ARYNews.tv | Urdu – Har Lamha Bakhabar

Tag: INJURED

  • وزیر داخلہ احسن اقبال آئی سی یو سے روم منتقل، صحت تسلی بخش قرار

    وزیر داخلہ احسن اقبال آئی سی یو سے روم منتقل، صحت تسلی بخش قرار

    اسلام آباد: قاتلانہ حملے میں زخمی ہونے والے وفاقی وزیر داخلہ احسن اقبال کو انتہائی نگہداشت وارڈ (آئی سی یو) سے روم منتقل کردیا گیا، جہاں ان کی صحت تسلی بخش ہے۔

    تفصیلات کے مطابق وفاقی وزیر داخلہ احسن اقبال گذشتہ روز نارروال میں ایک قاتلانہ حملے میں زخمی ہوئے تھے، ملزم نے ان کے جسم کے مختلف حصوں پر فائرنگ کی تھی بعد ازاں احسن اقبال کو فوری طور پر طبی امداد کے لیے نارروال ڈسٹرکٹ ہیڈ کوارٹر اسپتال منتقل کیا گیا تھا۔

    لاہور کے سروسز اسپتال میں زیرعلاج وزیر داخلہ احسن اقبال کو آئی سی یو سے کمرے میں منتقل کر دیا گیا البتہ ڈاکٹروں نے وی وی آئی پی روم نمبر ون کو ہی آئی سی یو کا درجہ دے دیا ہے۔

    احسن اقبال حملہ ، 24 گھنٹوں میں تحقیقاتی کمیٹی کے 3 سربراہ تبدیل

    ڈاکٹروں کا کہنا ہے کہ احسن اقبال کی حالت تسلی بخش ہے، تاہم انفیکشن سے بچانے کے لیے ملاقاتوں پر پابندی عائد کردی گئی ہے، پانچ رکنی میڈیکل بورڈ احسن اقبال کے معالجے کی مانیٹرنگ کررہا ہے، میڈیکل بورڈ کے مطابق وفاقی وزیر داخلہ کو تین سے چار روز میں اسپتال سے ڈسچارج کردیا جائے گا۔

    یاد رہے گزشتہ روز وفاقی وزیرداخلہ احسن اقبال اپنے ہی حلقے نارروال میں کرسچن کمیونٹی کی کارنر میٹنگ سے خطاب کرکے نکلے تو مسلح شخص نے ان پر فائرنگ کردی تھی ، جس کے نتیجے میں وہ زخمی ہوگئے تھے۔

    احسن اقبال پر حملہ کرنے والا ملزم 10روزہ جسمانی ریمانڈ پر پولیس کے حوالے

    خیال رہے کہ پولیس نے فائرنگ کرنے والے ملزم کو گرفتار کرکے تیس بور کا پستول برآمد کرلیا تھا اورابتدائی بیان میں ملزم نے اعتراف جرم کرتے ہوئے کہا تھا کہ احسن اقبال نے ختم نبوت کے حوالے سے جو بیانات دئیے تھے اس پر رنج تھا اس وجہ سے احسن اقبال پر حملے کے لیے موقع کی تلاش میں تھا ،آج جب احسن اقبال کرسچن کمیونٹی کی تقریب میں آئے تو موقع پا کر حملہ کردیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پی ٹی آئی رہنما نعیم بخاری نےتشدد سے متعلق افواہوں کی تردید کردی

    پی ٹی آئی رہنما نعیم بخاری نےتشدد سے متعلق افواہوں کی تردید کردی

    لندن: پاکستان تحریک انصاف کے سینئر رہنما نعیم بخاری نے برطانیہ کے دار الحکومت لندن میں زخمی ہونے سے متعلق افواہوں کی تردید کر دی۔

    تفصیلات کے مطابق وہ گذشتہ روز لندن کے مقامی ٹرین اسٹیشن پر گر کر زخمی ہوگئے تھے بعد ازاں سوشل میڈیا پر یہ افواہیں گردش کر رہی تھیں کہ انہیں پارک لین کے علاقے میں تشدد کا نشانہ بنایا گیا ہے۔

