ARYNews.tv | Urdu – Har Lamha Bakhabar

Tag: indian forces firing

  • بھارتی فورسز کی فائرنگ سے 2 کشمیری نوجوان شہید

    بھارتی فورسز کی فائرنگ سے 2 کشمیری نوجوان شہید

    سری نگر : مقبوضہ کشمیر  کے علاقے بارا مولا میں قابض بھارتی افواج نے فائرنگ کرکے مزید دو کشمیری نوجوانوں کو شہید کر دیا۔

    تفصیلات کے مطابق مقبوضہ کشمیر کے علاقے بارہ مولا میں بھارتی فورسز نے نام نہاد سرچ آپریشن کے دوران 2 کشمیری نوجوانوں کو بہیمانہ طریقے سے قتل کردیا۔

    کشمیر میڈیا سروس کا کہنا تھا کہ ظالم و جابر بھارتی فورسز نے کشمیری نوجوانوں کو فائرنگ کرکے شہید کیا۔

    کشمیری میڈیا کا کہنا ہے کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں غیراعلانیہ کرفیو نافذ کردیا گیا ہے، جبکہ انٹرنیٹ اور موبائل فون سروس بھی معطل کردی گئی ہے۔

    کشمیری میڈیا کے مطابق بھارتی فوج کی حالیہ کارروائیوں میں شہید ہونے والے کشمیریوں کی تعداد 30 سے زائد ہوگئی ہے۔

    مزید پڑھیں : کشمیر میں بھارتی فورسز کا سرچ آپریشن، تین کشمیری شہید

    یاد رہے کہ کچھ روز قبل مقبوضہ کشمیر کے دارالحکومت سری نگر کے علاقے مُجگنڈ میں قابض بھارتی فورسز کے رشتریا رائفل گروپ اور اسپیشل آپریشن گروپ نے نام نہاد سرچ آپریشن کے دوران 3 کشمیری نوجوانوں کو ریاستی دہشت گردی کا نشانہ بناکر شہید کردیا تھا۔

    مزید پڑھیں : مقبوضہ کشمیرمیں بھارتی فوج کی فائرنگ‘ 2 کشمیری شہید

    کچھ روز قبل بھی مقبوضہ کشمیر کے علاقے پلواما میں بھارتی فورسز نے نام نہاد سرچ آپریشن کے دوران 2 کشمیری نوجوانوں کو شہید کیا تھا۔

    مزید پڑھیں : مقبوضہ کشمیر میں 18 جوانوں کی شہادت کے خلاف شٹر ڈاؤن ہڑتال

    خیال رہے کہ ماہ نومبر کے آواخر میں مقبوضہ کشمیر میں 18 نوجوانوں کی شہادتوں کے خلاف حریت رہنماؤں کی کال پرمکمل شٹر ڈاؤن ہڑتال کی گئی تھی، ٹرانسپورٹ اور کاروباری مراکز بند تھے۔

  • لائن آف کنٹرول پر بھارتی فورسز کی اشتعال انگیزی، خاتون شہید، پاکستان کا بھارت سے شدید احتجاج

    لائن آف کنٹرول پر بھارتی فورسز کی اشتعال انگیزی، خاتون شہید، پاکستان کا بھارت سے شدید احتجاج

    اسلام آباد: لائن آف کنٹرول پر واقع مندل سیکٹر میں بھارتی فورسز کی جانب سے بلا اشتعال فائرنگ کے نتیجے میں 33 سالہ خاتون شہید ہوگئیں، پاکستان نے واقعے پر بھارت سے شدید احتجاج کیا۔

    تفصیلات کے مطابق بھارتی فوجیوں نے ایک بار پھر ایل او سی کی خلاف ورزی کرتے ہوئے بلا اشتعال فائرنگ کر کے ایک پاکستانی خاتون کو شہید کر دیا، پاکستان نے بھارتی ڈپٹی ہائی کمشنر کو دفتر خارجہ طلب کر کے شدید احتجاج کیا۔

