ARYNews.tv | Urdu – Har Lamha Bakhabar

Tag: INJURED

  • سعودی عرب کا فوجی ہیلی کاپٹر حادثے کا شکار، امریکی پائلٹ ہلاک

    سعودی عرب کا فوجی ہیلی کاپٹر حادثے کا شکار، امریکی پائلٹ ہلاک

    ریاض : سعودی عرب کے دارالحکومت میں فنی خرابی کے باعث حادثے کا شکار ہونے والے ہیلی کاپٹر میں امریکی پائلٹ ہلاک جبکہ سعودی فوجی زخمی ہوگیا۔

    تفصیلات کے مطابق سعودی عرب کے دارالحکومت ریاض میں گذشتہ روز فوجی ہیلی کاپٹر اچانک گر کر تباہ ہوگیا، حادثے کے نتیجے میں امریکی پائلٹ ہلاک جبکہ متاثرہ ہیلی کاپٹر میں موجود سعودی فوجی شدید زخمی ہوگیا۔

    غیر ملکی خبر رساں ادارے کا کہنا تھا کہ ہیلی کاپٹر حادثے میں ہلاک ہونے والا امریکی پائلٹ سعودی فوجیوں کے لیے خدمات انجام دے رہا تھا۔

    مقامی میڈیا کا کہنا ہے کہ ’اے ایچ 6 آئی‘ نامی ہیلی کاپٹر دارالحکومت ریاض میں واقع خاشم الآن ہوائی اڈے پر حادثے کا شکار ہوا تھا،سعودی نیشنل گارڈز کے حکام کا کہنا ہے کہ حادثے کا شکار ہونے والا ہیلی کاپٹر تربیتی مشن پر تھا۔

    عرب خبر رساں ادارے کا کہنا ہے کہ خاشم الآن ہوائی اڈے پر ہلاک ہونے والا امریکی پائلٹ پاؤل ریڈے سعودی عرب کے زخمی فوجی ہشام بن عبد العزیز کو ہیلی کاپٹر اڑانے کی تربیت دے رہا تھا۔

    غیر ملکی خبر رساں ادارے کا کہنا ہے کہ ہنگامی خدمات انجام دینے والے عملے نے حادثے میں زخمی ہونے والے سعودی فوجی کو فوری طور پر اسپتال منتقل کردیا تھا جہاں زخمی کی حالت خطرے سے باہر ہے۔

    مقامی خبر رساں ادارے کا کہنا تھا کہ ہیلی کاپٹر انجن میں فنی خرابی کے باعث حادثے کا شکار ہوا تھا، نیشنل گارڈز کے اعلیٰ حکام کی جانب سے حادثے کی تحقیقات کے لیے کمیٹی تشکیل دے دی گئی ہے۔

  • سعودی عرب کے شہر نجران پر میزائل حملہ، 26 افراد زخمی

    سعودی عرب کے شہر نجران پر میزائل حملہ، 26 افراد زخمی

    ریاض: یمن میں برسرپیکار حوثی باغیوں کی جانب سے سعودی عرب کے شہر نجران پر داغے گئے میزائلوں کو فضا میں ہی تباہ کردیا گیا تاہم 2میزائل کا ملبہ گرنے سے بچوں سمیت 26 افراد زخمی ہوگئے۔

    تفصیلات کے مطابق ایرانی سرپرستی میں مسلح جد و جہد کرنے والے حوثی باغیوں کی جانب سے گذشتہ روز بھی سعودی عرب کے جنوبی شہر نجران پر میزائل فائر کیا تھا جسے جوابی کارروائی میں عسکری اتحاد نے پیٹریاٹ میزائل کے ذریعے تباہ کردیا۔

    عرب میڈیا کے مطابق حوثی باغیوں نے سعودی عرب کے جنوبی شہروں کی جانب بیلسٹک میزائلوں سے حملوں میں تیزی کردی ہے جبکہ سعودی اتحاد کی فورسز بھی بھرپور جوابی کارروائی کر رہی ہیں۔

    غیر ملکی خبر رساں ادارے کا کہنا تھا کہ یمنی حدود سے نجران کے رہائشی علاقے پر داغے گئے میزائلوں سے 2 بچوں سمیت 26 شہریوں کے زخمی ہونے کی اطلاعات موصول ہوئی ہیں۔

