نئی دہلی: سوشل میڈیا پر لائیکس کی دوڑ نے ایک اور نوجوان کی جان لے لی، بھارت میں محض چند لائیکس کی خاطر یوٹیوبر ہلاک ہو گیا۔
بھارتی میڈیا کے مطابق آگستے چوہان نامی یوٹیوبر ایک ویڈیو کے لیے اپنی جان گنوا بیٹھا، تیز رفتاری سے کار اور موٹر سائیکل چلانے کے دوران ویڈیو بنانے کے لیے مشہور یوٹیوبر آگستے ایسی ہی ایک کوشش کے دوران آگرہ کی سپر ہائی وے پر جان لیوا حادثے کا شکار ہو گیا۔
آگستے چوہان خطرناک ویڈیوز اپ لوڈ کر کے اپنے سبسکرائبر سے داد وصول کرتا تھا، اور اس کے فالوورز تیز رفتار موٹر سائیکلنگ کی ویڈیوز سے خوب محظوظ ہوتے تھے، تاہم یوٹیوب پر 12 لاکھ سبسکرائبر رکھنے والا آگستے اب دنیا میں نہیں رہا۔
यमुना एक्सप्रेस वे पर 300 की स्पीड, Ninja ZX10R सुपरबाइक पर सवार उत्तराखंड के यूट्यूबर अगस्त्य चौहानका वीडियो आया सामने । #ripagastyachauhan #uttrakhand #youtuber #अगस्त्यचौहान #AgastyaChauhan #Agastya #death #dehradun #Agastyachauhandeath #yamunaexpressway pic.twitter.com/1XwzBQ07iS
— newsrevision (@newsrevision) May 4, 2023
رپورٹس کے مطابق یوٹیوبر آگستے آگرہ سے دہلی جانے والی یمنا ایکسپریس وے پر 300 کلو میٹر فی گھنٹہ کی رفتار سے موٹر سائیکل دوڑا رہا تھا اور ویڈیو بھی ریکارڈ کر رہا تھا، کہ اس دوران توازن برقرار نہ رکھ سکا اور حادثے کا شکار ہو گیا۔
سڑک پر گرنے کے باعث آگستے کا ہیلمٹ ٹوٹ کر چکناچور ہو گیا تھا، اور سر پر جان لیوا چوت کے باعث اس کی زندگی کا خاتمہ ہو گیا۔
