ARYNews.tv | Urdu – Har Lamha Bakhabar

Tag: instagram

  • فاطمہ آفندی کی شوہر کے ساتھ دلچسپ ویڈیو وائرل

    فاطمہ آفندی کی شوہر کے ساتھ دلچسپ ویڈیو وائرل

    معروف اداکارہ فاطمہ آفندی کی شوہر کے ساتھ دلچسپ ویڈیو وائرل ہوگئی۔

    تفصیلات کے مطابق معروف پاکستانی اداکارہ فاطمہ آفندی نے سماجی رابطے کی ویب سائٹ انسٹاگرام پر شوہر ارسلان کے ساتھ نئی ویڈیو پوسٹ کی۔

    ویڈیو میں وہ پس منظر میں چلتی آواز پر لپ سنک کرتے ہوئے کہتی ہیں، کہ میری سالگرہ پر کیا تحفہ دو گے، ارسلان کہتے ہیں کہ کوئی سوٹ لے دوں گا۔

    فاطمہ کہتی ہیں کہ مجھے سوٹ نہیں لاکھوں کی کوئی شے چاہیئے، اس کے بعد ارسلان کے جواب پر انہیں غصہ آجاتا ہے۔

    مزاحیہ ویڈیو کو اب تک ہزاروں افراد دیکھ چکے ہیں اور اس پر لائیک اور کمنٹ کر چکے ہیں۔

    خیال رہے کہ فاطمہ نے حال ہی میں اے آر وائی ڈیجیٹل کے ڈرامے بیٹیاں میں اداکاری کے جوہر دکھائے ہیں جس میں ان کی اداکاری کو بے حد پسند کیا گیا۔

  • انسٹاگرام صارفین کے لیے نیا فیچر متعارف

    انسٹاگرام صارفین کے لیے نیا فیچر متعارف

    فوٹو اینڈ ویڈیو شیئرنگ ایپ انسٹا گرام پر نیا فیچر متعارف کروا دیا گیا جس کے بعد صارفین پوسٹ کو شیڈول بھی کرسکیں گے۔

    بین الاقوامی ویب سائٹ کے مطابق انسٹا گرام کی جانب سے شیڈولر نامی فیچر متعارف کروا دیا گیا ہے، یعنی اب ایپ کے اندر پوسٹس کو شیڈول کرنا ممکن ہوگیا ہے جو بزنس اور کریئٹرز اکاؤنٹس کو دستیاب ہوگا۔

    اب تک انسٹاگرام میں پوسٹ شیڈول کرنے کے لیے میٹا کے کریئٹر اسٹوڈیو کی مدد لینا پڑتی ہے مگر اب کریئٹرز اور بزنس اکاؤنٹس ریلز اور تصاویر کو ایپ میں ہی 75 دن کے لیے شیڈول کر سکیں گے۔

    اس فیچر کی آزمائش گزشتہ چند ہفتوں سے جاری تھی اور اب اسے متعارف کروایا گیا ہے مگر اب بھی اسے محدود ہی خیال کیا جا سکتا ہے۔

    اس فیچر کو استعمال کرنے کے لیے اہل صارفین کو پوسٹ اپنے فالوورز سے شیئر کرنے سے قبل ایڈوانسڈ سیٹنگز میں جانا ہوگا۔

    وہاں شیڈول پوسٹ کے آپشن پر کلک کر کے اپنی پسند کی تاریخ اور وقت کا تعین کرنا ہوگا، اس کے بعد واپس پوسٹ پر جائیں اور شیڈول پر کلک کریں۔

    ابھی یہ معلوم نہیں کہ یہ فیچر عام صارفین کے لیے بھی متعارف کروایا جائے گا یا نہیں کیونکہ کمپنی کی جانب سے اس حوالے سے کوئی بیان جاری نہیں کیا گیا۔

