ARYNews.tv | Urdu – Har Lamha Bakhabar

Tag: Indonesia

  • انڈونیشیا: مسجد میں لاؤڈ اسپیکر کے ذریعے مذہبی خطبات، شکایت پر خاتون کو سزا

    انڈونیشیا: مسجد میں لاؤڈ اسپیکر کے ذریعے مذہبی خطبات، شکایت پر خاتون کو سزا

    جکارتا: انڈونیشیا کی ایک مسجد میں لاؤڈ اسپیکر کے ذریعے مذہبی خطبات کے خلاف شکایت درج کرنے والی خاتون کو ڈیڑھ سال عمر قید کی سزا سنا دی گئی۔

    تفصیلات کے مطابق چینی نژاد انڈونیشی خاتون نے موقف اختیار کیا تھا کہ مسجد سے شور کی آوازیں سنائی دیتی ہیں جس سے ہم پریشان ہوتے ہیں، جس کے بعد انڈونیشیا کی عدالت نے اسے توہین اسلام قرار دیتے ہوئے سزا سنائی۔

    غیر ملکی خبر رساں ادارے کے مطابق انڈونیشیا کے جزیرے سماٹرا میں مذکورہ خاتون کو ایک مسجد کے لاؤڈ اسپیکر سے سنائی دینے والے مذہبی خطبوں کے خلاف شکایت کرنے پر ڈیڑھ سال قید کی سزا سنائی گئی۔

    اس خاتون نے یہ شکایت جولائی سن 2016 میں کی تھی، انڈونیشی دفتر استغاثہ نے اس خاتون کی شکایت کو ’توہین اسلام‘ قرار دیا تھا اور آج عدالت نے اسے سزا سنائی۔

    برلن میں انتہاپسندوں نےمسجد پرحملہ کرکےآگ لگادی

    دوسری جانب سزا پانی والی خاتون کے وکیل نے فیصلے کو نہ مانتے ہوئے اس کے خلاف اپیل دائر کرنے کا اعلان کرتے ہوئے مزید قانون جنگ لڑنے کا فیصلہ کیا ہے۔

    خیال رہے کہ سزا پانی والی خاتون کو پولیس نے عدالت سے ہی جیل منتقل کردیا ہے، جہاں وہ اپنی کیے کی سزا کاٹے گی۔

    قبل ازیں انڈونیشیا میں گستاخانہ مواد کی تشہیر اور توہین مذہب کے مرتکب ہونے والے دو شہریوں کو عدالت نے 2 سال عمر قید کی سزا سنائی تھی، بعد ازاں ملک کے مختلف علاقوں میں سخت مظاہرے بھی ہوئے تھے۔

  • انڈونیشیا میں ایک بار پھر زلزلے کے جھٹکے، کئی مکانات متاثر

    انڈونیشیا میں ایک بار پھر زلزلے کے جھٹکے، کئی مکانات متاثر

    جکارتہ: انڈونیشیا ایک بار پھر زلزلے کی زد میں آگیا، 6.3 شدت کے زلزلے سے متعدد مکانات متاثر ہوئے، امدادی کارروائیاں جاری ہیں۔

    تفصیلات کے مطابق گذشتہ ہفتے انڈونیشیا میں آنے والے زلزے کی تباہ کاریوں کا بوجھ ہلکا نہ ہوا تھا کہ آج ایک بار پھر زلزے کے نتیجے میں کئی مکانات متاثر ہوئے۔

    غیر ملکی خبر رساں ادارے کے مطابق انڈونیشیا کے جزیرے ’لومبوک‘ میں ایک نئے زلزلے کے باعث لینڈ سلائیڈنگ ہوئی، جس کے نتیجے میں متعدد مکانات متاثر ہوئے جبکہ امدادی کارروائیاں جاری ہیں۔

    حکام کی جانب سے جاری کردہ بیان میں کہا گیا ہے کہ مشرقی لومبوک میں آنے والے اس زلزلے کی شدت ریکٹر اسکیل پر 6.3 ریکارڈ کی گئی۔

