اتر کھنڈ: انڈیا کی ریاست اتر کھنڈ میں بس حادثے میں سولہ مسافر ہلاک جبکہ متعدد زخمی ہوگئے۔
غیر ملکی خبر رساں ادرے کے مطابق ریاست اتر کھنڈ کے ضلع تہری میں تیز رفتار بس ڈرائیور سے بے قابو ہو کر پل کا جنگلہ تورٹے ہوئے نالے میں جاگری۔ حادثے میں سولہ مسافر لقمہ اجل بن گئے جبکہ سینتیس زخمی ہوئے۔ مقامی پولیس حکام کا کہنا ہے کہ حادثہ ڈرائیور کی غفلت کے باعث پیش آیا۔
ہماچل پردیش : بھارت کے شمالی ریاست ہماچل پردیش میں مسافربس گہری کھائی میں جاگری،حادثے میں اکیس مسافرہلاک جبکہ پانچ زخمی ہوگئے۔
مسافربس شمالی شملہ سے سویرا کھڈ جاری تھی، بس میں چھبیس مسافرسوار تھے، حادثے کی اطلاع ملتے ہی امدادی ٹیمیں جائے حادثہ پر پہنچ گئیں،حادثے میں زخمی ہونے والوں کو فوری طور پر اندرا گاندھی کالج اسپتال منتقل کردیا گیا ہے۔
حکام کے مطابق حادثے کی فوری طورپروجہ معلوم نہیں ہوسکی،حادثے کی مزید تحقیقات شروع کردی ہے ۔بھارت میں سڑک کے حادثات کی وجہ سڑکوں ،گاڑیوں کی خراب حالت اور غیر محتاط ڈرائیونگ ہے۔