ARYNews.tv | Urdu – Har Lamha Bakhabar

Tag: Indian

  • مقبوضہ کشمیر میں بھارتی فوج کی فائرنگ، 1 نوجوان شہید

    مقبوضہ کشمیر میں بھارتی فوج کی فائرنگ، 1 نوجوان شہید

    سری نگر : مقبوضہ کشمیر میں بھارتی فوج نے سرچ آپریشن کے دوران فائرنگ کرکے ایک نوجوان کو شہید کردیا، بھارتی فورسز نے نوجوان کی شہادت کے بعد علاقے میں غیر اعلانیہ کرفیو نافذ کردیا۔

    تفصیلات کے مطابق مقبوضہ کشمیر کے علاقے کپواڑہ میں ظالم بھارتی فوج کی ریاستی دہشت گردی جاری ہے، بھارتی فوج کے دہشت گرد اہکاروں کی اندھا دھند فائرنگ سے ایک کشمیری نوجوان شہید ہوگیا۔

    کشمیری میڈیا کا کہنا ہے کہ کپواڑہ اور اس کے گرد و نواح کے علاقوں میں بھارتی فورسز کا سرچ آپریشن جاری ہے، نوجوان کو بھی سرچ آپریشن کے دوران بھارتی افواج نے نشانہ بنایا ہے۔

    کشمیری میڈیا کے مطابق ہندوستانی فوج کی جانب سے نوجوان کی شہادت کے بعد علاقے میں غیر اعلانیہ کرفیو نافذ کردیا گیا ہے، جبکہ انٹرنیٹ اور موبائل فون سروس بھی بند کردی گئی ہے۔

    کشمیر: برہان وانی کی برسی منانے پر پابندی، تین کشمیری شہید

    خیال رہے کہ چند روز قبل شہید برہان وانی کی برسی کے موقع پر بھارتی فورسز نے مقبوضہ کشمیر میں عملاً پابندی لگاتے ہوئے تین کشمیریوں کو شہید کر دیا تھا۔ بھارتی فوج نے ضلع پلوامہ میں ترال قصبے میں برہان وانی کی برسی پر عوامی اجماعات کو روکنے کے لیے قصبے کی ناکہ بندی بھی کردی تھی۔

    مقبوضہ کشمیرمیں بھارتی فوج کی فائرنگ‘ 5 کشمیری نوجوان شہید

    یاد رہے کہ 22 جون کو بھارتی افواج کےاہلکاروں نے مقبوضہ کشمیر کے ضلع اسلام آباد میں فائرنگ کرکے 5 کشمیری نوجوانوں کو شہہید کردیا تھا، جبکہ فائرنگ کے نتیجے میں متعدد شہری زخمی ہوگئے تھے۔

    مقبوضہ کشمیرمیں بھارتی فوج کی فائرنگ‘ 20 نوجوان شہید

    خیال رہے کہ 19 جون کو بھارتی فوج کی فائرنگ سے ضلع پلواما میں بھی 3 کشمیری نوجوان شہید ہوئے تھے۔

    واضح رہے کہ 2 اپریل کو مقبوضہ کشمیر میں قابض بھارتی فورسز نے سرچ آپریشن کے نام پر فائرنگ کرکے 20 کشمیری نوجوانوں کو شہید جبکہ 300 سے زائد افراد کو زخمی کردیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • مدر ٹریسا سینٹر کی ملازمہ بچوں کی اسمگلنگ کے الزام میں گرفتار

    مدر ٹریسا سینٹر کی ملازمہ بچوں کی اسمگلنگ کے الزام میں گرفتار

    نئی دہلی : بھارتی ریاست جھارکھنڈ میں پولیس نے کارروائی کرتے ہوئے نومولود بچوں کی اسمگلنگ میں ملوث مدر ٹریسا سینٹر کی ملازمہ کو گرفتار کرلیا۔

    تفصیلات کے مطابق بھارتی ریاست جھارکھنڈ پولیس نے جمعرات کے روز مدر ٹریسا کے نام سے چلنے والے فلاحی ادارے کی ملازم خاتون کو نومولود بچوں کو فروخت کرنے کے الزام میں حراست میں لیا گیا ہے۔

