ARYNews.tv | Urdu – Har Lamha Bakhabar

Tag: India vs Australia

  • آئی پی ایل کے شیر آسٹریلیا میں ڈھیر، بھارت کوعبرتناک شکست

    آئی پی ایل کے شیر آسٹریلیا میں ڈھیر، بھارت کوعبرتناک شکست

    سڈنی : آسٹریلیا کی ٹیم نے پہلے ون ڈے میں بھارت کو 66رنز سے عبرتناک شکست دے دی، انڈیا ٹیم ہدف کے تعاقب میں 308رنز بناسکی۔

    سڈنی میں آسٹریلین بالرز نے بھارتی بلے بازوں کو تگنی کا ناچ نچا دیا، بھارتی سورما باوجود کوشش کے ہدف تک پہنچنے سے پہلے ہی ڈھیر ہوگئے۔

    آسٹریلیا ٹیم نے بھارت کو جیت کیلئے375 رنز کا پہاڑ جیسا ہدف دیا جس کی چوٹی کو عبور کرنا بھارتی کھلاڑیوں کیلئے عذاب بن گیا اور بھارتی کھلاڑی مقررہ اوورز میں 8 وکٹوں کے نقصان پر 308رنز بناسکے۔

    آسٹریلیا کے بلے باز اسٹیو اسمتھ کو صرف66 گیندوں پر4 چھکوں اور11 چوکوں کی مدد سے105 رنز بنانے پر مین آف دی میچ کے اعزاز سے نوازا گیا۔

    بھارت کی جانب سے ہاردک پانڈیا نے سب سے زیادہ 90رنز اسکور کیے جبکہ شیکھر دھون 74رنز بناکر نمایاں رہے، دیگر کھلاڑی آسٹریلین بالرز کا جم کر مقابلہ نہ کرسکے۔

    اس کے علاوہ  بھارتی کپتان ویرات کوہلی 21 رنز بنا کر کیچ آؤٹ ہوئے ،ماینک اگروال 22رنز اور اجے جڈیجہ نے25رنز اسکور کیے جبکہ نودیپ سیانی 29رنز بنا کر ناٹ آؤٹ رہے، جسپریت بومرا کوئی رن نہ بنا سکے۔

    آسٹریلیا کی جانب سے ایڈم زمپا نے بہترین بالنگ کرتے ہوئے دس اوورز میں 54رنز دے کر چار وکٹیں اور جوش ہیزلووڈ نے 55رنز کے عوض تین وکٹیں حاصل کیں۔

    واضح رہے کہ بھارتی ٹیم دورہ آسٹریلیا کے دوران3 ون ڈے، 3ٹی ٹوئنٹی انٹرنیشنل اور4 ٹیسٹ میچوں کی سیریز کھیلے گی۔ دونوں ٹیموں کے درمیان3 ون ڈے میچوں کی سیریز کا پہلا میچ سڈنی میں آج کھیلا گیا ، دوسرا ون ڈے میچ 29نومبر کو سڈنی میں ہی کھیلا جائے گا جبکہ سیریز کا تیسرا اور آخری ون ڈے میچ 2دسمبر کو آسٹریلوی دارلحکومت کینبرا میں کھیلا جائے گا۔

    اس کے بعد3 ٹی ٹوئنٹی انٹرنیشنل میچوں پر مشتمل سیریز کا پہلا میچ 4دسمبر کو کینبرا میں کھیلا جائے گا، دوسرا میچ 6دسمبر کو سڈنی میں کھیلا جائے گا جبکہ تیسرا اور آخری ٹی ٹوئنٹی میچ 8دسمبر کوسڈنی میں ہی کھیلا جائے گا۔

  • پہلا ون ڈے : آسٹریلیا نے بھارت کو بڑا ہدف دے دیا

    پہلا ون ڈے : آسٹریلیا نے بھارت کو بڑا ہدف دے دیا

     سڈنی : بھارت اور آسٹریلیا کی کرکٹ ٹیموں کے درمیان درمیان3ون ڈے بین الاقوامی میچوں کی سیریز کا پہلا میچ آج سڈنی کے کرکٹ گراؤنڈ میں کھیلا جارہا ہے۔

    ٹاس جیت کر آسٹریلیا نے پہلے بیٹنگ کا فیصلہ کیا ور مقررہ پچاس اوورز میں6 وکٹوں کے نقصان پر 374 رنز بنائے، کپتان ایرون فنچ اور سٹیو سمتھ کی عمدہ سنچریوں کی بدولت بھارت کو 375رنز کا بڑا ہدف دے دیا۔