    عرب میڈیا کا کہنا ہے کہ میزائل کے ذریعے زخمی ہونے والے 23 افراد کو معمولی زخم آئے ہیں تاہم تین کی حالت تشویش ناک ہے۔

    عرب اتحاد کا کہنا ہے کہ ایران نواز حوثیوں کی جانب سے منگل کے روز سعودی شہر جازان پر بھی دو بیلسٹک میزائل فائر کیا گیا تھا جبکہ نجران کو بھی ایک میزائل سے نشانہ بنانے کی کوشش کی گئی تھی تاہم دفاعی فورسز نے دونوں پر داغے گئے میزائلوں کو فضا میں ہی تباہ کردیا تھا۔

    غیر ملکی میڈیا کا کہنا ہے کہ ایرانی سرپرستی میں مسلح کارروائیاں کرنے والے حوثی جنگجوؤں کی جانب سے سعودی عرب کو اب تک 189 سے زائد بیلسٹک میزائلوں کے ذریعے ہدف بنانا چکے ہیں۔

    مزید پڑھیں : یمنی بچوں کی بس پر حملہ غلطی تھی، عرب اتحاد کا اعتراف

    یاد رہے کہ دو روز قبل سعودی عرب کی سربراہی یمن میں حوثی جنگجوؤں کے خلاف لڑنے والے عرب اتحاد کی جانب سے گذشتہ ماہ یمن کے صوبے صعدہ میں اسکول کے بچوں سے بھری ہوئی بس پر فضائی بمباری کی گئی تھی جس کے نتیجے میں 40 بچوں سمیت 51 افراد جاں بحق جبکہ 79 زخمی ہوئے تھے۔

    عرب خبر رساں اداروں کا کہنا ہے کہ عرب اتحاد کی جانب سے یمن میں اسکول بس پر حملے کو غلطی تسلیم کرتے ہوئے کہا تھا کہ فضائی بمباری میں ہونے والی اموات پر افسوس ہے۔

    عرب اتحاد کے ترجمان ترکی المالکی نے کہا ہے کہ 9 اگست کو بس پر کیے گئے حملے کے حوالے سے ہونے والی تحقیقات میں اعتراف کیا گیا ہے کہ صوبہ صعدہ میں فضائی حملوں کے دوران عسکری فورسز سے کچھ غلطیاں ہوئی تھیں۔

  • برطانیہ: چاقو زنی کی ایک اور واردات، 4 نوجوان زخمی

    برطانیہ: چاقو زنی کی ایک اور واردات، 4 نوجوان زخمی

    لندن : برطانیہ کے دارالحکومت لندن میں نامعلوم افراد کا کم عمر نوجوانوں پر چاقو سے حملہ، چاقو زنی کی واردات میں 4 نوجوان زخمی ہوگئے۔

    تفصیلات کے مطابق برطانیہ کے دارالحکومت لندن میں لڑکوں کے ایک نتعصب پسند گروہ نے دن دہاڑے سڑک پر پیدل جانے والے 4 نوجوانوں کو تعصب کی بنیاد پر بری طرح تشدد کا نشانہ بنایا ہے۔

    غیر ملکی خبر رساں ادارے کا کہنا تھا کہ تصب کی بیناد پر زخمی ہونے والے نوجوانوں کی عمریں 15 سے 16 برس کے درمیان ہے جن میں سے ایک نوجوان کی حالت تشویش ناک ہے تاہم دیگر نوجوانوں کو معمولی زخم آئے ہیں۔

    برطانوی خبر رساں ادارے کا کہنا تھا کہ میٹرو پولیٹین پولیس نے 15 سال سے 16 برس عمر کے چھ نوجوانوں پر حملہ کرکے چاقو کے وار سے زخمی کرنے کے الزام میں گرفتار کیا تھا جو تاحال پولیس کی تحویل میں ہیں۔

    غیر ملکی خبر رساں ادارے کا کہنا تھا کہ چاروں زخمی جنوبی لندن کے اسپتال میں زیر علاج ہیں۔

    برطانوی پولیس کا کہنا تھا کہ گذشتہ روز بچوں پر چاقو بردار گروپ کا حملہ اچانک ہوا تھا جس کے متعلق کچھ بھی کہنا تھا قبل از وقت ہوگا۔