    بھارتی پولیس نے مدر ٹریسا چیرٹی ہوم میں ملازمت کرنے والی خاتون کو چائلڈ ویلفیئر کمیٹی کی جانب سے شکایت درج کروانے پر جھارکھنڈ کے دالحکومت رانچی میں بچوں کی اسمگلنگ کرنے کے جرم میں گرفتار کیا ہے۔

    بھارتی میڈیا کا کہنا تھا کہ مدر ٹریسا چیریٹی ہوم سے نومولود بچوں کی اسمگلنگ میں ملوث خاتون کو جرم ثابت ہونے کی صورت میں پانچ برس قید کی سزا کا سامنا کرنا پڑے گا۔

    چائلڈ ویلفیئر کمیٹی کی چیئرمین روپا کماری کا کہنا تھا کہ بھارتی پولیس اتر پردیش کے ایک جوڑے کے خلاف 1700 ڈالر کے عوض نومولود بچے کو فروخت کرنے کے معاملے کی تحقیقات کررہی ہے۔

    رانچی پولیس کے ایس ایس پی انیش گپتا کا کہنا تھا کہ بچوں کی اسمگلنگ میں ملوث خواتین کے ساتھ ساتھ غیر قانونی طور پر نومولود بچوں کو خریدنے والے جوڑوں کو بھی مقدمات کا سامنا کرنا پڑے گا۔

    بھارتی پولیس کا کہنا تھا کہ خاتون ملزم نے دوران تفتیش مزید چار بچوں کو غیر قانونی طور پر فروخت کرنے کا اعتراف کیا، جس کے بعد پولیس نے ان خاندانوں کے خلاف بھی کارروائی کا آغاز کردیا ہے جنہوں نے غیر قانونی طور پر بچوں کو خریدا ہے۔

    بھارتی میڈیا کا کہنا تھا کہ چائلڈ ویلفیئر کمیٹی نے گذشتہ ہفتے بھی مدر ٹریسا سینٹر نے غائب ہونے والے بچے کو برآمد کیا تھا۔ لیکن دوران تفتیش خاتون نے بتایا تھا کہ بچے کو اس کی والدہ لے گئی ہے۔

    بھارتی پولیس کا کہنا تھا کہ خاتون کے بیان پر بچے کی والدہ سے معلومات لی گئی تو انہوں نے بتایا کہ ’میرے پاس کوئی بچہ نہیں ہے‘، جس کے بعد پولیس اس اسپتال میں بھی تفتیش کررہی ہے جس میں بچے کی پیدائش ہوئی تھی۔

    چائلڈ ویلفیئر کمیٹی کی چیئرمین کا کہنا تھا کہ بھارت کے دیگر شہروں میں بھی نومولود بچوں کو 50 سے 70 ہزار روپے کے عوض فروخت کیا جارہا ہے۔

    بھارتی میڈیا کے مطابق چائلڈ ویلفیئر کمیٹی نے مدر ٹریسا سینٹر میں موجود 13 حاملہ خواتین مختلف جگہوں پر منتقل کردیا گیا ہے۔

    خیال رہے کہ مدر ٹریسا کا انتقال 87 برس کی عمر میں سنہ 1997 میں ہوا تھا، جنہیں بھارتی کے مشرقی شہر کولکتہ میں دفن کیا گیا تھا، مدر ٹریسا نے سنہ 1950 میں مشنریز آف چیرٹی کی بنیاد رکھی تھی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • ابوظہبی میں ملازمت کرنے والے بھارتی شہری نے 70 لاکھ درہم جیت لیے

    ابوظہبی میں ملازمت کرنے والے بھارتی شہری نے 70 لاکھ درہم جیت لیے

    دبئی : متحدہ عرب امارات میں ملازمت کرنے والے 30 سالہ بھارتی نوجوان نے 70 لاکھ اماراتی درہم کی لاٹری جیت لی۔

    تفصیلات کے مطابق بھارت سے تعلق رکھنے والے 30 سالہ نوجوان توجو میتھیو نے 70 لاکھ اماراتی درہم کی لاٹری جیتی ہے, جو 12 کروڑ 70 لاکھ بھارتی روپے بنتے ہیں۔

    توجو میتھیو نے متحدہ عرب امارات کی تاریخ کی سب سے بڑتی لاٹری جیتی ہے، بھارتی نوجوان کا کہنا تھا کہ میں نے ابوظہبی کے ہوائی اڈے پر لاٹری کا ٹکٹ خریدا تھا جب میں یو اے ای کو خیر آباد کہنے والا تھا۔ مجھے لاٹری کی رقم جیتنے کا ذرا بھی اندازہ نہیں تھا، لیکن میں 70 لاکھ اماراتی درہم کا مالک بن گیا۔