    کپتان ایرون فنچ نے عمدہ بیٹنگ کرتے ہوئے124 گیندوں پر 2 چھکوں اور9 چوکوں کی مدد سے114 رنز بنائے جبکہ اسٹیو سمتھ نے انتہائی دھواں دار بلے بازی کرتے ہوئے صرف66 گیندوں پر4 چھکوں اور11 چوکوں کی مدد سے105 رنز کی عمدہ اننگز کھیلی۔ دیگر بلے بازوں میں ڈیوڈ وارنر69، گلین میکس ویل 45 اور ایلکس کیری17 رنز بنا سکے۔

    بھارت کی جانب سے فاسٹ باﺅلر محمد شامی سب سے کامیاب بالر  ثابت ہوئے جنہوں نے10 اوورز میں59 رنز کے عوض3 کھلاڑیوں کو پویلین کی راہ دکھائی جبکہ جسپریت بمرا، نوودیپ سائنی اور یوزویندرا چھاہل نے ایک، ایک کھلاڑی کو آﺅٹ کیا۔

    بھارتی ٹیم دورہ آسٹریلیا کے دوران3 ون ڈے، 3ٹی ٹوئنٹی انٹرنیشنل اور4 ٹیسٹ میچوں کی سیریز کھیلے گی۔ دونوں ٹیموں کے درمیان3 ون ڈے میچوں کی سیریز کا پہلا میچ سڈنی، دوسرا ون ڈے میچ 29نومبر کو سڈنی میں ہی کھیلا جائے گا جبکہ سیریز کا تیسرا اور آخری ون ڈے میچ 2دسمبر کو آسٹریلوی دارلحکومت کینبرا میں کھیلا جائے گا۔

    اس کے بعد3 ٹی ٹوئنٹی انٹرنیشنل میچوں پر مشتمل سیریز کا پہلا میچ 4دسمبر کو کینبرا میں کھیلا جائے گا، دوسرا میچ 6دسمبر کو سڈنی میں کھیلا جائے گا جبکہ تیسرا اور آخری ٹی ٹوئنٹی میچ 8دسمبر کوسڈنی میں ہی کھیلا جائے گا۔

  • پہلا ون ڈے: بھارت کو آسٹریلیا کے ہاتھوں 34 رنز سے شکست، شرما کی سنچری بھی کام نہ آئی

    پہلا ون ڈے: بھارت کو آسٹریلیا کے ہاتھوں 34 رنز سے شکست، شرما کی سنچری بھی کام نہ آئی

    سڈنی : آسٹریلیا اور بھارت کے درمیان کھیلے جانے والے پہلے ون ڈے میچ میں کیویز نے سورماؤں کو34رنز سے شکست دے دی، روہت شرما کی سنچری بھی کام نہ آسکی۔

    تفصیلات کے مطابق سڈنی کرکٹ گراﺅنڈ میں کھیلے جانے والے ون ڈے میں روہت شرما کی شاندار سنچری کے باوجود بھارت کی طاقتور بیٹنگ لائن زیادہ دیر نہ چل سکی، بھارتی ٹیم آسٹریلیا کے خلاف سڈنی میں پہلا ون ڈے چونتیس رنز سے ہار گئی۔

    میزبان ٹیم نے تین میچز کی سیریز میں ایک صفر کی برتری حاصل کرلی۔ ٹیسٹ سیریز میں ناکام ہونے والی آسٹریلوی ٹیم نے پلٹ کر وار کیا، سڈنی میں آسٹریلیا نے پہلے بیٹنگ کرتے ہوئے پانچ وکٹوں پر 288 رنز بنائے۔

    عثمان خواجہ، شان مارش اور پیٹر ہینڈز کومب نے نصف سنچریاں اسکور کیں۔ جواب میں بھارت کا آغاز بھی اچھا نہ رہا۔ چار رنز پر تین وکٹیں گریں اس بار بھارتی کپتان کوہلی بھی نہ چلے۔

    روہت شرما نے بھارت کو کچھ امید دلائی۔ چھ چھکوں اور دس چوکوں کی مدد سے 133 رنز بنائے لیکن وہ ٹیم کو شکست سے نہ بچاسکے۔ آسٹریلیا نے بھارت کو289رنزکاہدف دیا تھا بھارتی ٹیم مقررہ اوورز میں 254رنز بنا سکی۔

