کراچی: ایم کیوایم کے قائدالطاف حسین نےواہگہ بارڈرپرخودکش حملے کی مذمت کرتے ہوئے جانی نقصان پرافسوس کااظہارکیاہے۔
الطاف حسین کاکہناہے بے گناہوں کے خون سے ہولی کھیلنے والے درندہ صفت عناصر اسلام کے دوست ہیں نہ مسلمانوں اورپاکستان کے۔ واہگہ بارڈرکے قریب ہونے والاخودکش حملہ مسلح افواج، ریاستی اداروں اورحکومت کیلئےکھلا چیلنج ہے،ان کاکہناتھامسلح افواج دہشت گردعناصرکے خلاف بھرپورجنگ لڑ رہی ہےجس کی وجہ سے دہشت گرد صرف خیبرپختونخوا میں ہی نہیں بلکہ ملک بھرمیں پھیل گئے ہیں۔
لندن: متحدہ قومی موومنٹ کے قائد الطاف حسین نےکہاہےکہ جب عمران خان اور طاہر القادری نےسیاست میں قدم بھی نہیں رکھا تھاانہوں نے متوسط طبقےکواسمبلیوں تک پہنچا دیا تھا۔
ایم کیوایم کے مرکزنائن زیروپر مختلف شعبہ جات کے ارکان سے گفتگو کرتے ہوئے الطاف حسین نے کہا کہ انہوں نے اپنے منشور پر عمل کرتے ہوئے سندھ کے شہری علاقوں میں ووٹ کے ذریعے عملاًانقلاب برپا کیا ۔
انہوں نے کہا کہ ملک کی سیاسی تاریخ میں پہلی مرتبہ متحدہ قومی موومنٹ نے غریب، ورکنگ کلاس اور مڈل کلاس کے افراد کو اقتدار کے ایوانوں میں بھیجا ۔
انہوں نے کہاکہ آج لوگ ٹی وی شوز میں عمران خان اور ڈاکٹرطاہر القادری کے بارے میں یہ کہتے ہوئے نہیں تھکتے کہ یہ غریب و متوسط طبقہ اور پڑھے لکھے نوجوانوں کیلئے کوششیں کر رہے ہیں ۔
لیکن افسوس ایم کیوایم کے بارے یہ کڑوا سچ کسی کے منہ سے نہیں نکلتا اگر اسے منافقت،بے ایمانی ،یا صحافتی دھوکہ بازی سے تعبیر نہ کیا جائے تو کیا کہا جائے ۔
کراچی: پاکستان پیپلزپارٹی کے سینئر رہنما اور قومی اسمبلی میں اپوزیشن لیڈر سید خورشید شاہ نے کہا ہے کہ انقلاب دھرنوں سے نہیں آتے، اس کے لئے شہید ذوالفقارعلی بھٹو اور شہید بینظیر بھٹو کی طرح قربانی دینا پڑتی ہے۔
ان خیالات کا اظہار انہوں نے جناح گراؤنڈ میں جلسہ عام سے خطاب کرتے ہوئے کیا، انہوں نے کہا کہ شہید ذوالفقارعلی بھٹو نے پیپلزپارٹی کا انقلابی پرچم بینظیر شہید کو تھمایا تھا اور بی بی نے یہ پرچم ستائیس دسمبر کو بلاول بھٹو کو تھمایا۔
انہوں نے کہا کہ کچھ لوگ کہتے ہیں کہ جمہوریت کچھ نہیں دیتی میں کہتا ہوں کہ جمہوریت سب کچھ دیتی ہے، جمہوریت صوبائی خود مختاری دیتی ہے، روزگار دیتی ہے، جمہوریت طلباءوطالبات کے مستقبل کی روشنی ہے۔
سید خورشید شاہ نے کہا کہ میرے قائد نے جان دیدی لیکن جمہوریت پرآنچ نہ آنے دی، خورشید شاہ نے کہا کہ شہید بی بی کو کہا گیا تھا کہ آپ پاکستان نہ آئیں کیوں کہ آپ کی جان کو خطرہ ہے لیکن میری شہید قائد نے کہا کہ میں عوام کیلئے آؤں گی اور میں اپنے بابا سے کیا ہوا وعدہ نہیں توڑ سکتی،۔