    غیر ملکی خبر رساں ادارے کے مطابق توجو میتھیو نے لاٹری کا ٹکٹ ایئر پورٹ سے خریدا تھا، جس کا نمبر 075171 تھا، لاٹری جیتنے والے خوش نصیب کا اعلان منگل کے روز کیا گیا تھا۔

    غیر ملکی خبر رساں ادارے کا کہنا تھا کہ لاٹری میں جیتی گئی 70 لاکھ درہم کی خطیر رقم توجو میتھیو نے اپنے بھائی سمیت 18 ساتھی ملازمین میں تقسیم کردی جو اس کے ساتھ ابوظہبی کے ادارے میں گذشتہ چھ برسوں سے کام کررہے تھے۔

    توجو میتھیو کا کہنا تھا کہ میرے ساتھ کمپنی میں ملازمت کرنے والے دیگر افراد متوسط طبقے سے تعلق رکھتے ہیں جو گذشتہ کئی برس سے اپنے اہل خانہ کی خاطر متحدہ امارات میں نوکری کررہے ہیں۔

    بھارتی نوجوان راتوں‌ رات کروڑ پتی بن گیا

    میتھیو کا کہنا تھا کہ میری خواہش تھی کہ بھارتی ریاست کیرالہ میں میرا اپنا گھر ہو اور لاٹری میں جیتی گئی رقم سے میں اپنا خواب پورا کرسکوں گا۔

    غیر ملکی خبر رساں ادارے کا کہنا تھا کہ متحدہ عرب امارات میں مزید 9 افراد نے 1 لاکھ درہم کی لاٹری جیتی ہے، جس میں 5 بھارتی، ایک پاکستانی اور ایک کویتی شہری شامل ہیں، جبکہ ایک بھارتی شہری نے انعام میں بی ایم ڈبلیو کی گاڑی جیتی ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • شجاعت بخاری کا قتل کشمیریوں کی آواز دبانے کی نئی سازش ہے‘ مشعال ملک

    شجاعت بخاری کا قتل کشمیریوں کی آواز دبانے کی نئی سازش ہے‘ مشعال ملک

    اسلام آباد: حریت رہنما یاسین ملک کی اہلیہ مشعال ملک نے کہا ہے کہ شجاعت بخاری کا قتل کشمیریوں کی آواز دبانے کی نئی سازش ہے، انہوں نے ہمیشہ حق کا ساتھ دیا۔

    ان خیالات کا اظہار انہوں نے سری نگر میں مقبوضہ کشمیر کے سینئر صحافی شجاعت بخاری کے قتل پر ردعمل دیتے ہوئے کیا، مشعال ملک کا کہنا تھا کہ حملہ آور نامعلوم نہیں بلکہ بھارتی بھیڑیے تھے۔

    انہوں نے کہا کہ شجاعت بخاری نے ہمیشہ حق وسچ کا ساتھ دیا، قابض بھارتی فوج کی مقبوضہ کشمیر میں جارحیت اور بربریت کا سلسلہ جاری ہے۔

    ان کا مزید کہنا تھا کہ بھارتی آرمی چیف اعتراف کرچکے ہیں کہ تحریک کو دبانا ممکن نہیں، دنیا بھارتی ہتھکنڈے سمجھے اور حق رائے دہی دلانے میں کردار ادا کرے۔

    سری نگر میں رائزنگ کشمیر کے ایڈیٹر شجاعت بخاری کو قتل کردیا گیا

    خیال رہے کہ آج سری نگر میں سینئر صحافی اور رائزنگ کشمیر کے ایڈیٹر کو موٹر سائیکل پر سوار تین نامعلوم مسلح ملزمان نے گولیاں مار کر قتل کردیا، شجاعت بخاری کو دفتر کے باہر نشانہ بنایا گیا۔

    واضح رہے کہ عینی شاہدین کا کہنا تھا کہ انہیں قریب سے کئی گولیاں ماری گئیں، گولیوں کی زد میں آکر ان کا گارڈ بھی جاں بحق ہوگیا جبکہ ڈرائیور کو زخمی حالت میں اسپتال منتقل کردیا گیا ہے۔

