سینیٹر رحمان ملک کا کہنا ہےکہ کشمیریوں سے اظہار یکجہتی کےلئےبلاول بھٹو لندن گئے،ان کا کہنا تھا کہ بلاول کی تقریر بھارتی انتہا پسندوں نے روکنے کی کوشش کی ہے۔
رحمان ملک کا کہنا تھا جب اسکاٹ لینڈ کے لئے ریفرنڈم ہوسکتاہے تو کشمیریوں کے لئے کیوں نہیں ہوسکتا،رحمان ملک نے کہا کہ کیا وجہ ہے ساری دنیا اقوام متحدہ کی طرف دیکھتی ہے،رحمان ملک نے انکشاف کیا کہ ایک پارٹی کے لوگوں نے بلاول کی تقریر روکنےکی کوشش کی۔
آندھرا پردیش: خلیج بنگال سے اٹھنے والا سمندری طوفان ہدہد بھارت کے شمالی ساحلوں سے ٹکرا گیا۔ جس سے شدید نقصان ہوا ہے۔ آندھرا پردیش میں متعدد افراد ہلاک ہو گئے۔
بھارت کے محکمہ موسمیات کے مطابق طوفان بڑی تباہی پھیلا سکتا ہے۔ کئی گھنٹوں تک طوفان زمین پر اثر دکھاتا رہے گا۔ طوفان ہد ہد میں دو سو کلومیٹر زائد رفتار سےطوفانی ہوائیں چلتی رہیں۔
ساتھ بارش بھی ہوتی رہی، آندھراپردیش اور اڑیسہ میں سیکڑوں درخت جڑ سے اکھڑ گئے۔ اور بجلی کا نظام تہنس نہس ہو گیا۔ خدشہ ہے کہ طوفان سے اونچی لہریں اٹھیں گی اور نچلے علاقے سیلاب کی زد میں آ جائیں گے۔
دونوں ریاستوں کے تین لاکھ افراد کو محفوظ مقامات پر پہنچادیا گیا اور مزید تین لاکھ لوگوں کو انخلاء کی ہدایات کی گئی ہیں۔ انیس سو ننانوے میں اُڑیسہ میں آنے والے سُپر سائیکلون سے دس ہزار سے زائد افراد ہلاک ہوئے تھے۔
اسلام آباد: عسکری ذرائع نے خدشہ ظاہر کیاہےایل اوسی اور ورکنگ باؤنڈری پر جاری جھڑپیں کسی بڑی لڑائی کا پیش خیمہ بن سکتی ہے،دشمن کو بھرپور جواب دیاجا ئے گا۔
مودی کے برسراقتدار آتے ہی بھارت کی جانب سے کشمیر پر طےشدہ مذاکرات سے انکاراورلائن آف کنٹرول اور ورکنگ باؤنڈری پر بلااشتعال جارحیت پاکستان کو دباؤ میں لینے کی کوشش ہے۔
عسکری ذرائع کا کہنا ہے کہ بھارت امریکہ کا حلیف ہے یہی وجہ ہے کہ افغان جنگ کے دوران بھارت نے ایل اوسی اور ورکنگ باؤنڈری پر جارحیت سے گریزکیا۔
شمالی وزیرستان آپریشن اورافغانستان سے امریکی واپسی کے دوران سرحدی کشیدگی کا مقصد بھارت کا افغانستان میں اپنا کردار مزید بڑھانا ہے۔ لیکن بھارت نواز کرزئی حکومت کے برعکس اب اسے رکاوٹوں کا سامنا ہے۔
اسی لئے وہ جھنجھلاہٹ کاشکار ہے ۔بھارتی ہٹ دھرمی نے خوشگوار مراسم اور کاروبار بڑھانے کی خواہش مند نوازشریف حکومت کو بھی اپنے مؤقف پرنظرثانی پرمجبورکردیاہے۔