    ڈی جی جنوبی ایشیا ڈاکٹر محمد فیصل نے بھارت کے ڈپٹی ہائی کمشنر جے پی سنگھ سے بھارتی خلاف ورزیوں پر احتجاج کرتے ہوئے کہا کہ بھارتی فورسز کسی اشتعال کے بغیر ایل او سی اور ورکنگ باؤنڈری پر شہری آبادیوں کو نشانہ بنا رہی ہے۔

    ڈاکٹر فیصل نے فائرنگ کے واقعے پر ایک احتجاجی مراسلہ بھی بھارتی ڈپٹی ہائی کمشنر کے حوالے کیا، جس میں کہا گیا ہے کہ بھارتی اشتعال انگیزی سے رواں برس 30 شہری شہید ہوئے ہیں۔

    پاک فوج نے ایل او سی پربھارت کا جاسوس ڈرون مار گرایا

    ترجمان دفتر خارجہ کے مطابق بھارتی فورسز نے 2018 میں 1400 بار لائن آف کنٹرول اور ورکنگ باونڈری کی خلاف ورزی کی، جس کے نتیجے میں 121 پاکستانی شہری زخمی ہوئے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • بھارتی فوج کی فائرنگ،12 کشمیری شہید

    بھارتی فوج کی فائرنگ،12 کشمیری شہید

    سری نگر : مقبوضہ کشمیر میں بھارتی فوج نے نہتے کشمیریوں پر فائرنگ کرکے 12 کشمیریوں کو شہید کردیا۔

    تفصیلات کے مطابق مقبوضہ کشمیرمیں بھارتی فوج کی ظالمانہ کارروائیاں جاری ہے، قابض فوج کی اندھا دھند فائرنگ سے مزید 4کشمیری شہید ہوگئے ، 2 روز میں بھارتی فوج کی فائرنگ سے شہید کشمیریوں کی تعداد 12ہوگئی۔

    مقبوضہ کشمیرکے علاقے کپواڑہ میں بھارتی فورسزنے فائرنگ کرکے مزید چارکشمیریوں کوشہید کردیا۔

    گذشتہ روز مقبوضہ کشمیر کے ضلع بڈگام میں پر امن مظاہرین پرفائرنگ کرکے 8 نوجوانوں کو شہید کردیا تھا، جن میں 15سالہ فیضان، محمد عباس، جان محمد راتھر، نصیر احمداور شبیر احمد شامل ہیں، اس موقع پر پلٹ گنوں اور آنسوگیس کا وحشیانہ استعمال کیا گیا، جس کے نتیجے میں2خواتین سمیت20مظاہرین زخمی ہوگئے۔

    kashmir-post-1

    مقبوضہ کشمیر کی ریاستوں سرینگرم، بڈگام اور گاندر بل کے اضلاع میں بھارتی پارلیمنٹ کے نام نہاد ضمنی الیکشن کے خلاف وادی میں مکمل ہڑتال ہے، دکانیں ،کاروباری مراکز، تعلیمی ادارے بند ہے۔

    الیکشن کے موقع پر حریت رہنماؤں علی گیلانی، میرواعظ عمر فاروق اور یاسین ملک نے پُر امن مظاہرے کی کال دی، احتجاج میں شرکت سے روکنے کے لئے بھارتی فوج نے بڑے پیمانے پر گرفتاریاں بھی شروع کردیں ہیں۔

    مقبوضہ کشمیرکی صورتحال سے دنیا کوبے خبر رکھنے کے لئے کٹھ پتلی انتظامیہ نے انٹرنیٹ سروس بند کردی ہے۔

    مزید پڑھیں : بھارتی فوج کی فائرنگ سے چارکشمیری شہید، درجنوں زخمی

    کشمیریوں کی نسل کشی پرپاکستان کی جانب سے مذمت ترجمان دفتر خارجہ نفیس ذکریا کا کہنا ہے کہ عالمی برادری اور انسانی حقوق کی تنظیموں سے ایک بار پھر درخواست کرتےہیں وہ مقبوضہ وادی میں خونریزی اوربھارتی مظالم ختم کرانے میں اپناکردارکریں۔

