امریکہ: ہالی ووڈ فلم انسرجنٹ نے سو ملین ڈالر کا بزنس کرکے باکس آفس پرنمبر ون پوزیشن حاصل کرلی ہے۔
غیر معمولی صلاحیتیں، منفرد انداز اور سائنس فکشن ایکشن فلم انسرجنٹ نے ریلیز کے پہلے ہی سابقہ تمام ریکارڈ توڑ ڈالے، فلم انسرجنٹ دوہزارچودہ کی سپر ہٹ مووی ڈائیورجنٹ کا سیکوئیل ہے۔
فلم کی کہانی مستقبل کی دنیا پر بنائی گئی ہے، جس میں دنیا چند گروہوں میں تقسیم ہوجاتی ہے اور پھر اس گروپنگ میں ایک لڑکی شامل نہیں ہوپاتی کیونکہ اس کی صلاحیتیں ان سب سے الگ ہوتی ہیں۔
اسی لئے اسے اپنی جان بچانے کیلئے خطروں کا سامنا کرناپڑتا ہے،خطروں سے کھیلنے والی لڑکی اب ایک نئے دور میں داخل ہوگئی ہے۔
ایکشن سے بھرپور سائنس فکشن فلم انسرجنٹ نے پوری دنیا میں سو ملین ڈالر کا بزنس کرکے نمبر ون پوزیشن حاصل کرلی ہے۔
