Tag: Internet

  • پاکستان میں انٹرنیٹ صارفین کے لیے بڑی خبر

    پاکستان میں انٹرنیٹ صارفین کے لیے بڑی خبر

    اسلام آباد: ڈیجیٹل پاکستان کی جانب ایک اہم پیش رفت کے طور پر انٹرنیٹ اسپیڈ بڑھانے کے لیے جدید کیبل آج منسلک کر دی جائے گی۔

    ذرائع کے مطابق کراچی کے ساحل پر 45 ہزار کلومیٹر طویل زیر سمندر انٹرنیٹ کیبل پہنچ گئی ہے، ملک میں انٹرنیٹ اسپیڈ بڑھانے کے لیے جدید کیبل آج منسلک ہوگی۔

    یہ جدید کیبل افریقہ سے پاکستان منسلک کی جا رہی ہے، کیبل بچھانے کا کام آخری مراحل میں ہے، پروگرام کے تحت 45 ہزار کلومیٹر طویل انٹرنیٹ کیبل پاکستان سے منسلک ہوگی۔ ذرائع کے مطابق زیر سمندر انٹرنیٹ کیبل سے افریقہ سے پاکستان کو 24 ٹیرابائٹس بینڈوڈتھ دستیاب ہوگی، اس وقت پاکستان کو 7 کیبلز سے تقریباً 8 ٹیرابائٹس بینڈوڈتھ دستیاب ہے۔

    آئی ٹی ماہرین کا کہنا ہے اس اقدام سے انٹرنیٹ اسپیڈ بڑھے گی، فیس بک، واٹس ایپ اور انسٹا کی رفتارمیں اضافہ ہوگا، ٹرانس ورلڈ کے تحت فرانسیسی کمپنی کی جانب سے کیبل تنصیب کا کام جاری ہے۔

    پاکستان پہنچنے والی کیبل ’2 افریقہ‘ سب میرین انٹرنیٹ کیبل ہے جسے ہاکس بے بی ایم ایکس (بیچ میں ہول) تک پہنچا دیا گیا ہے، یہ 16 پیئر کیبل ہے جو پاکستان تک پہنچنے والی سب سے تیز رفتار گنجائش کی سب میرین کیبل ہے، اس کیبل کی مجموعی گنجائش 180 ٹیرا بائٹ ہے۔

    ’2 افریقہ‘ سب میرین انٹرنیٹ کیبل دنیا کی سب سے طویل انٹرنیٹ کیبل ہے، یہ آئندہ سال کے اختتام تک آپریشنل ہوگی، اس کیبل کی کنیکٹیویٹی سے پاکستان میں میٹا کے صارفین کی میٹا کے مواد تک رسائی بہتر ہو جائے گی۔

    ہیڈ آف سب میرین کیبل منیف رانا کے مطابق پاکستان ’2 افریقہ پرل‘ کا حصہ ہے جو خلیجی ملکوں سے بھارت تک پہنچے گا، یہ انٹرنیٹ کیبل 45 ہزار کلو میٹر پر مشتمل ہے، 33 ممالک میں 46 لینڈنگ اسٹیشنز اس کے نیٹ ورک کا حصہ ہیں، ٹرانس ورلڈ نے اس سے قبل 2 انٹرنیٹ سب میرین کیبلز پاکستان تک پہنچائیں۔

    پاکستان میں انٹرنیٹ مواد بڑھنے سے انٹرنیٹ کیبلز کی طلب بڑھ رہی ہے، یہ چائنا موبائل انٹرنیشنل، میٹا اور دیگر پر مشتمل کنسورشیم کا کیبل ہے، جس سے پاکستان میں 24 ٹیرا بائٹس آئیں گے، چیف ٹیکنیکل آفیسر ٹرانس ورلڈ عامر الدین کے مطابق یہ کیبل ڈیجیٹل پاکستان کے لیے ایک اہم سنگ میل ہے، کیبل افریقہ سے عمان اور عمان سے پاکستان آ رہی ہے۔

  • انٹرنیٹ کی سست روی کی اصل وجہ کیا ہے؟ مسئلہ کیسے حل ہوگا؟ جانیے

    انٹرنیٹ کی سست روی کی اصل وجہ کیا ہے؟ مسئلہ کیسے حل ہوگا؟ جانیے

    ملک بھر میں انٹرنیٹ سروس سست روی کا شکار ہے یہ سلسلہ تقریباً ایک ماہ سے جاری ہے جس کے سبب صارفین شدید مشکلات میں مبتلا جبکہ فری لانسرز، سافٹ ویئر ہاؤسز اور دیگر آئی ٹی سیکٹرز بھی بھاری مالی نقصان برداشت کر رہے ہیں۔

