ARYNews.tv | Urdu – Har Lamha Bakhabar

Tag: indian actress

  • شکیل صدیقی اور میری جوڑی لوگوں کو آج بھی یاد ہے، بھارتی اداکارہ شروتی سیٹھ

    شکیل صدیقی اور میری جوڑی لوگوں کو آج بھی یاد ہے، بھارتی اداکارہ شروتی سیٹھ

    بھارتی ٹی وی اداکارہ شروتی سیٹھ نے پاکستانی کامیڈین شکیل صدیقی کے ساتھ کام کرنے کا تجربہ اور دونوں ممالک کے تعلقات پر اظہار خیال کرتے ہوئے کہا کہ فنکاروں کی دنیا میں سرحدیں نہیں ہوتیں۔

    بھارتی اداکارہ شروتی سیٹھ جو مشہور ٹی وی شوز "شرارت”، "کامیڈی سرکس” اور "بال ویر” میں یادگار کرداروں سے پہچانی جاتی ہیں۔

    انہوں نے حال ہی میں ایک پوڈ کاسٹ انٹرویو میں پاکستانی لیجنڈری کامیڈین شکیل صدیقی کے ساتھ کام کرنے کے تجربے کی یادوں کو ناظرین کے ساتھ شیئر کیا۔

    ان کا کہنا تھا کہ میں دنیا میں جہاں بھی جاؤں لوگ آج بھی یہی کہتے ہیں کہ ہمیں آپ کی اور شکیل صدیقی کی جوڑی بہت پسند تھی شو کے دوران آپ کے چہرے کے تاثرات بھی اچھے لگتے تھے۔

    Shakeel Siddiqui ,Shruti Seth

    پاکستانی اور بھارتی یہ دونوں فنکار مشہور بھارتی ٹی وی شو "کامیڈی سرکس” کے سیٹ پر ایک ساتھ نظر آتے تھے، جہاں شکیل صدیقی کی حاضر جوابی اور مزاحیہ انداز نے نہ صرف بھارتی ناظرین کو بلکہ ساتھی فنکاروں کو بھی متاثر کیا۔

    شروتی سیٹھ نے بتایا کہ شکیل صدیقی کے ساتھ کام کرنا ایک شاندار تجربہ تھا کیونکہ وہ نہ صرف زبردست اداکار ہیں بلکہ بہت اچھے انسان بھی ہیں، سینئر اداکار ہونے کے باوجود انہوں نے کبھی میرے مذاق کا برا نہیں منایا وہ سیٹ پر خوشگوار ماحول پیدا کرنے میں بھی ماہر ہیں۔

    ایک سوال کے جواب میں انہوں نے کہا کہ فنکاروں کی دنیا میں سرحدوں کا کوئی مطلب نہیں ہوتا، کیونکہ اصل پہچان فن اور کارکردگی سے ہوتی ہے۔

    موجودہ سیاسی صورتحال اور بھارتی حکومت کی جانب سے پاکستانی فنکاروں پر پابندی کے حوالے سے شروتی سیٹھ نے کہا کہ یہ افسوسناک ہے کہ سیاست کی وجہ سے فنکار اور ناظرین دونوں متاثر ہو رہے ہیں۔ ان کے مطابق فن اور ثقافت کو ہمیشہ تعلقات بہتر بنانے کے لیے استعمال کیا جانا چاہیے، نہ کہ تقسیم پیدا کرنے کے لیے۔

    بہت سے ناظرین کے علم میں شاید یہ بات نہ ہو کہ شروتی سیٹھ نے ماضی میں دو پاکستانی ڈراموں میں بھی اہم کردار ادا کیے تھے۔ "#ChalteChalte” اور "#RangBarangi” جو اے آر وائی ڈیجیٹل پر 2007-2008 میں نشر ہوئے تھے۔ ان ڈراموں نے انہیں پاکستانی ناظرین میں بھی خاصی مقبولیت دی۔

    شروتی سیٹھ نے "کامیڈی نائٹس بچاؤ” میں پہلی بار بطور پرفارمر حصہ لیا جس میں شکیل صدیقی کے ساتھ ایک ٹیم بنائی گئی تھی۔

