستان زندہ باد کے نعروں سے گونج اٹھی۔

    ننھے سپاہی نے سب کا لہو گرما دیا، ہزاروں پاکستانی بچے، نوجوان بوڑھے اور خواتین جوق در جوق اس تقریب کو دیکھنے کے لیے واہگہ بارڈر پہنچے۔

    پاکستان رینجرز کے شیر دل جوانوں کے بوٹوں کی گھن گھرج اور وطن کی حفاظت کے جذبے سے مامور پریڈ پاکستانیوں کا لہو خوب گرماتی رہی، واہگہ پر موجود کیا بچے، بزرگ، خواتین سب ہی بہت پُرجوش اور بھرپور انداز میں اپنے سپاہیوں کا حوصلہ بڑھاتے رہے۔

    اس موقع پر فضا پاکستان زندہ باد، نعرہ تکبیر اللہ اکبر اور جیوے جیوے پاکستان کے نعروں سے گونجتی رہی. قبل ازیں ملی نغموں اور قومی ترانوں پر لوگ والہانہ انداز میں رقص کرتے رہے اور بھنگڑا ڈالتے رہے۔

    تقریب میں‌ بالخصوص نوجوانوں اور بچوں کاجو ش و جذبہ دیدنی تھا، منچلوں کے بھنگڑوں اور نعرے بازی نے ماحول کو گرمائے رکھا، فلک شگاف نعروں کی گونج، جوش وجذبے سے جگمگاتے چہروں اورلہراتے پرچموں کے ساتھ واہگہ بارڈر پر ہونے والی تقریب نے 1965 کی تاریخی فتح کی یادیں تازہ کردیں۔

  • جشن آزادی: پاکستانی ملی نغمے جو کئی دہائیوں سے دلوں میں زندہ ہیں

    جشن آزادی: پاکستانی ملی نغمے جو کئی دہائیوں سے دلوں میں زندہ ہیں

    کراچی: پاک وطن کے شہری آزادی کا جشن بھرپور انداز میں مناتے ہیں، ہر محب وطن شہری کے لبوں پر  بالخصوص 14 اگست کو ملی نغموں کی سریلی آوازیں سنائی دیتی ہیں۔

    جب قومی نغموں میں جذبہ اور وطن سے محبت کا جنون شامل ہو اور توقومی ترانے کی مدھر دھن اور سُر آزادی کے پروانوں کو مدہوش کر نے کے ساتھ لطف اندوز کرنے کا ساماں ہوتے ہیں ۔

     یوم آزادی کی تقریبات میں قومی ترانے، قومی نغمے اور اسکے دھن کے رس گھولتے سُر اپنی مخصوص دُھن میں جشن آزادی کے تقدس اوراہمیت کو اور بڑھا دیتی ہے۔

    جشن آزادی پر وطن سے محبت کا اظہار کرنے والے چند ملی نغمے اسے بھی ہیں  جو کئی دہائیوں سے ہر محب وطن کے دلوں میں اپنی جگہ بنائے ہوئے ہیں اور وہ آج بھی قوم کا لہو گرماتے ہیں۔

    پاکستان کے مشہور و معروف گلوکاروں کے چند  ایسے ملی نغمے جن تخلیق کے بعد سے کبھی ان کی شہرت میں کمی نہیں آئی مندرجہ ذیل ہیں۔

  • جشنِ آزادی ، شوبز ستاروں کا اپنے وطن سے اظہارِ محبت

    جشنِ آزادی ، شوبز ستاروں کا اپنے وطن سے اظہارِ محبت

    پاکستانی قوم آج اپنا 71 واں یوم آزادی ملی جوش و جذبے سے منارہی ہے، مشہورو معروف شوبز ستارے بھی پاکستان سے محبت کا اظہار کررہے ہیں۔

    تفصیلات کے مطابق 71ویں جشن آزادی کے پرمسرت موقع پر جہاں ہر پاکستانی وطن سے اپنی محبت کا اظہار کررہا ہے وہیں شوبز اسٹار بھی کسی سے پیچھے نہیں ہیں۔

    سماجی ویب سائٹ ٹویٹر اور انسٹاگرام پر ملک کے کئی مشہورو معروف شخصیات کی جانب سے یوم آزادی پر مبارک باد کا سلسلہ جاری ہے۔

    فہد مصطفی

    اداکار فہد مصطفی نے انسٹاگرام پر قومی پرچم کی تصوہر شیئر کرتے ہوئے یوم آزادی کی مبارک باد دی۔

    Youm e Azadi Mubarak 🇵🇰

    A post shared by Fahad Mustafa (@mustafafahad26) on

    عدنان صدیقی

    اداکار عدنان صدیقی نے ٹوئٹر پر پوری قوم کو یوم آزادی کی مبارکباد پیش کرتے ہوئے بانسری پر ملی نغمے کی شاندار دُھن بجا کر وطن سے محبت کا اظہار کیا۔

