Tag: indian air chief

نئی دہلی : پاک فضائیہ کے منہ توڑجواب پر بھارتی بوکھلاہٹ چھ روز بعد بھی برقرار ہے ، بھارتی پائلٹ ابھی نندن اپنی فوج کی نظروں سےگرگیا، بھارتی ائیر چیف بی ایس دھنوا نے ابھی نندن کی پروازمیڈیکل سےمشروط کردی جبکہ بالا کوٹ میں جانی نقصان کی تعدادبھی نہ بتاسکے۔

تفصیلات کے مطابق بھارتی ائیر چیف بی ایس دھنوا نے نے پریس کانفرنس کرتے ہوئے ابھی نندن کے مستقبل پر سوالیہ نشان لگادیے، بھارتی صحافی نے سوال کیا کیاابھی نندن دوبارہ طیارہ اڑاسکےگا ، جس پر بھارتی ائیر چیف نے کہا کہ ابھی نندن کی پرواز کا فیصلہ میڈیکل فٹنس سے مشروط ہے جبکہ پاکستانی فوج کے ابھی نندن سے برتاؤ کا سوال بھی نظرانداز کردیا۔

پاکستانی حدود بالاکوٹ میں بڑی کارروائی، دہشت گردوں کے مبینہ کیمپ تباہ اور کئی سودہشت گرد مارنے کے دعویدار نقصان سےبھی لاعلم نکلے صحافی نے سوال کیا بالاکوٹ میں کتنی اموات ہوئیں، جس پر بھارتی ایئرچیف تعداد نہ بتاسکے اور نہیں پتہ کتنے لوگ مرے، لاشیں گنناہمارا کام نہیں۔

بی ایس دھنوا نے پاک فضائیہ کی بالادستی تسلیم کرلی

بی ایس دھنوا بھی پاک فضائیہ کی بالادستی تسلیم کئےبغیرنہ رہ سکے اور کہا ہم نے کارروائی کیلئے دستیاب وسائل استعمال کئے۔

پریس کانفرنس کے دوران جب صحافیوں نے لڑاکا طیارے مگ 21 بائسن کی صلاحیت سے متعلق سوالات کیے تو بھارتی فضائیہ چیف نے کہا کہ مگ 21 بائسن قابل صلاحیت لڑاکا طیارہ ہے، جسے اپ گریڈ کیا گیا ہے جس میں عمدہ راڈار سسٹم، فضا سے فضا میں ہدف کے نشانہ بنانے کی صلاحیت سمیت جدید ہتھیاروں سے لیس ہے۔

بھارتی ایئرچیف نے بتایا کہ رافیل طیارے اس سال ستمبر میں ملنا شروع ہوں، بھارتی ائیر فورس کو مزید بہتر اورجدید بنانے کے لیے روسی ایوی ایشن کو 36رافیل طیارے فراہم کرنے کا آرڈردے دیا ہے۔

مزید پڑھیں :بھارتی وزارتِ خارجہ نے اپنے طیارے کے نقصان کا اعتراف کرلیا

یاد رہے 27 پاکستانی ایئر فور س نے بھارتی فضائیہ کے دو طیارے مار گرائے تھے، ان میں سے ایک مقبوضہ کشمیر میں گرا جبکہ ایک پاکستان کی جانب آزاد کشمیر میں گرا تھا۔

بعد ازاں رویش کمار نے اعتراف کیا تھا کہ پاکستان نے ایئر فورس نے ان کی تین ملٹری تنصیبات کو نشانہ بنایا، اس دوران پاکستان اور بھارتی فضائیہ کا ٹکراؤ ہوا ، جس میں ان کا ایک مگ 21 طیارہ تباہ ہوگیا۔