ARYNews.tv | Urdu – Har Lamha Bakhabar

Tag: India

  • سن 1965 پاک بھارت جنگ: پاکستان معیشت دان کے بیان نے ہلچل مچادی

    سن 1965 پاک بھارت جنگ: پاکستان معیشت دان کے بیان نے ہلچل مچادی

    سن 1965 کی جنگ کے بچاس برس مکمل ہونے جہاں پورا ملک پاک فوج کی بہادری تعریف کرتی نظر آرہی ہے وہیں ایک  پاکستانی معیشت دان اکبر زیدی کے بیان نے ہلچل مچادی ہے ۔

    اکبر زیدی کا شمار مشہور معیشت دان اور سیاسی ماہر میں ہوتا ہے انہیں کیمبرج یونیورسٹی کی جانب سے ڈاکٹریٹ کی ڈگری سے نوازا گیا جبکہ لندن اسکول آف اکنومکس اور پولیٹیکل سائنس  کی جانب سے بھی انہیں اضافی ڈگری سے نوازا جا چکا ہے۔

    سن 1965  کی پاک بھارت جنگ کے حوالے سے ڈان پر چھپنے والے اکبرزیدی کے بیان نے سوشل میڈیا پر تنازعہ کھڑا کردیا۔

    جامعہ کراچی میں لیکچر کے دوران ڈاکٹر اکبر زیدی نے کہا کہ پاکستانی نصاب میں شامل بیشتر تاریخ سچائی کے مترادف ہے،جس میں 1965 کے پاک بھارت کی جنگ کی مثال اہم ہے جہاں پاکستان کو شکست ہوئی تھی۔

    اس بیان کے بعد سوشل میڈیا پر اس سے اتفاق نہ کرنے والوں کی بحث چھڑ گئی جس کے بعد اکبر زیدی اور اس خبر کو شائع کرنے والے ادرے کے خلاف بیان بازی شروع ہوگئی۔

    اس بحث پر پوسٹ ہونے والی ٹویٹس میں سے کچھ مندرجہ ذیل ہیں۔

  • زمین کے تنازعے پربھارت میں دلت خاتون کو برہنہ کردیا گیا

    زمین کے تنازعے پربھارت میں دلت خاتون کو برہنہ کردیا گیا

    نئی دہلی: بھارتی ضلع چترا پورمیں ایک جوڑے نے دلت ذات کی ایک خاتون کومبینہ طورپربرہنہ کرکے انسانی غلاظت پینے پرمجبورکیا گیا۔

    تفصیلات کے مطابق متاثرہ خاتون نے اپنی ہی ذات کے چند افراد کے ساتھ مل کرچتراپور کے ایڈیشنل سپرٹنڈنٹ پولیس نیرج پانڈے سے مل کر شکایت درج کرائی کہ مقامی پولیس اسٹیشن اس معاملے پر کوئی ایکشن نہیں لے رہا۔

    بھارتی میڈیا ذرائع کے مطابق یہ واقعہ 24 اگست کو مدوارا گاوٗں میں ناوگونگ تھانے کی حدود میں پیش آیا تھا۔

    مذکورہ تھانے کی پولیس نے شکایت کے بعد وجے یادو اوراس کی بیوی وملا یادو کے خلاف مقدمہ درج کرلیا ہے۔

    متاثرہ خاتون نے پولیس کے سامنے موقف اختیار کیا کہ اسے چند ماہ قبل حکومت کی جانب سے ایک زمین کے ٹکڑے کا پروانہ دیا گیا جو اس سے قبل وجے یادو کی ملکیت تھی اسی سبب وجے یادو اسے ہراساں کررہا تھا۔

    خاتون کے مطابق 24 اگست کو یادو نے اس کی فصلوں میں اپنے جانور چھوڑ کر فصل کو نقصان پہنچایا اور جب وہ شکایت کرنے یادو کے گھر گئی تو یادو کی بیوی وملا نے اسے لاٹھی سے تشدد کا نشانہ بنانا شروع کردیا۔