    کشمیریوں کی آئے روز لاشیں عالمی برادری کا ضمیر جھنجھوڑ رہی ہے، مشعال ملک

    یاد رہے کہ شجاعت بخاری پر 2000ء میں قاتلانہ حملہ ہوا تھا جس میں وہ محفوظ رہے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • بھارت: نامعلوم افراد کی فائرنگ، معروف گلوکار نوجوٹ سنگھ ہلاک

    بھارت: نامعلوم افراد کی فائرنگ، معروف گلوکار نوجوٹ سنگھ ہلاک

    ممبئی: بھارت کے معروف نوجوان گلوکار نوجوٹ سنگھ کو چندی گڑھ میں نامعلوم افراد نے گولیاں مار کر قتل کردیا، پنجابی گلوکاروں کی تسلسل کے ساتھ ہونے والی ٹارگٹ کلنگ کے بعد کمیونٹی میں تشویش کی لہر دوڑ گئی۔

    بھارتی میڈیا رپورٹس کے مطابق معروف نوجوان گلوکار  ہفتے کی شپ اپنے والدین سے ملنے جارہے تھے کہ چندی گڑھ کے علاقے میں انہیں نامعلوم افراد نے گولیاں مار کر قتل کردیا۔

    پولیس حکام کے مطابق چندی گڑھ اسٹیشن پر اطلاع موصول ہوئی کہ انڈسٹریل ایریا میں سڑک کنارے پر ایک کار کے اندر خون میں لت پت نوجوان کی لاش پڑی ہے جس کے بعد نفری اور ریسکیو رضا کار جائے وقوعہ پر پہنچے۔

    بائیس سالہ پنجابی گلوکار کی لاش کو اسپتال منتقل کیا گیا جہاں اُن کے جسم پر پانچ گولیاں لگنے کی تصدیق ہوئی، پوسٹ مارٹم رپورٹ کے مطابق دل میں لگنے والی گولی ہلاکت کا سبب بنی۔

    والدین کا کہنا ہے کہ اُن کا بیٹے سے آخری رابطہ واقعے سے 5 منٹ قبل ہوا جب نوجوٹ نے اطلاع دی کہ وہ اچانک اپنے بہن بھائیوں اور سے ملنے واپس گھر آرہا ہے مگر اُس کے بعد کوئی رابطہ نہیں ہوا۔

    نوجوان ہلاکت کی خبر اہل خانہ اور مداحوں پر قیامت کا پہاڑ ثابت ہوئی اور انہوں نے واقعے پر افسوس کا اظہار کرتے ہوئے حکام سے مطالبہ کیا ہے کہ وہ قاتلوں کو فوری گرفتار کرکے سخت سزا دے۔

    اہل خانہ نے گلوکار کی آخری رسومات ادا کردیں جبکہ پولیس نے 302 کے تحت مقدمہ درج کر کے تحقیقات کا آغاز کردیا، حکام کے مطابق جلد قتل کے واقعے میں اہم پیشرفت ممکن ہے کیونکہ جائے وقوعہ سےملنے والے خول فرانزک لیب بھی دیے گئے۔

    بھارتی میڈیا کے مطابق گزشتہ ماہ معروف پنجابی گلوکار پرمیشن روما کو بھی نامعلوم افراد نے موہالی کے قریب اُس وقت نشانہ بنایا تھا جب وہ چندی گڑھ سے ایک پروگرام کے بعد گھر واپس آرہے تھے، خوش قسمتی سے گلوکار کے ساتھ آنے والے دوست حادثے میں بالکل محفوظ رہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بھارتی نوجوان راتوں‌ رات کروڑ پتی بن گیا

    بھارتی نوجوان راتوں‌ رات کروڑ پتی بن گیا

    دبئی : متحدہ عرب امارات میں بھارتی 21 سالہ نوجوان نے 70 لاکھ اماراتی درہم کی لاٹری جیت لی.