    آسٹریلیا کے رچرڈسن سب سے کامیاب باﺅلر قرار پائے جنہوں نے دس اوورز میں محض 26 رنز کے عوض چار کھلاڑیوں کو آؤٹ کیا، دونوں ٹیموں کے درمیان  دوسرا ون ڈے منگل کو کھیلا جائے گا۔

  • پرتھ ٹیسٹ : بھارت 283 رنز پر آؤٹ، آسٹریلیا کو چار وکٹ پر175 رنز کی برتری

    پرتھ ٹیسٹ : بھارت 283 رنز پر آؤٹ، آسٹریلیا کو چار وکٹ پر175 رنز کی برتری

    پرتھ : بھارتی ٹیم پہلی اننگز میں دو سو تراسی رنزبنا کر آؤٹ ہوگئی، ویرات کوہلی کا کیچ متنازع بن گیا،  پرتھ ٹیسٹ میں میزبان ٹیم کی مجموعی برتری ایک سو پجھتر رنز کی ہوگئی۔

    تفصیلات کے مطابق بھارت اور آسٹریلیا کے درمیان کھیلے جارہے پرتھ ٹیسٹ کے تیسرے روز کھیل کے اختتام تک آسٹریلیا نے چار وکٹوں کے نقصان پر132رنز بنالیے، جس کے بعد آسٹریلیا کو 43رنز کی سبقت حاصل ہوگئی۔

    بعد ازاں بھارت کی ٹیم283رنز بنا کر آؤٹ ہوگئی، آسٹریلوی اوپنر فنچ ہاتھ پر گیند لگنے سے زخمی ہونے کےبعد گراؤنڈ سے باہر چلے گئے۔ بھارت کی جانب سے محمد شامی نے دو، ایشانت شرما اور جیسپرت بمبرا نے ایک ایک کھلاڑی کو آؤٹ کیا۔

    دوسری اننگز میں اب تک آسٹریلیا کے چار کھلاڑی آؤٹ ہوگئے، بھارتی بولرز کے جلد وکٹیں حاصل کرنے کیلئے کوشش جاری ہے،   تیسرے روز کھیل کے اختتام تک کینگروزٹیم کےعثمان خواجہ 41 اور کپتان ٹم پین 8 رنز کے ساتھ کریز پر موجود تھے۔

    دوسری جانب پرتھ ٹیسٹ میں ویرات کوہلی کا کیچ متنازع بن گیا۔ بھارتی کپتان کوہلی آؤٹ ہیں یا ناٹ آؤٹ؟ ٹوئٹرپر مداحوں نے شدید تنقید کرتے ہوئے ٹیکنالوجی پرسوالات اٹھا دیئے، مداحوں کا کہنا ہے کہ گیند زمین پر لگنے کے بعد فیلڈر نے پکڑی۔ امپائر نے کوہلی کاغلط آؤٹ دیا جس کا نقصان ٹیسٹ میچ میں بھارت کو ہوسکتا ہے۔

  • بنگلور ٹیسٹ : بھارت نے آسٹریلیا کو75 رنزسے ہرا دیا

    بنگلور ٹیسٹ : بھارت نے آسٹریلیا کو75 رنزسے ہرا دیا

    نبگلور : بھارت نے آسٹریلیا کو بنگلور ٹیسٹ میں دلچسپ مقابلے کے بعد پچھتر رنز سے شکست دے دی۔ چار میچز کی سیریز ایک ایک سے برابر ہوگئی۔ آسٹریلیا کی ٹیم 188رنز کے جواب میں 112رنز پر پویلین لوٹ گئی۔

    تفصیلات کے مطابق بنگلور ٹیسٹ میں بھی اسپن کا جادو چل گیا۔ چینا سوامی اسٹیڈیم بنگلور میں چوتھے روز بھارت نے دوسری نامکمل اننگز دو سو تیرہ رنز چار کھلاڑی آوٹ پر شروع کی اور پوری ٹیم دو سو چوہتر رنزبناکر آؤٹ ہوگئی۔

    جوش ہیزل ووڈ نے شاندار بولنگ کرتے ہوئے چھ وکٹیں حاصل کیں۔ ویرات کوہلی دوسری اننگز میں بھی ناکام رہے۔ ایک سو اٹھاسی رنز کے آسان ہدف کا بھارتی بولرز نے کامیابی سے دفاع کیا۔