  • ’ہم طویل عرصے تک دوست رہے اور نہیں جانتے تھے کہ ایک دوسرے کے لیے بنے ہیں‘

    ’ہم طویل عرصے تک دوست رہے اور نہیں جانتے تھے کہ ایک دوسرے کے لیے بنے ہیں‘

    معروف پاکستانی اداکارہ مہر بانو نے اپنی مہندی کی تصاویر شیئر کردیں، ساتھ ہی انہوں نے شوہر کے لیے محبت بھرا پیغام بھی تحریر کیا۔

    پاکستانی اداکارہ مہر بانو چند ہفتوں قبل رشتہ ازدواج میں منسلک ہوئیں، اور کچھ روز پہلے ہی انہوں نے شادی کی تصاویر شیئر کر کے باقاعدہ اس کی تصدیق کی۔

    اب اپنے انسٹاگرام پر انہوں نے نئی تصاویر شیئر کیں اور ساتھ ہی شوہر کے لیے محبت بھرا پیغام بھی تحریر کیا۔

    سماجی رابطے کی ویب سائٹ انسٹاگرام پر مہر بانو نے مہندی کی تقریب کی تصاویر شیئر کیں جس میں وہ خوبصورت اور رنگین لباس میں ملبوس ہیں۔

     

    View this post on Instagram

     

    A post shared by Mehar Bano (@meharbano)

    مہر بانو نے لکھا کہ میں اپنی زندگی کے ساتھی کے ساتھ کئی برس سے دوستی کے رشتے میں منسلک تھی اور نہیں جانتی تھی کہ یہی وہ ایک شخص ہے۔

    طویل پوسٹ میں انہوں نے اپنے شوہر کی ڈھیروں تعریفیں کیں اور ساتھ ہی شادی کے رشتے سے متعلق بھی اپنے خیالات کا اظہار کیا۔

    ساتھ ہی انہوں نے خواتین کو بھی مشورہ دیا کہ جب تک انہیں کوئی سچی محبت کرنے والا ساتھی مل نہ جائے، وہ کمتر پر قناعت نہ کریں۔

    خیال رہے کہ اداکارہ نے رواں برس فروری میں پروڈیوسر شاہ رخ علی کے ساتھ خاموشی سے منگنی کی تھی اور انہوں نے اپنی منگنی سے متعلق بھی باضابطہ اعلان نہیں کیا تھا۔

    بعد ازاں شادی کی تصاویر شیئر کرتے ہوئے انہوں نے کسی طرح کا کوئی پیغام نہیں لکھا اور نہ ہی یہ بتایا کہ ان کی شادی کب ہوئی تھی۔

     

    View this post on Instagram

     

    A post shared by Yratta (@yrattamedia)

  • یشما گل کی خوبصورت تصاویر وائرل

    یشما گل کی خوبصورت تصاویر وائرل

    معروف اداکارہ یشما گل کی مغربی لباس میں نئی تصاویر سوشل میڈیا پر وائرل ہوگئیں، مداحوں نے ان کی تصاویر پر تعریفوں کے ڈھیر لگا دیے۔

    تفصیلات کے مطابق یشما گل نے سماجی رابطے کی ویب سائٹ انسٹاگرام پر اپنی نئی تصاویر شیئر کیں۔

    تصاویر میں یشما نے مغربی لباس زیب تن کر رکھا ہے جبکہ بالکونی میں لی گئی تصاویر میں پس منظر میں آسمان اور خوبصورت بادل بھی واضح ہیں۔

    مداحوں نے یشما کی تصاویر کو خاصا پسند کیا اور اس پر تعریفی تبصرے کیے۔

    واضح رہے کہ یشما گل اب تک متعدد ڈراموں میں اپنی اداکاری کے جوہر دکھا چکی ہیں، اس سے قبل انہوں نے اے آر وائی کے ڈرامہ سیریل ’آزمائش‘ میں منفی کردار نبھایا تھا۔