    واضح رہے کہ مقبوضہ کشمیر میں گزشتہ سال 8 جولائی کونوجوان حریت پسند رہنمابرہان وانی کو بھارتی فورسز نے دوساتھیوں سمیت ماوارائےعدالت قتل کیا تھا، جس کے بعد سے اب تک 100 افراد شہید اور 15 ہزار سے زائد زخمی ہو چکے ہیں۔

  • بھارتی فوج کی بلا اشتعال فائرنگ ، بزرگ پاکستانی خاتون شہید

    بھارتی فوج کی بلا اشتعال فائرنگ ، بزرگ پاکستانی خاتون شہید

    سیالکوٹ : بھارتی فوجیوں نے ایک بار پھر سیز فائر معاہدے کی خلاف ورزی کر تے ہوئے ورکنگ باﺅنڈری پر بلااشتعال فائرنگ کر دی ، جس کے نتیجے میں معمر خاتون رشیدہ بی بی شہید ہوگئیں،تاہم انکی میت ورثاء کے حوالے کر دی گئی ہے ۔

    تفصیلات کے مطابق جنگی جنون میں مبتلابھارتی فوجی خوف کا شکار ہے ، پاکستانی خواتین اور بچوں سےبھی خطرہ محسوس کرنےلگے، بھارتی فوجیوں نے ضعیف العمر پاکستانی ذہنی مریضہ رشیدہ بی بی کو فائرنگ کرکے شہید کردیا۔

    سیالکوٹ پھکلیان کی رہائشی ذہنی مریضہ رشیدہ بی بی جمعے کی رات غلطی سے ورکنگ باؤنڈری عبور کر گئیں تھیں، جس کے بعد بی ایس ایف اہلکاروں نے معمر خاتون پر فائر کھول دیا، گولی لگنے سے رشیدہ بی بی موقع پر ہی شہید ہوگئیں، رشیدہ بی بی کاذہنی توازن ٹھیک نہیں تھا۔

    پولیس ذرائع کے مطابق بھارتی سیکیورٹی فورسزنےخاتون کی لاش پاکستان رینجرزکے حوالے کردی ہے۔

    مزید پڑھیں : بھارتی فوج کی ایل او سی پرفائرنگ، تین جوان شہید

    یاد رہے چند روز قبل بھی  بھارتی فوج نے لائن آف کنٹرول کی ایک بار پھر خلاف ورزی کرتے ہوئے ایل اوسی پر بلا اشتعال فائرنگ کی، جس سے پاک فوج کے 3 جوان شہید ہوگئے تھے۔

    شہید ہونے والوں میں نائیک غلام رسول، نائیک عمران ظفر، سپاہی امام بخش شامل تھے

  • بھارتی فوج کی بلااشتعال فائرنگ، 2 فوجی اہلکار شہید، وزیراعظم کی شدید مذمت

    بھارتی فوج کی بلااشتعال فائرنگ، 2 فوجی اہلکار شہید، وزیراعظم کی شدید مذمت

    راولاکوٹ: بھارتی فوج نے ایک بار پھر ایل او سی اور ورکنگ باؤنڈری پر بلااشتعال فائرنگ اورگولہ باری شروع کر دی، جس کے نتیجے میں دو فوجی جوان شہید ہوگئے، پاک فوج کی جوابی کارروائی نے دشمن کو خاموش ہونے پر مجبور کردیا۔

    تفصیلات کے مطابق بھارتی جنگی جنون کم ہونے میں نہیں آرہا ہے ، ایل او سی پر بھارتی فوج نے ایک بار پھر روایتی ہٹ دھرمی کا مظاہرہ کرتے ہوئے بلااشتعال فائرنگ کا سلسلہ شروع کردیا۔

    آئی ایس پی آر کے مطابق بھارتی فوج نے بھمبھر، تتہ پانی، کیل، لیپہ سیکٹروں پر فائرنگ کی ، فائرنگ کا سلسلہ رات ڈھائی بجے شروع ہوا، جو صبح آٹھ بجے تک جاری رہی، بھارتی فائرنگ کے نتیجے میں دوجوان شہید ہوگئے۔

    بھارت کی فائرنگ کا پاک فوج نے بھرپور انداز میں جواب دیا، جسکے بعد دشمن کیجانب سے مکمل خاموشی چھاگئی۔