    واقعے کے عینی شاہد کا کہنا تھا کہ میں نے گھر کے باہر ’ایک کم عمر لڑکے کو مدد کے لیے پکارتے اور چند نوجوانوں کو باگتے ہوئے دیکھا تھا‘۔

    خیال رہے کہ برطانیہ میں موسکو 17 میوزیکل گروپ کے ایک اور گلوکار کو تشدد کے بعد اسی مقام پر چاقو کے وار کرکے قتل کردیا گیا تھا، جہاں اس کے دوست کو موت کے گھاٹ اتارا گیا تھا۔

    ایک رپورٹ کے مطابق برطانیہ کے دارالحکومت لندن نے جرائم کی شرح میں امریکی شہر نیویارک کو بھی پیچھے چھوڑ دیا ہے، برطانوی میڈیا کے مطابق نوجوان گینگ کلچر کا شکار ہورہے ہیں جس کے باعث لندن میں رواں سال چاقو زنی کی وارداتوں میں اب تک 50 سے زائد افراد قتل ہوچکے ہیں۔

  • لندن میں تیزاب گردی، 17 سالہ نوجوان بری طرح جھلس گیا

    لندن میں تیزاب گردی، 17 سالہ نوجوان بری طرح جھلس گیا

    لندن: برطانیہ کے دارالحکومت لندن میں نامعلوم حملہ آور نے نوجوان پر تیزاب پھینک دیا، تیزاب گردی کے واقعے نوجوان بری طرح جھلس گیا، واقعے میں ملوث افراد تاحال گرفتار  نہیں ہوسکے ہیں۔

    تفصیلات کے مطابق برطانیہ کے دارالحکومت لندن کے علاقے روم فورڈ کے کولیئر را ہائی اسٹریٹ پر واقع اسٹور کے باہر نامعلوم افراد نے ایک 17 سالہ نوجوان پر بوتل سے تیزاب انڈیل دیا، جس کے باعث نوجوان بری طرح سے جھلس گیا تھا۔

    برطانوی پولیس کا کہنا تھا کہ گذشتہ روز 7 بج کر 43 منٹ پر ریسکیو اہلکاروں کی جانب سے پولیس کو کال موصول ہوئی تھی کولیئر را ہائی اسٹریٹ پر تیزاب گردی کی واردات ہوئی ہے۔

    غیر ملکی خبر رساں ادارے کا کہنا تھا کہ امدادی خدمات انجام دینے والے عملے نے تیزاب سے جھلسے ہوئے 17 سالہ نوجوان کو فوری طور پر اسپتال منتقل کردیا تھا۔

    برطانوی میڈیا کے مطابق تیزاب گردی سے متاثرہ ہونے والے نوجوان کو طبی امداد فراہم کرنے کے لیے دو ایمبولینس جائے حادثہ پر پہنچی تھی۔

    غیر ملکی خبر رساں ادارے کا کہنا تھا کہ برطانوی پولیس نے اسپتال میں نوجوان کا بیان ریکارڈ کرنے کے بعد واقعے کی تحقیقات کا آغاز کردیا ہے، تاہم تیزاب گردی میں ملوث افراد کی گرفتاری تاحال عمل میں نہیں آسکی ہے۔

    لندن میں تیزاب گردی، نوجوان کی آنکھیں اور چہرہ جھلس گیا

    خیال رہے کہ رواں ماہ کے اوائل میں سماجی رابطوں کی ویب سایٹز پر لندن میں تیزاب گردی کی ایک ویڈیو وائرل ہوئی تھی جس میں ایک نوجوان بوتل اٹھائے گھوم رہا ہے، اسٹور سے جیسے ہی ایک شخص باہر نکلا اس نے بوتل سے تیراب اس پر انڈیل دیا، جس کے باعث نوجوان کی آنکھیں اور چہرہ بری طرح متاثر ہوا تھا۔

    نوجوان کے پیچھے سے آتا ہوا دوسرا نوجوان بھی تیزاب کی چھینٹوں کی زد میں آگیا تھا، پولیس نے حملہ آور کو گرفتار کرکے کراؤن کورٹ میں پیش کیا تھا جہاں ملزم کو چھ سال کے لیے جیل بھیجنے کا حکم دیا گیا تھا۔

