اسلام آباد: وزیرِ داخلہ چوہدری نثار نے کہا ہے کہ کراچی کے معاملے پر برطانوی ہائی کمشنر سے بات ہوئی ہے، چاہتے ہیں عمران فاروق کے قاتل انجام کو پہنچیں، صولت مرزا کی پھانسی طبی بنیادوں پر موخر کی گئی ہیں۔
قومی اسمبلی کے اجلاس سے وفاقی وزیرِ داخلہ چوہدری نثار نے خطاب کرتے ہوئے کہا کہ حکومت لندن میں قتل ہوئےعمران فاروق کے قاتلوں کو سزا دلانے کیلئے متحرک ہیں، چوہدری نثار نے دوٹوک کہا کہ کوئی پاکستانی بیرون ملک ہی قتل کیوں نہ ہوا ہو قاتلوں کوگرفتار کرانا حکومت کی ذمہ داری ہے۔
وفاقی وزیرِ داخلہ نے کہا عمران فاروق کے قتل کو سیاسی جوڑ توڑ نہ بنایا جائے۔
صولت مرزا کی پھانسی موخر ہونے وزیرِداخلہ کو ایوان میں اعتماد میں لینا پڑگیا، وزیرِ داخلہ نے بتایا کہ پھانسی موخر کرنے کی درخواست بلوچستان حکومت نے کی ، صولت مرزا کی صحت ایسی نہیں کہ سولی چڑھایا جائے۔
چوہدری نثار نے کہا کہ صولت مرزا شاہد حامد قتل سمیت کئی گھناؤنے جرائم میں ملوث ہے۔