    راولاکوٹ میں بھی بھارتی فوج نے کنٹرول لائن کی خلاف ورزی کی، پونچھ بٹل سیکٹر میں بھارتی فوج کی بلااشتعال فائرنگ اور گولہ باری سے شہری آبادی کی املاک کو نقصان پہنچا۔

    گذشتہ روز وادی نیلم دودھیال سیکٹرمیں بھارتی فوج نےبلااشتعال فائرنگ کی، بھارت کی فائرنگ کا پاک فوج نے بھرپور انداز میں جواب دیا، جسکے بعد دشمن کیجانب سے مکمل خاموشی چھا گئی، فائرنگ سے کسی قسم کے جانی یا مالی نقصان کی اطلاع نہیں ملی۔

    بھارت کی فورسز کی فائرنگ سے سرحدی دیہاتوں کے مکینوں میں شدید خوف ہراس پیدا ہوگیا ہے۔

    واضح رہے کہ گزشتہ برس بھارت میں نریندر مودی کی انتہاء پسند حکومت آنے کے بعد سے بھارتی فورسز کی جانب سے سرحد پر بلااشتعال فائرنگ اورگولا باری کی گئی، جس کے نتیجے میں شہریوں سمیت کئی سیکیورٹی اہلکار شہید اور زخمی ہوئے۔

    بھارتی فوج کی بلااشتعال فائرنگ، وزیراعظم کی شدید مذمت

    وزیراعظم نے بھارتی فوج کی جانب سے بلااشتعال فائرنگ کی شدید مذمت کرتے ہوئے وزیراعظم نے دفاع وطن کیلئے جان دینے والے جوانوں کو شاندار خراج عقیدت پیش کیا۔

    وزیراعظم کا کہنا ہے کہ پرامن ہمسائیگی کے وژن کو ہماری کمزوری نہ سمجھی جائے، ہماری پرامن ہمسائیگی کی پالیسی کا غلط مطلب نہ نکالا جائے، خودمختاری کیخلاف کسی بھی کوشش کا بھرپور جواب دینا جانتے ہیں۔

  • مقبوضہ کشمیر : کرفیو کا40واں روز، شہید کشمیریوں کی تعداد 80ہوگئی

    مقبوضہ کشمیر : کرفیو کا40واں روز، شہید کشمیریوں کی تعداد 80ہوگئی

    سری نگر : مقبوضہ کشمیرمیں بھارتی دہشتگردی کا چالیسواں روز ہے، بھارتی فورسز کی فائرنگ سے مزید چھ کشمیری شہید ہوگئے، شہید افراد کی تعداد اسی ہوگئی۔

    مقبوضہ کشمیر بھارتی جارحیت کے باعث جیل میں تبدیل ہوگیا ہے، آزادی کی تحریک کو طاقت سے کچلنے کے لئے قابض انتظامیہ کے گھٹیا حربے استعمال کررہی ہے، مسلسل کرفیو نافذ کرکے لوگوں کو گھروں میں محصور کردیا۔

    kashmir-2

    مقبوضہ کشمیر میں بھارتی فورسز نے ایک بار پھر مظاہرین پر فائرنگ کردی، جس کے نتیجے میں مزید 6 کشمیری شہید اور متعدد زخمی ہوگئے، فائرنگ کا پہلا واقع بڈگام میں پیش آیا، جہاں بھارتی فورسز کی فائرنگ سے 4 افراد شہید ہوگئے جبکہ دوسرا واقع ضلع اسلام آباد کے علاقے لارکی پورہ پیش آیا ،جہاں فائرنگ سے ایک نوجوان شہید ہوا۔

    kashmir-post-4

    مقبوضہ وادی کے مختلف علاقوں میں کھانے پینے کی اشیا اور دواؤں کی قلت ہوگئی ہے جبکہ موبائل، انٹرنیٹ سروس بھی بند ہے۔

    کشمیریوں نے کرفیو کی خلاف ورزی کرتے ہوئے بھارتی مظالم کے خلاف احتجاج کیا، حریت کانفرنس کی اپیل پر مقبوضہ کشمیر میں مکمل ہڑتال ہے۔