    انڈونیشیا میں ایک مرتبہ پھر زلزلہ، ہلاکتوں کی تعداد 347 ہوگئی

    حکام کے مطابق اس زلزلے کے باعث ابھی تک کسی جانی نقصان کی اطلاع نہیں ہے، جبکہ انتظامیہ لوگوں کو ہر ممکن سہولیات فراہم کرنے کے لیے بھرپور اقدامات کر رہی ہے۔

    خیال رہے کہ گذشتہ ہفتے انڈونیشیا کے سیاحتی جزیرے لومبوک میں زلزلے کے نتیجے میں جاں بحق ہونے والے افراد کی تعداد 400 سے زائد ریکارڈ کی گئی تھی، جبکہ زلزلے کے باعث متعدد عمارتوں کو نقصان پہنچا اور سینکڑوں افراد زخمی بھی ہوئے تھے۔

    یاد رہے کہ دسمبر2016 میں انڈونیشیا کے صوبے آچے میں آنے والے 6.5 شدت کے زلزلے میں 100 افراد جاں بحق ہوگئے تھے۔

    واضح رہے کہ انڈونیشیا بحرالکاہل کے ایک ایسے حصے میں واقعہ ہے جہاں زلزلے آنے اور آتش فشاں پہاڑ پھٹنے کے واقعات عموماً رونما ہوتے رہتے ہیں اوردنیا بھر کے تقریباً آدھے آتش فشاں اسی حصّے میں پائے جاتے ہیں۔

  • انڈونیشیا میں ایک مرتبہ پھر زلزلہ، ہلاکتوں کی تعداد 347 ہوگئی

    انڈونیشیا میں ایک مرتبہ پھر زلزلہ، ہلاکتوں کی تعداد 347 ہوگئی

    جکارتہ : انڈونیشیا کے جزیرے لومبوک میں آج صبح پھر شدید نوعیت کا زلزلہ محسوس کیا گیا، زلزلوں کے نتیجے میں اب تک 347 افراد جاں بحق جبکہ سیکڑوں زخمی ہوچکے ہیں۔

    تفصیلات کے مطابق انڈونیشیا کے سیاحتی جزیرے لومبوک میں زلزلے کے نتیجے میں جاں بحق ہونے والے افراد کی تعداد 347 ہوگئی ہے جبکہ زلزلے کے نتیجے میں متعدد عمارتوں کو نقصان پہنچا ہے اور سینکڑوں افراد زخمی ہیں۔

    غیر ملکی خبر رساں ادارے کا کہنا تھا کہ آج صبح پھر انڈونیشا کے سیاحتی جزیرے لومبوک کے شمال مغربی حصّے میں زلزلے کے جھٹکے محسوس کیے گئے ہیں۔ جس کی شدت ریکٹر اسکیل پر 6 اعشاریہ 2 ریکارڈ کی گئی ہے جبکہ اس کی گہرائی 12 کلومیٹر زیرِ زمین تھی۔

    غیر ملکی خبر رساں ادارے کا کہنا تھا کہ ایک ہفتے کے دوران یہ تیسرا بڑا زلزلہ ہے، لومبوک میں آنے والے زلزلوں کے نتیجے میں ہزاروں گھر منہدم جبکہ کئی ہزار افراد گھروں سے محروم ہوگئے ہیں۔

    انڈونیشین میڈیا کا کہنا تھا کہ زلزلے کے جھٹکے لومبوک سے متصل سیاحت کے لیے معروف جزیرے بالی میں بھی محسوس کیے گئے جہاں لوگ خوبصورت ساحل سمندر اور ہائیکنگ کے لیے دنیا بھر سے آتے ہیں۔

    یاد ہے کہ روان ماہ 6 اگست کو بھی انڈونیشیا کے جزیرے لومبوک میں زلزلے کے جھٹکے محسوس کیے گئے تھے جس کے نتیجے میں کم ازکم 91 افراد جاں بحق جبکہ متعدد افراد زخمی ہوگئے۔ امریکی جیولوجیکل سروے کے مطابق زلزلے کی شدت ریکٹراسکیل پر7 اعشیاریہ صفرریکارڈ کی گئی جبکہ اس کی گہرائی 10 کلومیٹرزیرزمین تھی۔

