Tag: inqelab march

کراچی: الطاف حسین نےسیلاب کے پیش نظر دھرنے دینے والوں سے احتجاج موخرکرنے کی اپیل کردی،کہتے ہیں دل سوز صورتحال کو مدنظر رکھتے ہوئے متاثرین سیلاب کی مددکو ترجیح دی جائے۔

متحدہ قومی موومنٹ کے قائد الطاف حسین نے دھرنے دینے والی جماعتوں سے ایک بار پھر اپیل کرتے ہوئے کہا ہے کہ ملک کی موجودہ صورتحال اور سیلاب سے متاثرہ عوام کی مشکلات کے پیش نظراحتجاجی دھرنے موٴخرکردیں۔

انہوں نے کہا کہ دھر نے دینے والی سیاسی ومذہبی جماعتوں سے دوبارہ کہتا ہوں کہ خدارا سیلاب متاثرین کی بہن، بیٹیوں کو دیکھیں جو بے سہارا ہوگئیں ہیں ،وہ باعزت سہارے کی تلا ش میں ٹھوکریں کھا رہی ہیں ،معصوم بچے بھو ک سے بلبلا رہے ہیں،

اُن کا کہنا تھا کہ عوام طوفانی بارشوں اور سیلاب کی تباہ کاریوں سے بری طرح متاثرہورہے ہیں متاثرہ عوام کوفاقہ کشی کی صورتحال کا سامنا ہے،اُن کا کہنا تھا کہ متاثرین سیلاب کی امداد اولین ترجیح ہے ایسی صورتحال میں اگر وہ احتجاجی تحریک چلا رہے ہوتے تو احتجاج فوری ختم کر کے متاثرہ علاقوں میں امدادی کام شروع کردیتے۔

دوسری جانب الطاف حسین نے دروغہ والا لاہور میں نماز ظہر کے دوران مسجد کا مینار چھت پر گرنے کے المناک حادثہ میں متعدد نمازیوں کے ملبے تلے دب کر شہید اور زخمی ہونے پر گہرے دکھ اور افسوس کااظہار کیا ہے، انہوں نے شہید ہونے والے نمازیوں کے تمام سوگوار لواحقین سے دلی تعزیت وہمدردی کااظہا رکرتے ہوئے انہیں صبر کی تلقین کی۔

کراچی: الطاف حسین نے عمران خان اور طاہرالقادری سے دھرنے مؤخر کرنے کی اپیل ہے، سینیٹر رحمان ملک نے ایم کیو ایم کے قائد الطاف حسین سے ٹیلی فونک رابطہ کیا۔

الطاف حسین کا کہنا ہے کہ دھرنے مؤخر کرکے سیلاب زدگان کی مددکی جائے ،تحریک انصاف وعوامی تحریک اپنی ٹیمیں ریلیف کے کاموں کیلئے بھیجیں، الطاف حسین کا کہنا ہے کہ مطالبات کیلئے ناچ گانے اورتفریح کرنا ان کے ضمیر کیخلاف ہے،اس سے قبل رحمان ملک نے ٹیلی فون کرکے حق پرست اراکین اسمبلی کے استعفے واپس لینے پر الطاف حسین کا شکریہ کیا اور کہاکہ اگر یہ فیصلہ نہ ہوتا تو ملک میں سیاسی بحران مزید بڑھ سکتا تھا۔

انہوں نے سیاسی بحران کے خاتمے کیلئے الطاف حسین کی کاوشوں کو سراہا اور بات چیت کے جاری عمل میں ایم کیوایم کے نمائندوں کو شرکت کی دعوت دی۔ الطاف حسین کا کہنا تھا کہ سیاسی معاملات افہام وتفہیم اور بات چیت سے حل کیے جائیں، اس وقت مسلح افواج شمالی وزیرستان میں تاریخ کی مشکل ترین جنگ میں مصروف ہے ، سرحدوں پر کشیدگی میں اضافہ ہورہا ہے ، پنجاب میں طوفانی بارشوں اور سیلابی ریلوں سے شدید جانی مالی نقصان ہوا ہے، الطاف حسین نے سندھ حکومت سے اپیل کی کہ صوبہ سندھ میں ممکنہ طوفانی بارشوں اور سیلابی ریلوں سے تحفظ کیلئے ہنگامی بنیادوں پر اقدامات کیے جائیں۔