    دوسری جانب حریت رہنماؤں کی اپیل پر مقبوضہ کشمیر میں سرینگر میں موجود اقوام متحدہ کے فوجی مبصر گروپ کے دفتر تک کل سے 72 گھنٹوں کا طویل مارچ کیا جائے گا، حریت رہنمائوں نے لوگوں سے مارچ کو کامیاب بنانے کی اپیل کی ہے۔

    kashmir-post-1

    حریت رہنماؤں کی اپیل پر 18اگست تک ہڑتال جاری رہے گی۔

    واضح رہے کو برہان وانی کی شہادت کے بعد سے کشمیر میں جاری بھارت مخلاف مظاہروں میں تیزی آگئی ہے اور ایک ماہ سے زائد عرصہ کے دوران 70 سے زائد کشمیری شہید جبکہ ہزاروں کی تعداد میں زخمی ہے۔

  • مقبوضہ کشمیر: بھارتی فوج کی فائرنگ، شہید افراد کی تعداد33 ہوگئی

    مقبوضہ کشمیر: بھارتی فوج کی فائرنگ، شہید افراد کی تعداد33 ہوگئی

    مقبوضہ کشمیر: بھارتی فورسز کی فائرنگ سے شہید ہونے والے کشمیریوں کی تعدادتینتیس تک پہنچ گئی، مقبوضہ وادی میں نوجوان کشمیری رہنما برہان وانی کی شہادت کے بعد احتجاج کاسلسلہ جاری ہے۔

    kash-52

    بھارتی مظالم پر کشمیری عوام سراپا احتجاج ہے، نہتے کشمیریوں کو احتجاج کے حق سے بھی محروم رکھنے کے لئے قابض بھارتی فوج نے کشمیریوں پرگولیوں کی بوچھاڑ کردی، جس کے نتیجے میں اب تک تینتیس کشمیری شہید ہوگئے۔

    kash-4

    نوجوان کشمیری رہنما برہان وانی کی بھارتی فوج کے ہاتھوں شہادت پر پوری وادی میں غم وغصہ کی لہر دوڑ گئی، وادی مکمل ہڑتال ہے جبکہ بھارتی فوج کیخلاف مظاہروں کو طاقت سے دبانے کی کوشش جاری ہے۔

    kash-5

    دنیا کو کشمیری عوام پر کئے گئے مظالم سے بے خبر رکھنے کے لئے انٹرنیٹ اورموبائل سروس بھی بند کردی گئی اور کرفیو لگا دیا گیا۔ ہے، نہتے کشمیریوں سے خوفزدہ قابض انتظامیہ کے لئے سات لاکھ فوج کم پڑگئی، جس کے بعد اضافی دستے بھی تعینات کردئیے گئے ہیں۔

    kash-1
    دوسری جانب سید علی گیلانی،یاسین ملک، میر واعظ عمرفاروق اوردیگرحریت رہنماؤں کوگھروں میں نظربند کردیا گیا ہے، حریت رہنما میر واعظ عمر فاروق نے کہا ہے کہ کشمیریوں کو مظالم سے نہیں دبایا جاسکتا۔

  • بھارتی فورسز کی شیلنگ، گولہ باری اور فائرنگ سے خاتون سمیت 3افراد شہید

    بھارتی فورسز کی شیلنگ، گولہ باری اور فائرنگ سے خاتون سمیت 3افراد شہید

    سیالکوٹ : ورکنگ باونڈری پر بھارتی فورسز کی بھاری ہتھیاروں سے گولہ باری اور فائرنگ سے خاتون سمیت 3افراد شہید جبکہ بچوں سمیت متعدد افراد زخمی ہوگئے۔

    بھارتی فورسز نے نارروال، ظفر وال اور شکر گڑھ سیکٹر پر بھاری ہتھیاروں سے بلا اشتعال فائرنگ اور گولہ باری کی، ورکنگ باونڈری پر اتوار کو ہونیوالی بھارتی فورسز کی فائرنگ سے درجن سے زائد شہری زخمی ہوگئے۔

    پنجاب رینجرز نے منہ توڑ جواب دے کر دشمن کی بندوقیں خاموش کرادیں، بھارت مسلسل تین روز سے ورکنگ باونڈری پر جنگ بندی معاہدے کی مسلسل خلاف ورزی کررہا ہے۔

    تین روز سے بھارتی بلااشتعال گولہ باری اور فائرنگ سے اب تک دو درجن کے لگ بھگ پاکستانی شہری زخمی ہوچکے ہیں، بھارتی سکیورٹی فورسز کی فائرنگ سے درجنوں دیہات متاثر ہوئے ہیں.