کراچی: پاکستان پیپلزپارٹی کی مرکزی ویب سائٹ ہیک کرلی گئی،انڈین ہیکرز آن لائن اسکواڈ نے ویب سائٹ پر بھارتی پرچم لگا دیا,بھارتی ہیکرز کا کہنا ہے کہ ان کا یہ اقدام بلاول بھٹو کے بیان کا رد عمل ہے۔
بھارتی ہیکرز نے پیپلزپارٹی کی مرکزی ویب سائٹ پر بھارتی ترنگے کے علاوہ اپنے کمنٹس بھی دیئے ہیں، علاوہ ازیں پیپلزپارٹی کے رہنماءاویس مظفر نے بھارتی ہیکرز کی اس حرکت پر اپنے ردعمل کا اظہار کرتے ہوئے کہا ہے کہ بلاول بھٹوکی2ٹوئٹس نےبھارتیوں کی نیندیں اڑادیں ہیں۔
انہوں نے کہا کہ بھارت سمجھ لے،کشمیرہمارااٹوٹ انگ ہے۔
بھارتی فورسز نے سیالکوٹ کے چارواہ اور ہڑپال سمیت سرحدی علاقوں میں شہریوں پر گولے برسائے، جس کے نتیجےمیں کئی شہری جان سے گئےاور متعدد زخمی ہوئے۔
پاکستان نے بھارت کی جانب سے جنگ بندی کی خلاف ورزی پرشدید تشویش کا اظہار کرتے ہوئے اقوام متحدہ کے فوجی مبصر کے سامنےاحتجاج کیا، مشیرخارجہ سرتاج عزیز کا کہنا تھا کہ بھارت سات روز سے ایل اوسی اور سرحد سے متصل آبادیوں پر فائرنگ کررہا ہے۔
ایل او سی پر تعینات سیکٹرکمانڈر نے کہا کہ کوئی بھی خوشی کا تہوار ہو بھارت جارحیت سے باز نہیں آتا، بھارت نے رواں برس سیز فائر کی اکتیس مرتبہ خلاف ورزی کی اور کئی آبادیوں کونشانہ بنایا۔
اقوام متحدہ میں پاکستان کےمستقل مندوب مسعود خان نے مطالبہ کیا کہ بھارت کوبلااشتعال فائرنگ سے روکا جائے، انہوں نے یہ بھی بتایا کہ پاکستان فائرنگ سے متاثرہ افراد کی اقوام متحدہ کے مبصرین سے ملاقات بھی کرائے گا۔
سیالکوٹ :لائن آف کنٹرول پرکوٹلی سیکٹرکےقریب بھارتی فوج کی بلااشتعال فائرنگ کی، پاک فوج نے بھرپور جوابی کارروائی کر کے بھارتی بندوقیں خاموش کرادیں۔
آئی ایس پی آر کے مطابق بھارتی فوج کی بلااشتعال فائرنگ کاسلسلہ چار روزسےجاری ہے۔ بھارتی فوج نے آج لائن آف کنٹرول پرکوٹلی سیکٹر کےقریب بھارتی فوج کی بلااشتعال فائرنگ کی۔
پاک فوج نے بھرپور جوابی کارروائی کرتے ہوئے بھارتی بندوقیں خاموش کرادیں۔ دوروز قبل بھارتی فوج نے باغ کے قریب بیدوری سیکٹر میں فائرنگ کی تھی۔
پاک فوج نے بھارتی فائرنگ کا موثر طور پر جواب دیا اوربھارتی گنیں خاموش ہوگئیں۔ واقعے میں کوئی جانی نقصان نہیں ہواتھا۔
نیویارک: بھارتی وزیرِاعظم نریندر مودی کی امریکی صدرسےملاقات کے دوران وائٹ ہاؤس کے باہر کشمیری برادری نےبھارتی حکومت کے خلاف احتجاجی مظاہرہ کیا۔