    روی چندرن ایشوین کی عمدہ باﺅلنگ کی بدولت آسٹریلوی ٹیم کے آخری 6 کھلاڑی صرف 11 رنز کے عوض آﺅٹ ہو گئے، بالرز کی نپی تلی بولنگ کے سبب مہمان ٹیم ایک سو بارہ رنز پرہی ڈھیر ہوگئی۔

    ایشون نے چھ کھلاڑیوں کو آؤٹ کیا۔ آسٹریلوی کپتان اسٹیون اسمتھ اٹھائیس رنز کے ساتھ ٹاپ اسکورر رہے۔ اومیش یادیو نے 2 کھلاڑیوں کو آﺅٹ کیا جبکہ ایشانت شرما اور رویندرا جدیجہ نے ایک، ایک وکٹ حاصل کی۔

  • ورلڈکپ: دفاعی چیمپئن بھارت ورلڈ کپ سے باہر، آسٹریلیا کی فائنل میں رسائی

    ورلڈکپ: دفاعی چیمپئن بھارت ورلڈ کپ سے باہر، آسٹریلیا کی فائنل میں رسائی

    سڈنی: آسٹریلیا نے دفاعی چیمپئن بھارت کو گھرکا راستہ دکھادیا، سیمی فائنل میں کینگروز نے بھارت کے ارمان ٹھنڈے کردیئے۔

    دفاعی چیمپیئن بھارت شکست کے بعد سابق چیمپیئن بن گیا، ایک ہار نے سب کچھ بدل دیا، سات فتوحات بے معنی ہوگئیں، ورلڈ کپ ہاتھوں سے نکل گیا، ایک شکست نے مداحوں کو خون کے آنسو رلا دیا۔

    سڈنی میں کھیلے جانے والے میچ کا ٹاس آسٹریلیا نے جیت کر پہلے بیٹنگ کا فیصلہ کیا، پندرہ رنز پر ڈیوڈ وارنر پویلین لوٹ گئے،جس کے بعد اسٹیون اسمتھ اور ایرون فنچ وکٹ پر جم گئے، دونوں بیٹسمینوں نے بھارتی بولرز کی جم کر پٹائی کی۔

    دوسری وکٹ کے لئے ایک سو بیاسی رنز کی شراکت نے ٹیم کی پوزیشن مستحکم کی، آسٹریلیا نے سات وکٹوں پر تین سو اٹھائیس رنز بنائے،اسمتھ نے بھارتی بولرز کی جم کر پٹائی کی اور سنچری بنائی ،فنچ نے بھی خوب ہاتھ صاف کیا اور اکیاسی رنز جڑدیئے امیش یادو نے چار کھلاڑیوں کو آؤٹ کیا۔

    جواب میں بھارتی اوپنرز نے عمدہ آغاز فراہم کیا لیکن وہ اسے برقرار نہ رکھ سکے، شیکھر دھون کے آؤٹ ہوتے ہی بھارتی بیٹنگ لائن کا شیرازہ بکھر گیا، کوہلی، شرما اور رائنا بھی کچھ نہ کرسکے، کپتان دھونی کے علاوہ کوئی بھی کھلاڑی آسٹریلوی بولرز کا جم کر مقابلہ نہ کرسکا اور وہ 65 گیندوں پر 65 رنز بنا کر رن آؤٹ ہو گئے۔

    آسٹریلیا کی جانب سے جیمز فالکنر نے 3 جب کہ مچل اسٹارک اور مچل جانسن نے 2،2 وکٹیں حاصل کی، ایک وکٹ جوش ہیزل ووڈ کے حصے میں آئی، بھارت کی پوری ٹیم دو سو تینتیس رنز پر ڈھیر ہوگئی اور ورلڈ کپ میں بھارت کا سفر ختم ہوگیا۔

     ورلڈ کپ سیمی فائنل میں ناقابل شکست بھارت کو بل آخر شکست ہو ہی گئی،آسٹریلوی ٹیم کی خوشی کا ٹھکانا نہیں تھا،ہر وکٹ پر ایسے خوشی منا رہے تھے جیسے ورلڈ کپ جیت لیا ہو، کینگروز کی خوشیاں بھارتی شائقین کو ایک آنکھ نہیں با رہی تھی،چہرے ایسے مرجھائے ہوئے جیسے دنوں سے کھایا پایا نہ ہو۔