    لندن کے اسپتال میں عزیز واقارب ملنے کے لیے پہنچے تو انہوں نے اپنے متعلق سماجی رابطے کی ویب سائٹ پر افواہوں کی تردید کرتے ہوئے کہا کہ اس حوالے سے جھوٹی باتیں پھیلائی جارہی ہیں، میرے خلاف یہ ایک سازش ہے۔

    انہوں نے کہا کہ میں ٹرین اسٹیشن پر موجود تھا کہ اچانک سر میں درد ہونے لگا اور میں چکراتا ہوا منہ کے بل گر پڑا جس سے شدید چوٹیں آئیں ہیں، میرے ساتھ اسپتال میں میری اہلیہ اور بیٹی موجود ہے، امید ہے چند روز میں اسپتال سے ڈسچارج ہوجاؤں گا۔

    لندن: نعیم بخاری کے ساتھ حادثہ، زخمی ہوکر اسپتال منتقل

    خیال رہے کہ پی ٹی آئی رہنما نعیم بخاری نمل کالج کی چندہ مہم کے سلسلے میں لندن میں موجود ہیں وہ ایک مقام سے دوسرے مقام کی طرف جانے کے لیے زیر زمین ریلوے اسٹیشن پہنچے تو گرنے سے زخمی ہوگئے تھے۔

    اس حادثے کے بعد پاکستان تحریک انصاف کے سربراہ عمران خان نے سماجی رابطے کی ویب سائٹ ٹوئٹر پر اظہار افسوس کرتے ہوئے دعا کی تھی کہ وہ جلد صحت یاب ہوجائیں گے، علاوہ ازیں تحریک انصاف کی رہنما شیری مزاری نے بھی نعیم بخاری کی جلد صحت یابی کے لیے دعا کی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پریانکا چوپڑا شوٹنگ کے دوران زخمی، گھٹنے پر فریکچر

    پریانکا چوپڑا شوٹنگ کے دوران زخمی، گھٹنے پر فریکچر

    نیویارک: بھارتی اداکارہ پریانکا چوپڑا ’کوانٹیکو‘ شو کی عکس بندی کے دوران زخمی ہوگئیں جس کے نتیجے میں اُن کے گھٹنے میں چوٹ لگ گئیں۔

    تفصیلات کے مطابق بھارتی فلموں میں شاندار اداکاری دکھانے کے بعد ہالی ووڈ انڈسٹری میں جگہ بنانے والی پریانکا چوپڑا امریکی ٹی وی شو ’کوانٹیکو‘ کے ذریعے بھی صلاحیتوں کا لوہا منوار رہی ہیں۔

    ایکشن سے بھرپور اس ٹی وی شو کی کئی ویڈیوز اور تصاویر سامنے آچکیں جن میں دیکھا جاسکتا ہے کہ بھارتی اداکارہ ایک ایسی لڑکی کا کردار ادا کررہی ہیں جو کبھی پستول تھامے روڈ پر کھڑی ہوتی ہے تو کبھی کوئی کارروائی کرتی ہیں۔

    ویڈیو دیکھیں : پریانکا چوپڑا غصے سے آگ بگولا، گلاس اپنے سر پر دے مارا، ویڈیو وائرل

    سماجی رابطے کی ویب سائٹ پر بالی ووڈ اداکارہ نے مداحوں کو بری خبر سنائی اور بتایا کہ ’کوانٹیکو کی شوٹنگ کے دوران ایک منظر عکس بند کرواتے ہوئے میرے گھٹنے میں شدید چوٹ ) آگئی جس کی وجہ سے ڈاکٹر نے تین ہفتے آرام کرنے کی تجویز دی ہے‘۔

    اداکارہ کا کہنا تھا کہ ’ہم شو کی شوٹنگ کے لیے اٹلی میں موجود ہیں چونکہ شو میں میرا مرکزی کردار ہے اس لیے مجھے ساتھی اداکاروں کے ساتھ درمیانی رات باہر نکلنا پڑا‘۔

    یاد رہے کہ پریانکا چوپڑا کو سماجی رابطوں کی دنیا میں مقبول شخصیت سمجھا جاتاہے، اس لیے وہ کنگ خان اور دبنگ خان جیسے سنیئر و باصلاحیت اداکاروں کے مد مقابل نظر آتی ہیں۔

