Tag: Inqalab

کراچی: ایم کیو ایم کے قائد الطاف حسین نے کہا ہےکہ وزیر اعظم ، وزیر اعلیٰ پنجاب اور وفاقی وزارا تیس نومبر کو صبر و تحمل کا مظاہرہ کریں۔

الطاف حسین کا کہنا تھا کہ سندھ کوانتظامی یونٹ کی طرح بانٹ دیاجائیگا، کچھ وزرانےکہا حیدرآبادمیں یونیورسٹی نہیں بنےگی گورنرسندھ نےحیدرآبادکےعوام کی خواہش پوری کی آصف زرداری نےبخوشی یونیورسٹی کی اجازت دی ملک ریاض حیدرآبادکےعوام کیلئےرحمت کا فرشتہ بن کر آئے آج تک کوئی اردو بولنےوالاسندھ کاوزیراعلیٰ نہیں بنا کوٹاسسٹم ختم کرکے50 ,50فیصدکاسسٹم نافذکرینگے وڈیرے،جاگیر داردیہات میں اسکول نہیں بننےدیتے

الطاف حسین نے کہا کہ ہر کسی کو اس کا جائز حصہ ملنا چاہیے، سندھیوں کو آج تک چالیس فیصد حصہ نہیں ملا، کوئی اردو بولنے والا وزیراعلیٰ بھی نہیں بنا، سندھ میں پرانا کوٹہ سسٹم ختم کرکے پچاس، پچاس فیصد کوٹہ سسٹم نافذ کریں گے، سندھ تقسیم نہیں ہوگا بلکہ انتظامی یونٹس بنائیں گے۔

 الطاف حسین نے کہا کہ جو کام بحریہ ٹاؤن کے سربراہ نے کیا ہے کاش وزیراعلیٰ سندھ یا ان کی حکومت کرتی لیکن متعصب وزراء نے کہا کہ حیدر آباد میں یونیورسٹی نہیں بن سکتی۔ اللہ تعالی نے ملک ریاض کو فرشتہ بنا کر بھیجا ہے ان کے اعلان سے سڑسٹھ سال بعد دیرینہ خواہش پوری ہوگئی ہے۔

کراچی: گورنر سندھ سید عشرت العباد اور بحریہ ٹاﺅن کے چیئرمین ملک ریاض نے مشترکہ طور پر پاکستان ہاکی ٹیم سے ملاقات کے بعد میڈیا سے بات کرتے ہوئے اعلان کیا کہ وہ ایم کیو ایم کے قائد الطاف حسین کے نام پر یونیورسٹی بنائیں گے۔

بحریہ ٹاﺅن کے چیئرمین ملک ریاض کا کہنا تھا کہ الطاف حسین کی اپنی قوم کے لیے بہت خدمات ہیں اور ہم ان کا اعتراف کرتے ہوئے الطاف حسین کے نام کی عالمی سطح کی یونیورسٹیاں قائم کریں گے،انہوں نے بتایا کہ یونیورسٹی کی فیس سرکاری اداروں سے بھی کم ہو گی اور نہ صرف کراچی بلکہ حیدرآباد میں بھی یونیورسٹی کا قیام عمل میں لایا جائے گا۔

انہوں نے بتایا کہ پہلی یونیورسٹی کراچی میں قائم ہوگی اور اس سلسلے میں اگلے ماہ کام شروع کر دیا جائے گا،اس کے علاوہ ملک ریاض نے ایم کیو ایم کے شہید ہونے والے کارکنان کو بحریہ ٹاﺅن میں پلاٹ بھی دینے کا اعلان کیا۔

ہاکی ٹیم کی تعریف کرتے ہوئے ملک ریاض کا کہنا تھا کہ ایک وقت تھا جب ہماری ٹیم کا لوہا پوری دنیا میں مانا جاتا تھا،انہوں نے ہاکی ٹیم کو 50 لاکھ روپے اعام کے طور پر دیا جبکہ یہ اعلان بھی کیا کہ اگر ہاکی ٹیم چیمپئنز ٹرافی جیتے گی تو ٹیم کو ایک کروڑ روپے کا انعام دیا جائے گا،ان کے علاوہ گورنر سندھ عشرت العباد نے بھی ہاکی ٹیم کے لیے 10 لاکھ روپے انعام کا اعلان کیا۔

کراچی: ایم کیوایم الطاف حسین کا کہنا ہےمظلوموں کیلئےوزیراعظم اوروزیراعلیٰ کےپاس کیاکچھ بھی نہیں ہے۔

متحدہ کے قائد الطاف حسین نے سینئرتجزیہ کار حسن نثار سے ٹیلیفونک گفتگو کرتے ہوئے کہا کہ وہ بلوچ عوام کے لئے ہمیشہ آواز اٹھاتے رہے گے،ان کا کہنا تھا کہ بلوچ قوم کی محرومی اور مظالم کا احساس ہے، الطاف حسین نے کہا کہ بلوچستان میں غریب پنجابیوں کوقتل کرناسراسرظلم ہے قتل پر پنجاب کے کسی رہنما یا کسی بھی جماعت نے آواز نہیں اٹھائی، الطاف حسین کا کہنا ہے کہ بلوچستان کے حقوق کی جدوجہد کرنے والوں کو پنجابی محنت کشوں کے بارے میں اپنی پالیسی پر نظر ثانی کرنی چاہیے۔

کراچی: ایم کیو ایم کے قائد الطاف حسین نے وفاقی و صوبائی حکومت خیبرپختونخوا سے مطالبہ کیا ہے کہ فاٹا کو علیحدہ صوبے کی حیثیت دی جائے۔

متحدہ قومی موومنٹ کے قائد الطاف حسین نے وفاقی حکومت سمیت صوبائی حکومت خیبرپختونخوا سے مطالبہ کیا ہے کہ فاٹا کو ایک الگ صوبے کی حیثیت دی جائے اور فاٹا کے عوام کے بنیادی حقوق کی فراہمی ترجیحی بنیاد پریقینی بنائی جائے ۔

 الطاف حسین نے یہ مطالبہ ایم کیوایم کی رابطہ کمیٹی کے اراکین سے ٹیلی فون پر گفتگو کرتے ہوئے کیا، گفتگو میں آپریشن ضرب عضب اور اس کے باعث فاٹا کے عوام کے مسائل پر بھی تفصیلی تبادلہ خیال کیا گیا، الطاف حسین نے کہا کہ فاٹا کے مسائل کے حل پر فوری توجہ دینا وقت کی اہم ضرورت ہے اورفاٹا کو الگ صوبے کی حیثیت دینے سے ملک مضبوط ہوگا۔

کراچی: الطاف حسین نےدہشتگردوں پر نظررکھنے کیلئےعام شہریوں پر مشتمل کمیٹی بنانےکا مطالبہ کردیا۔

الطاف حسین نے کہا وزیر اعظم نواز شریف فوری طور پر تما م سیکیورٹی فورسز کے سربراہان کا اجلاس طلب کریں اورآرڈینس کےذریعےملک کےہر شہرمیں دہشت گردوں پر نظر رکھنےکیلئےٹیم بنانے کی اجاز ت دیں،متحدہ کے قائدنےنےکارکنوں کوہدایت کی ہےکہ ذاتی مصروفیات کو تر ک کر کے محرم الحرام کے دوران حفاظتی امورپر توجہ دیں۔الطاف حسین نےحکومت سے سانحہ واہگہ میں ملوث ملزمان کی فوری گرفتاری کا مطالبہ بھی کیا۔