ARYNews.tv | Urdu – Har Lamha Bakhabar

Tag: interbank and open market

  • امریکی ڈالر مزید مہنگا، دو دن میں بڑا اضافہ

    امریکی ڈالر مزید مہنگا، دو دن میں بڑا اضافہ

    کراچی : پی ڈی ایم حکومت کے چلے جانے کے بعد بھی امریکی ڈالر کی اونچی اڑان کا سلسلہ جاری ہے، انٹر بینک اور اوپن مارکیٹ میں امریکی ڈالر آج مزید مہنگا ہوا۔

    تفصیلات کے مطابق نگران حکومت کے آتے ہی ڈالر کی قیمت کو پر لگ گئے، انٹر بینک مارکیٹ میں کاروبار کے اختتام تک ڈالر کی قیمت میں بھاری اضافہ دیکھنے میں آیا ہے جبکہ اوپن مارکیٹ میں بھی ڈالر کی اونچی پرواز جاری ہے۔

    نئی حکومت کے آنے کے دوسرے ہی دن امریکی ڈالر نے روپے پر چڑھائی کر دی جبکہ روپے کی بے قدری بھی عروج پر پہنچ گئی ہے، انٹر بینک اور اوپن مارکیٹ میں ڈالر مزید 3 روپے مہنگا ہوا۔

    انٹر بینک مارکیٹ میں کاروبار کے اختتام تک ڈالر کی قیمت میں 3.42 روپے اضافہ ہوا جس کے بعد ڈالر 294.93 روپے کا ہو کر بند ہوگیا ہے، نگران حکومت کے پہلے دو روز میں ڈالر 7.33 روپے تک مہنگا ہو چکا ہے۔

    دوسری جانب نگران حکومت کے صرف 2 روز میں اوپن مارکیٹ اور انٹر بنک میں ڈالر7.5 روپے مہنگا ہوا، اوپن مارکیٹ میں بھی ڈالر کی قیمت میں مسلسل اضافہ دیکھنے میں آرہا ہے، اوپن مارکیٹ میں ڈالر اب تک ڈیڑھ روپے مہنگا ہو نے کے بعد 303.50 روپے پر فروخت ہو رہا ہے۔

  • اوپن مارکیٹ اور انٹر بینک میں ڈالر کی قدر میں اضافہ

    اوپن مارکیٹ اور انٹر بینک میں ڈالر کی قدر میں اضافہ

    کراچی: بینکوں کے درمیان لین دین میں روپے کی قدر میں بیس پیسے کی کمی ریکارڈ کی گئی ہے، جب کہ اوپن مارکیٹ میں ڈالر کی قدر میں تیس پیسے کا اضافہ ریکارڈ کیا گیا۔

    کرنسی مارکیٹ ڈیلرز کے مطابق بینکوں کے درمیان لین دین میں ڈالر کی قدر بیس پیسے اضافے کے ساتھ ایک سو دو روپے پچاسی پیسے ہوگئی ہے، اوپن مارکیٹ میں ڈالر کی قیمتِ خرید ایک سو دو روپے ساٹھ پیسے جبکہ قیمت فروخت ایک سو دو روپےنوئے پیسے رہی۔

    برطانوی پاونڈ کی قیمت فروخت ایک سو چھیاسٹ روپے ، کنیڈین ڈالر بانوئے روپے پچاس پیسے، یورو ایک سو تیس روپے پچاس پیسے،سعودی ریال ستائس روپےبیس پیسے ، یو اے ای درہم اٹھائیس روپے جبکہ چینی یوان اور جاپانی ین بالترتیب سترہ روپے اور ایک روپے میں فروخت ہورہا ہے۔

  • اوپن مارکیٹ اور انٹر بینک میں ڈالر کی قدر میں اضافہ

    اوپن مارکیٹ اور انٹر بینک میں ڈالر کی قدر میں اضافہ

    کراچی : انٹر بینک مارکیٹ میں ڈالر کی قدر میں پندرہ پیسے کا اضافہ ریکارڈ کیا گیا۔

    کرنسی مارکیٹ ڈیلز کے مطابق بینکوں کے درمیان لین دین میں ڈالر کی قدر پندرہ پیسے اضافے کے ساتھ ایک سو دو روپے اسی پیسے ہوگئی ہے، اوپن مارکیٹ میں ڈالر کی قیمت خرید ایک سو دو روپے پچاس پیسے جبکہ قیمت فروخت ایک سو دو روپے اسی پیسے رہی۔

    برطانوی پاونڈ کی قیمت فروخت ایک سو چونسٹھ روپے ساٹھ پیسے ، کنیڈین ڈالر اکیانوئے روپے بیس پیسے ، یورو ایک سو انتیس روپے، سعودی ریال ستائس روپے بیس پیسے ، یو اے ای درہم اٹھائیس روپے جبکہ چینی یوان اور جاپانی ین بالترتیب سولہ روپے اسی پیسے اور ایک روپے میں فروخت ہورہا ہے۔