    ایک انٹرویو میں انہوں نے شکیل صدیقی کو اپنا بہترین ساتھی قرار دیتے ہوئے بتایا تھا کہ پرفارمنس کے دوران مجھ سے اگر کہیں کوئی ٹیکنیکل غلطی ہوجاتی تھی تو شکیل اسے بخوبی سنبھال لیتے تھے۔

     

  • حبا بخاری کس معروف بھارتی اداکارہ کی ہمشکل ہیں؟

    حبا بخاری کس معروف بھارتی اداکارہ کی ہمشکل ہیں؟

    پاکستان کی معروف اداکارہ حبا بخاری کو 70 کی دہائی میں بالی ووڈ کی دنیا میں قدم رکھنے والی لیجنڈری اداکارہ کی ہمشکل قرار دیا جارہا ہے۔

    پاکستان کی معروف اداکارہ حبا بخاری نے متعدد ڈراموں میں اپنی اداکاری کے جوہر دکھائے جبکہ اداکارہ ان دنوں پاکستانی شوبز انڈسٹری پر راج کر رہی ہیں، ناظرین ان کی خوب تعریف کر رہے ہیں۔

    حبا بخاری کے ڈراموں کی وجہ سے اداکارہ کے چرچے بھارت میں بھی ہونے لگے ہیں اور ایسے میں سوشل میڈیا پر حبا بخاری کی اداکاری سے لیکر انکے نقش نین پر بھی مختلف تبصرے کیے جارہے ہیں۔

    تاہم سوشل میڈیا صارفین نے حبا بخاری اور بالی وڈ حسینہ جیا پردا کی شکلوں میں حیران کن مماثلت کی نشاندہی کی ہیں، سوشل میڈیا پر حبا بخاری اور جیا پردا کی ایسی تصاویر ایک ساتھ وائرل ہے جن میں وہ ایک جیسی نظر آرہی ہیں۔

    وائرل ہونے والی تصاویر کے کیپشن میں متعدد مداح اس بات سے اتفاق کرتے نظر آرہے ہیں اور دونوں ماں بیٹیاں لگ رہی ہیں۔

     

    View this post on Instagram

     

    A post shared by Amna Rasool (@allpakshowbizstarz)

  • ایک اور اداکارہ سیاست میں قدم رکھنے کو تیار

    ایک اور اداکارہ سیاست میں قدم رکھنے کو تیار

    ممبئی : بھارت کی معروف اداکارہ سوارا بھاسکر کی سیاست میں انٹری کی قیاس آرائیاں کی جارہی ہیں۔

    اطلاعات کے مطابق وہ 2024 کے مہاراشٹر اسمبلی انتخابات میں ایس پی امیدوار کے طور پر چناؤ لڑ سکتی ہیں۔

    سوارا بھاسکر جو بھارتی فلم ’تنو ویڈس منو‘ اور ’پریم رتن دھن پایو‘ میں اپنے کرداروں کے لیے مشہور ہیں، سماج وادی پارٹی (ایس پی) کے ٹکٹ پر ممبرا کلوا حلقہ سے آئندہ اسمبلی انتخابات لڑ سکتی ہیں۔

    اس حوالے سے سوارا کے شوہر اور ایس پی رہنما فہد احمد نے کہا کہ میں اس بارے میں ابھی کچھ نہیں کہہ سکتا۔

    انہوں نے کہا کہ پارٹی صدر جو بھی حکم دیں گے میں اس پر عمل کروں گا، میں اس حلقے سے الیکشن لڑوں گا جہاں سے میری پارٹی کے ریاستی صدر نے مجھے الیکشن لڑنے کے لیے کہا ہے، میں اس کے لیے پوری طرح تیار ہوں۔

    ان کا کہنا تھا کہ میری بیوی سوارا فی الحال سیاست میں نہیں ہے، اس لیے میں ابھی اس کے بارے میں کچھ نہیں کہہ سکتا۔

  • بالی ووڈ کی معروف اداکارہ نے خودکشی کرلی

    بالی ووڈ کی معروف اداکارہ نے خودکشی کرلی

    ممبئی: بھارت کی ابھرتی ہوئی معروف اداکارہ نور مالابیکا داس نے پھندہ لگا کر خودکشی کرلی۔