  • دوسرا سیمی فائنل ، 328رنز کے تعاقب میں بھارت کی بیٹنگ جاری

    دوسرا سیمی فائنل ، 328رنز کے تعاقب میں بھارت کی بیٹنگ جاری

    سڈنی : ورلڈ کپ کے دوسرے سیمی فائنل میں آسٹریلیا اور انڈیا مدِ مقابل ہیں۔

    سڈنی میں کھیلے جارہے ورلڈکپ کے دوسرے سیمی فائنل میں آسٹریلیا نے بھارت کو جیت کیلئے 328 رنز کا ہدف دیدیا۔

    بھارت کی 328 رنز کے تعاقب بیٹنگ جاری ہے، اب تک ایک وکٹ کے نقصان پر 13 اوورز میں 76  رنز بنالیے ہیں۔

    بھارت کی جانب سے روہت شرما اور شیکھر دھون نے اننگز کا آغاز کیا، آسٹریلیا کی ناقص فیلڈنگ کی وجہ سے اوپنروں کو موقعے فراہم کیے ہیں۔

    اس سے قبل آسٹریلیا کے کپتان مائیکل کلارک نے بھارت کے خلاف ٹاس جیت کر پہلے  بیٹنگ کا فیصلہ کیا اور مقررہ 50 اوورز میں سات وکٹوں کے نقصان پر 328 بنائے۔

    آسڑیلیا کی جانب سے ڈیوڈ وارنر اور آورن فنچ نے اننگز کا آغاز کیا لیکن ڈیوڈ وارنر سات گیندوں پر 12 رنز بنا کر امیش یادو کی ایک گیند پر آؤٹ ہوگئے۔

    جس کے بعد آرون فنچ اور سٹیو سمتھ نے جارحانہ بیٹنگ کی اور 182 رنز کی شراکت قائم کی، سٹیو سمتھ نے89 گیندوں پر شاندار سینچری مکمل کی۔

      سٹیو سمتھکے آؤٹ ہونے کے بعد  کھلاڑی اسکور میں تیزی سے اضافہ کرنے کی کوشش میں جلدی جلدی آؤٹ ہوتے رہے، تاہم مچل جانسن نے 27 رنز، گلین میکسویل نے 23 رنز اور شین واٹسن 28 رنز بنائے، کپتان مائیکل کلارک بھی صرف دس رنز بنا سکے۔

    بھارت کی جانب سے امیش یادو چار وکٹیں، موہت شرما نے دو اور ایشون نے ایک وکٹ لی۔

  • دوسرا سیمی فائنل ، آسٹریلیا کا ٹاس جیت کر بیٹنگ کا فیصلہ

    دوسرا سیمی فائنل ، آسٹریلیا کا ٹاس جیت کر بیٹنگ کا فیصلہ

    سڈنی : ورلڈ کپ کے دوسرے سیمی فائنل میں آسٹریلیا اور انڈیا مدِ مقابل ہیں۔

    دوسرے سیمی فائنل میں آسٹریلیا کے کپتان مائیکل کلارک نے بھارت کے خلاف ٹاس جیت کر پہلے  بیٹنگ کا فیصلہ کیا۔

    آسڑیلیا کی جانب سے ڈیوڈ وارنر اور آورن فنچ نے اننگز کا آغاز کیا لیکن ڈیوڈ وارنر سات گیندوں پر 12 رنز بنا کر امیش یادو کی ایک گیند پر آؤٹ ہوگئے۔

    جس کے بعد آرون فنچ اور سٹیو سمتھ وکٹ پر موجود ہیں، آسٹریلیا نے اب تک 12اووروں میں ایک وکٹ کے نقصان پر 64رنز بنا لئے ہیں، سٹیو سمتھ 30، جب کہ آرون فنچ 11 رنز پر کھیل رہے ہیں۔

    مائیکل کلارک کا کہنا تھا کہ وکٹ بیٹنگ کے لئے سازگار ہے اسلئے پہلے بیٹنگ کا فیصلہ کیا، بھارتی کپتان مہندرا سنگھ دھونی کا کہنا تھا کہ ہم بھی ٹاس جیت کر پہلے بیٹنگ کا ہی فیصلہ کرتے لیکن میچ جیتنے کی بھرپور کوشش کریں گے۔

    ان کا کہنا تھا کہ ٹیم میں کوئی تبدیلی نہیں کی گئی ہے اور آخری میچ جیتنے والی ٹیم کو ہی برقرار رکھا گیا ہے۔

