سیالکوٹ : سرحد عبور کر کے پاکستانی حدود میں داخل ہونے والے بھارتی باشندے کو گرفتار کر لیا گیا، پولیس نے ملزم پر فارنر ایکٹ کے تحت تھانہ کینٹ میں مقدمہ درج کرلیا ہے۔
تفصیلات کے مطابق سیالکوٹ میں پولیس نے سرحد عبور کرکے غیر قانونی طور پر پاکستان میں داخل ہونے والے بھارتی باشندے کو گرفتار کرلیا ، بتایا جارہا ہے کہ ملزم ہریندر سنگھ کامل پور کا رہائشی ہے۔
ترجمان کا کہنا ہے کہ غیر قانونی طور پر سرحد عبور کرنے کے خلاف ملزم پر فارنر ایکٹ کے تحت تھانہ کینٹ میں مقدمہ درج کرلیا گیا ہے، پولیس ملزم سے مختلف پہلوؤں پرتفتیش کر رہی ہے۔
یاد رہے پاکستان میری ٹائم سیکیورٹی ایجنسی نے پاکستان کی سمندری حدود کی خلاف ورزی کرنے والے56 بھارتی ماہی گیروں کو گرفتار کر کے اُن کی 10 کشتیاں قبضے میں لے لیں تھیں۔
خیال رہے گذشتہ سال اگست میں وفاقی تحقیقاتی ایجنسی (ایف آئی اے) کے اہلکاروں نے شہر کے علاقے لاری اڈا کے قریب آپریشن کے دوران اور ایک بھارتی شہری کو گرفتار کیا تھا
ڈپٹی ڈائریکٹر ایف آئی اے عامر نواز کا کہنا تھا کہ پنچم تیواری بھارتی شہر بنارس کا رہائشی ہے اور دس سال قبل غیرقانونی طور پر پاکستان میں داخل ہوا تھا اور تب سے ہی پاکستان میں مقیم تھا۔