    بھارتی میڈیا کے مطابق  32 سالہ اداکارہ نور مالابیکا داس نے 6 جون کو ممبئی میں اپنا رہائش گاہ پر خودکشی کرکے اپنی زندگی کا خاتمہ کیا۔

    میڈیا رپورٹس کے مطابق اداکارہ نور کے پڑوسیوں نے اُن کے اپارٹمنٹ سے آنے والی بدبو کی شکایت پر پولیس کو بُلایا جب پولیس اپارٹمنٹ کے اندر گئی تو وہاں نور مالابیکا کی پنکھے سے پھندہ لگی لاش لٹک رہی تھی۔

     

    View this post on Instagram

     

    A post shared by Noor Malabika (@noormalabika1)

    پولیس کا کہنا ہے کہ اداکاری کی لاش کو پوسٹ مارٹم کے لیے اسپتال منقتل کیا گیا تھا جس کے بعد ان کی آخری رسومات بھی ادا کردی گئی، لیکن عجیب بات یہ ہے کہ اداکارہ کی آخری رسومات میں ان کے اہلخانہ سے کوئی بھی شامل نہیں ہوا۔

    اس حوالے سے پڑوسیوں نے پولیس کا بتایا کہ گزشتہ ماہ نورمالا کی فیملی اسی فلیٹ میں مقیم تھے تاہم وہ کچھ روز قبل ہی اپنے گاؤں واپس گئے تھے جس کے بعد یہ واقعہ پیش آیا۔

    پولیس کا کہنا ہے کہ ان کی اہل خانہ سے بات ہوئی ہے اور مزید تفتیش جاری ہے، پولیس کا بتایا ہے کہ اداکارہ کا تعلق آسام سے تھا، اداکارہ بننے سے پہلے وہ قطر ایئرویز کے ساتھ بطورِ ایئر ہوسٹس کام کرتی تھیں۔

    واضح رہے کہ نور مالابیکا داس نے کئی فلموں اور ویب سیریز میں کام کیا تھا، جن میں ‘سسکیاں’، ‘واک مین’، ‘تیکھی چٹنی،’ ‘جگھنیا اپرادھ،’ ‘چارم سکھ،’ ‘دیکھی آندھی،’ اور ‘بیک روڈ ہسل’ شامل ہیں جبکہ آخری بار انہیں کاجول کیساتھ ڈزنی پلس ہاٹ اسٹار سیریز ‘دی ٹرائل’ میں اداکاری کے جوہر دکھاتے دیکھا گیا تھا۔

  • عبدالرزاق نے اداکارہ تمنا بھاٹیہ سے متعلق اہم بات بتادی

    عبدالرزاق نے اداکارہ تمنا بھاٹیہ سے متعلق اہم بات بتادی

    پاکستان کے سابق آل راؤنڈر عبدالرزاق اور بھارتی اداکارہ تمنا بھاٹیہ کی سال 2013 میں ہونے والی ملاقات شاید کچھ لوگوں کو یاد ہو اس حوالے سے عبدالرزاق اپنے انٹرویو میں اس کا تذکرہ کرکے قارئین کو بھی حیران کردیا۔

    گزشتہ روز معروف یو ٹیوبر نادر علی نے سابق آل راؤنڈر عبدالرزاق کا دلچسپ انٹرویو کیا اور ان کے ماضی سے متعلق بہت سی یادوں کو چھیڑا۔

    اس موقع پر عبدالرزاق نے بھارتی اداکارہ تمنا بھاٹیہ کے ساتھ ویڈیو منظر عام پر آنے کا دلچسپ واقعہ سنایا سال 2013 میں ان دونوں کی ایک ساتھ تصویر نے کھیل اور شوبز کے حلقوں میں ہلچل مچا دی تھی۔

    عبدالرزاق

    عبدالرزاق نے بتایا کہ دبئی میں ایک اشتہار کی شوٹنگ کے دوران میری بھارتی اداکارہ تمنا بھاٹیہ کے ساتھ ملاقات ہوئی تھی، وہاں ان کی فیملی بھی موجود تھی، جہاں میری ان کے والد سے ملاقات ہوئی، جس کی تصویر سوشل میڈیا پر وائرل ہوگئی تھی۔