    یشما سوشل میڈیا پر بھی خاصی متحرک رہتی ہیں اور اکثر اپنی مزاحیہ ویڈیوز بھی شیئر کرتی رہتی ہیں جسے ان کے مداح بہت پسند کرتے ہیں۔

  • کیا اب انسٹاگرام صارفین بھی ’ری پوسٹ‘ کر سکیں گے؟

    کیا اب انسٹاگرام صارفین بھی ’ری پوسٹ‘ کر سکیں گے؟

    انسٹاگرام نے بھی آخر کار اپنے صارفین کی ضرورت کو محسوس کرتے ہوئے فیس بک اور ٹوئٹر کے نقش قدم پر چلتے ہوئے ’ری پوسٹ‘ کے فیچر پر کام شروع کر دیا ہے۔

    تفصیلات کے مطابق سوشل شیئرنگ ایپلی کیشن انسٹاگرام نے ’ری پوسٹ‘ فیچر کی آزمائش شروع کر دی ہے، ٹیکنالوجی ویب سائٹ ’ٹیک کرنچ‘ کے مطابق اس فیچر پر کئی ماہ سے کام کیا جا رہا ہے۔

    کمپنی کے مطابق مذکورہ فیچر ابھی ابتدائی مراحل میں ہے اور فوری طور امریکا سمیت دیگر ممالک کے محدود صارفین کو اس تک رسائی دی گئی ہے، تاہم جلد ہی اس کی آزمائش کو بڑھایا جائے گا۔

    اس فیچر کے تحت انسٹاگرام صارفین دوسروں کی تصاویر اور پوسٹس کو ’ری پوسٹ‘ یا ’ری شیئر‘ کر سکیں گے، تاہم ابتدائی طور پر صارفین کی محدود پوسٹس کے لیے یہ آپشن دستیاب ہوگا۔

    صارف کے پاس اختیار ہوگا کہ وہ اپنی پوسٹ کی شیئرنگ کو دوسروں کے لیے کھلا رکھے یا نہ رکھے۔

    ایپ ریسرچر ایلیزانڈرو پلوزی نے مئی میں اس فیچر سے متعلق ٹوئٹر پر اسکرین شاٹس شیئر کیے تھے، جس سے پتا چلتا ہے کہ صارفین اس فیچر کو شیئر مینو میں دیکھیں گے، اور نہ صرف یہ بلکہ صارفین ری پوسٹ کرتے وقت اپنے خیالات بھی پوسٹ میں شامل کر سکیں گے۔

    خیال رہے کہ انسٹاگرام ریلز میں یہ فیچر پہلے ہی دستیاب ہے اور وہاں پر صارفین دوسروں کی ریلز کو شیئر کر سکتے ہیں۔

  • رومی کی نئی تصاویر پر مداح حیران

    رومی کی نئی تصاویر پر مداح حیران

    اے آر وائی ڈیجیٹل کے مقبول ڈرامے میرے ہمسفر سے شہرت پانے والی حرا خان کی نئی تصاویر مداحوں کو بھا گئیں۔

    حرا خان کی مقبولیت میں دن بدن اضافہ ہوتا جارہا ہے، حال ہی میں انہوں نے سماجی رابطے کی ویب سائٹ انسٹاگرام پر اپنی نئی تصاویر اپ لوڈ کیں۔

    تصاویر میں حرا مختلف انداز میں دکھائی دے رہی ہیں، کیپشن میں انہوں نے لکھا کہ کبھی کبھار، جب میں تصویروں کے لیے پوز کرتی ہوں۔

     

    View this post on Instagram

     

    A post shared by Hira Khan (@hirrakhann)

    مداحوں نے حرا کی تصاویر کو بے حد پسند کیا اور اس پر مختلف تبصرے کیے، اکثر مداحوں کا کہنا تھا کہ وہ رومی کے کردار میں شاندار اداکاری کر رہی ہیں۔

