ہارورڈ اسکول آف پبلک ہیلتھ کی رپورٹ کے مطابق دہی میں شامل بیکٹیریا ذیابطیس ٹائپ ٹو کے خطرے میں کمی لانے میں اہم کردارادا کرتے ہیں۔
تحقیق کےمطابق دہی کا روزانہ استعمال ذیابطیس کے خطرہ کو بیس فیصد تک کم کر دیتا ہے۔
ماہرین کا کہنا ہے کہ دوپہر کے کھانے میں دہی کا مستقل استعمال انسانی صحت پر خوش گوار اثرات مرتب کرتا ہے۔
امریکا میں ہونے والی جدید طبی تحقیق کےمطابق ہلدی کواعصابی کمزوری میں مبتلا افراد کے لیے مفید قرار دیا گیا ہے،ہلدی میں موجود بائیو ایکٹو مرکب دماغ کے بنیادی پھیلاؤ کوفروغ دیتا ہے۔
ہلدی کا استعمال دماغ کی شریان پھٹنے اور الزائمر کے خدشے کو کم کرنے میں مدد گار ثابت ہوتا ہے۔
ماہرین نے اندھیروں کا خاتمہ جوتوں سے کر ڈالا، جوتوں اور چپلوں کی صنعت سے وابستہ ماہرین نے ایسے جوتے اورچپلیں بنالی ہیں جو روشنی بھی دے سکتی ہیں۔ ان جوتوں میں چھوٹے چھوٹے بلب لگے ہوتے ہیں جو اندھیرے میں چلنے کے لئے بڑے مددگار ہیں۔
یہ جوتے نا صرف روشنی دیتے ہیں بلکہ پانی میں خراب ہونے سے بھی محفوظ ہیں اور ضرورت پڑنے پرانہیں دھویا بھی جاسکتا ہے، یہ بیٹری آپریٹڈ لائٹ دینے والے جوتے مارکیٹ میں دیدہ زیب رنگوں اوربچوں کی مناسبت سے طرح طرح کے ڈیزائن میں بھی دستیاب ہوں گے۔
امریکا میں ہونے والی ایک تحقیق کے مطابق بڑھاپےمیں یاداشت تیز کرنے کے لیے کوکو پاوڈر کا استعمال انتہائی مفید ہے،کوکو پاوڈر کےصرف تین ماہ کے استعمال سے ساٹھ سال کی عمر کے افراد کی یاداشت تیس سال کی سطح پرآجاتی ہے،کوکو پاؤڈر کا استعمال بڑھاپےمیں ڈیمینیشیا کی بیماری سے تحفظ میں بھی مددگار ثابت ہوتا ہے۔
سویڈن کی کیرولینسکا میڈیکل یونیورسٹی میں نو سو مجرموں کے ڈی این اے کا تجزیہ کیا گیا تجزیے سے ثابت ہواہے کہ انسانوں کو پرتشدد جرائم پر آمادہ کرنے کے ذمہ دار دو جینز ہیں،تاہم سائنسدانوں نےاس بات پر زور دیا ہے کہ ان جینز کی سکریننگ سے مجرموں کا سراغ نہیں لگایا جا سکتا تحقیقاتی رپورٹ میں یہ بھی بتایا گیا ہے کہ تشدد پر اکسانےمیں جینزکےعلاوہ ماحول بھی اہم کردارادا کرتا ہے۔
ہانگ کانگ: ہانگ کانگ کے ایک امیر آدمی نے اپنی سابقہ محبوبہ کی جانب سے شادی کے انکار کے بعد اسے عدالت لے جانے کا فیصلہ کیا ہے۔ 50سالہ چینگ نامی امیر انسان نے کافی سال قبل 17سالہ لڑکی سے ملنا شروع کیا اور یہ سلسلہ دو سال تک چلا جس کے دوران چینگ نے اپنی محبوبہ کو قیمتی تحائف، نقدی رقم اور نئی سپورٹس کار بھی لے کر دی۔ اس تعلق کا چینگ کی ذاتی زندگی پر برا اثر پڑا اور اس کی اپنی بیوی سے علیحدگی بھی ہوگئی اور اسے اپنی بیوی کو ہرجانے کے طور پر بھاری رقم بھی دینی پڑی۔ اپنا یہ تعلق ختم کرکے وہ اپنی محبوبہ کی طرف متوجہ ہوا اور اس سے شادی کی خواہش کا بھی اظہار کیا لیکن اس لڑکی نے شادی سے انکار کرتے ہوئے کہا کہ اب مجھے تم سے محبت نھیں رہی۔ چینگ کو بعد میں معلوم ہوا کہ اس کی محبوبہ نے کسی اور کے ساتھ اپنا گھر بسا لیا ہے اور اس سال اپریل میں بچے کی ماں بنی ہے۔یہ بات سن کر وہ سیخ پاء ہوا اور اس نے عدالت سے رجوع کرتے ہوئے کہا ہے کہ وہ تمام پیسہ جو اس نے اپنی سابقہ محبوبہ کو دیا ، وہ تمام ادھار کے طور پر دیا لہذا اب اسے تمام رقم سود سمیت دلوائی جائے اور بطور ہرجانہ اسے چھ لاکھ امریکی ڈالر بھی دلوائے جائیں۔ تاہم چینگ کی سابقہ محبوبہ نے عدالت میں جوابی دعویٰ دائر کرتے ہوئے موقف اپنایا کہ اس نے اپنی جوانی کے قیمتی سال چینگ کو دئیے ہیں اور وہ سال اسے واپس کئے جائیں۔ عدالت نے ابھی اس مقدمے کا فیصلہ نہیں کیا۔
ٹوکیو: ایکوریم میں تیرتی مچھلیاں سب کو اچھی لگتی ہیں لیکن اس کی صفائی اور پانی کی تبدیلی ایک مشکل کام ہے لیکن ایک ہنرمند جاپانی نوجوان نے ایک ایسا حیرت انگیزایکیوریم ایجاد کرلیا ہے جس سے یہ مسئلہ حل ہو گیا ہے۔
جاپانی نوجوان سوزی شیلے نے ایکیوریم میں ایسی ٹیکنالوجی استعمال کی ہے جس کی مدد سے مچھلیاں، پودے اوربیکٹیریا ایک ساتھ کام کرتے ہیں اورایک متوازن ایکو سسٹم تشکیل دیتے ہیں۔
ایوو نامی ایکیوریم میں ازخود صاف ہونے والا فلٹر نصب ہے جس کو صاف کرنے کی ضرورت ہی پیش نہیں آتی اوراس میں پرانے بیکٹیریا پودوں کی غذا بن جاتے ہیں اورنئے بیکٹیریا کے لئے جگہ بن جاتی ہے۔
فٹنس ڈیوائس نیند اور ورزش سے متعلق معلومات فراہم کرتا ہے،آلے میں دس سینسر لگے ہیں جودل کی دھڑکن،کیلوریز،ذہنی تناؤ اور صارف کے دھوپ میں رہنے کے بارے میں معلومات بھی فراہم کرتا ہے،مائیکرو سافٹ کا یہ آلہ اسمارٹ فون کےذریعےہیلتھ سروس دیتاہے اور سماجی رابطوں کی ویب سائٹوں فیس بک اور ٹوئٹر سے بھی منسلک ہو سکتا ہے،فٹنس ڈیوائس کی مدد سےڈیجیٹل ہیلتھ کےشعبےمیں نئی جدت پیداکی گئی ہے۔
طبی ماہرین کا کہنا ہےکہ غصہ اسی وقت آتا ہے جب کوئی بات بُری لگے ایسی کیفیت اسی وقت طاری ہوتی ہے جب ذہن پر منفی خیالات کا غلبہ ہو،ایسےمیں ہرصورتحال کومثبت اندازسے سوچناچاہیئے،غصے سےبچنے کیلئے کسی مشغلے کا انتخاب ضرور کریں،گھروں میں خوشنما رنگوں اور پھولوں والے پودے بھی ذہن پر مثبت اثرات ڈالتے ہیں،یہی فوائد آپ مچھلی کے ایکوریم کی دیکھ بھال کرکے بھی حاصل کرسکتے ہیں۔
ایپل کا آئی پیڈٹو،چھ ملی میٹرموٹاہے اوراس میں ٹچ آئی ڈی فنگر پرنٹ سینسر نصب ہے،اس میں پہلی بار اینٹی ریفلیکٹیوکوٹنگ استعمال کی گئی ہے جو دن کی روشنی میں بھی اسکرین کو سہولت سے دیکھنے میں مدد دیتی ہے۔
آئی پیڈ ٹوکے دوسرے نئے فیچرز میں آٹھ میگا پکسل کا کیمرا شامل ہے جو سلو موشن ویڈیو بنا سکتا ہے،نئے ایپل آئی پیڈ ٹو سے دنیا بھر میں ٹیبلٹس کی فروخت میں گیارہ فیصد اضافہ ہوا ہے۔