    یہ بھی دیکھیں: پریانکا کا نیا انداز مداحوں میں مقبول

    گذشتہ دنوں اپنے مقبول ٹی وی شو کوانٹیکو کے تیسرے سیزن کی شوٹنگ کے لیے نیویارک میں مقیم پریانکا چوپڑا نے ایک ویڈیو شیئر کی تھی، جس میں دیکھا جاسکتا ہے کہ وہ تھکن سے چور ہیں اور اُن کے ہاتھ وائن کا گلاس ہاتھ بھی موجود ہے۔

    خیال رہے کہ برطانوی جریدے فوربز میگزین میں بالی ووڈ اداکارہ پریانکا چوپڑا کا نام زیادہ کمانے والے اداکاروں کی فہرست میں آٹھویں نمبر جبکہ جرمنی سے شائع ہونے والی 100 بااثر خواتین کی فہرست میں اُن کا 97واں نمبر آیا تھا۔

    اسے بھی دیکھیں: پریانکا کی تصاویر وائرل

    یاد رہے کہ پریانکا نے گزشتہ برس ہالی ووڈ فلم ہاؤس آف کارڈ میں رابن ورتھ کے ساتھ مرکزی کردار عمدہ طریقے سے نبھایا تھا، جسے مداحوں نے بہت پسند کیا اور فلم نے باکس آفس پر کامیابی کے جھنڈے لہرائے تھے۔

    بھارتی اداکارہ پریانکا چوپڑا یونیسیف کی خیر سگالی سفیر ہیں وہ دنیا بھر میں تعلیم کے فروغ کے لیے کام سرگرم ہیں اور چند روز قبل شام سے اردن ہجرت کرنے والے مہاجرین کے کیمپس میں متاثرہ بچوں سے ملاقاتیں بھی کیں تھیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کینیڈا: ٹرک کے ذریعے راہ گیروں کو کچلے والے شخص پر فرد جرم عائد

    کینیڈا: ٹرک کے ذریعے راہ گیروں کو کچلے والے شخص پر فرد جرم عائد

    اوتاوا: کینیڈا میں ٹرک کے ذریعے راہ گیروں کو کچلنے والے شخص ’الیک مینا سیان‘ پر باضابطہ فرد جرم عائد کر دی گئی ہے۔

    تفصیلات کے مطابق گذشتہ دنوں ایک تیز رفتار ٹرک نے سڑک کے اطراف موجود شہریوں کو روند ڈالا تھا جس کے نتیجے میں دس افراد جاں بحق اور پندرہ سے زائد ہوگئے تھے۔

    واقعے کے بعد قانون نافذ کرنے والے ادارے نے فوری کارروائی کرتے ہوئے ڈرائیور کو گرفتار کر لیا تھا جس پر آج فرد جرم عائد کر دی گئی ہے جس کے تحت اس پر اقدام قتل کے تیرہ الزامات عائد کیے گئے ہیں۔

    ٹورنٹو پولیس کے مطابق پچیس سالہ ڈرائیور الیک مینا سیان نے دانستہ طور پر اپنی گاڑی عام لوگوں پر چڑھا دی تھی، بعد ازاں کارروائی کے بعد گرفتاری عمل میں آئی، ڈرائیور کی جانب سے جان بوجھ شہریوں پر گاڑی چڑھانے سے دس افراد ہلاک جبکہ پندرہ سے زائد زخمی ہوگئے تھے۔

    کینیڈا: ٹرک نے راہ گیروں کو روند ڈالا، 9 افراد ہلاک، 16 زخمی

    خیال رہے کہ اس واقعے کا پس منظر فی الحال غیر واضح ہے کیوں کہ الیک میناسیان کا تعلق ٹورانٹو کے نواحی علاقے رچمنڈ ہل سے ہے جبکہ اس پر کسی بھی قسم کا کوئی مجرمانہ ریکارڈ بھی نہیں ہے۔

