نیویارک : عالمی منڈی میں خام تیل کی قیمت میں مزید کمی ریکارڈ کی گئی. عرب لائٹ خام تیل کی قیمت بتیس ڈالر فی بیرل ہوگئی.
ایشیائی منڈیو ں میں خام تیل کی قیمت میں کمی کا رجحان جاری ہے، عرب لائٹ خام تیل جنوری کے سودے بتیس ڈالر اسی سینٹس ہوگئی ہے جبکہ امریکی خام تیل جنوری کے سودے چونتیس ڈالر اسی سینٹیس پر ٹریڈ ہو رہے ہیں۔
امریکہ مالیاتی ادارے گولڈ مین سیک کے مطابق خام تیل کی قیمت میں مزید کمی متوقع ہے. خام تیل کی قیمتوں میں کمی کی وجہ اوپیک کی جانب سے خام تیل کی پیداوار میں کمی نہ کرنا ہے ۔
اوپیک ممالک تین کروڑ بیرل یومیہ خام تیل پیدا کر رہے ہیں،امریکی ادارے کے مطابق خام تیل کی قیمت بیس ڈالر فی بیرل تک گر جائے گی.