    سرحد کے قریب واقع دیہاتوں میں شدید خوف و ہراس پیدا ہوگیا ہے اور دیہاتی نقل مکانی پر مجبور ہوگئے ہیں.

  • مقبوضہ کشمیرمیں جھڑپ،4بھارتی فوجی ہلاک

    مقبوضہ کشمیرمیں جھڑپ،4بھارتی فوجی ہلاک

    سری نگر : مقبوضہ کشمیرمیں بھارتی فورسز اورمسلح افراد کے درمیان جھڑپ میں چاربھارتی فوجی ہلاک ہوگئے۔

    بھارتی میڈیا کے مطابق مقبوضہ کشمیرکے ڈسٹرکٹ کپواڑہ میں بھارتی فورسز اورمسلح افراد کے درمیان فائرنگ کا تبادلہ ہوا جس کے نتیجے میں چاربھارتی فوجی ہلاک اورایک حملہ آورمارا گیا۔

    حکام نے علاقے کی ناکہ بندی کرکے سرچ آپریشن شروع کردیا ہے۔مقبوضہ کشمیرمیں بھارتی فورسزنام نہاد مقابلوں میں متعدد کشمیری نوجوانوں کو شہید کرچکی ہے۔

  • بھارتی فوج کی سرحدی خلاف ورزی پر ڈپٹی ہائی کمشنرکی دفترِخارجہ طلبی

    بھارتی فوج کی سرحدی خلاف ورزی پر ڈپٹی ہائی کمشنرکی دفترِخارجہ طلبی

    اسلام آباد : بھارتی فورسز کی جانب سے نکیال سیکٹر پر سیز فائر کی خلاف ورزی کیخلاف بھارتی ڈپٹی ہائی کمشنرکو دفترخارجہ طلب کرلیا گیا۔

    ترجمان دفترخارجہ کے مطابق بھارتی فوج کی بلااشتعال فائرنگ سے تین شہری شہید ہوئے، بیان میں کہا گیا ہے کہ جمعہ کے روز بھارت کی طرف سے نکیال سیکٹر پرشہری آبادی کو نشانہ بنایا گیا جس سے عام شہریوں کی شہادتیں ہوئی ہیں۔

    کوٹلی میں نکیال سیکٹر پربھارتی فوج کی بلا اشتعال فائرنگ اورگولہ باری کے نتیجے میں تین پاکستانی شہری شہید ہوئے جن میں  13 سالہ لائبہ اور 55 سالہ منشی احمد اور ایک نوجوان محمد زاہد شامل ہیں۔

    سیز فائر کی خلاف ورزی کے ایک اور تازہ واقعے پر بھارتی ڈپٹی ہائی کمشنر جے پی سنگھ کودفترخارجہ طلب کرکے پاکستان کی جانب سے احتجاجی مراسلہ ان کے حوالے کیاگیا۔

    مراسلے میں کہا گیا ہے کہ بھارت اشتعال انگیزی سے گریز کرے اورجنگ بندی معاہدے کی پاسداری کرے اس کے علاوہ سرحدی خلاف ورزیوں پرشدید احتجاج ریکارڈ کرایا گیا۔

    واضح رہے کہ پنجاب رینجرز اور بھارتی سیکیورٹی فورسز کے مذاکرات کے بعد بھارت کی جانب سے سرحدی جارحیت میں مسلسل اضافہ ہوا ہے اور گزشتہ کچھ دنوں سے فائرنگ کا سلسلہ تواتر سے جاری ہے جس میں اب تک پاک فوج کا جوان بھی شہید ہوچکا ہے۔