    دریں اثناء یادو بھی آگیا جس نے خاتون کو بزور قوت برہنہ کیا اور اپنا پیشاب پینے پر مجبور کیا اور جان سے مارنے کی دھمکیاں دیں۔

    سپرنٹنڈنٹ آف پولیس للیت شکیاور کا اس معاملے پر کہنا ہے کہ انہوں نے متاثرہ خاتون کی داد رسی کے لئے پولیس کو خصوصی ہدایات جاری کردیں ہیں۔

  • کولمبوٹیسٹ میں 386 رنز کا ہدف ،سری لنکا مشکلات کا شکار

    کولمبوٹیسٹ میں 386 رنز کا ہدف ،سری لنکا مشکلات کا شکار

    کولمبو ٹیسٹ کے چوتھے روز سری لنکا مشکلات کا شکار، بھارت کے تین سو چھیاسی رنز کے تعاقب میں میزبان ٹیم کے تین کھلاڑی آؤٹ ہوگئے۔

    تیسرے اور آخری ٹیسٹ کےچوتھے روز بھارت نے دوسری نامکمل اننگزتین کھلاڑی اکیس رنز پر شروع کی تو چونسٹھ کے مجموعی اسکور پر بھارت کوکوہلی کی وکٹ سے نقصان اٹھانا پڑا، تھمیکا پرساد اور نوان پرادیپ نے چار چار کھلاڑیوں کو آؤٹ کیا۔

    روہت شرمااور ایشون کی نصف سنچریوں کی بدولت بھارت دوسری اننگز میں دو سو چوہتر رنزبناکر آؤٹ ہوگئی اور سری لنکا کو جیت کیلئے تین سو چھیاسی رنز کا ہدف دیا۔

     ہدف کے تعاقب میں میزبان ٹیم کا آغاز مایوس کن رہا، تھرمانے اور کرونارتنے کھاتہ کھولے بغیر ہی پویلین لوٹ گئے،کھیل کے اختتام پر سری لنکا نے تین وکٹ پر سرسٹھ رنز بنالئے۔

  • چھ ستمبر کو بھارتی فوج کی بزدلی کے ثبوت کی تصاویر جاری

    چھ ستمبر کو بھارتی فوج کی بزدلی کے ثبوت کی تصاویر جاری

    راولپنڈی : پاک فوج کے شعبہ تعلقات عامہ آئی ایس پی آرنے انیس سو پینسٹھ کی جنگ میں بھارتی سورمائوں کی بزدلی اور ہتھیار چھوڑکر بھاگنےکی تصاویرجاری کردیں۔

    تفصیلات کے مطابق چھ ستمبر انیس سو پینسٹھ کی جنگ اور بھارتی فوجیوں کی بز دلی اورجان بچا کر بھاگنےکے حوالے سے آئی ایس پی آر نے تصاویرجاری کردیں۔

    تصاویرمیں بھارتی سورماؤں کو ہتھیار چھوڑکر بھاگتے ہوئے دیکھا جاسکتا ہے۔ پاک افواج کے دلیر جوانوں نے کئی گنا بڑے دشمن کے دانت کھٹے کر دیئے اور دنیا پر اپنی دھاک بٹھا دی۔

    جنگ میں عوام نے بھی جذبہ شہادت سے سرشار ہوکر پاک افواج کا بھرپور ساتھ دیا اور دشمن کو منہ کی کھانا پڑی، سترہ روز جاری رہنے والی اس جنگ نے قوم کے حوصلوں کو بلند کر دیا۔

    اسی حوالے سے آئی ایس پی آر نے ان قیمتی لمحات کو تصاویر میں بدل کر پیش کیا ہے، جس میں دیکھا جا سکتا ہے کہ کس طرح پاک فوج کے دلیر جوان دشمن کے ٹینکوں اور گولہ بارود کو اپنے قبضے میں لے کر اسے بے بس کررہے ہیں۔

    اس موقع پر پاکستانی قوم ملی جذبے سے سرشار ہوکر ملک کی حفاظت کیلئے سیسہ پلائی دیوار بن گئی تھی۔