    ڈرامے کی مقبولیت کے بعد حرا خان کے انسٹاگرام فالوورز میں بھی بے حد اضافہ ہوگیا ہے جو ان کی تصاویر کو لائیک اور کمنٹ کرتے رہتے ہیں۔

  • منشیات برآمدگی کیس میں گرفتاری و رہائی: کنگ خان کے بیٹے کی ایک سال بعد سوشل میڈیا پر واپسی

    منشیات برآمدگی کیس میں گرفتاری و رہائی: کنگ خان کے بیٹے کی ایک سال بعد سوشل میڈیا پر واپسی

    ممبئی: منشیات برآمدگی کیس میں کلین چٹ ملنے کے بعد بالی ووڈ کنگ شاہ رخ خان کے بیٹے آریان خان نے پہلی بار اپنی تصویر سوشل میڈیا پر پوسٹ کی ہے۔

    شاہ رخ خان کے بیٹے آریان خان نے تقریباً ایک سال بعد سماجی رابطے کی ویب سائٹ انسٹاگرام پر بہن بھائی کے ساتھ اپنی تصویر شیئر کی ہے۔

    پوسٹ میں 2 تصویریں ہیں جن میں سے ایک میں وہ اپنی بہن سوہانا اور چھوٹے بھائی ابراہیم کے ساتھ موجود ہیں جبکہ دوسری تصویر میں چھوٹے بھائی کے ساتھ دکھائی دے رہے ہیں۔

     

    View this post on Instagram

     

    A post shared by Aryan Khan (@___aryan___)

    24 سالہ آریان خان کو گزشتہ برس اکتوبر میں نارکوٹکس کنٹرول بیورو نے گرفتار کیا تھا جب ایک کروز شپ پر جاری پارٹی پر چھاپہ مارا گیا اور وہاں سے منشیات برآمد کی گئی۔

    آریان چند روز جیل میں رہے بعد ازاں انہیں ضمانت پر رہا کردیا گیا، رواں برس مئی میں انہیں اس کیس سے کلین چٹ دے دی گئی تھی۔

  • رومی کی نئی ویڈیو مداحوں کو بھا گئی

    رومی کی نئی ویڈیو مداحوں کو بھا گئی

    اے آر وائی ڈیجیٹل کے مقبول ڈرامے میرے ہمسفر سے شہرت پانے والی حرا خان کی نئی ویڈیو مداحوں کو بھاگئی۔

    حرا خان کی مقبولیت میں دن بدن اضافہ ہوتا جارہا ہے، حال ہی میں انہوں نے سماجی رابطے کی ویب سائٹ انسٹاگرام پر اپنی نئی ویڈیو اپ لوڈ کی۔

    ویڈیو میں حرا مختلف انداز میں دکھائی دے رہی ہیں۔

     

    View this post on Instagram

     

    A post shared by Hira Khan (@hirrakhann)

    مداحوں نے حرا کی اس ویڈیو کو بے حد پسند کیا اور اس پر مختلف تبصرے کیے، اکثر مداحوں کا کہنا تھا کہ وہ رومی کے کردار میں شاندار اداکاری کر رہی ہیں۔

    ڈرامے کی مقبولیت کے بعد حرا خان کے انسٹاگرام فالوورز میں بھی بے حد اضافہ ہوگیا ہے جو ان کی تصاویر کو لائیک اور کمنٹ کرتے رہتے ہیں۔

     

    View this post on Instagram

     

    A post shared by Hira Khan (@hirrakhann)

     

    View this post on Instagram

     

    A post shared by Hira Khan (@hirrakhann)

  • ثنا جاوید کی حالیہ تصاویر مداحوں کے دل میں گھر کر گئیں

    ثنا جاوید کی حالیہ تصاویر مداحوں کے دل میں گھر کر گئیں

    معروف اداکارہ ثنا جاوید کی حالیہ تصاویر سوشل میڈیا پر وائرل ہوگئیں، دیگر اداکارؤں اور مداحوں نے ان کی تصاویر پر تعریفوں کے ڈھیر لگا دیے۔