    انڈونیشیا کے جزیرے لومبوک میں ایک ہفتے قبل ہی 6 اعشاریہ 4 شدت کا زلزلہ آیا تھا جس میں 17 افراد جاں بحق اور سیکڑوں عمارتیں تباہ ہوگئی تھیں۔

    انڈونیشیا میں6.5اعشاریہ کا زلزلہ،ہلاکتوں کی تعداد100 ہوگئی

    یاد رہے کہ دسمبر2016 میں انڈونیشیا کے صوبے آچے میں آنے والے 5۔6 شدت کے زلزلے میں 100 افراد جاں بحق ہوگئے تھے۔

    واضح رہے کہ انڈونیشیا بحرالکاہل کے ایک ایسے حصے میں واقعہ ہے جہاں زلزلے آنے اور آتش فشاں پہاڑ پھٹنے کے واقعات عموماً رونما ہوتے رہتے ہیں اوردنیا بھر کے تقریباً آدھے آتش فشاں اسی حصّے میں پائے جاتے ہیں۔

  • انڈونیشیا کےجزیرے لومبوک میں زلزلےسے 91 افراد جاں بحق

    انڈونیشیا کےجزیرے لومبوک میں زلزلےسے 91 افراد جاں بحق

    جکارتہ: انڈونیشیا کے جزیرے لومبوک میں زلزلے کے نتیجے میں کم ازکم 91 افراد جاں بحق جبکہ متعدد افراد زخمی ہوگئے۔

    تفصیلات کے مطابق انڈونیشیا کے سیاحتی جزیرے لومبوک میں زلزلے کے نتیجے میں جاں بحق ہونے والے افراد کی تعداد 91 ہوگئی۔

    زلزلے کے نتیجے میں عمارتوں کو نقصان پہنچا ہے اور سینکڑوں افراد زخمی ہوئے ہیں۔

    امریکی جیولوجیکل سروے کے مطابق زلزلے کی شدت ریکٹراسکیل پر7 اعشیاریہ صفرریکارڈ کی گئی جبکہ اس کی گہرائی 10 کلومیٹرزیرزمین تھی۔

    زلزلے کے جھٹکے لومبوک سے متصل سیاحت کے لیے معروف جزیرے بالی میں بھی محسوس کیے گئے جہاں لوگ خوبصورت ساحل سمندر اور ہائیکنگ کے لیے دنیا بھرسے آتے ہیں۔

    انڈونیشیا کے جزیرے لومبوک میں ایک ہفتے قبل ہی 6 اعشاریہ 4 شدت کا زلزلہ آیا تھا جس میں 17 افراد جاں بحق اور سیکڑوں عمارتیں تباہ ہوگئی تھیں۔

    انڈونیشیا میں6.5اعشاریہ کا زلزلہ،ہلاکتوں کی تعداد100 ہوگئی

    یاد رہے کہ دسمبر2016 میں انڈونیشیا کے صوبے آچے میں آنے والے 5۔6 شدت کے زلزلے میں 100 افراد جاں بحق ہوگئے تھے۔

    واضح رہے کہ انڈونیشیا بحرالکاہل کے ایک ایسے حصے میں واقعہ ہے جہاں زلزلے آنے اور آتش فشاں پہاڑ پھٹنے کے واقعات عموماً رونما ہوتے رہتے ہیں اوردنیا بھر کے تقریباً آدھے آتش فشاں اسی حصّے میں پائے جاتے ہیں۔

