پاکستانی اداکار عمران اشرف کی سابق اہلیہ کرن اشفاق نے اپنی نئی ویڈیو شیئر کردی، مداح ان کی نئی ویڈیو پر مختلف تبصرے کر رہے ہیں۔
تفصیلات کے مطابق عمران اشرف کی سابق اہلیہ کرن اشفاق نے سماجی رابطے کی ویب سائٹ انسٹاگرام پر نئی ویڈیو شیئر کردی جس پر ایک بار پھر مختلف نوعیت کے تبصروں کا سلسلہ جاری ہے۔
ویڈیو میں کرن نے سرخ لباس پہنا ہوا ہے، پس منظر میں ڈرامہ مجھے پیار ہوا تھا کا ایک ڈائیلاگ چل رہا ہے۔
View this post on Instagram
کرن نے کیپشن میں تحریر کیا کہ اگر ایسا محسوس ہونے لگے تو آپ پیار میں ہیں، فوراً یو ٹرن مار لیں۔
ان کی اس ویڈیو پر مداحوں نے ان کے لیے نیک خواہشات کا اظہار کیا۔
خیال رہے کہ عمران اشرف، سنہ 2018 میں کرن اشفاق سے رشتہ ازدواج میں بندھے تھے، دونوں کا ایک بیٹا روحام بھی ہے، تاہم 2022 کے آخر میں یہ جوڑا علیحدہ ہوگیا تھا۔
طلاق کے بعد کرن کو تنقید کا نشانہ بنایا جارہا تھا کہ وہ بالکل معمول کے مطابق زندگی گزار رہی ہیں اور انہیں کوئی فرق نہیں پڑا جس کے بعد انہوں نے ایسے مداحوں کو جھاڑ پلاتے ہوئے کہا تھا کہ طلاق یافتہ عورت سے آپ کیا چاہتے ہیں کہ وہ خودکشی کرلے؟