  • بھارت ، پاکستان کے ساتھ کرکٹ نہیں کھیلے گا، سکریٹری بی سی سی آئی

    بھارت ، پاکستان کے ساتھ کرکٹ نہیں کھیلے گا، سکریٹری بی سی سی آئی

    نئی دہلی: بھارتی کرکٹ بورڈ کے سکریٹری انوراگ ٹھاکر نے کہا کہ اگر پاکستان داؤد ابراہیم کو پناہ دیتا ہے اور حریت رہنماؤں کے ساتھ بات چیت جاری رکھتا ہے تو دونوں ملکوں کے مابین کرکٹ روابط بحال نہیں ہوں گے۔

    انوراگ ٹھاکر نے ٹوئٹر پر ایک ٹوئٹ میں کہا کہ داؤد کراچی میں ہے، قومی سلامتی کے مشیر یہاں علیحدگی پسندوں سے ملاقات کرنا چاہتے ہیں، کیا آپ امن کے لئے سنجیدہ ہیں؟ آپ توقع کرتے ہیں کہ ہم آپ کے ساتھ کرکٹ کھیلیں گے۔

    بی سی سی آئی کا دسمبر میں متحدہ عرب امارات میں پاکستان کے ساتھ ایک سیریز کھیلنے کا پروگرام تھا، تاہم بی جے پی کے رکن پارلیمان نے پڑوسی ملک کو نشانہ بناتے ہوئے کہا کہ جب تک سرحد پار سے دہشتگردی بند نہیں ہوتی ، کرکٹ روابط بحال نہیں ہوں گے۔

  • پاکستان آج رات مذاکرات سے متعلق فیصلہ کرلے، سشما سراج

    پاکستان آج رات مذاکرات سے متعلق فیصلہ کرلے، سشما سراج

    ممبئی: بھارت آخرکار مان ہی گیا کہ مسئلہ کشمر جامع مذاکرات کا حصہ ہے، مگر بھارتی وزیر خارجہ کا کہنا ہے کہ پاکستان کو مذاکرات کرنے ہیں تو دہشت گردی پر ہی بات ہوگی ۔

    میڈیا بریفنگ دیتے ہوئے بھارتی وزیر خارجہ سشما سوراج کا کہنا تھا کہ پاک بھارت مذاکرات کا آغاز 1998ءمیں ہواتھا لیکن ممبئی حملوں کے بعد جامع مذاکرات کا نام مذاکرات کی بحالی رکھاگیااور طے شدہ جامع مذاکرات میں کشمیرکا مسئلہ بھی شامل تھا۔

    سشما سوراج نے کہا کہ پاکستان بھارت میں مذاکرات صرف دہشتگردی کے مسئلے پر ہوں گے، بھارت نےکشمیری رہنماوں کو تیسرا فریق تسلیم کرنے سے بھی انکار کردیا۔

    بھارتی وزیر خارجہ کا کہنا تھابات چیت کا مقصد صرف مذاکرات کا ماحول بنانا ہے سرتاج عزیز بھارت آئیں تو اُمید بن جائے گی، سشما سوراج نے مطالبہ کیا کہ پاکستان آج رات تک فیصلہ کرلے  کہ اُس نے مذاکرات کرنے ہیں یا نہیں ۔

    بھارت کی ہٹ دھرمی اب بھی برقرار ہے، بھارت نے مسئلہ کشمیر کو جامع مذاکرات کا حصہ تسلیم کیا مگر اس پر بات کرنے کو تیار نہیں ہے۔

    دوسری جانب قومی سلامتی خارجہ امور کے مشیرسرتاج عزیز کا کہنا تھا کہ مسئلہ کشمیر کو شامل کیے بغیر بھارت سے مذاکرارت ممکن نہیں کسی پیشگی شرط کے بغیر بھارت جانے کیلئے تیار ہوں ،پاکستان بھارت سے غیر مشروط مذاکرات چاہتا ہے، حریت رہنماؤں کی گرفتاری اور نظر بندی پر تشویش ہے،عالمی برادری بھارت کے رویے کا نوٹس لے۔سرکاری سطح پر پاکستان اور بھارت کے مذاکرات منسوخ نہیں ہوئے،بھارت سے مذاکرات کیلئے پاکستان نے کبھی شرط نہیں رکھی ۔

