Tag: Instagram Reels

  • انسٹاگرام ریل بنانے کا جنون طالب علم کی جان لے گیا

    انسٹاگرام ریل بنانے کا جنون طالب علم کی جان لے گیا

    بھارت میں نوجوان طالب علم وائرل انسٹاگرام ریل بنانے کی کوشش میں زندگی کی بازی ہار گیا۔

    بھارتی میڈیا رپورٹ میں کہا گیا ہے کہ یو پی کے 21 سالہ طالب علم شیویم کمار ایک اسکول کی چھت پر نصب فلیگ پوسٹ پر الٹا لٹک گیا اس دوران اسکے دوست ویڈیو بناتے رہے۔

    طالب علم کی خواہش تھی کہ وہ الٹا لٹکنے کے دوران جھنڈا لہرا سکے تاہم سیمنٹ کا پول اسکا وزن برداشت نہ کرسکا اور گر گیا جس کے نتیجے میں اسکی موت واقع ہوگئی۔

    بھارتی یوٹیوبر ایئرپورٹ پر انوکھی حرکت کرنے کے جرم میں گرفتار

    رپورٹس کے مطابق مقتول طالب علم کی انسٹاگرام فیڈ اس قسم کے متعدد اسٹنٹ سے بھری ہوئی تھیں، جس میں اس نے درختوں اور چھتوں پر الٹا لٹک کر کئی ریکارڈنگ کروائی تھیں۔

  • انسٹاگرام ریلز دیکھنے والے صارفین کیلئے بڑی خبر

    انسٹاگرام ریلز دیکھنے والے صارفین کیلئے بڑی خبر

    انسٹاگرام اپنے پسندیدہ ریلز پلیٹ فارم کے اندر ‘بلینڈ’ نامی ایک انقلابی فیچر جاری کرنے کی تیاری کر رہا ہے، جس کا مقصد صارفین کو دی جانے والی سہولیات کو بہتر بنانا اور دوستوں کے درمیان مضبوط تعلقات کی حوصلہ افزائی کرنا ہے۔

    تفصیلات کے مطابق عالمی تکنیکی تجزیہ کاروں نے کہا ہے کہ انسٹاگرام اندرونی طور پر بطورِ خاص ریلز کے لیے ایک نئے فیچر پر کام کررہا ہے جسے ’بلینڈ‘ کا نام دیا گیا ہے۔

    غیر ملکی خبر رساں ادارے کی رپورٹ کے مطابق اس سہولت کے تحت صارفین اپنی خاص ریلز کو اپنے اور اپنے دوستوں تک بھی محدد رکھ سکیں گے یعنی اس کے ذریعے ریلز کی پرسنلائزڈ فیڈ یعنی ذاتی فیڈ کو استعمال کیا جاسکے گا۔

    اسی طرح تجویز کردہ یا ریکمنڈڈ ریلز بھی بنائی جاسکیں گی جنہیں آپ اور صرف آپ کے دوست ہی دیکھ سکیں گے اور ترجیحات کے لحاظ سے ریلز سامنے آئیں گی اور یوں وقت ضائع ہونے سے بچے گا۔

    تاہم بلینڈ کا مرکزی مقصد تخلیہ یا پرائیویسی ہے کیونکہ بلینڈ سے باہر نکلنا بھی کسی بھی وقت ممکن ہوسکے گا۔ تاہم ماہرین نے اسے اسپاٹیفائی کی شیئرڈ پلے لسٹ فیچر جیسا قرار دیا ہے لیکن توقع ہے کہ اس انسٹاگرام ٹک ٹاک پر سبقت ضرور حاصل کرسکے گا۔

  • ٹک ٹاک کی بڑھتی مقبولیت پر فیس بک کا بڑا اقدام

    ٹک ٹاک کی بڑھتی مقبولیت پر فیس بک کا بڑا اقدام

    ٹک ٹاک کی بڑھتی ہوئی مقبولیت نے فیس بک کو بھی اپنے فیچر تبدیل کرنے پر مجبور کردیا ہے۔

    گذشتہ سال جون میں بھارت میں ٹک ٹاک پر پابندی کے فوری بعد انسٹاگرام نے معروف چینی ایپ کی نقل پر مبنی فیچر "ریلز” کو متعارف کرایا اب انسٹاگرام کی ملکیت رکھنے والی کمپنی فیس بک نے بھی ریلز کو "بلیو ایپ” کا حصہ بنالیا ہے۔

