ARYNews.tv | Urdu – Har Lamha Bakhabar

Tag: indian forces

  • نکیال سیکٹر پر بھارتی فوج کی بلا اشتعال فائرنگ، ایک شہری شہید، 4 افراد زخمی

    نکیال سیکٹر پر بھارتی فوج کی بلا اشتعال فائرنگ، ایک شہری شہید، 4 افراد زخمی

    مظفرآباد : جنگی جنون میں مبتلا بھارتی فوج نے ایک بار پھر لائن آف کنٹرول کی خلاف ورزی کرتے ہوئے نکیال سیکٹر پر بلااشتعال فائرنگ کی، جس کے نتیجے میں ایک شہری شہید جبکہ تین خواتین سمیت چار افراد زخمی ہوگئے۔

    پاک فوج کے شعبہ تعلقات عامہ آئی ایس پی آر کے مطابق لائن آف کنٹرول پر بھارت آپے سے باہر ہوگیا اور  روایتی دھرمی کا مظاہرہ کرتے ہوئے بھارتی فوج نے ایل او سی کے قریب آزاد کشمیر کے نکیال سیکٹر پر بلااشتعال فائرنگ کی ، جس کے نتیجے میں ایک شہری شہید اور تین خواتین سمیت چار افراد زخمی ہوگئے۔

    آئی ایس پی آر کا کہنا ہے کہ بھارتی فوج نے چھوٹے ہتھیاروں اور مارٹر گولوں سے شہری آبادی کو نشانہ بنایا۔

    ترجمان کے مطابق پاک فوج نے دشمن کو بھرپور جواب دیتے ہوئے متعدد بھارتی چوکیاں تباہ کردیں، ،بھارتی فوج کو بھاری نقصان کی اطلاعات ہیں۔

    یاد رہے 3 روز قبل بھی نکیال سیکٹر پر ہی بھارتی فوج کی بلااشتعال فائرنگ کے نتیجے میں لڑکی شہید جبکہ 2 افراد زخمی ہوگئے تھے۔

    عالمی یوم امن کے موقع پر بھارتی جارحیت وبربریت ،6 معصوم شہری شہید

    اس سے قبل عالمی یوم امن کے موقع پربھارتی فوج کی جانب سے ورکنگ باؤنڈری پر بلااشتعال فائرنگ کی گئی تھی جس کے نتیجے میں 6 معصوم شہری شہید اور 26 زخمی ہوگئے تھے۔

    واضح رہے کہ  رواں برس بھارتی فوج کی جانب سے متعدد بار لائن آف کنٹرول کی خلاف ورزی کی جاتی رہی ہے، بھارت اپنے داخلی اور سیاسی کشیدگی اور کشمیر میں جاری ظلم و بربریت سے توجہ ہٹانے کے لیے لائن آف کنٹرول پر بلااشتعال فائرنگ کا عمل جاری رکھے ہوئے ہے۔

    رواں برس آزاد کشمیر میں بھارتی فوج کی فائرنگ سے 30 سے زائد افراد شہید جبکہ 176 افراد زخمی ہوگئے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • عالمی یوم امن کے موقع پر بھارتی جارحیت و بربریت ، 6معصوم شہری شہید،26زخمی

    عالمی یوم امن کے موقع پر بھارتی جارحیت و بربریت ، 6معصوم شہری شہید،26زخمی

    سیالکوٹ : عالمی یوم امن کے موقع پر بھارتی جارحیت و بربریت جاری ہے ، بھارتی بلااشتعال فائرنگ سے 6 معصوم شہری شہید جبکہ 26 افراد زخمی ہوگئے۔

    پاک فوج کے شعبہ تعلقات عامہ آئی ایس پی آر کے مطابق بھارتی فوج نے ایک بار پھر ہٹ دھرمی کا مظاہرہ کرتے ہوئے ورکنگ باؤنڈری پر بلااشتعال فائرنگ کی ، جس کے نتیجے میں 6معصوم شہری شہید اور 26 زخمی ہوگئے۔