  • انڈونیشیا کے جزیرے لومبوک میں 7 شدت کا زلزلہ، 37 افراد ہلاک

    انڈونیشیا کے جزیرے لومبوک میں 7 شدت کا زلزلہ، 37 افراد ہلاک

    جکارتہ: انڈونیشیا کے جزیرے لومبوک میں 7 شدت کا زلزلہ آیا ہے، جس کے نتیجے میں 19 افراد ہلاک متعدد زخمی ہوگئے، سونامی کی وارننگ جاری کرتے ہوئے شہریوں کو ساحل سمندر سے دور رہنے کی ہدایت کردی گئی ہے۔

    غیرملکی خبررساں ادارے کے مطابق انڈونیشیا کے جزیرے لومبوک میں 7 شدت کا زلزلہ آیا ہے جس کے نتیجے میں 37 افراد ہلاک متعدد زخمی ہوگئے ہیں جبکہ سونامی وارننگ جاری کردی گئی ہے۔

    اسپتال انتظامیہ کے مطابق زلزلے کے نتیجے میں 37افراد ہلاک ہوئے جبکہ متعدد زخمیوں کی حالت تشویشناک ہے۔

    ایک ہفتے قبل اسی جزیرے میں 6.4 شدت کا زلزلہ آیا تھا جس کے نتیجے میں 17 افراد ہلاک اور درجنوں زخمی ہوگئے تھے۔

    امریکا کے ماہر ارضیات کا کہنا ہے کہ انڈونیشیا میں آنے والے زلزلے کا مرکز شمالی شہر ماترام سے 50 کیلومیٹر دور شمالی لومبک تھا۔

    انڈونیشیا کے ڈیزاسٹر ایجنسی کے ترجمان کا کہنا ہے کہ زلزلے کے نتیجے میں درجنوں گھر زمین بوس ہوگئے ہیں اور 40 افراد کے زخمی ہونے کی اطلاعات بھی موصول ہوئی ہیں۔

    خیال رہے کہ انڈونیشیا بحرالکاہل کے ایک ایسے حصے میں واقعہ ہے جہاں زلزلے آنے اور آتش فشاں پہاڑ پھٹنے کے واقعات عموماً رونما ہوتے رہتے ہیں اور دنیا بھر تقریباً آدھے آتش فشاں اسی حصّے میں پائے جاتے ہیں۔

    مزید پڑھیں: انڈونیشیا میں6.5اعشاریہ کا زلزلہ،ہلاکتوں کی تعداد100 ہوگئی

     

  • انڈونیشیا میں زلزلے سے ہلاکتوں‌ کی تعداد 14 ہوگئی

    انڈونیشیا میں زلزلے سے ہلاکتوں‌ کی تعداد 14 ہوگئی

    جکارتہ : انڈونیشیا کے سیاحتی جزیرے پر زلزلے کے شدید جھٹکے محسوس کیے گئے ہیں، جس کے نتیجے میں ہلاک ہونے والے افراد کی تعداد 14 ہوگئی ہے۔

    تفصیلات کے مطابق ایشیائی ملک انڈونیشیا کے وسطی جزیرے لومبک میں اتوار کی صبح 7 بجے کے قریب خوفناک زلزلے کے جھٹکے محسوس کیے گئے ہیں، جس نتیجے میں متعدد عمارتوں کو نقصان پہنچا ہے جبکہ درجنوں افراد زخمی ہیں۔

    انڈونیشیا کے حکام کا کہنا ہے کہ لومبک جزیزہ پوری دنیا سے انڈونیشیا آنے والے سیاحوں کا پسندیدہ سیاحتی مقام ہیں جہاں عموماً بے تحاشا سیاح موجود رہتے ہیں۔

    قبل ازیں امریکی زلزلہ پیما کے مطابق انڈونیشیا میں آنے والے ریکٹر اسکیل پر 6.4 شدت کے زلزلے کے جھٹکے محسوس کیے گئے ہیں، جس کے باعث 10 افراد ہلاک ہوگئے، امریکا کے ماہر ارضیات کا کہنا ہے کہ انڈونیشیا میں آنے والے زلزلے کا مرکز شمالی شہر ماترام سے 50 کیلومیٹر دور شمالی لومبک تھا۔