    یاد ہے کہ کینیڈا کے وزیر برائے پبلک سیفٹی نے گذشتہ روز واقعے سے متعلق کہا تھا کہ یہ ایک افسوس ناک واقعہ ہے تاہم ابھی کچھ بھی کہنا قبل از وقت ہوگا، تحقیقات کے بعد ہی پتہ چلے گا کہ ڈرائیور نے ایسا کیوں کیا اور اس کے پیچھے کیا محرکات ہیں۔ البتہ اب تحقیقات کے بعد ملزم پر فرد جرم عائد کر دی گئی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بھارت، دوران پرواز طیارے کو حادثہ، تین مسافر زخمی

    بھارت، دوران پرواز طیارے کو حادثہ، تین مسافر زخمی

    نئی دہلی: بھارتی دارالحکومت سے پروان بھرنے والے جہاز کو پرواز کے دوران حادثہ پیش آیا جس کے نتیجے میں خاتون سمیت تین مسافر زخمی ہوگئے۔

    بھارتی میڈیا کے مطابق ایئرانڈیا طیارے کی پرواز ریاست امرتسر سے دارالحکومت نئی دہلی جارہی تھی کہ اسی دوران طیارے کی کھڑی کا فریم نکل گیا جس کے نتیجے میں خاتون اور تین مسافر زخمی ہوئے۔

    بھارتی میڈیا کے مطابق یہ حادثہ 19 اپریل جمعرات کو پیش آیا جسے انتظامیہ کی جانب سے چھپانے کی کوشش کی گئی مگر طیارے میں سوار مسافر نے ویڈیو بنا کر سوشل میڈیا پر شیئر کی تو معاملہ ذرائع ابلاغ تک پہنچا۔

    حادثے کے نتیجے میں زخمی ہونے والی خاتون اور دیگر مسافروں کو نئی دہلی ائیرپورٹ سے فوری طور پر  سے اسپتال منتقل کیا گیا جہاں انہیں طبی امداد دی گئی، خاتون کے سر پر آنے والے زخم شدید تھے جن کی وجہ سے ان کے ٹانکے لگے۔

    بھارتی میڈیا کے مطابق طیارے کو حادثہ اُس وقت پیش آیا جب کہ 21 ہزار فٹ کی بلندی پر پرواز کررہا تھا، کھڑی کا فریم ٹوٹنے اور مسافروں کے زخمی ہونے کے بعد مسافر خوفزدہ ہوگئے جنہیں بمشکل سنبھالا گیا جبکہ جہاز میں موجود طبی عملے نے تمام زخمیوں کو فوری طبی امداد بھی فراہم کیں۔

    سول ایوی ایشن کے حکام کا کہنا ہے کہ پرواز کے دوران طیارے کی کھڑی نکلنے کا تعلق موسمی خرابی سے نہیں بلکہ یہ انتظامیہ کی غفلت کا نتیجہ ہے، مذکورہ کمپنی کے خلاف مسافروں کی حفاظت نہ کرنے کے قانون کے تحت کارروائی کی جائے گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پاکستانی نژاد سوشل میڈیا اسٹار کار حادثے میں شدید زخمی

    پاکستانی نژاد سوشل میڈیا اسٹار کار حادثے میں شدید زخمی

    دمشق: پاکستانی نژاد کینیڈین شہری اور  معروف سوشل میڈیا اسٹار شام ادریس ٹریفک حادثےمیں شدید زخمی ہوگئے۔

    عرب میڈیا کے مطابق معروف سوشل میڈیا اسٹار شام ادریس اپنے دوستوں کے ہمراہ سفر کررہے تھے کہ اچانک اُن کی گاڑی تیز رفتاری کے باعث دوسری کار سے ٹکرا گئی۔

    عینی شاہدین کے مطابق حادثہ اس قدر شدید تھا کہ دونوں گاڑیوں کے اگلے حصے مکمل طور پر تباہ ہوگئے اور ان میں سوار افراد بری طریقے سے زخمی ہوئے، سوشل میڈیا اسٹار ادریس شام کو بھی حادثے کے نتیجے میں شدید چوٹیں لگیں۔

    ہائی وے پر ہونے والے حادثے کے بعد جب ریسکیو ادارے جائے وقوعہ پہنچے تو انہوں نے ایک زخمی نوجوان کو ڈرائیونگ سیٹ والے حصے سے بمشکل باہر نکلا جبکہ بقیہ افراد کو گاڑی کے دورازے توڑ کر نکالا گیا۔