    Sartaj Aziz

    سرتاج عزیز نے کہا کہ کشمیر ایجنڈے میں شامل ہے تو حریت رہنماؤں کی شمولیت کیوں نہیں۔بھارت نے دو ماہ میں سو سے زائد مرتبہ ایل او سی پر ورکنگ بانڈری کی خلاف ورزی کی ہے،بھارت اپنی شرائط پر پاکستان سے مذاکرات کرنا چاہتا ہے،انہوں نے کہا کہ بھارت کی خفیہ ایجنسی را کے پاکستان میں دہشت گردی کاروائیوں کے ثبوت موجود ہیں۔

    سرتاج عزیز نے کہا کہ پوری قوم تحریک آزادی کشمیر کی حمایت کرتی ہے، بھارت جانے پر کشمیری رہنماؤں سے ملاقات بیس سال پرانی روایت ہے،خطے میں امن بھارت اور پاکستان کی مشترکہ ذمہ داری ہے۔مذاکرات میں بھارتی مداخلت کے ثبوت حوالے کرنا چاہتے تھے، بھارت سے تمام معاملات مذاکرات سے حل کرنا چاہتے ہیں۔

    انہوں نے کہا کہ پاکستان مسائل بات چیت سے حل کرنے کا خواہاں ہے،بھارت مسئلہ کشمیر کو حل نہیں کرنا چاہتا ہے۔انہوں نے کہا کہ مذاکرات منسوخ کیے جانے کے خدشات افسوسناک ہیں، بھارت کو اوفا معاہدے کی پاسداری کرنی چاہئے۔

  • بھارت نے پاکستان سے مذاکرات منسوخ کردیئے

    بھارت نے پاکستان سے مذاکرات منسوخ کردیئے

    اسلام آباد:  بھارت نے مسئلہ کشمیر پر پاکستان کے دو ٹوک موقف کو دیکھتے ہوئے پاک بھارت قومی سلامتی مشیروں کے مذاکرات منسوخ کر دیئے ہیں، بھارتی حکومت کے پیغام کا متن اے آروائی نیوزنے حاصل کرلیا۔

    تفصیلات کے مطابق بھارت نے قومی سلامتی مشیروں کے مذاکرات منسوخ کیے، اسلام آباد میں بھارت کے ڈپٹی ہائی کمشنر نے پاکستان کے ڈی جی ساؤتھ ایشیافارن افیئرز سے ملاقات کی اور پاکستان کو مذاکرات کی منسوخی سےآگاہ کیا۔

    بھارتی حکومت کے پیغام کا متن اے آروائی نیوزنے نشر کر دیا، بھارت نے کشمیری رہنماؤں سے مجوزہ ملاقات پر بہانہ بنایا، بھارت نے پاکستان کو بتایا حریت رہنماؤں سے ملاقات کی بنیاد پر بات آگے نہیں بڑھ سکتی، بھارت نے اپنے جواب میں یہ الزام بھی لگایا پاکستانی شرائط پر مذاکرات نہیں ہوسکتے۔

    بھارت دفتر خارجہ نے پاکستان کو بتایا ہے کہ کشمیر ی قیادت سے پاکستان کے مشیر خارجہ امور اور قومی سلامتی سرتاج عزیز سے ملاقات اسے قبول نہیں ، اس لئے مذکرات کی میز کو خالی سمجھیں ۔

    اس سے قبل بھی بھارت سیکریٹری کارجہ کی سطح پرہونے والے مذاکرات کوعین وقت پر منسوخ کر چکا ہے ، جبکہ پاکستان نے ہمیشہ بھار ت کے ساتھ بامقصد مذاکرات کی کوشش کی ہے ، وزیر اعظم نواز شریف کی جانب سے روس میں بھاری وزیر اعظم نریند مودی کو دورہ پاکستان کی دعوت دینے کا مقصد بھی دونوں ملکوں کے درمیان رکے ہوئے مذاکرات کی بحالی تھا اور وزیر اعظم نے اس کے لئے اچھا ماحول پیدا کرنے کی کوشش تھی۔