    انڈونیشیا کے ڈیزاسٹر ایجنسی کے ترجمان کا کہنا ہے کہ زلزلے کے نتیجے میں درجنوں گھر زمین بوس ہوگئے ہیں اور 40 افراد کے زخمی ہونے کی اطلاعات بھی موصول ہوئی ہیں۔

    انڈونیشین حکام کا کہنا ہے کہ خوفناک حادثے میں زخمی اور ہلاک ہونے والوں کی تعداد کا اندازہ کرلیا گیا ہے کہ البتہ تعداد میں مزید اضافے کا خدشہ ہے، تاہم ہم ابھی تک مکمل معلومات جمع نہیں سکے ہیں۔

    ترجمان کا کہنا تھا کہ ’امدادی خدمات انجام دینے والے رضاکاروں کی پہلی ترجیج متاثرہ افراد کو جائے حادثہ سے نکالنے اور زخمیوں کو ریسکیو کرنا ہے، حادثے میں زخمی ہونے والے چند افراد کا مقامی طبی مراکز میں علاج جاری ہے۔

    واقعے کے عینی شاہد نے غیر ملکی خبر رساں ادارے کو انٹرویو دیتے ہوئے بتایا کہ ’زلزلے بہت طاقتور تھا، جس کے باعث میرے گھر میں سب خوفزدہ ہوگئے اور فوری طور پر گھر سے باہر انکل آئے تھے‘۔

    عینی شاہد کا مزید کہنا تھا کہ زلزلے کے جھٹکے محسوس ہوتے ہی میرے تمام پڑوسی اور اہل محلہ بھی گھروں سے باہر آگئے تھے اور بجلی فوری طور بند ہوگئی تھی۔

    انڈونیشیا میں زلزلے کے شدید جھٹکے ‘ 2 افراد ہلاک

    خیال رہے کہ انڈونیشیا بحرالکاہل کے ایک ایسے حصے میں واقعہ ہے جہاں زلزلے آنے اور آتش فشاں پہاڑ پھٹنے کے واقعات عموماً رونما ہوتے رہتے ہیں اور دنیا بھر تقریباً آدھے آتش فشاں اسی حصّے میں پائے جاتے ہیں۔

    یاد رہے 7 ماہ قبل بھی انڈونیشیا کے دارالحکومت جکارتہ سمیت گنجان آباد جزیرے جاوا میں زلرلے کے شدید جھٹکے محسوس کیے گئے تھے، جس کے نتیجے میں 2 افراد ہلاک جبکہ کئی عمارتوں کو بھی نقصان پہنچا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • انڈونیشیا: ایک کے بدلے تین سو، مگرمچھوں پر قیامت ٹوٹ پڑی

    انڈونیشیا: ایک کے بدلے تین سو، مگرمچھوں پر قیامت ٹوٹ پڑی

    پاپوا: انڈونیشیا کے صوبے پاپوا میں ایک شخص مگرمچھوں کا شکار بن گیا، مقامی آبادی نے مشتعل ہو کر تین سو مگرمچھ موت کے گھاٹ اتار دیے۔

    تفصیلات کے مطابق مغربی پاپوا میں ایک پینتالیس سالہ شخص مگرمچھوں کے ایک فارم میں سبزیاں چن رہا تھا کہ اس دوران ایک مگرمچھ نے اس پر حملہ کرکے اسے جان سے مار دیا۔

    غیر ملکی نیوز ایجنسی کے مطابق گاؤں کے لوگوں نے انسانی ہلاکت پر شدید احتجاج کیا، انھوں نے مگرمچھوں کے فارم کے خلاف مظاہرہ کرتے ہوئے اپنے غم و غصے کا بھی اظہار کیا۔

    متوفی کی تدفین کے بعد اس کے رشتے داروں نے مقامی آبادی کے ساتھ مل کر فارم پر دھاوا بول دیا، وہ چھریوں، کلہاڑیوں اور ہتھوڑوں سے لیس تھے۔