  • مانچسٹر میں نامعلوم شخص کی فائرنگ، دو بچوں سمیت 10 افراد زخمی

    مانچسٹر میں نامعلوم شخص کی فائرنگ، دو بچوں سمیت 10 افراد زخمی

    لندن : برطانیہ کے شہر مانچسٹر میں نامعلوم شخص نے کیریبئین کارنیول کی تقریب کے لیے جمع ہونے ہجوم پر اندھا دھند فائرنگ کردی، فائرنگ کے نتیجے میں 10 افراد زخمی ہوگئے۔

    تفصیلات کےمطابق برطانیہ کے شہر مانچسٹر کے علاقے موس سائیڈ پر واقع کلئیر ماؤنٹ روڈ پر نامعلوم شخص کی جانب سے سڑک پر موجود ہجوم پر فائرنگ کی گئی ہے جس کے نتیجے میں دس افراد زخمی ہونے کی اطلاعات موصول ہورہی ہیں۔

    برطانوی پولیس کا کہنا ہے کہ واقعے کی تحقیقات جاری ہیں تاہم ابھی تک ہجوم پر فائرنگ کرنے والے حملہ آور کا تعین نہیں ہوسکا ہے۔

    غیر ملکی خبر رساں ادارے سے گفتگو کرتے ہوئے کہ برطانوی سماجی کارکن ایرینا بیل کا کہنا ہے کہ شہریوں پر فائرنگ کرنے والا شخص لوگوں پر پیلٹ بندوق سے گولیاں برسا رہا تھا۔

    برطانوی میڈیا کے مطابق واقعے کے عینی شاہدین کا کہنا ہے کہ ہجوم کیریبئین کارنیول کی مناسبت سے جمع ہوئے تھے جن پر نامعلوم شخص نے فائرنگ کردی، فائرنگ کے نتیجے میں زخمی ہونے والے افراد کی حالت خطرے سے باہر ہے۔

    پولیس کا کہنا ہے کہ صورت حال کے پیش نظر جائے وقوقہ پر  اضافی نفری طلب کرلی گئی ہے، حکام کا کہنا ہے کہ حملے کی جگہ پر درجنوں افراد موجود تھے۔

    یاد رہے کہ گزشتہ روز برطانیہ کے علاقے سیلسبری میں قائم عسکری ساز وسامان تیار کرنے والی فیکٹری میں دھماکے سے ایک شخص ہلاک جبکہ دوسرا شدید زخمی ہوگیا تھا۔

    خیال رہے کہ برطانیہ میں موسکو 17 میوزیکل گروپ کے ایک اور گلوکار کو تشدد کے بعد اسی مقام پر چاقو کے وار کرکے قتل کردیا گیا تھا، جہاں اس کے دوست کو موت کے گھاٹ اتارا گیا تھا۔

    ایک رپورٹ کے مطابق برطانیہ کے دارالحکومت لندن نے جرائم کی شرح میں امریکی شہر نیویارک کو بھی پیچھے چھوڑ دیا ہے، برطانوی میڈیا کے مطابق نوجوان گینگ کلچر کا شکار ہورہے ہیں جس کے باعث لندن میں رواں سال چاقو زنی کی وارداتوں میں اب تک 50 سے زائد افراد قتل ہوچکے ہیں۔

  • بالی ووڈ اداکار رنبیر کپور فٹبال کھیلتے ہوئے زخمی ہوگئے

    بالی ووڈ اداکار رنبیر کپور فٹبال کھیلتے ہوئے زخمی ہوگئے

    ممبئی: بالی ووڈ اداکار رنبیر کپور فٹبال کھیلتے ہوئے زخمی ہوگئے، انہیں فوری طبی امداد دے کر اسپتال منتقل کردیا گیا۔

    بھارتی میڈیا کے مطابق رنبیر کپور کے مداحوں کے لیے بری خبر ہے، بالی ووڈ اداکار پونے میں کھیلے جانے والے سیلبیرٹی میچ کے دوران فٹبال کھیلتے ہوئے زخمی ہوگئے، فائنل میچ رنبیر کپور کی ٹیم اے ایس ایف سی نے جیت لیا۔

