Tag: Information Minister

لاہور: وزیراطلاعات فواد چوہدری کا کہنا ہے کہ چین سے تاریخی معاہدے ہوئے،اب چین سے پاکستان کی تجارت ڈالر کے بجائے یوآن میں ہوگی، پاکستان کو فخر ہونا چاہیے،  اسلامی دنیا اپنے مسائل کے حل کےلئے عمران خان کی جانب دیکھ رہی ہے۔

تفصیلات کے مطابق لاہور میں وزیراطلاعات فواد چوہدری نے نیوز کانفرنس کرتے ہوئے کہا کہ چین پاکستان کے ساتھ ہمیشہ کندھے سے کندھےملا کر کھڑا رہا ہے، وزیراعظم عمران خان آج وطن واپس پہنچ جائیں گے، چین کے دورےمیں بڑ ی کامیابیاں حاصل ہوئی ہیں اور اسٹر یٹجک معاہدہ طے ہوا ہے، اب اقتصادی راہداری کوریڈور کے دروازے کھل رہے ہیں۔

وزیراطلاعات کا کہنا تھا کہ پاکستان اور چین کے درمیان کرنسی کا تاریخی معاہدہ ہوا ہے، اب چین سے پاکستان کی تجارت چینی کرنسی یوآن میں ہوگی، ڈالر میں پیسے دینے سے معیشت پر دباؤ پڑتا تھا، اقدام روپے کی قدر بہتر کرنے کا حصہ ہے، چین سے ہمارے تعلقات اہمیت کے حامل رہے ہیں اور رہیں گے۔

فواد چوہدری نے کہا پہلا پاکستانی 2022 میں چین کے خلائی پروگرام کے تحت خلا میں جائے گا، سیاست میں لوگ ہیں، فسادفی الارض پھیلانے والے چند لوگوں کو خلامیں بھیج دینا چاہیے۔

ان کا کہنا تھا کہ شکرہے ن لیگ نے یہ نہیں کہا پاک چین دوستی میاں شریف کی وجہ سےہوئی، ملکوں کے تعلقات شخصیات پر نہیں اسٹرٹیجی پر منحصرہوتے ہیں، اتنا طویل عرصے حکومت میں رہنے سے غلط فہمی ہوجاتی ہے کہ دنیا کے سارے معاملات ان کی وجہ سے چل رہے ہیں

اسلامی دنیامسائل کےحل کیلئےعمران خان کی جانب دیکھ رہی ہے

وزیراطلاعات نے کہا کہ پاکستان کو فخرہونا چاہیے،اسلامی دنیا کا اس پر اعتماد بحال ہوا، اسلامی دنیا عمران خان کو دیکھ رہی ہے، اسلامی دنیا کے مسائل کے حل میں ہمارا کردار ہونا چاہیے، یورپی یونین نے توہین آمیز مقابلے کو غلط قرار دیا یہ پاکستان کی کامیابی ہے، مذہب کے نام پر سیاست کرنے والوں کا سب کو پتہ ہے۔

فواد چوہدری کا کہنا تھا کہ ہماراجوماڈل ہےوہ مدینہ کی ریاست ہے، اس کے حساب سے اقلیتوں کو رکھنا ہے، صوبائی حکومتوں کوہدایت دی ہے آج رات تک املاک کے نقصان کی تفصیل دیدیں، صوبائی حکومتوں کی ذمے داری ہوگی جن لوگوں سے زیادتی ہوئی اس کا مداوا کرے۔

انھوں نے کہا کہ پاکستان کی سیاسی جماعتوں نے جس طرح سےمعاملے پر ساتھ دیا وہ قابل تعریف ہے، سیاسی جماعتوں نے بتایا کہ اس معاملے پر پاکستان کس طرح یکجا ہے۔

وزیراطلاعات کا مزید کہنا تھا کہ ایک ریڑھی والےسےبچےسےاس کے کیلے چھین لیےگئے، رکشوں کو آگ لگائی گئی، خواتین سے بدتمیزی کی گئی ، مذہب کا لبادہ اوڑھا گیا لیکن ان کا مذہب سے کوئی تعلق نہیں تھا، پنجاب حکومت نےجس طرح بچےکےنقصان کاازالہ کیا وہ قابل تعریف ہے، احتجاج کےدوران شہریوں کےنقصان کاازالہ کریں گے۔