    اس حوالے سے لاہور کے لبرٹی چوک پر اے آر وائی نیوز کے پروگرام سرعام میں آئی ٹی کے شعبے سے وابستہ مختلف افراد نے گفتگو کرکے اپنے خیالات کا اظہار کیا۔

    پروگرام کے میزبان اقرار الحسن سے گفتگو کرتے ہوئے آئی ٹی ماہرین نے انٹرنیٹ کی بندش کے باعث پیش آنے والی مشکلات و مسائل کا ذکر کیا اور اس کے سدباب کیلئے اپنی تجاویز سے آگاہ کیا۔

    اس موقع پر ایک کانٹنٹ کریئٹر کا کہنا تھا کہ انٹرنیٹ سیکیورٹی نیٹ ورک سسٹم ’فائر وال‘ کی تنصیب اور تجربات کی وجہ سے حکومت کی جانب سے انٹرنیٹ کی رفتار سست کی گئی۔

    انہوں نے کہا کہ آئی ٹی ایک ایسا سیکٹر ہے جو ملکی معیشت کو بہتر بنا سکتا ہے لیکن بد قسمتی سے فیصلہ سازوں نے انٹرنیٹ کی سہولت ہی چھین لی ہے اور کسی کو نہیں معلوم کہ یہ مسئلہ کب اور کیسے حل ہوگا۔

    ایک طالبہ کا کہنا تھا کہ اگر میں کسی سیاسی خاندان سے تعلق رکھتی تو میرے لیے کوئی مشکل یا مسئلہ نہیں ہوتا، میرے اندر چاہے جتنی بھی صلاحیتیں ہوں مجھے ان مسائل کا سامنا کرنا پڑے گا۔

    اس موقع پر گفتگو کرتے ہوئے مقامی تاجر نے بتایا کہ دنیا اس وقت فائیو جی پر کام کررہی ہے اور ہم سے تھری جی اور فور جی پر اٹکے ہوئے ہیں اور وہ بھی ٹھیک سے نہین چلا پارہے۔

    اس مسئلے کا حل صرف ایک ہے

    ایک سافٹ ویئر ہاؤس سے وابستہ فینٹیک ایکسپرٹ یوسف جمشید کا کہنا تھا کہ جو لوگ نچلی سطح پر کام کررہے ہیں وہ انٹرنیٹ کی سست رفتاری سے بہت بری طرح متاثر ہوئے ہیں۔

    وی پی این کے حوالے سے ان کا کہنا تھا کہ یہ تو بہت پہلے بھی چل رہا ہے بہت سے ممالک ہم سے براہ راست رابطے میں نہیں جس کی وجہ سے وی پی این کا استعمال ضروری ہے اور وہ ہوتا آیا ہے۔ بہت ساری ایپلی کیشنز بغیر وی پی این کے نہیں چلتیں۔

    یوسف جمشید نے کہا کہ حکومت نے ایک غیر تربیت یافتہ شخصیت سے اس کی وضاحت بیان کرواتی ہے جس کی لوگوں نے تردید کرتے ہوئے اس کا مدلل جواب دیا۔ انٹرنیٹ کی سست رفتاری کا نقصان یہ ہورہا ہے کہ لوگ اپنا کام دبئی شفٹ کررہے ہیں اس کے علاوہ آئی ٹی کے حوالے سے افرادی قوت پاکستان کے بجائے بھارت سے لی جارہی ہے۔

    مسئلے کا حل بیان کرتے ہوئے ان کا کہنا تھا کہ حکومت کو چاہیے کہ دیگر ممالک کی طرح ایک پالیسی فریم مرتب کرے کہ سب کو اس دائرے میں رہتے ہوئے کام کرنا ہے یا سوشل میڈیا استعمال کرنا ہے لیکن نیٹ بند کرنا مسئلے کا حل نہیں بلکہ مزید الجھن کا سبب بنے گا۔

    پاکستان کو ایتھوپیا بنانے کی کوشش کی جارہی ہے

    سی ای او ایمبلم ٹیکنالوجی سلمان ارشد نے موجودہ حکمرانوں پر شدید تنقید کرتے ہوئے کہا کہ پاکستان کو ایتھوپیا بنانے کی پوری کوشش کی جارہی ہے، نااہل حکمران، لاعلم لوگ اور لاغرض پالیسی ساز پتہ نہیں اس ملک کے ساتھ کیا کرچکے ہیں اور مزید کیا کرنا چاہتے ہیں۔