    میچ دیکھنے کے لیے بالی ووڈ کے متعدد اداکار موجود تھے جن میں ابھیشک بچن، شبیر آہلووالیا، ایشان کھتر، ارمان جین، شبیر جین، ڈینو موریا، جم سوربھ، کرن واہی ودیگر شامل ہیں۔

    رنبیر کپور کو میدان میں ہی طبی امداد دی گئی تاہم تکلیف کی شدت زیادہ ہونے کی سبب انہیں فوری طور پر قریبی ہسپتال منتقل کردیا گیا، ڈاکٹرز کے مطابق رنبیر کپور کے پیر کے انگوٹھے میں چوٹیں آئی ہیں۔

    رنبیر کپور زخمی ہونے کے باوجود گووا میں جاری اپنی فلم کی شوٹنگ کے سیٹ پر پہنچے، رنبیر کپور فین کلب کے ٹویٹر پیج پر مداحوں کی جانب سے تصاویر شیئر کی گئیں جن میں رنبیر خوش نظر آرہے ہیں۔

    واضح رہے کہ اداکار رنبیر کپور سنجے دت کی زندگی پر بننے والی فلم ’سنجو‘ میں مرکزی کردار ادا کررہے ہیں، فلم سنجو رواں ماہ 29 جون کو ریلیز کی جائے گی۔

    خیال رہے کہ رنبیر کپور کی پاکستانی اداکارہ ماہرہ خان کے ساتھ تصاویر وائرل ہوئی تھیں جس میں ماہرہ خان سگریٹ نوشی میں مصروف تھیں، مداحوں کی جانب سے ماہرہ خان پر سخت تنقید کی گئی تھی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • معروف اسٹیج کامیڈین جاوید کوڈو ٹریفک حادثے میں زخمی

    معروف اسٹیج کامیڈین جاوید کوڈو ٹریفک حادثے میں زخمی

    لاہور: معروف اسٹیج کامیڈین جاوید کوڈو ٹریفک حادثے میں شدید زخمی ہوگئے، طبی امداد کے لیے ہسپتال منتقل کردیا گیا۔

    تفصیلات کے مطابق متعدد اسٹیج ڈراموں میں اداکاری کے جوہر دکھانے والے معروف کامیڈین جاوید کوڈو لاہور کے علاقے مسلم ٹاؤن میں ٹریفک حادثے کے نتیجے میں شدید زخمی ہوگئے۔

    جاوید کوڈو کو زخمی حالت میں فوری طور پر گنگا رام ہسپتال منتقل کردیا گیا ہے، ڈاکٹرز کے مطابق ان کی کولہے کی ہڈی ٹوٹ گئی ہے جس کو جوڑنے کے لیے ان کا آپریشن کیا جائے گا۔

    جاوید کوڈو نے اپنے کیریئر کا آغاز 1981 میں ڈرامہ سودے باز سے کیا، انہوں نے 150 پنجابی اور اردو فلم میں بھی اپنی اداکاری کے جوہر دکھائے، ان کا ڈرامہ ’آشیانہ‘ آج بھی لوگوں کو یاد ہے۔

    مزید پڑھیں: معروف کامیڈین جاوید کوڈو دماغ کی شریان پھٹنے کے باعث اسپتال منتقل

    یاد رہے کہ 2016 میں معروف کامیڈین جاوید کوڈو کی طبعیت اچانک خراب ہونے پر انہیں فوری طور پر گنگا رام اسپتال لاہور منتقل کیا گیا جہاں سے ڈاکٹروں نے اہلخانہ سے انہیں جنرل اسپتال منتقل کرنے کی ہدایت کی

    ڈاکٹرز کا کہنا تھا کہ جاوید کوڈو کے دماغ کی شریان کو معمولی نقصان پہنچا ہے تاہم اگلے بہتر گھنٹے انتہائی اہم ہیں، شہباز شریف نے کامیڈین جاوید کوڈو کی بیماری کا نوٹس لیتے ہوئے علاج کے لیے میڈیکل بورڈ تشکیل دینے کا حکم دیا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • برطانیہ: نامعلوم ڈرائیور نے گاڑی راہ گیروں پر چڑھا دی، 6 افراد شدید زخمی