    تفصیلات کے مطابق بھارتی ریاست کیرالہ سے تعلق رکھنے والے 21 سالہ نوجوان راہول ورگیسی سے 70 لاکھ اماراتی درہم کی لاٹری جیتی ہے, جو 12 کروڑ 70 لاکھ بھارتی روپے بنتے ہی۔

    راہول نے متحدہ عرب امارات کی تاریخ کی سب سے بڑتی لاٹری جیتی ہے، بھارتی نوجوان کا کہنا تھا کہ میں نے دوسری بار لاٹری کا ٹکٹ خرید کر اپنی قسمت آزمانے کا فیصلہ کیا تھا۔ مجھے لاٹری کی رقم جیتنے کا ذرا بھی اندازہ نہیں تھا۔

    راہول کا اہنے بیان میں کہنا تھا کہ ’میں ابھی صرف 21 سال کا ہوں اور مجھے یقین نہیں ہورہا کہ میں نے اتنی بڑی رقم انعام میں جیتی ہے۔ میں اس رقم سے اپنی خواہشات پوری کرسکوں گا اور اپنے گھر والوں کی مدد اور انسانیت کے لیے بھلائی کے۔

    راہول کے والد انیل ورگیسی کا کہنا تھا کہ ’راہول ابھی گریجویشن کا طالب علم ہے اور بہت خوش قسمت ہے، اس نے آن لائن لاٹری کا ٹکٹ خریدا تھا اور ٹکٹ کا نمبر بھی میرے بیٹے کی تاریخ پیدائش کے مطابق 11197 تھا۔

    انیل ورگیسی کویت کے ایک سرکاری ادارے میں ایکزیکیٹو اسسٹنٹ کی حیثیت سے ملازمت کرتے ہیں۔

    راہول ورگیسی کے علاوہ چھ خوش نصیب اور بھی ہیں جنہوں نے دس لاکھ درہم لاٹری میں جیتے ہیں، جن میں ایک مراکشی، ایک بنگالی جبکہ باقی 5 پانچ کا تعلق بھارتی سے ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • آسٹریلیا: صحافت کی آڑ میں انسانی اسمگلنگ کا انکشاف، آٹھ بھارتی گرفتار

    آسٹریلیا: صحافت کی آڑ میں انسانی اسمگلنگ کا انکشاف، آٹھ بھارتی گرفتار

    کینبرا: بھارت صحافت کی آڑ میں انسانی اسمگلنگ کرنے لگا  آسٹریلیا میں خود کو صحافی ظاہر کرنے والے آٹھ بھارتیوں کو قانون نافذ کرنے والے اداروں نے گرفتار کر لیا۔

    تفصیلات کے مطابق بھارتی فراڈیوں نے انسانی اسمگلنگ کا نیا انداز اپناتے ہوئے بیرون ملک جانے کے لیے اپنے آپ کو صحافی ظاہر کرنا شروع کر دیا ہے اس ضمن میں آسٹریلیا سے آٹھ بھارتیوں کو گرفتار کر لیا گیا جن کا یہ دعویٰ تھا کہ وہ کھیلوں کے صحافی ہیں۔

    پولیس حکام کا کہنا ہے کہ آٹھ بھارتی شہریوں پر مشتمل یہ گروہ گذشتہ دنوں بدھ اور جمعرات کی درمیانی شب برسین کے ہوائی اڈے پر پہنچا جہاں قانون نافذ کرنے والے ادارے پہلے سے چاکنا تھے تاہم جیسے ہی گروہ ہوائی اڈے کے احاطے میں داخل ہوا پولیس حکام نے فوری کارروائی کرتے ہوئے تمام افراد کو گرفتار کر لیا۔

    بھارتی میڈیا کی جعلسازی، ایس پی میر پور کے نام سے جعلی آڈیو ٹیپ چلا دی

    آسٹریلوی حکام کی جانب سے جاری کردہ بیان میں کہا گیا ہے کہ گرفتار ملزمان نے تصدیق شدہ بھارتی صحافی ہونے اور آسٹریلیا میں گولڈ کوسٹ گیمز کی رپورٹنگ کے سلسلے میں اسٹریلیا آنے کا وعویٰ کیا تاہم تفتیش کی گئی تو پتا چلا گرفتار ملزمان کے پاس جعلی دستاوزات اور شناخت موجود ہے۔

    خیال رہے کہ مذکورہ گروہ کے ایک رکن راجیش کمار پر انسانوں کی اسمگلنگ اور جعلی دستاوزات بنانے کے الزام میں فرد جرم عائد کی دی گئی ہے البتہ جرم ثابت ہونے پر بیس سال قید کی بھی سزا سنائی جاسکتی ہے۔