دورہ سعودی عرب کی طرح دورہ چین بھی نہایت کامیاب رہا

فواد چوہدری نے مزید کہا دورہ چین سے متعلق وزیرخزانہ تفصیلی بریفنگ دیں گے، دورہ سعودی عرب کی طرح دورہ چین بھی نہایت کامیاب رہا، تنقید سے خوفزدہ نہیں،ہماری اصلاح ہوتی ہے، پی ٹی وی کو بھی یکساں چیزیں نشرکرنے کی ہدایت کی گئی ہے، سنسرشپ کیخلاف ہیں پی ٹی وی کی نشریات سے اندازہ لگا سکتے ہیں۔

ان کا کہنا تھا کہ کچھ چیزیں ہیں جس میں صرف حکومت کی ذمہ داری نہیں، ایسی کچھ چیزیں ہیں جس پرسول سوسائٹی نے ردعمل دیا ہے، ایسے بہت سے جید علما ہیں، جنہوں نے ان پرتشدد مظاہروں کی مذمت کی۔

اپوزیشن کے حوالے سے وزیراطلاعات نے کہا جھگڑا ہماراصرف ایک بات پرہے،اپوزیشن کہتی ہے این آراو اور ہم کہتے ہیں نارو، اے پی سی ہورہی ہے لیکن ایجنڈے کا کچھ پتہ ہی نہیں، اپوزیشن نے کہا دھاندلی ہوئی ہم نے پوچھا تو کہتے ہیں معلوم نہیں کیسے ہوئی۔

فواد چوہدری نے مزید کہا اپوزیشن کہتی ہے ہم ہار گئے اس لیے دھاندلی ہوئی ہے اور ہمارےخلاف کیسز نہ کھولے جائیں، پاکستان کا پیسہ لوٹا گیا اور ہم چاہتے ہیں یہ پیسہ ملک میں واپس آئے۔

ان کا کہنا تھا کہ دھرنا قائدین سے مذاکرات کرنے والی ٹیم کو کریڈٹ دینا چاہیے، مذاکراتی ٹیم نے دانش مندی کے ساتھ ایک بحران کا خاتمہ کیا۔

وزیراعظم عمران خان پر ایک روپے کی بھی کرپشن کا الزام نہیں ہے

وزیراطلاعات نے کہا یہ بالکل درست ہے ماضی میں احتساب کے نام پر سیاست ہوئی، احتساب کےنام پر سیاست کیلئے استعمال نہیں کرنا چاہیے، وزیراعظم عمران خان پر ایک روپے کی بھی کرپشن کا الزام نہیں ہے، وزیراعظم عمران خان ایسے ہیں، جنہیں کرپشن کے معاملے پر کوئی چھوٹ نہیں چاہیے۔

فواد چوہدری کا کہنا تھا کہ گزشتہ دور حکومت میں ایک ماہ میں سوا ارب کےاشتہارات بھی گئے، جہاں پینے کا پانی میسر نہیں وہاں شکل دکھانے کیلئے سوا ارب کیسے خرچ کیے گئے، صحافتی تنظیموں کیساتھ کھڑے ہیں، ان کےمسائل حل کریں گے۔

انھوں نے مزید کہا پی ٹی آئی حکومت اشتہارات کو بطوررشوت استعمال کرنے کو تیارنہیں، مسلم لیگ ن نے اشتہارات کو بطور رشوت استعمال کیا، معاملات کوحل کرنا چاہتے ہیں، مزید مسئلے پیدا نہیں کرنا چاہتے۔

وزیراطلاعات کا کہنا تھا کہ پرتشددمظاہروں کےمعاملےکوحل کرناہوگا، یہ نہیں ہوسکتاکہ2،3 ہزار لوگ نکل کرپورےملک کومفلوج کردیں۔

اسلام آباد :وزیراطلاعات فواد چوہدری کا کہنا ہے کہ عدالت کی توہین کاسوال ہی پیدانہیں ہوتا، میرابیان سپریم کورٹ یاعدلیہ سےمتعلق نہیں بیوروکریسی سے متعلق تھا۔