    تفصیلات کے مطابق معروف اداکارہ ثنا جاوید نے سماجی رابطے کی ویب سائٹ انسٹاگرام پر سیاہ لباس میں اپنی نئی تصاویر شیئر کیں۔

    تصایور کے ساتھ انہوں نے معنی خیز پیغام بھی شیئر کیا۔

    ثنا کی تصاویر پر دیگر اداکاراؤں اور مداحوں کی جانب سے تعریفی تبصروں کا سلسلہ جاری ہے۔

     

    View this post on Instagram

     

    A post shared by Sana Javed (@sanajaved.official)

    واضح رہے کہ ثنا جاوید سوشل میڈیا پر کافی متحرک رہتی ہیں اور اکثر اپنی تصاویر اور ویڈیوز شیئر کرتی رہتی ہیں جسے ان کے مداحوں کی جانب سے خوب پسند کیا جاتا ہے۔

    کچھ عرصہ قبل ثنا تنازعے کا شکار ہوگئی تھیں جب ان کے خلاف مختلف ماڈلز، میک اپ آرٹسٹس، اسٹائلسٹس اور اداکاراؤں نے نامناسب رویے کے الزامات لگائے تھے۔

    اداکارہ نے ایک طرف تو الزامات لگانے والوں کے خلاف قانونی کارروائی کا اعلان کیا تھا تو دوسری طرف انڈسٹری کے بڑے ناموں نے ان کی حمایت بھی کی تھی۔

  • انسٹاگرام پر ایک اور دلچسپ فیچر متعارف

    انسٹاگرام پر ایک اور دلچسپ فیچر متعارف

    فوٹو شیئرنگ کی مقبول ایپ انسٹاگرام کی ریلز کے لیے ایک اور دلچسپ فیچر متعارف کروایا جارہا ہے، صارفین نے مذکورہ فیچر کے لیے پسندیدگی کا اظہار کیا ہے۔

    بین الاقوامی ویب سائٹ کے مطابق انسٹا گرام کی مالک کمپنی میٹا نے اعلان کیا ہے کہ جلد ہی سوشل شیئرنگ ایپلی کیشن پر ریلز یعنی مختصر ویڈیوز بنانے کے لیے تصاویر کو ری مکس کرنے کا فیچر بھی متعارف کروایا جائے گا۔

    مذکورہ فیچر کے تحت صارفین ریلز بنانے کے لیے اپنی تصاویر کو بھی ویڈیوز کی طرح استعمال کرسکیں گے۔

    اس فیچر کے لیے صارفین کو انسٹاگرام پر شیئر کردہ اپنی تصاویر کو ڈاؤن لوڈ کرنے کی ضرورت نہیں پڑے گی بلکہ فیچر کے تحت وہ صرف منتخب تصویر کو سلیکٹ کریں گے اور ان کی تصاویر ریلز مکسنگ کا حصہ بن جائیں گی۔

    انسٹاگرام پر مذکورہ فیچر کو بہتر بنانے کے لیے مختلف ٹیمپلیٹس بھی متعارف کروائے جائیں گے، جس کے ذریعے صارفین اپنی تصاویر کو دوسری ویڈیوز یا تصاویر کے ساتھ ری مکس بھی کرسکیں گے۔

    یہی نیں بلکہ انسٹاگرام پر مزید میوزک اور آڈیو مکسنگ کے فیچرز کے علاوہ انسٹاگرام کیمرا کی کوالٹی کو بھی بہتر بنایا جائے گا۔

    انسٹاگرام پر ریلز کے فیچرز کو متعارف کروائے جانے کا مقصد شارٹ ویڈیو ایپلی کیشن ٹک ٹاک کا مقابلہ کرنا ہے، میٹا کی جانب سے نہ صرف انسٹاگرام بلکہ فیس بک پر بھی کئی طرح کے فیچرز متعارف کروائے جا رہے ہیں۔