    ڈی جی آئی ایس پی آر میجر جنرل آصف غفور کا کہنا ہے کہ چاروا، ہڑپال ،چھپار سیکٹر پر بلااشتعال فائرنگ کی گئی، پاکستان رینجرز پنجاب کی جانب سے بھرپور جواب دیتے ہوئے دشمن کی بندوقیں خاموش کرادی۔

    میجر جنرل آصف غفور کا کہنا ہے کہ شہید ہونے والوں میں 4خواتین شامل ہیں جبکہ زخمیوں میں15خواتین اور 5بچے بھی شامل ہیں۔

    آئی ایس پی آر کے مطابق شہید ہونیوالوں میں کندن پورکا رہائشی اشرف مسعود، گاؤں بہینی سلیریاں کی رہائشی مریم اشفاق، چاروا سیکٹر کے رہائشی وسیم انور، شکیلہ ندیم اور نفیسہ محمود گنڈیال کی رہائشی خاتون شازیہ احمد شامل ہیں۔

    دوسری جانب مسلسل بھارتی شیلنگ کے بعد سول اسپتال ،سی ایم ایچ میں ایمرجنسی نافذ کردی گئی ہے ، ضلعی انتظامیہ نے سرحدی علاقوں میں متاثرین کیلئےامدادی کیمپ قائم کردیا جبکہ چوبارہ ورک دل والی اور پنڈی بھاگو میں بھی ریلیف کیمپ قائم کردیا گیا ہے۔

    صحت، لائیواسٹاک، ریونیو اور ریسکیو کا عملہ کیمپ میں موجود رہے گا، ریلیف کیمپس میں متاثرین کی رہائش کا بھی انتظام کیا گیا۔

    علاقے میں خوف وہراس کے باعث لوگوں نے نقل مکانی شروع کردی ہے۔

    یاد رہے گذشتہ روز بھارتی فوج نے سیز فائر کی خلاف ورزی کرتے ہوئے چاروا سیکٹر پر بلااشتعال فائرنگ اور گولہ باری کی، جس کے نتیجے میں  دو خواتین سمیت چار شہری شہید جبکہ چار افراد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کشمیریوں پرظلم وستم‘ بھارتی پولیس اہلکارمستعفی

    کشمیریوں پرظلم وستم‘ بھارتی پولیس اہلکارمستعفی

    سری نگر: بھارتی فوج اور پولیس کی جانب سے کشمیریوں پر جاری ظلم و ستم کے خلاف آواز اٹھاتے ہوئے ہندوستانی پولیس افسر نے استعفیٰ دے دیا‘ استعفے کی ویڈیو سوشل میڈیا پر وائرل ہوگئی۔

    تفصیلات کے مطابق رئیس نامی پولیس اہلکار گزشتہ سات سال سے ہندوستانی پولیس میں خدمات انجام دے رہا تھا ‘ ویڈیو بیان میں کشمیریوں پر جاری ظلم و ستم بیان کرتے ہوئے پولیس کے جوان نے اپنا استعفیٰ دیا۔

    سوشل میڈیا پر وائر ل ہونے والی ویڈیو میں رئیس نامی یہ سابق پولیس اہلکار تسلیم کرتا ہے کہ مقبوضہ کشمیر میں حالات خراب ہیں اوروادی میں تعینات بھارتی فوج اور پولیس نے ظلم ستم کی انتہا کردی ہے۔

    Kashmir unrest

    پولیس اہلکار کا کہنا تھا کہ وہ ضمیر کی آواز پر استعفی ٰ دے رہا ہے۔ظلم وستم سےکئی کشمیری شہید اور بینائی سےمحروم ہوئے‘ مقبوضہ وادی میں جاری بھارتی جارحیت نہیں دیکھ سکتا۔

    بھارت کا یوم آزادی، کشمیریوں کا یوم سیاہ*

    ویڈیو پیغام میں رئیس نامی اس اہلکار کا کہنا تھا کہ ایک پولیس والے کی حیثیت سے کشمیر میں جاری خون ریزی نہیں دیکھ سکتا‘ میں ایک غریب گھر سے ہوں میرے والد مزدور ہیں‘ میں بھی محنت مزدوری کرکے اپنا گھر پال لوں گا لیکن اپنے ضمیر کے ہاتھوں شرمندہ نہیں ہوں گا۔