    سابق آل راؤنڈر کہا کہ شوٹنگ کے دوران مجھے معلوم ہوا تھا کہ تمنا کے والد مسلمان تھے جبکہ والدہ ہندو تھیں، وہ اپنی والدہ کو فالو کرتی تھی۔

    اینکر نے مزاحیہ انداز میں سوال کیا کہ کیا عبدالرزاق صاحب آپ کو انہوں نے پہچان لیا تھا؟ جواب میں عبدالرزاق نے مسکرا کر کہا کہ میں پاکستانی ٹیم میں تھا، یہ واقعہ 2013 کا ہے اور اس کے کچھ عرصے بعد اُن کی فلم ہمت والا ریلیز ہونے والی تھی۔

    انہوں نے مزید کہا کہ ایک بنگلہ دیشی ایکٹریس سے بھی ملاقات ہوئی جب وہ میک اَپ کرکے آتی تھی تو ٹھیک لگتی تھی، لیکن میک اَپ کے بغیر میں پہچان ہی نہیں سکا تھا کہ یہ وہی ایکٹر ہے۔

    یاد رہے کہ عبدالرزاق کو دبئی کی ایک جیولری شاپ میں ساؤتھ انڈین اداکارہ تمنا بھاٹیہ کے ساتھ دیکھا گیا تو ہر طرف اس کا چرچا ہوگیا تھا اور ان کی شادی کی افواہیں زور پکڑنے لگی تھیں تاہم حقیقت یہ تھی کہ عبدالرزاق اور تمنا بھاٹیہ اس جیولری شاپ کے افتتاح کیلئے آئے تھے۔

  • عالیہ بھٹ نے آئیفا ایوارڈز میں شرکت کیوں نہیں کی؟

    عالیہ بھٹ نے آئیفا ایوارڈز میں شرکت کیوں نہیں کی؟

    ممبئی : بھارتی فلموں کی خوبرو اداکارہ عالیہ بھٹ کو ان کی فلم ’گنگوبائی کاٹھیا واڑی‘ میں شاندار اداکاری کے اعتراف میں آئیفا ایوارڈ 2023 میں بہترین اداکارہ کے ایوارڈ سے نوازا گیا لیکن انہوں نے یہ ایوارڈ نہیں لیا۔

    بھارتی میڈیا کی رپورٹ کے مطابق بھارتی اداکارہ عالیہ بھٹ جو مشہور فلمی ہدایت کار مہیش بھٹ کی صاحبزادی بھی ہیں اپنی ذاتی مصروفیت کے باعث مذکورہ ایوارڈ وصول نہ کرسکیں۔

    اس حوالے سے بھارتی میڈیا میں بتایا گیا ہے کہ ایک خاندانی ایمرجنسی کی وجہ سے وہ ایوارڈ وصول کرنے کیلئے مذکورہ شو میں شرکت نہ کرسکیں۔

    عالیہ بھٹ ایوارڈ

     

    بعد ازاں اداکارہ نے ایوارڈ ملنے کے بعد انسٹاگرام پر ایک جذباتی پوسٹ لگائی، جس میں انہوں نے اپنی فلم ’گنگوبائی کاٹھیاواڑی‘ کا پوسٹر شیئر کیا اور لکھا کہ’آئیفا کا شکریہ، مجھے افسوس ہے کہ میں ایوارڈ وصول کرنے کیلئے خود حاضر نہ ہوسکی۔

    انہوں نے اس ایوارڈ پر مداحوں کا بھی شکریہ ادا کیا اور لکھا کہ اس اعزاز سے مجھے اور فلم کی پوری ٹیم کو نئی مسرت اور خوشی ملی ہے۔

    بھارتی میڈیا رپورٹ کے مطابق عالیہ بھٹ اپنے نانا نریندر رزدان کی طبیعت خراب ہونے کی وجہ سے ایوارڈ شو میں شرکت نہ کرسکیں اور ان کی جگہ فلم پروڈیوسر جیانتی لال نے ایوارڈ وصول کیا۔

    عالیہ بھٹ اپنی اگلے پروجیکٹ میں کرن جوہر کی فلم ’روکی اور رانی کی پریم کہانی‘ میں رنویر سنگھ کے ساتھ نظر آئیں گی۔