    انہوں نے کہا کہ پاکستان کو یومیہ کروڑوں ڈالرز کا نقصان ہورہا ہے، ملک کی دیگر صنعتیں تو بحران کا شکار ہیں ہی اب آئی ٹی سیکٹر کو بھی تباہی کی جانب لے جایا جارہا ہے۔

    ایک اور آئی ٹی ماہر نے بتایا کہ میں وی پی این سے متعلق حکومتی مؤقف سے بالکل بھی متفق نہیں ہوں، انٹرنیٹ کی سست رفتاری سے دو بڑے نقصانات ہورہے ہیں پہلا یہ کہ دنیا بھر کی بڑی کمپنیاں ہمارے ٹاپ فری لانسرز کو اپنی جانب راغب کرنے کیلیے بڑے پیکجز دے رہی ہیں اور لوگ یہاں سے باہر جارہے ہیں۔

    اور دوسرا بڑا نقصان یہ کہ حکومت نے فری لانسرز سے یہ سہولت ہی چھین لی ہے اور اس کا الزام مختلف طریقوں سے دوسروں پر ڈالا جارہا ہے، جب ہر بچہ باہر جانے کی کوشش کرے گا تو آئی ٹی سیکٹر کیسے ترقی کرے گا؟

  • کراچی میں موبائل فون و انٹرنیٹ سروس رات کو ہی بند

    کراچی میں موبائل فون و انٹرنیٹ سروس رات کو ہی بند

    کراچی کے مختلف علاقوں میں موبائل فون اور انٹرنیٹ سروسز رات سے ہی بند ہونا شروع ہو گئیں جبکہ نوٹی فکیشن صبح8 بجے بند کرنے کا جاری کیا گیا تھا۔

    تفصیلات کے مطابق شہدائے کربلا کے چہلم کے موقع پر بروز پیر کی صبح سے موبائل فون سروس بند کرنے کے احکامات کے باوجود کراچی کے مختلف علاقوں میں موبائل فون سروس رات کو ہی بند ہونا شروع ہوگئیں۔

    کراچی کے مختلف علاقوں صدر، کلفٹن، ڈیفنس نارتھ کراچی، نیو کراچی، انچولی ،لیاقت آباد، گلبہار، گلشن اقبال، گلستان جوہر، شاہ فیصل کالونی، ملیر میں بھی موبائل فون سروس اور انٹرنیٹ سروس بند کردی گئی۔

    واضح رہے کہ صوبائی حکومت کی جانب سے کراچی سمیت سندھ کے مختلف اضلاع میں چہلم امام حسینؓ کے موقع پر موبائل فون سروس بند رکھنے کا فیصلہ کیا گیا ہے۔

    ترجمان محکمہ داخلہ سندھ کا کہنا ہے کہ شہر قائد میں موبائل فون سروس مکمل طور بند رہے گی، حیدرآباد میں بھی کل موبائل فون سروس کو معطل کردیا جائے گا، میرپورخاص، شہید بینظیر آباد اور سکھر میں بھی موبائل فون سروس بند رہے گی۔

    محکمہ داخلہ سندھ کی جانب سے مزید بتایا گیا کہ سندھ کے بڑے شہروں کے علاوہ دادو، ٹھٹھہ، سجاول، خیرپور اور لاڑکانہ میں بھی موبائل فون سروس بند رہے گی۔

  • جو کم دِکھتا ہے وہ زیادہ بِکتا ہے: فواد خان

    جو کم دِکھتا ہے وہ زیادہ بِکتا ہے: فواد خان

    پاکستان کے  معروف ہیرو فواد خان نے کہا ہے کہ مجھے ایسا لگتا ہے کہ جو کم دِکھتا ہے وہ زیادہ بِکتا ہے۔

    فواد خان حال ہی میں علی احمد بٹ کے پوڈ کاسٹ میں شریک ہوئے جہاں انہوں نے  اپنے کیرئیر سے متعلق کئی موضوعات پر گفتگو کی۔

      بالی وڈ میں کام کرنے والے پاکستانی اداکار فواد نے کہا کہ پاکستانی اداکاروں کی شہرت کو بھارتی اداکار خطرہ سمجھتے ہیں یا نہیں اس حوالے سے میں خود تھوڑا سا مختلف نظریہ رکھتا ہوں۔

     

    View this post on Instagram

     

    A post shared by Niche Lifestyle (@nichelifestyle)

