لاہور: قومی احتساب بیورو میں پیشی کے موقع پر اپوزیشن لیڈر شہباز شریف نیب کے پاس اثاثوں کی تفصیلات دیکھ کر حیران رہ گئے اور منی لانڈرنگ کے حوالے سے جواب دینے سے قاصررہے۔
تفصیلات کے مطابق نیب میں اپوزیشن لیڈر شہبازشریف کی پیشی کی اندرونی کہانی سامنے آگئی ، جس کے مطابق شہباز شریف سےنیب نے2گھنٹے تفتیش کی اور وہ ایک بارپھر سوالات کاجواب دینے میں ناکام رہے۔
ذرائع کا کہنا ہے کہ شہباز شریف نیب کےپاس اثاثوں کی تفصیلات دیکھ کر حیران رہ گئے اور منی لانڈرنگ کے حوالے سے جواب دینے سے قاصررہے جبکہ پارٹی فنڈ سے متعلق سوال کا جواب بھی شہباز شریف گول کر گئے۔
ذرائع کے مطابق شہباز شریف سے بیرون ملک کی 5مشکوک ٹرانزکشن کےحوالے سےپوچھا گیا اور ان کےسامنے فنانشل مانیٹرینگ یونٹ کی رپورٹ رکھی گئی۔
نیب نے سوال کیا کہ سلمان شہباز،حمزہ شہباز،نصرت شہباز اور تہمینہ درانی کوکیا تحائف دیے، ماڈل ٹاؤن رہائش گاہ کتنا عرصہ کیمپ آفس رہی، جس پر شہباز شریف نے جواب دیا کہ رہائشگاہ عوام کےمفاداورمسائل کےحل کےآفس بنوائی تھی، خاندان کودیےگئےتحائف سےمتعلق دستاویزات دے چکا ہوں۔
نیب ذرائع کا کہنا تھا کہ شہباز شریف کی نیب پیشی پر سماجی فاصلے کا خاص خیال رکھا گیا اور ٹیم نے شہباز شریف کو 6فٹ کے فاصلے پر بیٹھا کر سوالات پوچھے۔
خیال رہے نیب نے شہبازشریف کو اس کیس میں تیسری بارطلب کیاگیا تھا اور مطلوبہ دستاویزات ساتھ لانے کی ہدایت کی تھی، شہباز شریف دونوں مرتبہ ملک میں ہونے کے باوجود پیش نہیں ہوئے تھے ، انھوں نے اپنے نمائندے کے ذریعے نیب کو مطلوبہ دستاویزات جمع کرائی تھیں۔
نیب اعلامیہ میں کہا گیا تھا کہ نیب شہبازشریف کیجانب سے بھیجے گئے جواب سے مطمئن نہیں ہوئی، قانون کے مطابق ملزم خود پیش ہوں، مطلوبہ معلومات فراہم کریں، اس سے قبل نیب نے شہباز شریف کو17اور22 اپریل کوطلب کیاتھا۔