  • ممبئی : بھارتی اداکارہ کو صدمہ، خبر سنتے ہی حالت غیر

    ممبئی : بھارتی اداکارہ کو صدمہ، خبر سنتے ہی حالت غیر

    ممبئی : بھارتی ٹیلی وژن کی معروف اداکارہ نیلو کوہلی کے شوہر غسل خانے میں مردہ حالت میں پائے گئے، اسپتال لے جانے پر ڈاکٹروں نے موت کی تصدیق کردی، خبر سنتے ہی نیلو کوہلی کی حالت غیر ہوگئی۔

    بھارتی میڈیا کی رپورٹ کے مطابق ٹی وی اور فلم کی اداکارہ نیلو کوہلی کے شوہر ہرمندر سنگھ گزشتہ روز غسل خانے میں مردہ حالت میں پائے گئے جس کی تصدیق ان کی بیٹی کی جانب سے کی گئی ہے۔

    ذرائع کے مطابق ہرمندر سنگھ کی طبیعت میں کوئی خرابی نہیں تھی تاہم وہ24 مارچ کی شام گرودوارے سے لوٹے اور تھوڑی دیر بعد ہی باتھ روم میں مردہ حالت میں پائے گئے۔

    رپورٹس کے مطابق ان کی موت کے وقت گھر پر صرف ایک ملازم موجود تھا جس نے بتایا کہ ہرمندر سنگھ گرودوارے سے آنے کے بعد باتھ روم گئے اور بہت دیر تک جب واپس نہیں آئے تو وہ انہیں دیکھنے گیا تو وہ فرش پر بےسدھ پڑے تھے۔

    ملازم نے بتایا کہ انہیں فوری طور پر اسپتال لے جایا گیا تو پتا چلا کہ ان کی موت کو اب کافی دیر ہوچکی ہے۔

    اداکارہ نیلو کوہلی کی بیٹی نے اپنے والد کی موت کی تصدیق کرتے ہوئے بتایا کہ والد کی آخری رسومات پیر کے روز ادا کی جائیں گی جب کہ خبر سننے کے بعد سے ان کی والدہ نیلو کوہلی کی حالت کافی خراب ہے تاہم جس وقت یہ حادثہ پیش آیا، ان کی والدہ کام کے سلسلے میں باہر تھیں۔

    واضح رہے کہ نیلو کوہلی نے متعدد بھارتی ٹی وی ڈراموں میں کام کیا جن میں سنگم، میرے انگنے میں، چھوٹی سردارنی اور میڈم سر شامل ہیں۔

    اس کے علاوہ انہوں نے کئی فلموں میں بھی کام کیا ہے جن میں ہاؤس فُل ٹو ، ہندی میڈیم اور پٹیالا ہاؤس شامل ہیں۔

  • بھارتی اداکارہ شوٹنگ کے دوران زخمی

    بھارتی اداکارہ شوٹنگ کے دوران زخمی

    نئی دہلی: بھارتی اداکارہ سمانتھا روتھ پربھو شوٹنگ کے دوران زخمی ہوگئیں، مداحوں نے ان کے لیے نیک خواہشات کا اظہار کیا ہے۔

    بھارتی میڈیا کے مطابق ساؤتھ انڈین اداکارہ سمانتھا روتھ امریکن سیریز کے بھارتی ورژن کی شوٹنگ کے دوران ایکشن سینز کرتے ہوئے زخمی ہوئیں۔

    اداکارہ نے انسٹا گرام پر شوٹنگ کے دوران لگنے والی چوٹ کی تصویر اپ لوڈ کی جس میں دیکھا جا سکتا ہے کہ ان کے ہاتھ زخمی ہیں۔

    رپورٹس کے مطابق سمانتھا مارشل آرٹ کی بھی ٹریننگ کر رہی ہیں کیونکہ انہیں اس سیریز کے لیے کافی خطرناک ایکشن سین کرنے ہیں۔

    اس کے لیے پروڈیوسرز نے اداکارہ کی تربیت کے لیے ہالی وڈ کے ایکشن ڈائریکٹر کو طلب کیا ہے۔