تفصیلات کے مطابق وزیراطلاعات فواد چوہدری نے سپریم کورٹ کے باہر میڈیا سے گفتگو کرتے ہوئے کہا چیف جسٹس صاحب نے حکم کیا اور میں عدالت میں حاضر ہوگیا، سپریم کورٹ سمیت عدلیہ جو بھی حکم کرے گی اس پر عمل ہوگا۔

فواد چوہدری کا کہنا تھا کہ میرابیان سپریم کورٹ یاعدلیہ سےمتعلق نہیں بیوروکریسی سےمتعلق تھا، بطوروکیل بھی عدلیہ کا احترام مجھ پر لازم ہے، عدالت کی توہین کاسوال ہی پیدانہیں ہوتا۔

وزیراطلاعات نے کہا پالیسیاں بناناحکومت کاکام ہے،آئین سپریم ہے، آئین کے مطابق سب کو معلوم ہے کس کا کیا اختیار ہے، میں نے اداروں میں اختیارات کے توازن کی بات کی تھی، آئین سپریم ہے کوئی شخص یا ادارہ نہیں، آئین کے مطابق ہی بڑھیں گے۔

مولانافضل الرحمان کے حوالے سے کہنا تھا کہ مولانا فضل الرحمان کو دن میں تارے اور رات میں طیارے نظر آرہے ہیں، ان کو تو بس یہ ہی کہوں گا لگے رہو منا بھائی، مولانا فضل الرحمان مزا نہیں آئے، آپ اب تک کچھ نہیں کر پائے، ان کی اے پی سی بھی پھس پھسی نکلی۔

مزید پڑھیں : آئی جی اسلام آباد تبادلہ کیس ، فواد چوہدری سپریم کورٹ‌ میں پیش

بیوروکریسی سے محبت میں کوئی کمی نہیں آئی، پولیس میں کوئی سیاسی مداخلت نہیں ہے۔

اس سے قبل آئی جی اسلام آباد تبادلہ کیس فواد چوہدری نے عدالت میں پیش ہو کر کہا عدالت کی کبھی توہین کی نہ کبھی ایسا سوچا ہے، اس وقت بیوروکریسی سےمتعلق مسائل آرہے ہیں، چیف جسٹس نے ریمارکس دئیے بیورو کریسی نے حکمرانی نہیں کرنی آپ نےہی کرنی ہے ۔

فواد چوہدری نے کہا اس وقت بیوروکریسی سےمتعلق مسائل آرہے ہیں، تو چیف جسٹس نے ریمارکس دیئے بیان کوایسےپڑھ رہےہیں جیسے عدالت کی طرف پوائنٹ آؤٹ کیا ، وزیراطلاعات کا کہنا تھا محترم عدلیہ کا احترام ہے۔

اسلام آباد : وزیراطلاعات فوادچوہدری کا کہنا ہے کہ پاکستان کے نادہندہ ہونے کا خطرہ ٹل چکا ہے، وزیراعظم ہی آئی جی کو نہیں ہٹا سکتا تو پھر الیکشن کا کیا فائدہ ہے، وزیراعظم اختیارات رکھتے ہیں اور اس کے استعمال میں وہ حق بجانب ہیں۔

تفصیلات کے مطابق اسلام آباد میں وزیراطلاعات فوادچوہدری نے میڈیا سے گفتگو کرتے ہوئے کہا وزیراعظم کےدورہ چین سے دوطرفہ تعلقات میں اضافہ ہوگا اور دورے سے نئے تعلقات کا باب شروع ہوگا۔

فوادچوہدری کا کہنا تھا کہ اسٹاک مارکیٹ میں1450پوائنٹس کااضافہ حکومت پراعتماد ظاہر کرتاہے، ظاہر ہوتا ہے سرمایہ کارکوحکومت کی معاشی پالیسیوں پر اعتماد ہے، وہ گرداب جس میں گزشتہ حکومتوں نے چھوڑا اس سے کافی حد تک نکل آئے ہیں اور پاکستان کے نادہندہ ہونے کا خطرہ ٹل چکا ہے۔