    فیس بک کی جانب سے اس فیچر کی آزمائش بھارت میں صارفین کی محدود تعداد میں کی جارہی ہے، جو مختصر ویڈیو کو انسٹاگرام اور فیس بک دونوں میں شیئر کرسکتے ہیں۔

    نئے فیچر میں اگر صارف مختصر ویڈیو شیئر کرتے ہیں تو ان کے انسٹاگرام اکاؤنٹ بھی اس کے ساتھ منسلک ہوگا اس کے علاوہ یہی صارفین فیس بک کے اپنے ٹولز استعمال کرکے بھی مختصر ویڈیوز بناسکتے ہیں۔

    بھارت کے بعد فیس بک کی جانب سے یہ فیچر دنیا بھر میں رواں سال کسی وقت متعارف کرائے جانے کا امکان ہے، جس کی دو اہم وجوہات ہیں۔

    پہلی وجہ بھارت میں ٹک ٹاک پر پابندی سے فائدہ اٹھا کر اس کے صارفین کو انسٹاگرام اور فیس بک کا حصہ بنانا۔

    دوسری وجہ یہ ہے کہ عالمی سطح پر ٹک ٹاک اب بھی مختصر ویڈیوز کے شعبے میں سب سے زیادہ اہمیت رکھتی ہے، مگر کراس شیئرنگ فیچر سے بڑے کریٹئیرز کو فیس بک اپنی جانب مائل کرسکے گی۔

    اس نئے فیچر سے لوگ اپنی انسٹاگرام ریلز کو فیس بک پر بھی ریکومینڈ کرسکیں گے اور اس طرح زیادہ افراد تک رسائی حاصل کرسکیں گے۔

    یہ بھی پڑھیں:  واٹس ایپ نے نئے فیچر کی آزمائش شروع کردی

    فیس بک کے ترجمان نے غیر ملکی میڈیا کو بتایا کہ بھارت میں ہم اس فیچر کی آزمائش کررہے ہیں تاکہ وہ انسٹاگرام کے ساتھ فیس بک پر بھی نئے لوگوں تک رسائی حاصل کرسکیں اور لوگوں کو زیادہ تفریحی مواد میسر آسکے، فیس بک انتظامیہ کا مزید کہنا تھا کہ وہ مین ایپ میں ریلز کا اپنے ورژن کو بھی متعارف کرائے گی۔

    واضح رہے کہ ٹک ٹاک کی مقبولیت کے بعد صرف فیس بک ہی نہیں بلکہ گوگل، یوٹیوب، اسنیپ چیٹ اورر نیٹ فلیکس نے بھی مختصر ویڈیو سروسز کو اپنے پلیٹ فارمز کا حصہ بنایا ہے۔

  • انسٹاگرام بھی ٹک ٹاک کے نقشِ قدم پر چل پڑا

    انسٹاگرام بھی ٹک ٹاک کے نقشِ قدم پر چل پڑا

    سان فرانسسکو: فیس بک کی زیر ملکیت فوٹو شیئرنگ ویب سائٹ انسٹاگرام نے ٹاک ٹاک کی طرز پر نیا فیچر متعارف کرادیا۔

    میڈیا رپورٹ کے مطابق انتظامیہ نے برازیل کے تمام اینڈرائیڈ اور آئی او ایس استعمال کرنے والے صارفین کے لیے ’انسٹاگرام ریلز‘ نامی فیچر متعارف کرادیا۔

    انسٹاگرام ریلز استعمال کرنے والے صارفین ٹک ٹاک کی طرح اپنی پندرہ سیکنڈ کی ویڈیو بنا کر انہیں اسٹوریز میں شیئر کرسکتے ہیں۔

    فیچر استعمال کرنے والا صارف کمپنی کی جانب سے پیش کردہ میوزک کو اپنی ویڈیو میں شامل کرسکتا ہے جبکہ وہ مرضی سے اپنی پسند کا گانا بھی لگا سکتا ہے۔

    انسٹاگرام ریلز استعمال کرنے والے صارفین بوم رنگ اور سپر زوم جیسی  سہولیات سے بھی استفادہ کرسکیں گے۔

    یاد رہے کہ گزشتہ برس فیس بک انتظامیہ نے ٹک ٹاک کی ٹکر پر اپنی موبائل ایپ لانے کا عندیہ دیا تھا، کمپنی کی جانب سے ’لاسو‘ نامی موبائل ایپلیکشن امریکا میں آزمائشی طور پر متعارف کرائی گئی جس کا تجربہ ناکام رہا۔