    مشتعل ہجوم نے فارم ہاؤس کے دفتر میں توڑ پھوڑ کرتے ہوئے مگرمچھوں پر حملہ کر دیا، اور تین سو مگرمچھ کاٹ ڈالے، قبل ازیں فارم مالک نے لواحقین کو ہرجانے کی بھی پیش کش کی جسے نامنظور کیا گیا۔

    انڈونیشیا: اژدھا زندہ خاتون کو نگل گیا

    پولیس کا کہنا تھا کہ ہجوم بہت بڑا تھا جسے روکا نہیں جاسکتا تھا، تاہم واقعے کے بعد حملہ آوروں پر اب جرمانے کیے جائیں گے، کیوں کہ مذکورہ مگرمچھوں کی نسل بچائی جا رہی تھی اور ایسے جانوروں کو مارنا قانوناً جرم ہے۔

    میڈیا رپورٹس میں کہا گیا ہے کہ مارے جانے والے تین سو کے قریب مگرمچھوں میں چار انچ کے نومولود بھی شامل تھے جب کہ دو میٹر تک لمبے مگرمچھ بھی نشانہ بنے۔

    واضح رہے یہ واقعہ انڈونیشیا کے صوبے پاپوا کے ضلع سورونگ میں جمعے کے روز پیش آیا، یہاں پہلے بھی انسانی ہلاکتوں کے واقعات ہوتے رہے ہیں تاہم مگرمچھوں کے شکار پر پابندی عائد ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • انڈونیشیا: بندر گاہ پر خوف ناک آتش زدگی، بحری جہاز اور کشتیاں جل کر راکھ

    انڈونیشیا: بندر گاہ پر خوف ناک آتش زدگی، بحری جہاز اور کشتیاں جل کر راکھ

    بالی: ’امن کا جزیرہ‘ کے نام سے جانے والے جزیرے بالی کی ایک بندر گاہ پر خوف ناک آگ بھڑک اٹھی، چالیس کشتیاں اور چھوٹے جہاز جل کر راکھ ہوگئے۔

    تفصیلات کے مطابق بالی کی بینووا بندرگاہ پر درجنوں کشتیوں کو جلا کر راکھ کر دینے والی آگ کل رات سے بھڑک رہی ہے اور تاحال اس پر قابو نہیں پایا جاسکا ہے۔

    فائر فائٹرز کی طرف سے کشتیوں پر بیٹھ کر آگ کے شعلے ٹھنڈے کرنے کی کوششیں جاری ہیں، عینی شاہدین کے مطابق تفریحی مقام بالی کی بندر گاہ پر لگنے والی آگ لمحوں میں پھیلتی چلی گئی۔

    وسیع رقبے پر پھیلی آگ کے شعلے اور دھویں کے بادل دور دور سے دکھائی دیئے، پولیس کے مطابق خوش قسمتی سے کسی شخص کے زخمی ہونے کی اطلاع نہیں ملی۔

    انتظامیہ کی جانب سے آگ پر قابو پانے کے ساتھ ساتھ آگ لگنے کی وجہ معلوم کرنے کی کوششیں بھی جاری ہیں، ایک بحری جہاز کے عملے کے رکن نے بتایا کہ وہ اپنے جہاز میں سو رہا تھا، جاگنے پر دیکھا کہ اوپر کے حصے میں آگ لگی ہوئی ہے۔

    عملے کے رکن نے بتایا کہ آگ نے بڑی تیزی کے ساتھ قریبی بحری جہازوں بہ شمول چھوٹے کارگو جہازوں کو اپنی لپیٹ میں لیا۔

    انڈونیشیا: اژدھا زندہ خاتون کو نگل گیا

    غیر ملکی خبر رساں ادارے کے مطابق متعدد عینی شاہدین کا خیال ہے کہ آگ بجلی کی خرابی کے باعث لگی، تاہم سرکاری حکام کا کہنا ہے کہ وہ تاحال آتش زدگی کی وجہ معلوم کرنے کی کوشش کر رہے ہیں۔

