شکاگو : امریکا میں لاکھوں مالیت ڈالر کے فراڈ میں ملوث بھارتی نژاد لیڈی ڈاکٹر کو پولیس نے حراست میں لے لیا، ملزمہ کو دو مقدمات میں 20 سال سزا سنائی جاسکتی ہے۔
تفصیلات کے مطابق بھارتی نژاد 51 سالہ لیڈی ڈاکٹر مونا گھوش کیخلاف دو مقدمات درج کیے گئے ہیں جس میں جعلی میڈیکل بل کے ذریعے ہیلتھ انشورنس سے 24 لاکھ ڈالرز کی خطیر رقم ہتھیانے کا الزام عائد کیا گیا ہے۔
غیرملکی خبر رساں ادارے کی رپورٹ کے مطابق شکاگو میں مقیم بھارتی نژاد لیڈی ڈاکٹر مونا گھوش کو ہیلتھ انشورنس کے جھوٹے دعوے کے ذریعے نجی بیمہ کنندگان کو جعلی بل دے کر وفاقی صحت کی دیکھ بھال کے نظام میں فراڈ پر گرفتار کیا گیا۔
میڈیا رپورٹ میں بتایا گیا ہے کہ عدالتی دستاویزات کے مطابق ملزمہ نے سال 2018 سے 2022کے عرصے میں ایسے جعلی بل بنائے جو اپنے ملازمین کے میڈیکل انشورنس کیلئے کلیم کیے گئے تھے جبکہ وہ ملازمین ان امراض کا شکار نہیں تھے اور نہ ہی انہیں اس بات کا علم تھا۔
ملزمہ ڈاکٹر مونا گھوش کا شکاگو میں خواتین کا ایک اسپتال ہے، دوران تفتیش اس نے دونوں مقدمات میں جعلی میڈیکل ریکارڈ اور جعلی بل بنانے کا اعتراف کرلیا ہے،
ذرائع کے مطابق عدالت کی جانب سے ملزمہ کو رواں برس 22 اکتوبر کو سزا سنائی جائے گی۔ اس بات کا قوی امکان ہے کہ ایک مقدمے میں خاتون ڈاکٹر کو 10 سال قید کی سزا دی جاسکتی ہے۔
حیدرآباد : بھارت میں آئے روز حالات سے دلبرداشتہ لوگ خودکشیاں کررہے ہیں اور وقت گزرنے کے ساتھ ساتھ ان کی تعداد میں تشویشناک حد تک اضافہ ہورہا ہے۔
کچھ اسی طرح کا واقعہ بھارتی ریاست تلنگانہ کے شہر حیدرآباد میں پیش آیا جہاں ایک ڈاکٹر نے زہریلی دوا کھا کر اپنی زندگی کا خاتمہ کرلیا۔
یہ واقعہ ایس آر نگر پولیس اسٹیشن کی حدود میں پیش آیا، متوفی کی شناخت اے پی کے کڑپہ ضلع کے 29سالہ ڈاکٹر بدویلو راج کمار کے طور پر ہوئی ہے۔
ڈآکٹر راج کمار امیرپیٹ شیامکرن روڈ پر ایک پرائیویٹ اسپتال میں ڈاکٹر کے طور پر کام کرتا تھا اور بائیکے گوڈا میں کرائے کے مکان میں اکیلا رہتا تھا۔ اس نے جمعہ کو ایک دوست کو فون کیا اور کہا کہ وہ ٹھیک نہیں ہیں۔
بعد ازاں دوست نے اسے دوبارہ رابطہ کیا لیکن جواب نہیں ملا، مشکوک ہونے پر اس نے ایک اور ڈاکٹر سری کانت کو اس کی اطلاع دی جس کے بعد راج کمار کو فوری طور پر اسپتال لے جایا گیا جہاں اسے جائے وقوعہ پر ہی مردہ قرار دے دیا گیا۔
پولیس نے متوفی کے والد کونڈی پالی سباراؤ کی مدعیت میں مقدمہ درج کرایا ہے ان کا کہنا ہے کہ میرے بیٹے کو زہر دیا گیا ہے، بعد ازاں رپورٹ میں بھی جسم کے اندر زہریلی چیز کے اثرات پائے گئے۔
اسلام آباد : بھارتی ڈاکٹر عظمیٰ کے جھوٹ کا پول کھل گیا، عظمیٰ کو طاہر کی شادی اور چار بچوں کا پہلے سے علم تھا، عظمیٰ کی ولدیت بھی مختلف نکلی، نکاح کی ویڈیو اور حلف نامہ سامنے آگیا، طاہرکا کہنا ہے کہ بھارتی ہائی کمیشن آنے تک عظمیٰ ناراض نہیں تھی۔
تفصیلات کے مطابق پاکستانی نوجوان سے محبت کی شادی کرنے کے بعد دھوکا دہی کا الزام لگانے والی بھارتی ڈاکٹرعظمیٰ دو دن بھارتی ہائی کمیشن میں رہنے کے بعد آج اسلام آباد کی عدالت میں پیش ہوئی، ڈاکٹرعظمیٰ نےعدالت کو تحریری درخواست میں بتایا کہ طاہر سے ملائیشیا میں دوستی ہوئی، بھارت واپسی کے بعد بھی رابطہ رہا۔