وزیراطلاعات نے کہا حکومتوں کی 70دن میں ٹیم نہیں بنتی ہم نے اقدامات کرڈالے، وزیراعظم کے شکایات پورٹل پرایک لاکھ سےشکایات موصول ہوئی ہیں، چند دن میں شکایات پر داد رسی سے متعلق آگاہ کریں گے، شکایات سیل سے سرکاری افسران اور محکموں کا ڈیٹا اکٹھا ہوتا رہے گا اور عوام کو بھی اندازہ ہوتا رہے گا کہ معاملات جا کہاں رہے ہیں۔

پاکستان کے نادہندہ ہونے کا خطرہ ٹل چکا ہے

آئی جی اسلام آباد کے تبادلے سے متعلق ان کا کہنا تھا کہ مسئلہ یہ نہیں اعظم سواتی کا معاملہ ٹھیک ہے یا نہیں، یہ کیسے ممکن ہے آئی جی اسلام آباد وفاقی وزیر کا فون نہ اٹھائیں، وفاقی وزیر اسلام آباد کے اسکولوں میں منشیات سے متعلق بتارہےتھے۔

فواد چوہدری نے مزید کہا آئی جی چیف سیکریٹری نہیں،وزیراعظم اورچیف سیکریٹری کوجواب دہ ہیں، فون نہ اٹھانے سے آئی جی ہیرو نہیں بن جائیں گے، اگر ہم نے بیورکریٹس کی مدد سے حکومت کرانی ہے تو الیکشن ہی نہیں کراتے۔

وزیراطلاعات کا کہنا تھا کہ وزیراعظم ہی آئی جی کونہیں ہٹاسکتاتوپھرالیکشن کاکیافائدہ ہے، بیوروکریسی میں کچھ افسران پالیسی فالو نہیں کررہے، اگر ایسا ہوا تو پھر انتخابی نگرانی کا معاملہ کہاں جائے گا، ہم نے کے پی میں حکومت کی وہاں سے کتنی شکایات آئی ہیں۔

انھوں نے کہا جتنی عرصہ ن لیگ حکومت میں رہی اس عرصے میں بادشاہی بن جاتی ہے، وزیراعظم اختیارات رکھتے ہیں اور اس کے استعمال میں وہ حق بجانب ہیں، ممکن نہیں کہ آئی جی منتخب نمائندوں کو گھاس نہ ڈالیں۔

بنی گالہ کیس کے حوالے سے فواد چوہدری کا کہنا تھا کہ وزیراعظم نے جب گھر بنایا تھا اس وقت وہ سی ڈی اے کی حدود میں نہیں تھا، ضلعی حکومت کی اجازت سے وزیراعظم نے گھر بنانے کی اجازت لی، وزیراعظم کے گھر بنانے میں کوئی غیر قانونی بات نہیں ہے۔

وزیراطلاعات نے کہا گاؤں میں جوگھربنتےہیں وہ کس قانون کے تحت بنتے ہیں، یونین کونسل کی اجازت سے وزیراعظم نے گھر بنانے کی اجازت لی، پاکستان کو جو استحکام ملا ہے، اس پر خوشی منانے کی ضرورت ہے، یونین کونسل کی مدد سے گھر بنالیے جاتے ہیں۔

فواد چوہدری کا مزید کہنا تھا کہ اےپی سی کی ہمیں کوئی تک نظرنہیں آتی،صرف این آراو کے لیے ہورہی ہے، ان لوگوں کو صرف یہ یقین دہانی چاہیےکہ ان کےخلاف مقدمے نہ چلائے جائیں۔

نوازشریف، آصف زرداری اور فضل الرحمان این آر او چاہتے ہیں لیکن کوئی این آر او نہیں ملےگا

انھوں نے کہا نوازشریف، آصف زرداری اور فضل الرحمان این آر او چاہتے ہیں  لیکن وزیراعظم نے کہہ دیا ہے کچھ بھی ہو جائے کوئی این آر او نہیں ملے گا۔

وزیراطلاعات کا کہنا تھا کہ اگرشہباز شریف کو پی اے سی کا چیئرمین بنائیں گے تو اجلاس جیل میں بلائیں گے، اپوزیشن کو کوئی دوسرا نام دینا ہے تو ہم منتظرہیں، اپوزیشن کےپاس کوئی شفاف نام ہیں ہی نہیں۔

انھوں نے کہا کہ اےپی سی کیااین آراوکےلیےنہیں ہورہی ، وہ کہہ رہے ہیں این آراو، ہم کہہ رہے نہ دو۔