    واضح رہے کہ انڈونیشیا میں حادثاتی آتش زدگی کے واقعات آئے دن ہوتے رہتے ہیں جس کی وجہ حفاظت کے قواعد و ضوابط کو نظر انداز کرنا بتایا جاتا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • انڈونیشیا: اژدھا زندہ خاتون کو نگل گیا

    انڈونیشیا: اژدھا زندہ خاتون کو نگل گیا

    جکارتہ: انڈونیشیا میں آدم خور اژدھے نے 54 سالہ خاتون کو زندہ نگل لیا جس کے باعث وہ ہلاگ ہوگئیں، واتبا دو بچوں کی والدہ تھیں۔

    اطلاعات کے مطابق انڈونیشیا کے جنوب مشرقی علاقے سلاویسی کی رہائشی 54 سالہ واتبا نامی خاتون جمعرات کی رات اچانک لاپتہ ہوئیں جن کی چپلیں اگلی صبح گھر کے آنگن سے برآمد ہوئیں۔

    اہل خانہ نے اپنی مدد آپ کے تحت ایک روز تک تلاش کرنے کی بھرپور کوشش کی مگر اُس میں ناکام رہے بعد ازاں انہوں نے اہل علاقے کو تمام تر صورتحال سے آگاہ کیا جس کے بعد محلے میں محلے میں خوف و ہراس پھیل گیا۔

    واتبا کے بیٹوں کا کہنا تھا کہ والدہ نے براؤن رنگ کی ساڑھی اور سرخ بلاؤز زیب تن کیا ہوا تھا، سلاویسی اور اطراف کے علاقوں میں یہ خبر جنگل میں آگ کی طرح پھیل گئی جس کے بعد سب نے مذکورہ خاتون کو تلاش کرنا شروع کیا۔

    مزید پڑھیں: اژدھے کے پیٹ میں‌ پھنسی ٹینس بال منہ کے ذریعے باہر نکال لی گئی

    اسی دوران ایک محلے دار کو واتبا کے گھر کے نزدیک سڑک کنارے اژدھا نظر آیا جس کا پیٹ بری طریقے سے پھولا ہوا تھا، نوجوان نے واپس آکر آنکھوں دیکھا منظر اہل خانہ کے سامنے بیان کیا۔

    بیٹوں اور محلے داروں نے 27 فٹ لمبے اژدھے کو پکڑ کر اُس کا پیٹ چاک کیا تو اندر خاتون کی موجود تھیں مگر زیادہ دیر ہونے کے باعث اُن کا دم گھٹ چکا تھا۔ اژدھے کو جب کاٹا گیا تو خاتون کا سر دم کی طرف جبکہ پیر منہ کی طرف تھے، اہل علاقہ کے مطابق اژدھے نے خاتون کو سر سے نگلنا شروع کیا تھا۔

    چونکہ اژدہ چبانے کی صلاحیت نہیں رکھتا تو خاتون کے کپڑے بھی نمایاں تھے جبکہ اُن کا جسم ثابت اور ہڈیاں ٹوٹی ہوئیں تھیں۔ اہل علاقہ نے تمام تر صورتحال کی اطلاع قریبی پولیس کو دی۔

    اسے بھی پڑھیں: بہادر نوجوان نے اژدھا پکڑ لیا، ویڈیو وائرل

    حکومت نے واقعے کے بعد علاقہ مکینوں سے وعدہ کیا کہ وہ جلد اژدھے مارنے کی مہم شروع کرے گی جس کے بعد یہاں سے تمام آدم خور جانور ختم ہوجائیں گے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • انڈونیشیا: 3 گرجا گھروں پرخودکش حملے، 14 افراد ہلاک، 40 سے زائد زخمی

    انڈونیشیا: 3 گرجا گھروں پرخودکش حملے، 14 افراد ہلاک، 40 سے زائد زخمی

    جکارتا: انڈونیشیا کے شہر سورابایا کے 3 گرجا گھروں میں خودکش حملوں میں کے نتیجے میں 14 افراد ہلاک جبکہ 40 سے زائد زخمی ہوگئے۔

    تفصیلات کے مطابق انڈونیشیا کے شہرسورابایا میں تین گرجا گھروں کو نشانہ بنانے والے خودکش حملہ آور ایک ہی خاندان کے افراد ہیں۔ حملے کے نتیجے میں 14 افراد ہلاک اور درجنوں افراد زخمی ہوگئے۔

    انڈونیشین پولیس حکام کا کہنا ہے گرجا گھروں پردھماکے منصوبہ بندی کے ساتھ کیے گئے اور تینوں دھماکوں میں 10 منٹ کا وقفہ تھا۔ حملہ کرنے والوں میں ایک ہی خاندان ملوث ہے، حملہ خاتون نے اپنے دو بچوں کے ہمراہ خود کو چرچ کے اندر دھماکے سے اڑیا تھا جبکہ والد اور تین بیٹوں نے باقی جہگوں پردھماکے کیے تھے۔

    پولیس کا کہنا ہے کہ تینوں چرچ پر ہونے والے حملے کی ذمہ داری شدت پسند تنظیم داعش نے قبول کرلی ہے۔

    پولیس حکام کا خیال ہے کہ اتوار کی صبح چرچ میں ہونے والے خودکش دھماکے رواں ماہ پولیس حراست میں ہلاک ہونے والے پانچ دہشت گردوں کی موت کا رد عمل ہے۔

    ایسٹ جاوا پولیس کے ترجمان فرانس برنگ منگیرا کا کہنا ہے کہ تینوں حملوں میں مجموعی طور پر40 سے زائد افراد کو زخمی حالت میں اسپتال منتقل کیا گیا جبکہ ہلاکتوں میں مزید اضافے کا خدشہ ہے۔

    انڈونیشین پولیس کا کہنا تھا کہ پہلا حملہ سینٹا ماریا کتتھولک چرچ میں صبح ساڑھے 7 بجے ہوا تھا جس میں حملہ آوروں نے موٹر سائیکل کا استعمال کیا تھا۔

    غیر ملکی میڈیا کا کہنا تھا کہ واقعے کے عینی شاہدین نے پولیس کو بیان دیا ہے کہ چرچ میـں ہونے والے تیسرے حملے کے وقت ایک سے زیادہ برقعہ پوش خواتین بچوں کے ساتھ چرچ میں داخل ہوئیں اور دھماکہ ہوگیا۔

    پولیس کا کہنا تھا دہشت گردوں نے تیسرا دھماکہ چرچ کی موٹر سائیکل پارکنگ میں کیا تھا جس کے نتیجے میں پارکنگ میں کھڑی ہوئی درجنوں موٹرسائیکلیں جل کر تباہ ہوگئیں۔

    دوسرے خودکش دھماکے کے نتیجے میں تباہ ہونے والی موٹر سائیکلیں

     

    غیر ملکی میڈیا کا کہنا تھا کہ پولیس نے دعویٰ کیا ہے کہ مسیحی برادری کی دیگر عبادت گاہوں پر ہونے والے حملے ناکام بنادیئے ہیں۔

    غیر ملکی خبر رساں ادارے سے گفتگو کرتے ہوئے انڈونیشین پولیس نے بتایا کہ تاحال خودکش حملوں کی ذمہ داری کسی بھی دہشت گرد گروپ نے قبول نہیں کی ہے۔

    انڈونیشیا میں مبینہ خودکش خاتون حملہ آور کو ساڑھے7سال قید کی سزا

    یاد رہے کہ یہ انڈونیشیا میں دوسرا بڑا خودکش حملہ ہے اس سے قبل سنہ 2005 میں انڈونیشیا کے شہر بالی میں خودکش حملہ ہوا تھا جس کے نتیجے میں 20 افراد ہلاک ہوئے تھے۔

    خیال رہے کہ گزشتہ سال 28 اگست کو انڈونیشیا میں مبینہ خودکش خاتون حملہ آور کو ساڑھے7سال قید کی سزا سنائی گئی تھی۔ خاتون داعش سے متاثر اور صدارتی محل کو نشانہ بناناچاہتی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