    کشمیری رہنما شیبر شاہ دہلی ایئر پورٹ سے گرفتار

    وزیراعظم کے مشیر سلامتی سرتاج عزیز سے ملاقات کے لیے نئی دہلی پہچنے والے کشمیری رہنما شیبر شاہ کو ایئر پورٹ پر حراست میں لے لیا گیا ہے۔

    بھارتی کے سرکاری ذرائع ابلاغ کا کہنا ہے کہ کشمیری رہنما شبیر شاہ کو حراست میں لینے کے بعد نامعلوم مقام پر منتقل کیا گیا ہے، وہ پاکستانی ہائی کمیشن کی دعوت پر پاکستان کے قومی سلامتی کے مشیر سرتاج عزیز کے استقبالیہ میں شرکت کے لیے سری نگر سے نئی دہلی آئے تھے۔

    پاکستان دفترِ خارجہ نے بھارت کی جانب سے مذاکرات کی منسوخی کو افسوس ناک قرار دیدیا

    دفتر خارجہ نے بھارت کی جانب سے مذاکرات مسنوخ کرنے کی تصدیق کر دی ہے۔ بھارتی اقدام پر پاکستان نے بھارتی ہائی کمشنر ٹی سے اے راگھون کو دفتر خارجہ طلب کیا۔ پاکستان نے اپنے رد عمل کا مراسلہ بھارتی ہائی کمشنر کے حوالے کیا۔

    پاکستان نےبھارت کی جانب سے مذاکرات کی منسوخی کو افسوس ناک قرار دیا ہے ،دفتر خارجہ نے اپنے ردِعمل میں کہا ہے کہ حریت کانفرنس کی قیادت ہی کشمیر کی حقیقی قیادت ہے۔

    تفصیلات کے مطابق دفتر خارجہ نے پاک بھارت قومی سلامتی مذاکرات کی منسوخی پر افسوس کا اظہار کیا ہے ، بھارتی دفترخارجہ کے بیان سے بہت مایوسی ہوئی، ترجمان کا کہنا تھا کہ قومی سلامتی کے مشیروں کی ملاقات سے پہلے شرائط رکھنا افسوسناک ہے،مسائل مذاکرات کے ذریعے ہی حل کئے جاسکتے ہیں اور پاکستان نے ہمیشہ بھارت کے ساتھ بامقصد اور معنی خیز مذاکرات کی بات کی ہے ۔

    انکا کہنا تھا کہ دونوں ممالک میں سنجیدہ مذاکرات وقت کی ضرورت تھی،اورپاکستان نے نہ تو مذاکرات کےلئےکوئی شرط رکھی اور نہ ہی کسی مفاہمت اور معاہدوں سےانکار کیا، پاکستان نے قومی سلامتی کے مشیروں کے مذاکرات کیلئے جامع ایجنڈاتجویز کیا تھا ،ترجمان کے مطابق پاکستان کی کشمیری حریت رہنماؤں کودعوت ماضی کی روایت کا حصہ تھی، کیوں کہ حریت رہنما کشمیر کے حقیقی رہنما ہیں۔

    بھارت کی پاکستان کو مذاکرات ختم کرنے کی دھمکی

    بھارت نے ایک بارپھرروایتی ہٹ دھرمی کا مظاہرہ کرتے ہوئے پاکستان کودھمکی دی ہے کہ اگرسرتاج عزیز نے حریت رہنماؤں سے ملاقات کی تو مذاکرات روک دئیے جائیں گے۔

    پاکستانی ہائی کمیشن نے تئیس اگست کو مشیرامور خارجہ سرتاج عزیز سے ملاقات کے لئے حریت رہنماؤں کو استقبالیے میں مدعو کیا، جس پر بھارتی میڈیا اور حکومت آگ بگولہ ہوگئے، پہلے تو بھارت سرکار نے حریت رہنماؤں کو نظر بند کیا اور پھر پاکستان کو دھمکیاں دینا شروع کردیں۔