    حمزہ علی عباسی

    اداکار حمزہ علی عباسی نے ٹوئٹر پر یوم آزادی کی مبارک باد دیتے ہوئے کہا آج کے دن پاکستان کے لئے ایک درخت لگائیں، اپنی گلی کو صاف کریں اور ڈیم فنڈ میں اپنا حصہ ڈالیں۔

    ماہرہ خان

    معروف اداکارہ ماہرہ خان نے انسٹاگرام پر ایک تصویر شیئر کرتے ہوئے کہا کہ یہ ڈرائنگ 8 سال پہلے نئے پاکستان کی ہے، میں صرف ایک ہی درخواست اور دعا کرتی ہوں کہ ہمارے ملک میں ہمارے بچوں محفوظ رہیں۔

    علی ظفر

    اداکار اور گلوکار علی ظفر نے ٹوئٹر پر آزادی کی مبارک باد دیتے ہوئے کہا کہ خدا ہمارے ملک کو امن، ترقی اور خوشحالی سے نوازے۔

    ماورا حسین

    معروف اداکارہ ماورا حسین نے ٹوئٹر پر اپنے پیغام میں نئے پاکستان کو جشن آزادی کی مبارک باد دی۔

    سجل علی

    ادکارہ سجل علی نے بھی یوم آزادی کی مبارک باد دی۔ پاکستان زندہ باد

    صبا قمر

    معروف ادکارہ صبا قمر نے انسٹاگرام پر اپنی قومی پرچم کے ساتھ تصویر شیئر کرکے آزادی کی مبارک باد دی۔

    Happy Independence Day! #pakistanzindabad! 🇵🇰 👗 @sapphirepakistan

    A post shared by Saba Qamar (@sabaqamarzaman) on

    فرحان سعید

    اداکار اور گلوکار فرحان سعید نے ٹوئٹر پر جشن آزادی کی مبارکباد دیتے ہوئے میرے لئے آج سب سے خوشگوار آزادی کا دن ہے، مجھے یقین ہے کہ پاکستان کی قسمت تبدیلی کے کنارے پر ہے.

    عروہ حسین

    اداکارہ عروہ نے جشن آزادی کے موقع پر اپنے پیغام میں کہا آپ سب کو 14 اگست مبارک ہو، پاکستان زندہ باد۔

    منیبہ مزاری

    اقوام متحدہ پاکستان کی خیر سگالی سفیر منیبہ مزاری نے گانا گا کر پاکستان سے محبت کا اظہار کیا۔

    ثروت گیلانی

    اداکارہ ثروت گیلانی نے انسٹاگرام پر شوہر کے ہمراہ قومی پرچم کے ساتھ تصویر شیئر کرکے جشن آزادی کی مبارک باد دی۔

    فخر عالم

    یاسر اختر

  • واہگہ بارڈر پرتقریب‘ پاکستان رینجرزکا بھارتی بارڈرفورس کومٹھائی کا تحفہ

    واہگہ بارڈر پرتقریب‘ پاکستان رینجرزکا بھارتی بارڈرفورس کومٹھائی کا تحفہ

    لاہور: پاکستان کے یوم آزادی کے موقع پر واہگہ اٹاری سرحد پرخصوصی تقریب کا انعقاد کیا گیا جس میں پاکستانی رینجرز کی جانب سے بھارتی بارڈرفورسز کو مٹھائی کا تحفہ دیا گیا۔

    تفصیلات کے مطابق ملک بھر میں یوم آزادی جوش وخروش سے منایا جا رہا ہے، اس موقع پر واہگہ بارڈر پرپرچم کشائی کی شاندار تقریب کا انعقاد کیا گیا۔

    واہگہ بارڈر پرپرچم کشائی کی تقری کے موقع پر وطن کے دفاع کے عزم کو دہرایا گیا، سبز ہلالی پرچم اور ملی نغموں کی صدا فضا میں گونجی تو سحرطاری ہوگیا۔

    جشن آزادی کی تقریب میں بچے، بڑے، بزرگ اور خواتین کی بڑی تعداد نے شرکت کی اور یومِ آزادی روایتی جوش وخروش اورجذبے سے منایا۔

    یوم آزادی کی تقریب کے دوران پاکتسان کی جانب سے بھارتی بارڈرفورسز کو مٹھائی کا تحفہ دیا گیا۔

    خیال رہے کہ ہرسال یوم آزادی کے موقع پرپاکستان رینجرز کی جانب سے بھارتی بارڈر فورس کو مٹھائی کا تحفہ دیا جاتا ہے۔

    پاکستان نے جذبہ خیرسگالی کے تحت 26 بھارتی قیدیوں کو رہا کردیا

    یاد رہے کہ گزشتہ روز پاکستان نے جذبہ خیرسگالی کے تحت 26 بھارتی ماہی گیروں کو رہا کیا تھا. ان تمام ماہی گیروں کو کراچی کینٹ اسٹیشن سے لاہور اور پھرواہگہ بارڈر سے بھارت بھیجا گیا۔