  • معروف اداکارہ کسمپرسی کا شکار؟ تصاویر سامنے آگئیں

    معروف اداکارہ کسمپرسی کا شکار؟ تصاویر سامنے آگئیں

    ممبئی : بالی ووڈ کی معروف اداکارہ کرشمہ شرما اکثر سوشل میڈیا پر اپنی تصاویر شیئر کرتی رہتی ہیں، اس حوالے سے ان کی تصاویر سوشل میڈیا پر موضوع بحث رہتی ہیں۔

    حال ہی میں انہوں نے انسٹاگرام پر اپنی کچھ ایسی تصاویر شیئر کیں جس میں ان کو ان کے مداح مشکل سے پہچان پائے اور افسردہ ہوگئے۔

    بھارتی ٹی وی چینل کی ڈرامہ سیریل سے شہرت کی بلندیوں پر پہنچنے والی اداکارہ کرشمہ شرما سوشل میڈیا پر بھی بہت سرگرم دکھائی دیتی ہیں جہاں ان کے مداحوں کی بڑی تعداد انہیں فالو کرتی ہے۔

    انسٹاگرام پر شیئر کی گئی تصاویر میں کرشمہ شرما کو دیکھ کر ایسا لگ رہا ہے جیسے ان پر بہت برا وقت آگیا اور بہت ہی سادہ انداز اور عام لباس میں ملبوس ہیں۔

    تصاویر میں اداکارہ کافی تکلیف دہ اور بری حالت میں نظر آرہی ہیں، اپنی پسندیدہ اداکارہ کو اس حال میں دیکھ کر ان کے مداح افسردہ ہوگئے لیکن انہیں بعد میں پتہ چلا کہ ان کا یہ حُلیہ کسی فلم کی شوٹنگ کیلئے ہے۔

    واضح رہے کہ کرشمہ کی یہ تصاویر اس فلم کے سیٹ کی ہیں جس میں کرشمہ شرما ایک بنگلہ دیشی حاملہ خاتون کا کردار ادا کررہی ہیں۔

  • بھارتی اداکارہ کی گھرکی کھڑکی سے لٹکی ہوئی لاش برآمد

    بھارتی اداکارہ کی گھرکی کھڑکی سے لٹکی ہوئی لاش برآمد

    ممبئی : بھارت میں ایک اور اداکارہ نے مبینہ طور پر خودکشی کرلی، اداکارہ کی لاش گھر کی کھڑکی سے لٹکی ہوئی ملی۔

    تفصیلات کے مطابق بھارت کی ماڈل اور ادکارہ شہانا گزشتہ روز اپنے گھر میں مردہ پائی گئی ہیں، اس حوالے سے بھارتی میڈیا کا کہنا ہے کہ اداکارہ کی لاش ملنے کے بعد اس کے شوہر کو حراست میں لے لیا گیا ہے۔

    پولیس کے مطابق گزشتہ روز جمعے کے دن اطلاع ملنے پر علاقہ پولیس پرمبل بازار واقع ان کے گھر پہنچی تو دیکھا کہ 20سالہ ادکارہ شہانا کی لاش گھر کی کھڑکی کی ریلنگ پر لٹکی ہوئی تھی۔

    ابتدائی تحقیقات کے بعد پولیس نے شہانا کے شوہر سجاد کو مزید پوچھ گچھ کے لئے حراست میں لے لیا۔ ان دوںوں کی شادی ڈیڑھ سال پہلے ہی ہوئی تھی اور وہ ایک کرائے کے گھر میں مقیم تھے۔

    بھارتی میڈیا کے مطابق رشتہ داروں کا کہنا ہے کہ شہانا کا قتل ہوا ہے، اداکارہ کی والدہ نے الزام عائد کیا ہے کہ میری بیٹی نے مجھے شکایت کی تھی کہ اس کا شوہر اسے مارتا تھا، ان کا کہنا تھا کہ شہانا کبھی خود کشی نہیں کرسکتی۔

    شہانا کی والدہ نے میڈیا کو بتایا کہ اس نے ہم سب کو اپنی 20ویں سالگرہ پر بلایا تھا اور ہم نے اس کے یوم پیدائش پر خوب ہلہ گلہ کرنے کا پروگرام بھی بنایا تھا۔

    متوفیہ اداکارہ کے لواحقین نے اعلیٰ حکام سے مطالبہ کیا ہے کہ واقعے کی غیر جابندار تحقیقات کرکے ہمیں انصاف فراہم کیا جائے۔