امریکی صدر کے جانب سے نریندر موددی کےاعزازمیں دیئےگئےعشائیہ کے موقع پرکشمیری برادی نے مقبوضہ جموں کشمیر میں جاری بھارتی بربریت اورغاصبانہ قبضے کے خلاف واشنگٹن میں احتجاجی مظاہرہ کیا۔ مظاہرین نے اس موقع پر’’لے کر رہیں گے آزادی کے نعرے لگائے‘‘۔
دونوں رہنماؤں کی ملاقات کے موقع پروائٹ ہاؤس کے باہرموجودبھارتی شہریوں نے بھی کشمیریوں کے خلاف نعرے بازی کی اوردونوں فریق آمنے سامنے آگئے۔ نعرے تو لگتے رہے لیکن پولیس اہلکاروں نےصورتحال کوقابو سے باہر نہ ہونے دیا۔
ممبئی : سُروں کی ملکہ لتامنگیشکرنے آج اپنی زندگی کی پچاسی ویں بہاردیکھ رہی ہیں۔ اپنی مدھر آواز سے کانوں میں رس گھولتی عہد ساز گلوکارہ لتا منگیشکر آج اپنی پچاسی ویں سالگرہ منارہی ہیں۔
اٹھائیس ستمبرانیس سو انتیس کو بھارت میں پیدا ہونے والی اس گلوکارہ نے گزشتہ سات دہائیوں سے اپنے چاہنے والوں کواپنی آوازکے سحرمیں جکڑرکھا ہے۔ عہدسازگلوکارہ لتامنگیشکرنے تیرہ برس میں اپنے کیریئرکاآغازکیا جوپچاس ہزارگانوں کاریکارڈ بنانے کے بعد بھی کامیابی سےجاری ہے۔
لتا جی بھارت کی دوسری گلوکارہ ہیں، جنہیں سب سے بڑے سویلین اعزاز رتنا ایوارڈ سے نوازا گیا۔ سب سے زیادہ گانے گانے کے لئے لتا کا نام گنیزبک آف ورلڈریکارڈمیں بھی شامل ہے۔
لتا کے کئی پُرانےگانےآج بھی بے حدمقبول ہیں۔ لتامنگیشکر کی مقبولیت پچھلی تین نسلوں سے لے کرآج تک کم نہیں ہوسکی۔ لتاکی جادوبھری آوازسے اُن کی عمرکااندازہ نہیں لگایا جاسکتا۔
نیویارک: بھارت کے وزیر اعظم نریندر مودی نے کہا ہے کہ مسئلہ کشمیر دو طرفہ معاملہ ہے، اس معاملے پر پاکستان ہم سے براہ راست بات چیت کرے تاہم اقوامِ متحدہ مسئلہ کشمیر پربحث کرنے کا مناسب فورم نہیں اورنہ ہی کوئی متنازع معاملہ یہاں اٹھایا جانا چاہئے۔
اقوام متحدہ کی جنرل اسمبلی کے سالانہ اجلاس سے خطاب میں انہوں نے کہا کہ کسی بھی ملک کی قسمت اس کے ہمسایوں سے جڑی ہوتی ہے،پاکستان کے ساتھ پرامن باہمی مذاکرات پرتیار ہیں، ایک ایسا پر امن ماحول جس پردہشت گردی کے سائے نہ ہوں لیکن خطے پر دہشت گردی کے بادل منڈلا رہے ہیں اور پاکستان کو پرامن اورسازگار ماحول پیدا کرنے کے لئے ذمہ داری لینا ہو گی۔
بھارت نے ہمیشہ پاکستان کی طرف دوستی کا ہاتھ بڑھایا ہے، ہماری حکومت آئی تو ہم بھی نے ان کوششوں کو جاری رکھا لہذاٰ جب کشمیرمیں سیلاب آیا تو ہم نے پاکستان کوامداد کی پیشکش کرکے اس کا عملی ثبوت بھی دیا۔ ان کا کہنا تھا کہ بھارت میں ایک تاریخی تبدیلی کا آغاز ہوا ہے، ایسی تبدیلی بھارت میں کبھی نہیں دیکھی گئی۔