    رئیس کا کہنا تھا کہ اس جنگ میں ہندوستانی اور پاکستانی بھی مارے جارے ہیں لیکن سب سے زیادہ نقصان کشمیریوں کا ہورہا ہے اور میں جانتا ہوں کہ اس مسئلے کا حل میرے پاس نہیں لیکن میں اپنے ضمیر کی آواز کو جواب دہ ہوں اور میں اپنے ساتھیوں سے بھی یہی کہوں گا کہ وہ اپنے ضمیر کی آواز سنیں۔

    بھارتی پولیس کی جانب سے تاحال رئیس کے استعفے کی تصدیق یا تردید نہیں کی گئی ہے تاہم پولیس ترجمان کی جانب سے یہ ضرور کہا گیا ہے کہ معاملے کی تحقیقات جاری ہیں اور دیکھاجارہا ہے کہ آیا یہ ویڈیو اصلی ہے یا نقلی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • مقبوضہ کشمیر میں بھارتی فوج کی فائرنگ‘ 3 کشمیری شہید

    مقبوضہ کشمیر میں بھارتی فوج کی فائرنگ‘ 3 کشمیری شہید

    سری نگر: مقبوضہ کشمیر میں قابض بھارتی فوج کی فائرنگ سے تین کشمیری نوجوان شہید گئے جس کےبعد تین دن میں شہدا کی تعداد 10 ہوگئی ہے۔

    کشمیر میڈیا سروس کے مطابق مقبوضہ کشمیر میں بھارتی فوج نے محاصرے اور گھر گھر تلاشی کے دوران فائرنگ کرکے تین کشمیری نوجوانوں کو شہید کردیا۔

    دوسری جانب مقبوضہ کشمیر کے کئی علاقوں بشمول سوپور، ہندواڑا، حاجن اور سمبل میں موبائل اور انٹرنیٹ سروس بند ہے جبکہ تاحکمِ ثانی تعلیمی ادارے بھی بند کردیے گئے ہیں۔

    خیال رہےکہ کشمیری رہنماؤں کے مطابق ان شہادتوں کا مقصد مقبوضہ کشمیر میں عوام کو بھارت مخالف مظاہروں میں شرکت سے باز رکھنا ہے جن پر مقبوضہ کشمیر کی کٹھ پتلی حکومت پہلے ہی پابندی لگاچکی ہے۔

    سرینگر: بھارتی فورسز کے ہاتھوں مزید 3 کشمیری شہید

    واضح رہے کہ گزشتہ روز قابض بھارتی فوج نے سرچ آپریشن کے بہانے گھر گھر چھاپے مارے اور کرفیو نافذ کردیا تھا۔ بھارتی فورسز نے سرچ آپریشن کے دوران دو نہتے کشمیریوں کوفائرنگ کرکے شہید کردیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ایل او سی کی خلاف ورزی‘ بھارتی ہائی کمشنر سے احتجاج

    ایل او سی کی خلاف ورزی‘ بھارتی ہائی کمشنر سے احتجاج

    اسلام آباد :دفترِخارجہ نے بھارتی ڈپٹی ہائی کمشنرکوطلب کرکے بھارتی فورسزکی بلااشتعال فائرنگ اورسیز فائرکی خلاف ورزی پراحتجاج کیا۔

    تفصیلات کے مطابق ا ٓج بھارتی ڈپٹی ہائی کمشنرجے پی سنگھ کودفترِخارجہ طلب کرکے بھارت کی جانب سے لائن آف کنٹرول کی مسلسل خلاف ورزی پر احتجاجی مراسلہ ان کے حوالے کیا گیا۔

    دفترِ خارجہ کے مطابق بھارتی فورسزکی بلااشتعال فائرنگ اورسیزفائرمعاہدے کی مسلسل خلاف ورزی پراحتجاج کیا گیا۔دو شہریوں کی شہادت پر بھارت کی بلااشتعال فائرنگ کی مذمت کی گئی۔