    بھارتی وزارت خارجہ کے ترجمان وکاس سوروپ نے بیان دیا کہ پاکستان حریت رہنماؤں سے ملاقات سے باز رہے ورنہ مذاکرات نہیں کریں گے، مذاکرات سے متعلق تمام آپشنز کھلے ہیں۔ حریت رہنماؤں سے سرتاج عزیز کی ملاقات سے دہشتگردی کیخلاف مشترکہ کوششوں کونقصان پہنچے گا۔

  • بھارت کی جانب سے جنگ بندی کی خلاف ورزی پر پاکستان کا احتجاج

    بھارت کی جانب سے جنگ بندی کی خلاف ورزی پر پاکستان کا احتجاج

    اسلام آباد : پاکستان نے بھارت کی جانب سےہرپال سیکٹرمیں جنگ بندی کی خلاف ورزی پرشدید احتجاج کیا ہے۔

    ترجمان دفترخارجہ کے مطابق پاکستان نےبھارتی ڈپٹی ہائی کمشنرکوطلب کرکے ہرپال سیکٹرمیں بلااشتعال فائرنگ پرشدیداحتجاج کیا۔

    بھارت کی طرف سے حالیہ بلااشتعال فائرنگ سے ایک اورشہری محمدشریف شہیدجبکہ چارزخمی ہوگئے۔ بھارت کی جانب سے جنڈروٹ ،نکیال اورکیریلا سیکٹرمیں بھی بلااشتعال فائرنگ کی گئی۔

    بھارتی ڈپٹی ہائی کمشنر سے ایل اوسی اورورکنگ بائونڈری پربھارتی فوج کی جانب سے بلااشتعال فائرنگ پرپاکستان کی جانب سے گہری تشویش ظاہرکی گئی ۔

    پاکستان نے بھارت پرزوردیا ہے کہ وہ دوہزارتین جنگ بندی کی یادداشت پرعمل درآمد کرتے ہوئے خلاف ورزیوں کاسلسلہ بند کردے۔

  • بھارت: 2بھائیوں نے غیرت کے نام پر بہن کا سر کاٹ دیا

    بھارت: 2بھائیوں نے غیرت کے نام پر بہن کا سر کاٹ دیا

    بھارت : غیرت کے نام پر دو بھائیوں نے اپنی بہن کا سر کاٹ کر اور اس کٹے سر کے ساتھ گاؤں میں پریڈ کی۔

    بھارت کے ایک گاؤں میں دو بھائیوں نے درندگی کی انتہا کردی، جب شاہجہاں پور میں  دو بھائیوں نے اپنی ہی بہن کا سر کاٹ دیا اور صرف اتنا ہی نہیں اس کٹے سر کو لے کر پورے گاؤں میں پھیرے۔

    پچیس سالہ گل حسن  اور 20 سالہ ننھے نے اپنی بہن کو کزن کے ساتھ چکر پر قتل کردیا اور گاؤں سے روپوش ہوگئے، دونوں بھائی اس وقت غصہ میں آگئے، جب انھوں نے اپنی بہن پھول جہاں کو اسکے پریمی کے گھر دیکھا، دونوں بھائیوں نے اپنی بہن کو گاؤں میں سرِعام گھسیٹتے ہوئے مارا اور چھریوں سر وار کرتے ہوئے سر کاٹ دیا۔

    پولیس کے مطابق دونوں بھائی ایک گھنٹے تک اپنی بہن کا کٹا سر جس سے خون ٹپک رہا تھا لے کر گاؤں میں پھیرے، گاؤں والوں کے مطابق دونوں بھائی چلا چلا کر کہہ رہے تھے کہ

    یہ ان تمام لڑکیوں کیلئے سبق ہے، جن کا کوئی بھی تعلق ہو اور ہم اپنی بیٹیوں اور بہنوں کو اجازت نہیں دیں گے کہ وہ اس طرح کے تعلقات قائم کریں۔

    پراور پولیس اسٹیشن کے افسر راجیش سنگھ کے مطابق لڑکی کا اپنے کزن کے ساتھ تعلقات تھے، اوراس واقعے کی تفصیلات میں انکشاف کیا کہ اس لڑکی کا اپنے بھائیوں کے ساتھ اتوار کی شام اس وقت جھگڑا ہوا، جب اس کے بھائیوں نے تعلقات ختم کرنے کی بات کی اور لڑکی نے انکار کردیا،اور گھر چھوڑ کر اپنے پریمہ کے گھر چلی گئی۔