دنیا کے ہرملک کا ایک نظریہ ہوتا ہےاوربھارت ہمیشہ سے ہی دنیا میں امن وآشتی اوردوستانہ تعلقات کا خواہاں رہا ہے، بھارت نے ہمیشہ دنیا میں بہترمواقع کی فراہمی کی بات کی ہے اوراس ضمن میں کئی قربانیاں بھی دی ہیں، ہم آئندہ بھی مل جل کر کام کرنے پر زور دیتے رہیں گے کیونکہ ہم دنیا کو ایک خاندان کی طرح دیکھتے ہیں۔
اس قبل خطاب کا آغاز کرتے ہوئے ان کا کہنا تھا کہ میں پہلی باراس فورم پر بات کر رہا ہوں، یہاں بات کرنا میرے لئے اعزازکی بات ہے، بھارت دنیا کی ایک بڑی آبادی ہے اورمیں وہاں کا منتخب وزیر اعظم ہوں اس لئے سمجھتا ہوں کہ دنیا ہم سے کیا توقع کرتی ہے اور بھارتی عوام کی کیا ضروریا ت ہیں، ہم چاہتے ہیں یہ دنیا جی فوراورجی ایٹ سے آگے جی آل کی طرف جائے۔
نیویارک: وزیرِ اعظم نوازشریف کا کہنا ہے کہ کشمیر کے مسئلے پرپردہ نہیں ڈال سکتے، انہیں نے بھارت کی سلامتی کونسل میں ممکنہ شمولیت پر تحفظات کا اظہارکرتے ہوئے کہا کہ کوئی نیا مستقل ممبر نہیں بننا چاہئیے۔
اسلامی جمہوریہ پاکستان کے وزیرِاعظم نواز شریف نیویارک میں اقوام متحدہ کی جنرل اسمبلی میں خطاب کررہے تھے اوران کا کہنا تھا کہ سیکریٹری خارجہ کی سطح پر بھارت سے مذاکرات کے خاتے پرافسوس ہوا، کشمیری عوام بنیادی حقوق سے محروم ہیں اورایک عرصے سے تنازعے کے حل کا انتظارکررہے ہیں ہم اس پر پردہ نہیں ڈال سکتے۔
انہوں نے فلسطین کے مسئلے پر فلسطینی عوام کی نسل کشی کی مذمت کرتے ہوئے کہا کہ اسرائیل نےغزہ میں بربریت کا مظاہرہ کیا عالمی برادری کو چاہئے کہ فلسطینیوں پرہونے والے مظالم روکے۔
ان کا کہنا تھا کہ ہم پا کستان کو اپنے بانی قائد اعظم محمد علی جناح کی خواہش کے مطابق ایک فلاحی مملکت بنانا چاہتے ہیں۔
ان کاکہنا تھا کہ ہم ایک طویل عرصے سے دہشت گردی کا شکار ہیں اور ہماری افواج دہشت گردی کے خلاف ایک فیصلہ کن جنگ لڑرہی ہیں اور پاکستان کی عوام فوج کی پشت پرہیں۔
ان کا کہنا تھا کہ ہم ایک ایٹمی طاقت ہیں اوراپنی ذمہ داریوں سے بخوبی واقف ہیں ہم نے نیوکلیئر سیکیورٹی کے جدید ترین انتظامات کررکھے ہیں، اور ہم خطے میں اسلحہ کی کسی دوڑ کا حصہ نہیں ہیں۔
ان کا کہنا تھا کہ سیکیورٹی کونسل میں کوئی نیا مستقل ممبر نہیں ہونا چاہئے، انہوں نے بلواسطہ بھارت کے سیکیورٹی کونسل میں مستقل ممبر بننے کے امکان پر تحفظات کا اظہارکیا۔