بھمبھر:کیرالا اور بھمبیر سیکٹر میں بھارتی فوج نے بلااشتعال لائن آف کنٹرول پر فائرنگ کی ہے جس کا پاکستانی فوج نے بھرپور جواب دیا اور کئی چوکیاں تباہ کردیں۔
نمائندہ اے آر وائی نیوز لئیق الرحمان کے مطابق بھمبھر سیکٹر میں آج پھر بھارتی فوج کی جانب سے بلااشتعال فائرنگ کی گئی جس میں مختلف نوعیت کے درمیانے اورچھوٹے ہتھیار استعمال کیے گئے۔
یہ بھی پڑھیں: اب تک 40 سے زائد بھارتی فوجی مار چکے ہیں، راحیل شریف
انہوں نے بتایا کہ فائرنگ کا سلسلہ شام کو شروع ہوا جواب میں موثر کارروائی کرتے ہوئے پاک فوج نے بھارتی چوکیوں پر فائرنگ کی جس سے ان کی کئی چوکیاں تباہ ہوگئیں۔
آئی ایس پی آر کے مطابق فائرنگ کا بھرپور جواب دیا اور بھارتی چوکیوں کو نشانہ بنایا جس سے کئی چوکیاں تباہ ہوگئیں۔
رپورٹر کے مطابق آخری اطلاعات تک فائرنگ کا سلسلہ وقفے سے کافی دیر تک جاری رہا، فائرنگ سے تباہ ہونے والے بھارتی چوکیوں میں کتنے بھارتی فوجی ہلاک یا زخمی ہوئے اس بارے میں اطلاعات نہیں مل سکیں۔
دریں اثنا آئی ایس پی آر نے بتایا کہ کیرالا سیکٹر پر بھی فائرنگ کا سلسلہ جاری ہے جس کا بھرپور جواب دیا جارہا ہے۔
