Tag: India

اسلام آباد: ٹریڈ ڈیولپمنٹ اتھارٹی آف پاکستان کے تحت بھارت کے شہر نئی دہلی میں گیارہ ستمبر سے شروع ہونے والی نمائش عالیشان پاکستان میں متعدد خواتین سمیت سینکڑوں تاجرنمائندے ٹی ڈی اے پی کی نا اہلی کی جہ سے بھارتی ویزے حاصل کرنے سے محروم ہو گئے۔

ٹی ڈی اے پی کے ذرائع کے مطابق144کمپنیوں کی خواتین سمیت 600 تاجروں کے جمع کرائے گئے پاسپورٹ ٹی ڈی اے پی کی نااہلی کی وجہ سے بھارتی ہائی کمیشن کو تاخیر سے بھیجے گے ۔جن کے ابھی تک ویزے جاری نہیں کئے گئے جبکہ ان تاجروں کا نمائش میں پیش کیا جانے والا سامان بھارت پہنچ چکا ہے جس سے ان تاجروں کو کروڑوں روپے نقصان کا امکان ہے۔

متاثرہ تاجروں کے ویزوں کے بارے میں بھارتی ہائی کمیشن سے رابطہ کرنے کے لیے کوئی افسر موجود نہیں ہے اورحیرت انگیز بات یہ ہے کہ ٹی ڈی اے پی کے15 افسران بھی نئی دہلی پہنچ چکے ہیں ۔

ذرائع کا کہنا ہے کہ ٹی ڈی اے پی کے چیئرمن اور سیکریٹری اپنی بھر پور توجہ بھارت کے ساتھ تجارتی رابطے بڑھانے کے بجائے نمائش میں میوزک کنسرٹس اور فیشن شوز پر دے رہے ۔ہیں۔نئی دہلی میں عالیشان پاکستان نمائش کا آغاز گیارہ ستمبر سےہو رہا ہے۔

واضح رہے کہ بھارت کے لئے اگلی پرواز گیارہ ستمبر کے بعد روانہ ہوگی ۔ ویزوں کے حوالے سے ٹی ڈی اے پی حکام کا کہنا ہے ہے کہ اسلام آباد میں سیاسی کشیدگی کے باعث ویزے کے اجراء میں رکاوٹیں پیدا ہوئی ہیں۔لیکن ٹی ڈی اے پی کے افسران اپنے ویزے جاری کروا کر بھارت کی سیر کا لطف اٹھا رہے ہیں۔