    سنگھ نے بتایا دونوں ملزمان نے  اپنی بہن کو واپس لانے کی کوشش کی لیکن اس  لڑکی نے  جانے سے انکار کردیا، جس کے بعد دونوں ملزمان پیر کی شام کزن کے گھر گئے اور اپنی بہن کو گھسیٹ کر باہر نکالا اور بہت مارا پیٹا، مقامی لوگوں میں سے کسی نے مداخلت نہیں کی اور سرِ عام چھریوں سے وار کرکے سر کاٹ دیا۔

    جس کے بعد دونوں ملزمان نے لڑکی کا کٹا سر اٹھا کر گھر کی جانب چلنا شروع کردیا اور لوگوں سے کہا کہ پولیس اسٹیشن جارہے لیکن وہ پولیس اسٹیشن نہیں پہنچے۔

  • گالی دینے کے الزام میں ’’طوطے ‘‘ پر مقدمہ

    گالی دینے کے الزام میں ’’طوطے ‘‘ پر مقدمہ

    ممبئی: بھارت میں پولیس اہلکاروں نے ایک طوطے کو ایک بزرگ خاتون کو گالیاں دینے کے الزام میں پیش ہونے کا حکم دیا اور پھر یہ جاننے کے لیے اس کا معائنہ کیا گیا کہ آیا وہ برے طرز عمل کا مرتکب ہوا ہے یا نہیں۔

    بین الاقوامی نیوز ایجنسی کے مطابق بھارتی دارالحکومت نئی دہلی سے پولیس کے ایک اہلکار کے حوالے سے بتایا ہے کہ یہ واقعہ مغربی بھارتی ریاست مہاراشٹر کے ایک گاوں میں پیش آیا، جہاں ایک پچھتر سالہ خاتون ’جانابائی ساکھارکر‘ نے پیر 17 اگست کو پولیس میں ایک شکایت درج کروائی۔

    اس بزرگ خاتون نے الزام لگایا کہ اس کے پڑوسی نے پنجرے میں رکھے ہوئے اپنے طوطے ’ہریل‘ کو گالیاں سکھا رکھی ہیں اور جب کبھی بھی وہ اس کے گھر کے پاس سے گزرتی ہے، طوطا اسے گالیاں دینے لگتا ہے۔ اس رپورٹ میں بتایا گیا ہے کہ اس خاتون کا جائیداد کے معاملے پر اپنے سوتیلے بیٹے کے ساتھ کوئی تنازعہ چل رہا ہے۔

     خاتون کا الزام تھا کہ اس کا یہ بیٹا بھی ہمسائے کے ساتھ ملا ہوا ہے۔ مقامی پولیس چیف پی ایس ڈونگرے کے مطابق اس شکایت پر پولیس نے تینوں کو، جن میں بیٹے اور ہمسائے کے ساتھ ساتھ طوطا بھی شامل تھا، پولیس سٹیشن میں طلب کر لیا، تاہم پولیس کے اتنے سارے سپاہیوں کو دیکھ کر طوطا غالباً گھبرا گیا اور اس وقت اس کی زبان پر جیسے تالا پڑ گیا، جب اس کا شکایت کنندہ بزرگ خاتون سے سامنا کروایا گیا۔

     پولیس چیف ڈونگے کے مطابق ’جب طوطے کا پنجرہ خاتون کے قریب لایا گیا تو اس خاتون نے بار بار اپنا نام اس کے سامنے دہرایا لیکن مجال ہے کہ طوطا ایک لفظ بھی بولا ہو: ”ہم بہت غور سے اس سارے منظر کا جائزہ لے رہے تھے۔“ ڈونگرے کے مطابق بعد ازاں یہ طوطا محکمہ جنگلات کے سپرد کر دیا گیا تاکہ اسے جنگل میں لے جا کر آزاد کر دیا جائے۔