Tag: Indian Raw

کراچی : ایس ایس پی راؤ انوار نے کہا ہے کہ  ایم کیوایم بھارتی خفیہ ایجنسی را کے لئے کام کرتی ہے۔

کراچی میں پریس کانفرس کرتے ہوئے ایس ایس پی ملیر راؤ انوار کا کہنا تھا کہ گزشتہ دو افراد کو گرفتار کیا گیا ہے ، جنہوں نے انکشاف کیا ہے کہ  ایم کیوایم بھارتی ایجنسی را کے لئے کام کرتی ہے۔

ایس ایس پی ملیر کا  کہنا ہے کہ الطاف حسین کے کہنے پر لوگ بھارت جاتے ہیں ۔جہاں ایم کیوایم کے کارکنان کو ٹرینگ دی جاتی ہے۔

راؤ انوار نے انکششاف کیا کہ ایم کیوایم کے ہر سیکٹر کے لڑکے بھارت ٹریننگ کے لئے جاتے ہیں،ابھی تک ساٹھ لڑکوں کی ٹریننگ کی اطلاعات ہے، لڑکوں کو بھارتی شہر ’دہرہ دون‘ میں تربیت دی جاتی ہے، تربیت کے بعد لاہور کے ذریعے پاکستان آتے ہیں ۔

 رائو انوار کے مطابق ایم کیوا یم کے کارکن طاہر لمبا اور جنید نے دورانِ تفتیش بتایا ہے کہ ایم کیو ایم کے قائد الطاف حسین ، محمد انور اور ندیم نصرت کراچی سے لڑکوں کو دہشتگردی کی تربیت کیلئے بنکاک کے راستے بھارت کے شہر دہلی بھجواتے تھے۔

رائو انوار نے بتایا کہ دہلی میں مقیم جاوید لنگڑا اور اس کا بھائی نوید بھی دہشتگردی میں ملوث ہیں، انکا کہنا تھا کہ ملزمان سے پوچھ گچھ کیلئے جے آئی ٹی بنائی جائے گی۔

انہوں نےحکومت سے سفارش ہے کہ ایم کیوایم پر پابندی لگائی جائے، ایم کیوایم ٹی ٹی پی سے بھی زیادہ خراب تنظیم ہے، ایم کیوایم جیسی ملک دشمن تنظیموں کو کلعدم قرار دینا چاہیئے ۔

ان کا کہنا تھا کہ محمد انور بھارتی نژاد برطانوعی شہری ہیں پاکستانی نہیں ہیں، لندن سیکٹریٹ سے زولفقار حیدر اور ندیم نصرت بھارتی ایجنسی را سے رابطے میں ہیں۔