    برطانیہ: نامعلوم ڈرائیور نے گاڑی راہ گیروں پر چڑھا دی، 6 افراد شدید زخمی

    لندن: برطانیہ میں نامعلوم ڈرائیور نے اپنی کار سڑک کے اطراف موجود راہ گیروں پر چڑھا دی جس کے نتیجے میں 6 افراد شدید زخمی ہوگئے۔

    تفصیلات کے مطابق یہ واقعہ برطانیہ کے شہر مانچسٹر میں پیش آیا جہاں ایک معروف شاپنگ سینٹر ٹریفورڈ کے قریب نامعلوم کار ڈرائیور نے اپنی گاڑی شہریوں پر چڑھا دی جس کے باعث 6 افراد شدید زخمی ہوگئے۔

    برطانوی میڈیا کا کہنا ہے کہ اپنی گاڑی سے شہریوں کو کچلنے کے بعد نامعلوم شخص فرار ہوچکا ہے جس کی تلاش پولیس کی جانب سے کی جارہی ہے جبکہ زخمیوں میں کئی کی حالت تشویش ناک ہے۔

    برطانیہ‘ ڈرائیور نے مسجد کے باہر کھڑے نمازیوں پرگاڑی چڑھا دی

    پولیس حکام کا کہنا ہے کہ واقعے کی اطلاع ملتے ہی جائے وقوعہ پر پہنچے تاہم ڈرائیور اس وقت تک فرار ہوچکا تھا تاہم ہیلی کاپٹر اور دیگر جدید آلات کی مدد سے ملزم کو تلاش کیا جارہا ہے، امید ہے جلد گرفتاری عمل میں آئے گی۔

    پولیس کا کہنا تھا کہ زخمیوں میں ایک خاتون بھی شامل ہیں جن کے سر پر شدید چوٹیں آٗئی ہیں اور انہی کی حالت اس وقت تشویش ناک بتائی جاتی ہے، جبکہ علاقے کو گھیرے میں لے کر ریسکیو کارروائیاں کی جارہی ہیں۔

    برطانیہ: کار سوار نے عوام پر گاڑی چڑھادی، چار افراد زخمی

    پولیس کا یہ بھی کہنا تھا کہ اس واقعے کو دہشت گردی کہنا ابھی قبل از وقت ہوگا کیوں کہ ہمارے پاس ابھی ایسے کوئی ثبوت موجود نہیں ہے البتہ تحقیقات کر رہے ہیں جلد حقائق سامنے آجائیں گے۔

    خیال رہے کہ گزشتہ ماہ برطانیہ کے علاقے نیو پورٹ میں تیز رفتار گاڑی نے اسپورٹس کلب کے باہر کھڑے لوگوں کے مجمے کو روند ڈالا تھا، اس ہولناک حادثے کے نتیجے میں چار افراد شدید زخمی ہوگئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • جرمنی: نامعلوم شخص کی فائرنگ سے دو افراد ہلاک، متعدد زخمی

    جرمنی: نامعلوم شخص کی فائرنگ سے دو افراد ہلاک، متعدد زخمی

    برلن: جرمنی میں نامعلوم شخص نے فائرنگ کردی جس کے نتیجے میں دو افراد ہلاک اور متعدد زخمی ہوگئے تاہم ایک مشتبہ شخص کو حراست میں لیا گیا ہے۔

    تفصیلات کے مطابق یہ واقعہ  جرمنی کے شہر ساربروکن میں پیش آیا جہاں ایک نامعلوم شخص نے بلا اشتعال فائرنگ شروع کردی جس کے نتیجے میں دو شخص موقع پر ہی ہلاک اور متعدد زخمی ہوگئے تاہم زخمیوں کو اسپتال منتقل کر دیا گیا ہے۔

    مقامی میڈیا کے مطابق جنوب مغربی شہر ساربروکن کے ایک نواحی علاقے میں یہ واقعہ رونما ہوا جبکہ دوسری جانب پولیس نے بروقت کارروائی کرتے ہوئے واقعے میں ملوث ہونے کے شبے میں ایک شخص حراست میں لیا ہے۔

    جرمنی: انسباخ میں مسلح شخص کی فائرنگ، 2افراد ہلاک

    پولیس حکام کا کہنا ہے کہ جس شخص کو گرفتار کیا گیا ہے، اس سے تفتیش جاری ہے، تاہم واقعے سے متعلق تمام محرکات کا ہر پہلو سے جائزہ لے رہے ہیں امید ہے جلد اصل مجرم تک پہنچ جائیں گے۔

    خیال رہے کہ اس واقعے میں گرفتار ہونے والے شخص کی شہریت کے بارے میں ابھی تک کوئی معلومات سامنے نہیں آئی ہیں، البتہ پولیس ابھی ابتدائی تفتیش میں مصروف ہے، جس کے بعد ہی حتمی شناخت سامنے آئی گی۔

    جرمنی میں فائرنگ ‘ پولیس اہلکار ہلاک

    یاد رہے کہ گزشتہ سال فرانس کے دارالحکومت پیرس میں حملہ آور کی فائرنگ سے پولیس کا ایک اہلکار ہلاک جبکہ دو زخمی ہوگئے تھے۔

    واضح رہے کہ 2016 میں جرمنی کے شہر میونخ کے ایک شاپنگ سینٹر میں فائرنگ کے واقعے میں حملہ آور سمیت 9 افراد ہلاک جبکہ متعدد زخمی ہوگئے تھے، حملہ آور 18 سالہ ایرانی نژاد جرمن نوجوان تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • بلوچستان میں کارروائی کے دوران زخمی ہیڈ کانسٹیبل ثنااللہ شہید ہوگئے

    بلوچستان میں کارروائی کے دوران زخمی ہیڈ کانسٹیبل ثنااللہ شہید ہوگئے

    راولپنڈی: بلوچستان میں سیکیورٹی فورسز کی جانب سے کارروائی کے دوران زخمی ہونے والے کانسٹیبل ثنااللہ شہید ہوگئے۔

    تفصیلات کے مطابق گذشتہ روز بلوچستان کے علاقے کلی الماس میں سیکیورٹی فورسز نے بڑی کارروائی کی تھی جس میں سو سے زائد افراد کے قتل میں ملوث دہشت گرد اور دو خود کش بمباروں کو ہلاک کردیا تھا تاہم دہشت گردوں سے مقابلے میں ملٹری انٹیلی جنس کے کرنل سہیل عابد شہید ہوگئے تھے اور آج زخمی کانسٹیبل ثنا اللہ بھی شہید ہوگئے۔

    پاک فوج کے شعبہ تعلقات عامہ (آئی ایس پی آر) کے مطابق کلی الماس آپریشن میں زخمی ہونے والے ہیڈ کانسٹیبل ثنااللہ شہید ہوچکے ہیں، امن کے سفر میں تمام پاکستانی شہیدوں کے قرض دار ہیں، امن کی طرف جاری سفر ان شہیدوں کا مرہون منت ہے۔

    کرنل سہیل عابد کی فوجی اعزاز کے ساتھ تدفین، آرمی چیف کا اظہار رنجیدگی

    آئی ایس پی آر کا کہنا تھا کہ ہمارے امن کے پیچھے دراصل یہ شہید ہیں، شہیدوں کی قربانیوں کو سلام پیش کرتے ہیں، ہیڈ کانسٹیبل ثنااللہ گزشتہ روز دہشت گردوں سے مقابلے میں زخمی ہوئے تھے، شہید ہیڈ کانسٹیبل نے پسماندگان میں اہلیہ اور 2 بچے چھوڑے ہیں۔

    واضح رہے کہ گزشتہ روز سیکیورٹی فورسز نے بلوچستان کے علاقے کلی الماس میں خفیہ اطلاع پر خود کش بمباروں کی موجودگی پر چھاپہ مار کارروائی کی تو دہشت گردوں نے سیکیورٹی فورسز پر اندھا دھند فائرنگ شروع کردی تھی۔

    بلوچستان میں کالعدم لشکر جھنگوی کا بڑا دہشت گرد مارا گیا، آئی ایس پی آر

    سیکیورٹی فورسز کی جوابی فائرنگ میں 100 سے زائد افراد کے قتل میں ملوث لشکر جھنگوی کا انتہائی مطلوب دہشت گرد سلمان بادینی ہلاک ہوا تھا، مذکورہ شخص ہزارہ برداری کے کئی لوگوں اور متعدد پولیس اہلکاروں کے قتل میں ملوث تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