    اسپتال انتظامیہ کے مطابق سوشل میڈیا اسٹار کے سیدھے ہاتھ، پیروں اور جسم کے دیگر حصوں پر شدید چوٹیں آئیں جبکہ اُن کا خون بھی بہت زیادہ بہہ گیا جس کی وجہ سے اُن کی حالت شدید ناساز ہے۔

    سوشل میڈیا اسٹار کی آئی ڈی سے حادثے کی ویڈیو شیئر کی گئی ہے جسے اب تک ہزاروں صارفین دیکھ چکے ہیں۔

     

    حادثے کے وقت شام ادریس کے ساتھ دو خواتین سمیت اُن کے تین دوست موجود تھے وہ بھی زخمی ہوئے تاہم انہیں اس قدر شدید چوٹیں نہیں آئیں، سوشل میڈیا اسٹار اس وقت آئی سی یو میں جبکہ اُن کے دوستوں کو عام وارڈ میں شفٹ کردیا گیا۔

    تین روز گزر جانے کے باوجود بھی ادریس شام انتہائی نگہداشت وارڈ میں داخل ہیں جبکہ اُن کے دوستوں کو اسپتال سے فارغ کردیا گیا۔

    واضح رہے کہ شام ادریس پاکستانی نژاد کینیڈین شہری ہیں جو یوٹیوب اور دیگر سماجی رابطوں کی ویب سائٹس پر اپنی ویڈیوز اپ لوڈ کرتے ہیں، سوشل میڈیا پر انہیں اس وقت تقریباً 15 لاکھ صارفین فالو کررہے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • برطانوی ٹی وی اینکر نشے کی حالت میں گاڑی چلاتے ہوئے گرفتار

    برطانوی ٹی وی اینکر نشے کی حالت میں گاڑی چلاتے ہوئے گرفتار

    لندن:معروف برطانوی ٹی وی اینکر آنٹ مک پارٹلن نشے کی حالت میں گاڑی چلارہے تھے جس کے باعث گاڑی بے قابو ہوگئی اور اردگرد کھڑے لوگ کار کی زد میں آکر زخمی ہوگئے۔

    تفصیلات کے مطابق برطانیہ کے مشہور ٹی وی اینکر آنٹ مک پارٹلن جنوب مغربی لندن میں شراب پی کر گاڑی چلانے اور متعدد گاڑیوں کو نقصان پہنچانے کے جرم میں گرفتار کرلیے گئے ہیں۔

    میٹروپولیٹن پولیس کا کہنا تھا کہ اتوار کے روز لندن کے رچمنڈ روڈ سے شہریوں نے پولیس ہیلپ لائن پر فون کرکے پارٹلن کے نشے کی حالت میں گاڑی چلانے اور سڑک پر موجود دیگر گاڑیوں کو نقصان پہنچانے کی شکایت کی درج کروائی تھی۔

    پولیس کے بتایا کہ ایمرجنسی ٹیم نے فوری جائے وقوع پر پہنچ کر42 سالہ مک پارٹلن کو نشے کی حالت میں گرفتار کرکے تھانے منتقل کردیا گیا تھا، جہاں اُن سے مزید تفتیش کی جارہی ہے۔

    پولیس کا کہنا تھا کہ پارٹلن نشے کی حالت میں گاڑی چلارہے تھے جس کے باعث گاڑی ان کے کنٹرول سے باہر ہوگئی اور جس کے نتیجے میں سڑک کے کنارے کھڑے درجنوں افراد زد میں آکر زخمی ہوگئے۔ متاثرہ افراد کو فوری طور پر مقامی اسپتال منتقل کیا گیا تھا جہاں طبّی امداد کے بعد انہیں اسپتال سے خارج کردیا گیا۔

    امدادی کام کرنے والے عملے نے کا کہنا تھا کہ گاڑی کی ٹکر زخمی ہونے والے متاثرین میں ایک بچہ بھی شامل ہے.