    لڑکا بن کرشادیاں کرنے والی بھارتی لڑکی گرفتار، فراڈ کا مقدمہ درج

    واضح رہے کہ یہ گروہ تھاتی لینڈ کے شہر بنکاک کے ہوائی اڈے سے ہوتا ہوا آسٹریلیا پہنچا تھا، بنکاک میں موجود اے بی ایف کے رکن نے انہیں پہلے ہی مشکوک قرار دے دیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

  • انسانی اسمگلنگ میں ملوث دلیر مہندی کی ضمانت منظور

    انسانی اسمگلنگ میں ملوث دلیر مہندی کی ضمانت منظور

    نئی دہلی: بھارت کے معروف گلوکار دلیر مہندی اوران کے بھائی ششمیر سنگھ کو انسانی اسمگلنگ کا الزام ثابت ہونے پر پٹیالہ کورٹ نے 2سال قید کی سزا سنائی تھی تاہم عدالت نے ان کی ضمانت منظور کرلی ہے۔

    تفصیلات کے مطابق بھارتی صوبے پنجاب کے شہر پٹیالہ کی عدالت نے جمعے کے روز گلوکار دلیر مہندی کو سن2003 میں درج کیے گئے انسانی اسمگلنگ کے مقدمے میں سزا دی ہے۔

    غیر ملکی خبر رساں اداروں کے مطابق دلیر اوران کے بھائی شمشیر سنگھ پر یہ الزام عائد تھا کہ وہ لوگوں کو بھاری رقم کے عوض اپنے گروپ کا حصّہ بناکر غیر قانونی طریقے سے بیرون ملک منتقل کرتے ہیں۔ْ

    دلیر مہندی اور ششمیر سنگھ سن1998 اور سن1999 میں امریکا کے دورے پر گئے تھے اس دوران انہوں نے ان کے گروپ میں شامل10 افراد کو غیر قانونی طور پر امریکا میں چھوڑ دیا۔

    دلیر مہندی ایک خاتون اداکار کی کمپنی کے تحت گروپ لے کر امریکا کے دورے پر گئے تھے اور اس دوران بھی ان کے گروپ میں شامل بھارت سے امریکا جانے والی تین کم عمر لڑکیوں کو غیر قانونی طریقے سے امریکی شہر سان فرانسسکو منتقل کردیا۔

    دونوں بھائی 1999 میں بھی کچھ دیگر اداکاروں کی کمپنی کے تحت دوبارہ امریکا کے دورے پر گئے اور اس بار تین نوجوان لڑکوں اپنے گروپ اپنے گروپ کا حصّہ بتا کر غیر قانونی طورپرامریکی شہر نیو جرسی میں چھوڑ آئے تھے۔

    یاد رہے کہ دلیر مہندی کے خلاف سن2003 میں پٹیالہ پولیس نے متعدد 35 شکایتں موصول ہونے بعد انسانی اسمگلنگ کا کیس رجسٹرڈ کیا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • چین عسکری میدان میں ہماری سوچ سے بہت آگے ہے: بھارتی آرمی چیف کا اعتراف

    چین عسکری میدان میں ہماری سوچ سے بہت آگے ہے: بھارتی آرمی چیف کا اعتراف

    ممبئی :بھارتی آرمی چیف وپن راوت نے اعتراف کیا ہے کہ چین کی عسکری طاقت بھارت کے اندازوں سے زیادہ ہے۔

    بھارتی خبر رساں ادارے کے مطابق بھارتی فوج کے سربراہ نے اپنے ایک بیان میں چین کی بڑھتی ہوئی عسکری اور اقتصادی طاقت پر تشویش کا اظہار کرتے ہوئے کہا کہ چین اب امریکا کو چیلنج کر رہا ہے، وہ ہماری سوچ سے بہت آگے ہے۔

    یاد رہے کہ گذشتہ برس بھارتی فوج کے سربراہ نے بھارت کے ایک ساتھ دو محاذوں پر جنگ کرنے کی قابلیت کا اعلان کیا تھا، مگر اب انھوں نے حقیقت تسلیم کرتے ہوئے کہا ہے کہ بھارت چین سے اسلحے اور ٹیکنالوجی میں پیچھے ہے۔