ان کا کہنا تھا کہ پیپلز پارٹی شہیدوں کی پارٹی ہے اور بلاول بھٹو زرداری اپنے نانا اور اپنی ماں کے نقش قدم پر چلتے ہوئے پیپلز پارٹی کا انقلابی پرچم تھام کر ملک کے تمام غریبوں کیلئے انقلاب لائیں گے۔
لاڑکانہ: جسقم کے مرکزی سینیئر وائس چیئرمین ڈاکٹر نیاز کالانی نے کہا ہے کہ ملک کے حکمران سندھ کے وسائل پر لڑ رہے ہیں، 14اگست کو ہونے والے عمران خان کے آزادی مارچ اور علامہ طاہرالقادری کے انقلاب مارچ اس لئے کئے جارہے ہیں کہ سندھ کی لوٹ کھسوٹ میں کس کا کتنا حصا ہونا چاہئے۔ ان تحریکوں اور مارچ سے سندھی عوام کا کوئی تعلق نہیں اور نہ ہی اس سے سندھ کو کوئی فائدہ ملے گا۔
ہماری جماعت ان سے لاتعلق ہے۔ ان خیالات کا اظہار انہوں نے لاڑکانہ پریس کلب میں میڈیا سے بات چیت کرتے ہوئے کیا۔ انہوں نے کہا کہ گیس پیداوار میں سندھ کا حصہ 82فیصد اور پنجاب کا حصہ صرف 4 فیصد ہے اس کے باوجود سندھ میں گیس کی قلت برقرار ہے جبکہ قدرتی وسائل سے مالا مال سندھ دھرتی کی 80فیصد آبادی غربت کی لکیر سے نیچے زندگی گذارنے پر مجبور ہے۔
جس کے خلاف ہماری جدوجہد جاری ہے۔ انہوں نے کہا کہ آپریشن متاثرین کی سندھ آمد کے خلاف سندھ بچاؤ کمیٹی کی جانب سے 29 ستمبر کو کراچی میں سندھ اسمبلی کے سامنے دھرنا دیا جائے گا،جس میں ہمارا مطالبہ ہوگا کہ سندھ میں دوسرے صوبوں کی آبادی کو روکنے کے لئے مستقل طور پر قانون سازی کی جائے۔
لاہور: ملک میں سیاسی جنگ کا طبل بجنے کو ہے۔ پاکستان عوامی تحریک کےسربراہ ڈاکٹرطاہرالقادری آج انقلاب کی تاریخ کا اعلان کریں گے۔ تین اگست ملکی تاریخ میں تبدیلی کے آغاز کا دن بنے گا۔ڈاکٹر علامہ طاہر القادری انقلاب مارچ کی تاریخ کا اعلان آج کر رہے ہیں۔ پاکستان عوامی تحریک کی فیڈرل کونسل نے صدائے انقلاب بلند کرنے کی منظوری دے دی ہے۔
آج پی اے ٹی کی جنرل کونسل کا اجلاس ہوگا۔ جس میں ڈاکٹر طاہر القادری پہلے اعلان کی منظوری لیں گے ۔ ڈاکٹرطاہرالقادری اپنی جماعت کے مرکزی رہنماؤں سے لے کر یونین کونسل سطح تک کے عہدیدراوں سے مشاورت کر چکے ہیں۔ بادشاہت سے نجات کیلئے پاکستان عوامی تحریک راہ انقلاب میں تنہا نہیں۔
مسلم لیگ ق ،عوامی مسلم لیگ، سنی اتحاد کونسل اور مجلس وحدت مسلمین ڈاکٹر طاہرالقادری کے یوم انقلاب اور دس نکاتی پروگرام کی حمایت کر دی ہے۔تاجر وکلا سول سوسائٹی علماء ۔مشائخ سمیت مختلف مکتبہ ہائے فکر یوم انقلاب کی حمایت پر کمر بستہ ہیں۔ ڈاکٹر طاہرالقادری کا اصل زور آئین کے پہلے چالیس نکات کے نفاذ پر ہے۔ اور وہ آئینی حدود میں رہتے ہوئے نظام کی تبدیلی چاہتے ہیں۔