    ذرائع کا کہنا ہے کہ دفترِ خارجہ نے احتجاج کرتے ہوئے موقف اختیار کیا کہ بھارت جان بوجھ کرشہری آبادی کونشانہ بنا رہا ہے۔

     لائن آف کنٹرول پر بھارتی فوج کی گولہ باری، خاتون سمیت 2 افراد شہید 

    یاد رہے کہ بھارت دوہزارتین سے مسلسل سیزفائرمعاہدے کی خلاف ورزی کررہا ہے جس کی وجہ سے شہریوں کی ایک بڑی تعداد شہید اور زخمی ہوچکی ہے‘ پاکستان اقوامِ متحدہ کی قرارد ادوں کی روشنی میں خطے میں امن کا حامی ہے لیکن بھارت کی جانب سےایسی کوششوں کا مثبت جواب نہیں دیا جاتا۔

    یاد رہے کہ رواں ماہ کے اوائل میں بھی بھارتی فورسز نے چڑی کوٹ اور ستوال سیکٹر میں سیز فائر معاہدے کی خلاف ورزی کرتے ہوئے بلااشتعال فائرنگ کرکے شہری آبادی کو نشانہ بنایا جس کے نتیجے میں ایک لڑکی سمیت 2 شہری شہید ہوئےتھے۔

    اس موقع پر بھی بھارتی ڈپٹی ہائی کمشنر کو دفترخارجہ طلب کرکے احتجاج کیا گیا تھا اور انہیں باور کرایاگیا تھا کہ ہماری امن پسندی کو ہماری کمزور ی نہ سمجھا جائے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • بڈگام میں بھارتی فوج نے3کشمیریوں کو شہید کردیا

    بڈگام میں بھارتی فوج نے3کشمیریوں کو شہید کردیا

    سری نگر : مقبوضہ کشمیرمیں بھارت کی ریاستی دہشتگردی عروج پر ہے، بڈگام میں بھارتی فورسزنے فائرنگ کرکے تین کشمیریوں کو شہید کردیا جبکہ سرچ آپریشن کے دوران متعدد نوجوانوں کو گرفتار کیا گیا۔

    تفصیلات کے مطابق بھارت کے غاصبانہ قبضے سے آزادی کے لئے کشمیریوں کیجانب سے جانوں کا نذرانہ پیش کرنے کا سلسلہ جاری ہے، بھارتی فورسز کی جانب سے نہتے کشمیریوں کیخلاف طاقت کا اندھا دھند استعمال کیا جارہا ہے۔

    سرچ آپریشن کے بہانے متعدد کشمیری نوجوانوں کو گرفتار کرلیا گیا، مختلف علاقوں کی ناکہ بندی کرکے چادر اور چار دیواری کا تقدس پامال کیا جا رہا ہے۔

    مقبوضہ وادی میں انٹرنیٹ اورموبائل سروس بدستور بند ہے، مختلف علاقوں میں بھارتی مظالم کے خلاف احتجاج جاری ہے، بھارتی مظالم کے خلاف اور شہدا سے اظہار یکجہتی کے لئے حریت رہنماؤں کی اپیل پر کل مقبوضہ وادی میں مکمل ہڑتال ہوگی۔

    یاد رہے کہ  مقبوضہ کشمیر میں نوجوان حریت لیڈر برہان وانی کی برسی کے روز سے نئے سرے شروع ہونے والی بھارتی فورسز کی ظالمانہ کارروائیاں تاحال جاری ہیں۔ گذشتہ روز نوگام کے علاقے میں بھارتی فوج نے 3 کشمیریوں کو شہید کردیا تھا۔

    بھارتی فوج نے سری نگر کے پنتھا چوک پر مظاہرین پر آنسو گیس کی بدترین شیلنگ کی جس سے دو خواتین سمیت متعدد افراد زخمی ہو گئے بھارتی تشدد کے خلاف ہونے والے مظاہرے میں شریک افراد نے جموں سری نگر ہائی وے بند کر دی تھی۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