    اداکار  نے کہا کہ مجھے ایسا نہیں لگتا کہ جو دِکھتا ہے وہی بِکتا ہے بلکہ مجھے ایسا لگتا ہے کہ جو کم دِکھتا ہے وہ زیادہ بِکتا ہے تو اس لیے میں بھارت میں اپنی پی آر ٹیم کو کہتا ہوں کہ وہ میرا نام ہر جگہ پر سامنے نہ لائیں۔

    فواد خان کا کہنا تھا کہ میری  بھارت میں موجود پی آر ٹیم کو میری اس سوچ پر اعتراض تھا کہ اور وہ لوگ مجھ سے کہتے ہیں کہ آپ کو نہیں پتا کہ آج کل دنیا کس طرح چلتی ہے تو میرا ان لوگوں کو ہمیشہ یہی جواب ہوتا ہے کہ میں سوشل میڈیا کا ضرورت سے زیادہ استعمال نہیں کرنا چاہتا۔

    سونم باجوہ نے ایک بار پھر فواد خان سے محبت کا اظہار کر دیا

    اداکار کا کہنا تھا کہ میں ہر گز اس پر اتفاق نہیں رکھتا کہ اگر آپ سوشل میڈیا پر ایکٹو ہیں تو ہی فینز آپ کو پیار کریں گے اور توجہ دیں گے، جب سوشل میڈیا کا دور نہیں تھا تب بھی اچھا کام کرنے والوں کو بہت پیار ملتا تھا۔

    فواد خان نے انکشاف کیا کہ میں نے اپنا کوئی سوشل میڈیا اکاؤنٹ خود نہیں بنایا، فلم ’خوبصورت‘ کی شوٹنگ کے دوران سونم کپور نے میرا ٹوئٹر اکاؤنٹ بنایا تھا اور اس کے بعد فلم ’کپور اینڈ سنز‘ کی شوٹنگ کے دوران سدھارتھ ملہوترا نے میرا انسٹاگرام اکاؤنٹ بنایا تھا۔

  • سعودی عرب: حجاج کی سہولت کے لیے ہزاروں نئے انٹرنیٹ ٹاورز نصب

    سعودی عرب: حجاج کی سہولت کے لیے ہزاروں نئے انٹرنیٹ ٹاورز نصب

    ریاض: سعودی عرب میں حج کے دوران حجاج کی سہولت کے لیے انٹرنیٹ کنکشن کی استعداد میں اضافہ کیا گیا ہے اور اس کے لیے نئے ٹاورز اور پوائنٹ نصب کیے گئے ہیں۔

    اردو نیوز کے مطابق سعودی وزارت مواصلات اور انفارمیشن ٹیکنالوجی نے مکہ مکرمہ، منیٰ، مزدلفہ اور عرفات میں حجاج کی سہولت کے لیے وائی فائی کے 10 ہزار سے زائد پوائنٹس جبکہ فائیو جی اور مواصلاتی ٹاورز کی تعداد بڑھا کر 6 ہزار سے زیادہ کردی ہے۔

    سعودی وزیر مواصلات و انفارمیشن ٹیکنالوجی انجینیئر عبد اللہ السواحہ نے منیٰ، عرفات اور مزدلفہ میں رابطوں کے انتظامات اور تیاریوں کے معائنے کے لیے خصوصی دورہ کیا۔

    انہوں نے اس موقع پر تمام ذمہ داران کو تاکید کی کہ حجاج کرام کو رابطے کی معیاری سہولیات فراہم کی جائیں۔

    اس موقع پر السواحہ اور ان کے ہمراہ وفد کو رابطہ وسائل کے حوالے سے حج مقامات پر کی گئی تیاریوں کے بارے میں بریفنگ دی گئی۔

  • سعودی عرب: 2022 میں ایک اور سنگ میل عبور

    سعودی عرب: 2022 میں ایک اور سنگ میل عبور

    ریاض: سعودی عرب میں گزشتہ برس انٹرنیٹ استعمال کرنے والوں کی تعداد میں اضافہ ہوا جس کے بعد مملکت میں 94 فیصد سے زائد افراد کو انٹرنیٹ تک رسائی حاصل ہوگئی۔

    اردو نیوز کے مطابق سعودی محکمہ شماریات نے کہا ہے کہ 2022 کے دوران مملکت میں انٹرنیٹ استعمال کرنے والوں کی شرح 94.3 فیصد تک پہنچ گئی۔

    محکمہ شماریات نے 2022 کے دوران افراد اور خاندانوں کے درمیان انفارمیشن اینