جامشورو: انڈس ہائی وے خانوٹ پر گاڑی الٹ کر گڑھے میں گرنے سے 3 افراد جاں بحق ہوگئے۔
تفصیلات کے مطابق انڈس ہائی وے پر پولیس نے ایک گاڑی کو رکنے کا اشارہ کیا تو گاڑی میں سوار افراد نے پولیس پر فائرنگ کردی اور فرار ہوگئی۔
حکام کا بتانا ہے کہ پولیس کی جوابی فائرنگ سے گاڑی الٹ کر گڑھے میں گر گئی جس کے نتیجے میں کار میں سوار تینوں افراد موقع پر ہی جاں بحق ہوگئے۔
پولیس حکام کا کہنا ہے کہ لاشیں پوسٹ مارٹم کیلئے اسپتال منتقل کردی گئیں اس کے علاوہ جاں بحق کرمنل کا ریکارڈ چیک کیا جائے گا۔
جامشورو: صوبہ سندھ کے شہردادو میں بھان سعید آباد کے قریب انڈس ہائی وے پر کوچ الٹنے کے نتیجے میں 4افراد جان کی بازی ہارگئے۔
تفصیلات کےمطابق دادو میں بھان سعیدآباد کے قریب انڈس ہائی وے پرتیزرفتاری کے باعث کوچ الٹ گئی حادثے میں 4افراد جاں بحق جبکہ21افراد زخمی ہوگئے۔
ریسکیو ذرائع کےمطابق افسوناک حادثے میں زخمی ہونےوالےزخمیوں کو قریبی اسپتال منتقل کردیاگیا ہےجہاں انہیں طبی امداد فراہم کی جارہی ہے۔
دوسری جانب خیبرپحتونخواہ کےشہر مردان میں وین کھمبےسےٹکراگئی،جس کےنتیجے میں2خواتین سمیت 3افرادجاں بحق، جبکہ 6 افراد زخمی ہوگئے۔
خیال رہےکہ دو روز قبل صوبہ بلوچستان کےضلع مستونگ میں مسافر کوچ تیزرفتاری کےباعث الٹ گئی جس کے نتیجے میں 8افراد جاں بحق ہوگئےتھے۔
مسافر کوچ کو پیش آنے والے حادثے میں 20افراد زخمی ہوئے جن میں سے11 کو تشویش ناک حالت میں اسپتال منتقل کردیاگیاتھا۔
یاد رہےکہ رواں ہفتے ڈیرہ غازی میں انڈس ہائی وے پر اڈا پتافی کےقریب ٹرالر اور بس میں تصادم کے نتیجے میں 2افراد جاں بحق جبکہ 9افراد زخمی ہوگئےتھے۔
واضح رہےکہ رواں سال12 جنوری کو قبل آزاد کشمیر میں ہجیرہ کے مقام پر مسافر بس گہری کھائی میں گرنے سے خاتون اور بچی سمیت 5 افراد جاں بحق اور متعدد زخمی ہو گئےتھے۔
راجن پور: انڈس ہائی وے پر ویگن اور ٹرک میں تصادم کے نتیجے میں تین افراد جاں بحق جبکہ تین زخمی ہوگئے۔
پولیس کے مطابق انڈس ہائی وے پر راجن پور سے ڈی جی خان جانے والی وین کو مخالف سمت سے آنے والےتیز رفتار ٹرک نے ٹکر مار دی، جس کے نتیجے میں ویگن ڈرائیور سمیت تین افراد جاں بحق اور تین زخمی ہو گئے۔
حادثہ تیز رفتاری کے باعث پیش آیا، حادثے کی اطلاع ملتے ہی امدادی ٹیموں نے موقع پر پہنچ کر لاشوں اور زخمیوں کو ڈی ایچ کیو اسپتال راجن پور منتقل کیا زخمیوں میں ایک مرد ایک خاتون اور ایک بچہ شامل ہے۔
جاں بحق ڈرائیور کا تعلق جام پور سے تھا۔