  • بھارتی فوج کی ایک بار پھر شرانگیزی، عباس پور سیکٹرمیں آبادی پر فائرنگ

    بھارتی فوج کی ایک بار پھر شرانگیزی، عباس پور سیکٹرمیں آبادی پر فائرنگ

    سیالکوٹ : بھارتی فوج نے ایک بار پھر لائن آف کنٹرول عباس پور سیکٹر کی سویلین آبادی پر بلا اشتعال فائرنگ کر دی تاہم پاک فوج کی جانب سے موثر کارروائی کے بعد بھارتی ہتھیاروں کی سانسیں رک گئی۔

    تفصیلات کے مطابق بھارتی فوج نے ایک بار پھر شر انگیزی کرتے ہوئے عباس پور سیکٹر میں آبادی پربلااشتعال فائرنگ کی، جس کے نتیجے میں ایک نوجوان جاں بحق ہوگیا، بھارتی فوج نے سرحدی گاؤں پولَس اور چکوٹہ کو نشانہ بنایا، پاک فوج کی جانب سے بھر پورجوابی کارروائی کے بعد دشمن کی بندوقیں خاموش ہو گئیں۔

    مزید پڑھیں : بھارتی فوج کی فائرنگ، پاکستانی شہری زخمی

    گزشتہ روز بھارتی فورسزکی فائرنگ سے زخمی ہونے والا نوجوان دم توڑگیا۔

    ذرائع کے مطابق شہری عتیق کی نماز جنازہ آج ادا کرنے کے بعد عباس پور کے علاقے میں اس کی تدفین کی جانی تھی لیکن بھارتی فوج کی فائرنگ کا سلسلہ آج بھی جاری ہے جس کے باعث علاقے کے لوگ محصور ہو کر رہ گئے ہیں اور عتیق کی نماز جنازہ اور تدفین بھی نہیں کی جا سکی ہے۔

    گزشتہ ماہ بھی بھارت کی جانب سے بلااشتعال فائرنگ کا سلسلہ جاری رہا تھا،18 مارچ کو بھارتی فورسز فائرنگ کے نتیجے میں ایک 60 سالہ خاتون جاں بحق ہوگئی تھیں۔

    واضح رہے کہ بھارت کی جانب سے زائد بار لائن آف کنٹرول کی خلاف ورزی کی گئی جس کے نتیجے میں پاکستانی شہری شہید و زخمی بھی ہوئے۔

  • کشمیر پربھارتی تسلط کے 69 سال مکمل، عوام یوم سیاہ منا ر ہے ہیں

    کشمیر پربھارتی تسلط کے 69 سال مکمل، عوام یوم سیاہ منا ر ہے ہیں

    آج کے دن کشمیر کے ڈوگرہ راجا نے عوامی رائے اور تقسیم ہند کے فارمولے کے برخلاف ایک معاہدے کے تحت بھارت میں شمولیت اختیار کی تھی، کشمیر ی عوام آج یومِ سیاہ مناہ رہے ہیں۔

    تقسیمِ ہند کے وقت کشمیر کی ریاست پر ڈوگرہ نامی ہندو راجہ کی حکومت تھی جبکہ ریاست کی اکثریتی آبادی مسلمان تھی۔ انگریز حکومت کی جانب سے تیار کردہ تقسیم کے فارمولے کے تحت مسلم اکثریتی علاقوں کا الحاق پاکستان کے ساتھ اور غیر مسلم علاقوں کا الحا ق ہندوستان کے ساتھ ہونا تھا۔

    کشمیر کے راجا ڈوگرہ نے تقسیم کےفارمولے اور عوامی امنگوں کو نظر انداز کیا اور بھارت کے وزیر اعظم جواہر لعل نہرو سے ساز باز کرکے الحاق کا معاہدہ کرلیا۔

    ریاست کشمیر اور جواہر لعل نہر و کے درمیان معاہدہ ہوتے ہی ہندوستانی فوجوں نے 27 اکتوبر 1947 کو کشمیر ایئر پورٹ پر اتر کر سب سے پہلے اس کا نظم و نسق اپنے اختیار میں لے لیا اور اس کے بعد ہندوستانی افواج مختلف راستوں سے کشمیر میں داخل ہوگئیں۔