    یاد رہے کہ بھارتی فوجی سربراہ نے اپنے پارلیمنٹ میں بھی یہ بیان دیا تھا کہ بھارتی فوج کا 68 فیصد سازو سامان پرانا ہو چکا ہے ،اس ضمن میں ادارے کوتشویش کا سامنا ہے۔

    کیا چینی صدر دنیا کے طاقتور ترین شخص بننے والے ہیں؟

    یاد رہے کہ گذشتہ دونوں گلوبل انڈیکس 2017 کی رپورٹ میں کہا گیا تھا کہ فوجی طاقت کے لحاظ سے بھارت، روس، امریکا اور چین کے بعد چوتھے نمبر پر ہے ، اسی طرح ایک عالمی ادارے کی رپورٹ میں یہ دعویٰ کیا گیا کہ بھارت دنیا میں سب سے زیادہ اسلحہ برآمد کرنے والا ملک ہے۔البتہ اب بھارتی آرمی چیف کابیان الگ ہی تصویر پیش کر رہا ہے۔

    بھارتی میڈیا میں اس بیان پر کڑی تنقید کی جارہی ہے۔تجزیہ کاروں کے مطابق ایسے میں جب پاکستان اور چین میں تعلقات مضبوط ہوتے جارہے ہیں، ایسا بیان جاری کرنا، جس سے بھارتی فوج کا مورال کمزور ہو، کسی طور مناسب نہیں ، موجودہ حالات میں فوجی سربراہ کو بیانات سے پرہیز کرنا چاہیے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بھارتی بچہ پراسرار بیماری میں‌ مبتلا، ہاتھ 12 انچ لمبے

    بھارتی بچہ پراسرار بیماری میں‌ مبتلا، ہاتھ 12 انچ لمبے

    آگرہ: بھارتی ریاست اترپردیش میں پُراسرار بیماری کی وجہ سے 12 سالہ لڑکے کے ہاتھ 12 انچ لمبے ہوگئے، لوگوں نے اسے شیطان قرار دے دیا اور اسے اسکول میں داخلہ بھی نہیں ملا۔

    تفصیلات کے مطابق بھارتی ریاست اترپردیش کے رہائشی 12 سالہ لڑکے طارق کے ہاتھ پیدائش کے وقت سے ہی بڑے ہیں تاہم عمر گزرنے کے ساتھ ساتھ اس کے ہاتھ 12 انچ تک لمبے ہوگئے۔

    گاؤں کے مقامی لوگ طارق کو شیطان کہتے ہیں کیونکہ اُن کا ماننا ہے کہ اس طرح کی بیماری کسی کی بد دعا کے نتیجے میں ہی ہوتی ہے  جبکہ ڈاکٹرز کے مطابق متاثرہ بچے کی یہ کیفیت ہاتھی کی بیماری (ایلیفینٹ فوڈ) کے باعث ہے، بچے کی عمر بڑھنے کے ساتھ ساتھ اس کے ہاتھ مزید بڑے اور عجیب سے دکھائی دیں گے۔

      

    طارق کے ہاتھوں کی وجہ سے مقامی اسکول نے اُسے داخلہ دینے سے منع کردیا جس کی وجہ سے وہ تعلیم حاصل نہ کرسکا اور والد کے انتقال کے بعد چائے کی دکان پر کام کرنے لگا۔

    اسکول انتظامیہ کا کہنا ہے کہ انہوں نے متاثرہ بچے کو اس لیے داخلہ نہیں دیا کہ بقیہ بچے طارق کو دیکھ کر خوف کا شکار ہوجائیں گے۔

    یہ بھی پڑھیں: برازیلین شہری انوکھے مچھرکے کاٹنے سے ’ ہاتھی پیر‘ نامی بیماری میں مبتلا

    متاثرہ بچے کا کہنا ہے کہ ’’گھر میں غربت کے باعث اب وہ ڈاکٹرز کے اخراجات برداشت نہیں کرسکتا کیونکہ والد کا انتقال ہوجانے کے بعد گھر کے اخراجات برداشت کرنے والا کوئی نہیں ہے‘‘۔

    طارق نے اس عزم کا اظہار کیا کہ ایک دن گھر کے حالات اچھے ہوں گے اور وہ اس صورتحال سے باہر آجائے گا جس کے بعد عام بچوں کی طرح نظر آنے لگے گا اور اپنی تعلیم بھی حاصل کرسکے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