     دلچسپ بات یہ کہ آسٹریلیا نے اب تک کرکٹ ورلڈ کپ میں کوئی سیمی فائنل نہیں ہارا، جب کہ بھارت نے تین میں سے دو سیمی فائنل جیتے ہیں، بھارت دفاعی چیمپیئن ہے۔

    یہ میچ جیتنے والی ٹیم 29 مارچ کو ورلڈ کپ فائنل میں میلبرن کرکٹ گراؤنڈ میں نیوزی لینڈ کا مقابلہ کرے گی، جس نے 24 مارچ کو سنسنی خیز مقابلے کے بعد جنوبی افریقہ کو شکست دی تھی۔

  • دوسرا سیمی فائنل : دفاعی چیمپیئن بھارت اور آسٹریلیا کل سڈنی میں مدِمقابل

    دوسرا سیمی فائنل : دفاعی چیمپیئن بھارت اور آسٹریلیا کل سڈنی میں مدِمقابل

    سڈنی: آئی سی سی کرکٹ ورلڈ کپ کا دوسرا سیمی فائنل کون جیتا گا، بھارت یہ پھر آسٹریلیا، یہ فیصلہ کل سڈنی کرکٹ گراؤنڈ میں ہوگا۔

    ورلڈ کپ کی جنگ اپنے آخری مراحل میں داخل ہو گئی، کر کٹ ورلڈ کپ کا دوسرا سیمی فائنل جمعرات کی صبح ساڑھے آٹھ بجے آسٹریلیا اور انڈیا کے درمیان سڈنی کرکٹ گراؤنڈ میں کھیلا جائے گا۔

    ورلڈ کپ کے دوسرے سیمی فائنل میں بولرز کا بلے بازوں سے مقابلہ ہوگا، سڈنی میں اڑیں گی وکٹیں اور لگیں گے رنز کے انبار۔ فوٹیج بھارتی بیٹنگ لائن میں ون ڈے اسپیشلسٹ اور ڈبل سنچری میکر ہیں، محمد شامی نے فاسٹ بولنگ کو سہارا دے رکھا ہے۔

    دوسری جانب آسٹریلیا کے پاس خطرناک پیس اٹیک ہے، جو تیز وکٹوں پر تیزی سے وکٹیں اڑانا جانتے ہیں، ہارڈ ہٹرز بھی  موجود ہیں، جو مارنے پر آئیں تو روکنا مشکل ہوجاتا ہے۔

    ورلڈ کپ میں بھارت اور آسٹریلیا دس میچز میں آمنے سامنے آئے، سات آسٹریلیا نے اور تین بھارت نے جیتے ہیں۔اس بار جو میچ جیتا گا۔

    دوسرے سیمی فائنل کی فاتح ٹیم پہلی بارفائنل میں پہنچنے والی نیوزی لینڈ کی ٹیم سے میلبرن کرکٹ گراؤنڈ میں انتیس مارچ کو مقابلہ کرکے کرکٹ ورلڈ کپ کا تاج اپنے سر پر سجائے گی۔

  • سڈنی ٹیسٹ: بھارت نے تیسرے روز 5 وکٹوں پر 342 رنزبنالئے

    سڈنی ٹیسٹ: بھارت نے تیسرے روز 5 وکٹوں پر 342 رنزبنالئے

    سڈنی: سڈنی ٹیسٹ کے تیسرے روز ویرات کوہلی کی ناقابل شکست سینچری کی بدولت بھارت نے پہلی اننگز میں پانچ وکٹوں پر تین سو بیالیس رنز بنالئے ہیں۔

    سڈنی میں جاری ٹیسٹ کے تیسرے روز بھارت نے پہلی نامکمل اننگز اکہتر رنز ایک کھلاڑی آؤٹ پر دوبارہ شروع کی تو چھیس رنز کے اضافے کے بعد روہت شرماتریپن رنز بناکر پویلین لوٹ گئے۔

    جس کے بعد کپتان ویرات کوہلی نے رکیش راہول کے ساتھ مل کر تیسری وکٹ کے لئے ایک سو اکتالیس رنز کی شراکت قائم کی۔

    رکیش راہول نے ایک سو دس رنز کی ذمہ دارانہ اننگز کھیلی، تیسرے روز کھیل کے اختتام تک بھارت نے پانچ وکٹوں پر تین سو بیالیس رنزبنالئے ہیں اسے آسٹریلیا کی پہلی اننگز کا اسکور برابر کرنے کے لئے مزید دو سو تیس رنز درکار ہیں۔