    آج ا س واقعے کے 69 سال بعد بھی کشمیر ی عوام اس فیصلے کو غیر قانونی اور غیر آئینی قرار دیتے ہیں اور بھارتی فوج کے نہتے کشمیریوں پر کیے جانے والے مظالم کے خلاف صف آراء ہیں۔

    بھارتی فوج نے 69 سال کے طویل عرصے میں کشمیری عوام پر ظلم و ستم ڈھا کر ان کی رائے اپنے حق میں کرنے کی ناکام کوشش کرنے کی تاریخ رقم کی ہے، بھارتی مظالم کے ساتھ ساتھ کشمیر ی عوام کا جوش و ولولہ اور آزادی کا جذبہ بھی بڑہتا ہی جارہا ہے۔

    رواں سال جون میں کشمیر کی جنگِ آزادی کے نوجوان رہنما برہان وانی کی شہادت نے کشمیری عوام میں آزادی کی نئی روح پھونک دی‘ کرفیو کے باوجود لاکھوں افراد نے جنازے میں شرکت کی اور پاکستان کے حق میں نعرے لگائے۔

    اس واقعے کے بعد سے وادی میں کشیدگی عروج پر ہے اور بھارتی غاصب افواج نے تین ماہ سے زائد عرصے سے کرفیو نافذ کررکھا ہے جس کے سبب کشمیری عوام اپنے بنیادی حقوق اور ضروریاتِ زندگی سے بھی محروم کردیے گئے ہیں۔

    تین ماہ کے اس عرصے میں بھارت نے ظلم وستم کی انتہا کردی ہے اوراب تک 100 سے زائد شہری شہید ہوچکے ہیں ۔ کشمیریوں کے خلاف بے دریغ ممنوعہ گنوں کا استعمال کیا جارہا ہے جس سے سینکڑوں کی تعداد میں کشمیر یوں کی آنکھیں ضائع یا متاثر ہوچکی ہیں۔

    کشمیر ی عوام آج 69 سال کا طویل عرصہ ظلم وبربریت اورجبر سہنے کے بعد بھی اپنا حق ِ رائے دہی ترک کرنے پر تیار نہیں ہیں اور بھارتی مظالم کے خلاف آج دنیا بھر میں یومِ سیاہ منا رہے ہیں۔

    کشمیر کی تاریخ کا سیاہ دن ‘ ٹویٹر پر ٹاپ ٹرینڈ کر رہا ہے

    kashmir

    #KashmirBlackDayInHistory

    https://twitter.com/Nomysahir/status/791172500956782592

    https://twitter.com/JawadKPak/status/791176593012101120

    https://twitter.com/jangojadoon/status/791170233465724928

    https://twitter.com/sadamengr/status/791170059750244352

    https://twitter.com/KhatijahFatima/status/791154644873601024

  • حریت رہنماؤں کی گرفتاری قابل مذمت ہے،نفیس ذکریا

    حریت رہنماؤں کی گرفتاری قابل مذمت ہے،نفیس ذکریا

    اسلام آباد : پاکستانی دفترخارجہ نے حریت رہنما یاسین ملک کو بہتر طبی سہولت فراہم نہ کرنے اور بھارتی فوج کے ہاتھوں شہید کیے جانے والے بائیس سا لہ طالب علم کے قتل کی بھی شدیدمزمت کی۔

    تفصیلات کےمطابق اسلام آباد میں دفترخارجہ کےترجمان نفیس ذکریا نے بتایا کہ حریت رہنما یاسین ملک کی حالت تشویشناک ہےانہیں آئی سی یو میں منتقل کردیا گیا ہے۔

    ترجمان دفتر خارجہ کے ترجمان کا کہناتھاکہ حریت رہنمایاسین ملک کوبہترطبی سہولت نہ دینےکی مذمت کرتےہیں۔