درخواست میں کہا گیا کہ طاہر نے پاکستان آنے کے لیے اسپانسر لیٹر بھجوایا، واہگہ پر طاہر نےاستقبال کیا، گاڑی میں بٹھا کر کہا کہ وہ بہت دورپہاڑی گاؤں میں رہتا ہے، ایک دوا کھانے کو دی جس سے میں بےہوش ہوگئی، ہوش آیا تواجنبی گاؤں میں اجنبی لوگوں کے درمیان تھی۔
عظمیٰ نے مزید بتایا کہ طاہرکے گھر والوں کو ہندی بھی نہیں آتی تھی، میں حیران تھی کہ کیا ہورہا ہے۔ طاہر نےاسی رات مجھے زیادتی کانشانہ بنایا، مارا پیٹا اور دھمکی دی کہ اگلے روز نکاح نامے پردستخط نہ کیے تو جان سے مار دے گا، اگلے روز ایک گندے گھرمیں لے جایا گیا، گن پوائنٹ پر نکاح نامے پردسختط کرائے۔
عظمیٰ نے بیان دیا کہ شادی ہوتے ہی ان لوگوں نے مجھےمارنا پیٹنا شروع کردیا، صبح سے شام تک گھر کے کام کرائے جاتے تھے، طاہر روزانہ تشدد اور زیادتی کا نشانہ بناتا یہ لوگ مختلف زبان بولتے جو مجھے سمجھ نہیں آتی تھی۔
مجھےایک رات اس وقت علم ہوا کہ طاہر شادی شدہ اور چار بچوں کا باپ ہے جب میں نے بچوں کو اسے ابو ابو کہتے سنا،اب یہ لوگ مجھےمل کر ہراساں کرتے اور مارتے پیٹتے تھے۔
ڈاکٹرعظمیٰ نےعدالت سے درخواست کی ہے کہ بھارت واپسی تک سیکیورٹی دی جائے۔ ڈاکٹر عظمیٰ کی درخواست پر عدالت نے مبینہ شوہر طاہر، نکاح خواں اور گواہان کو 11 مئی جمعرات کو عدالت میں طلب کرلیا۔
بھارتی خاتون کی عدالت میں غلط بیانی ثابت ہوگئی
ڈاکٹر عظمیٰ نے عدالت میں بیان دیا کہ وہ طاہر کے شادی شدہ ہونے سے لاعلم تھی، بھارتی خاتون کی عدالت میں غلط بیانی ثابت ہوگئی۔
اے آر وائی نیوز نے عظمیٰ اور طاہر کی واٹس ایپ چیٹ کی تفصیلات بھی حاصل کرلی ہیں۔ واٹس ایپ میسج میں عظمیٰ نے طاہر کو کہا تھا کہ وہ اس کے بھائی سے بات کرے تویہ نہ بتائے کہ وہ شادی شدہ اور چاربچوں کاباپ ہے۔
عظمیٰ نے طاہر کو تاکید کی تھی اپنی تعلیم گریجویشن بتائے۔ عظمیٰ نے عدالت کو بیان میں کہا ہے کہ طاہر ملائیشیا میں اس سے انگلش میں بات کرتا تھ، لیکن واٹس ایپ چیٹ میں گفتگو رومن میں کی گئی ہے۔
سوال یہ پیدا ہوتا ہے کہ عظمٰی نے طاہر کی اپنے بھائی سے بات کیوں کرائی،جب طاہر گریجویٹ نہیں تو تعلیم گریجویشن بتانے کا کیوں کہا ؟تعلیمی قابلیت صرف دوستی کیلیے تو پوچھی نہیں جاتی؟
خاتون کا نکاح ان کی خوشی سے ہوا، قاضی کا بیان
اسی ضمن میں عظمیٰ اور طاہر کا نکاح پڑھانے والا نکاح خواں ہمایوں منظر عام پر آگیا۔ نجی ٹی وی چینل سے بات چیت کرتے ہوئے ہمایوں نے کہا کہ میں نے ان دونوں کا نکاح پڑھایا۔
خاتون سے دریافت کیا کہ کیا آپ کا کسی اور سے نکاح تو نہیں ہے؟ کیوں کہ نکاح پر نکاح زنا اور گناہ ہے۔ نکاح خواں کے مطابق نکاح کے دوران خاتون سے پوچھا کہ وہ خوش ہیں تو انہوں نے ہامی بھری اور حق مہر میں شوہر سے حج کرانے کی شرط رکھی۔
عظمی کا بیان حلفی بھی سامنے آگیا
نکاح کے وقت ان کا جمع کرایا گیا بیان حلفی بھی سامنے آگیا ہے جس میں انہوں نے اپنے بیان میں کہا ہے کہ وہ عاقل اور بالغ شہری ہیں اور اپنی مرضی سے بغیر کسی کے دباؤ کے یہ نکاح کررہی ہیں۔