    خیال رہے کہ آنٹ مک پارٹلین برطانیہ میں متعدد نامور ٹی وی پروگراموں میں ڈیکلن ڈونلی، کے ہمراہ میزبانی کے فرائض انجام دیتے رہے ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیےسوشل میڈیا پرشیئر کریں

  • بالی ووڈ اداکار شوٹنگ کے دوران شدید زخمی

    بالی ووڈ اداکار شوٹنگ کے دوران شدید زخمی

    ممبئی: بالی ووڈ اداکار ودیوت جموال اپنی نئی آنے والی فلم کی شوٹنگ کے دوران بلندی سے گر کر شدید زخمی ہوگئے۔

    بھارتی میڈیا کے مطابق بالی ووڈ اداکار اپنی نئی آنے والی فلم ’جنگلی‘ کا ایک منظر عکس بند کروانے کے دوران بلندی سے زمین پر گر کر شدید زخمی ہوئے جس کی وجہ سے اُن کے سر پر شدید چوٹ آئی۔

    ودیوت  جموال فلم ڈائریکٹر کی ہدایت پر فضاء میں خطرناک اسٹنٹ کررہے تھے کہ اچانک تار(رسی) ٹوٹ گیا جس کے بعد وہ تقریبا 3 فٹ کی بلندی سے زمین پر آگرے اور اُن کا سر فرش پر لگا۔

    ٹیم نے ہیرو کے زخمی ہونے کے بعد فوری طور پر شوٹنگ روکی اور انہیں زخمی حالت میں اسپتال پہنچایا جہاں اُن کی مرہم پٹی کی گئی، اسپتال ذرائع کے مطابق ودیوت کے سر میں 4 ٹانکے  آئے ہیں۔

    اسپتال سے فارغ ہونے کے بعد اداکارہ نے میڈیا سے گفتگو کرتے ہوئے کہا کہ ’کسی بھی فلم کی شوٹنگ کے دوران ایکشن کرنے کے دوران چوٹ آنا کوئی بڑی بات نہیں، میں خطرات سے کھیلنے کا عادی ہوں‘۔

    بعد ازاں ودیوت جموال نے سماجی رابطے کی ویب سائٹ پر بذریعہ ٹویٹ مداحوں کا شکریہ ادا کیا اور انہیں اپنی خیریت سے آگاہ کرتے ہوئے بتایا کہ میں اب بہتر ہوں اور شوٹنگ کا دوبارہ آغاز ہوگیا۔

    واضح رہے کہ ہالی ووڈ ڈائریکٹر کی ہدایت کاری میں بننے والی فلم ’جنگل‘ انسان اور ہاتھی کی دوستی پر مبنی ہے جس کی شوٹنگ اس وقت تھائی لینڈ میں جاری ہے اور ودیوت اس فلم میں ہاتھی کو تربیت دینے والے شخص کا کردار ادا کررہے ہیں۔

    فلم رواں سال 19 اکتوبر کو سینما گھروں میں ریلیز کی جائے گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پاکستان دہشت گردوں کےسامنے کبھی نہیں جھکے گا، خرم دستگیر

    پاکستان دہشت گردوں کےسامنے کبھی نہیں جھکے گا، خرم دستگیر

    پشاور : وزیردفاع خرم دستگیر نے کہا ہے کہ پاکستان دہشت گردوں کےسامنے کبھی نہیں جھکے گا، پاک فوج کی بہادری اور بلند حوصلوں سے قوم مضبوط ہوئی ہے۔

    ان خیالات کا اظہار انہوں نے سی ایم ایچ پشاور کے دورہ کے موقع پرصحافیوں سے گفتگو کرتے ہوئے کیا، وزیردفاع نے اسپتال میں داخل سوات بم دھماکے میں زخمی ہونے والے افراد کی عیادت کی۔

    وزیر دفاع خرم دستگیر نے زخمی اہلکاروں کی جرات اور بہادری کو سراہا، انہوں نے زخمیوں کے علاج معالجے پر اظہار اطمینان کرتے ہوئے ٹراماسنٹر میں شاندار طبی سہولیات کی فراہمی اور عملہ کی صلاحیتوں کی تعریف بھی کی۔