    تفیس ذکریا نے بتایاکہ علی گیلانی، میرواعظ اور آسیہ اندرابی بھی بھارتی فوج کی حراست میں ہیں۔ان کا کہنا تھا کہ حریت رہنماؤں کی گرفتاری قابل مذمت ہے۔

    مزید پڑھیں:میرے شوہر کی زندگی کوسخت خطرہ ہے،مشعال ملک

    دفتر خارجہ کے ترجمان نے بھارتی فوج کے ہاتھوں شہید کیے جانے والے22 سالہ طالب علم جاوید میر کے قتل کی بھی شدید مزمت کی اور کہا جاوید میر مقبوضہ کشمیر کے ضلع بٹگرام کے ایک کالج میں زیر تعلیم تھااور وہ کسی بھی احتجاجی سرگرمیوں میں ملوث نہیں تھا۔

    مزید پڑھیں: حریت رہنما یاسین ملک کی حالت تشویش ناک، آئی سی یو منتقل

    واضح رہے کہ گزشتہ روز مقبوضہ کشمیر کے اسیر حریت رہنما یاسین ملک کو تشویش ناک حالت میں اسپتال کے آئی سی یو منتقل کردیا گیاتھا جہاں ان کے بائیں بازوں نے کام کرنا چھوڑ دیا،یہ خبرسن کر ان کی اہلیہ بے ہوش ہو گئی تھیں۔

  • بھارت کشمیرمیں جاری ظلم وبربریت کوفوری بندکرے،اوآئی سی

    بھارت کشمیرمیں جاری ظلم وبربریت کوفوری بندکرے،اوآئی سی

    تاشقند: او آئی سی کے 43ویں اجلاس میں بھارت کی جانب سے کشمیر میں جاری جارحیت کے خلاف قرارداد منظور کرلی گئی۔

    تفصیلات کےمطابق ازبکستان کے دارالحکومت تاشقند میں او آئی سی وزرائے خارجہ کونسل کے43 ویں اجلاس میں مقبوضہ کشمیر میں بھارتی مظالم کی شدید الفاظ میں مذمت کی گئی اور کشمیریوں کے حق کےلیے غیر متزلزل حمایت کا اعادہ کیا ہے۔

    اجلاس میں بھارتی مظالم کے خلاف منظور کی گئی قرارد میں کہا گیا ہے عالمی برادری کشمیرسےمتعلق اپنی خاموشی توڑےاوربھارت سلامتی کونسل کی قراردادوں پرفوری عمل کرے۔

    او آئی سی کےاجلاس میں مطالبہ کیا گیا کہ بھارت کشمیرمیں جاری ظلم وبربریت کوفوری بندکرےبھارت مقبوضہ کشمیرکی ریاستی صورت حال تبدیل نہ کرے۔

    قرارداد میں کہا گیا کہ بھارت اوآئی سی کےخصوصی نمائندوں اور انسانی حقوق کی تنظیموں کومقبوضہ کشمیرجانےکی اجازت دے۔بھارت اورپاکستان کشمیرسمیت تمام مسائل پرمذاکرات کریں کشمیری عوام کےلیےانسانی بنیادوں پرخصوصی فنڈقائم کیاجائے۔

    مزید پڑھیں:او آئی سی کا کشمیر میں جاری بھارتی مظالم پر اظہار مذمت

    یاد رہے کہ اس سے قبل رواں سال جولائی میں  او آئی سی کی جانب سے کشمیر میں جاری بھارتی مظالم کی شدید الفاظ میں مذمت کی گئی تھی۔

    مزید پڑھیں: او آئی سی کا مقبوضہ کشمیرمیں اقوام متحدہ کا فیکٹ فائنڈنگ مشن بھیجنے کا مطالبہ

    واضح رہے کہ گزشتہ روز انقرہ میں او آئی سی نے مقبوضہ کشمیر میں بھارتی ظلم وستم کی شدید مذمت کرتے ہوئے مقبوضہ کشمیرمیں اقوام متحدہ کا فیکٹ فائنڈنگ مشن بھیجنے کا مطالبہ کیا تھا۔