    اس موقع پر دہشت گردی کے خاتمے کی جدوجہد جاری رکھنے کا اعادہ کرتے ہوئے ان کا کہنا تھا کہ ہمارے سپاہیوں کا حوصلہ بلند ہے، فوجیوں کی بہادری اور بلند عزم اورحوصلے سے قوم مضبوط ہوئی۔

    ان کا مزید کہنا تھا کہ پاکستان دہشت گردوں کے سامنے کبھی نہیں جھکے گا، دہشت گردوں کے مذموم عزائم کو ناکام بنایا جائے گا، حکومت نے دہشت گردی کو جڑسے اکھاڑنے کا تہیہ کر رکھا ہے۔

    بعد ازاں وزیر دفاع خرم دستگیر نے کوہاٹ میں شہید ہونے والے کیپٹن جاذب رحمان کے گھر جاکر شہید کے والدین اور اہلخانہ سے تعزیت کی، لواحقین سے گفتگو کرتے ہوئے انہوں نے کہا کہ قوم کی دعائیں ان کے ساتھ ہیں، اس موقع پر وفاقی وزیر دفاع خرم دستگیر نے 9ڈویژن کے شہداء کیلئےبھی فاتحہ خوانی کی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔

     

  • زلزلے کی اصل وجوہات، اسلامی تعلیمات کی روشنی میں

    زلزلے کی اصل وجوہات، اسلامی تعلیمات کی روشنی میں

    کراچی: زلزلہ ایک خوفناک حقیقت کا نام ہے جو ارضیاتی تغیرات کے باعث رونما ہوتے ہیں، زلزلے اگر سمندر کی تہہ میں آئیں تو یہ سونامی کی صورت اختیار کر لیتے ہیں۔ اب تک زلزلے کی زد میں آکر دنیا بھر میں لگ بھگ ہزاروں افراد ہلاک ہوچکے ہیں۔

    مذکورہ اہم موضوع کے حوالے سے پاکستان اور ایشیاء کے کئی علاقوں میں بالخصوص مسلمان طبقوں میں یہ تاثر پایا جاتا ہے کہ زلزلے کی وجہ ہمارے اپنے غلط اعمال ہیں جبکہ سائنس اور ماہرین ارضیات اس قسم کے واقعات کے اصل محرک زمینی پلیٹ کا اپنی جگہ تبدیل کرنے کا نتیجہ بتاتے ہیں۔

    اسلامی تعلیمات کی روشنی میں جواب حاصل کرنے کے لیے یہ معاملہ مذہبی اسکالر علامہ لیاقت حسین کے سامنے رکھا گیا، اے آر وائی کیو ٹی وی کے پروگرام میں گفتگو کرتے ہوئے علامہ لیاقت حسین کا کہنا تھا کہ سائنس کہتی ہے کہ زمین کی پلیٹیں ہل جانے سے زلزلے آتے ہیں ہم اس سے انکار نہیں کرتے۔

    کیا آج کازلزلہ ’چاندگرہن‘ کے سبب آیا ہے ؟

    انہوں نے کہا کہ اس پوری کائنات کے مالک اللہ رب العزت ہیں، یہ نظام خدا کے دست قدرت میں ہے، ہم زلزلے کو نہ عذاب کہہ سکتے ہیں اور نہ ہی آزمائش، یہ کسی کے لیے عذاب اور کسی کے لیے آزمائش کا سبب بن سکتا ہے اللہ کے نیک بندوں پر اس قسم کے آفات آزمائش سمجھی جاتی ہیں۔

    علامہ لیاقت حسین کا کہنا تھا کہ اللہ سبحان وتعالی اس زمین پر اپنی قدرت رکھتا ہے اور وہ جب چاہے زمین کو ہلا سکتا ہے اور کسی بھی قوم پر عذاب نازل کرسکتا ہے۔

    اس حوالے سے ان کا مزید کہنا تھا کہ زلزلہ اللہ تعالیٰ کی قدرت کی نشانیوں میں سے ایک نشانی ہےجس سے اللہ رب العزت اپنے بندوں کوتنبیہہ فرماتےہیں، ایسے واقعات کے موقع پردعاواستغفارکا اہتمام کرنا چاہیے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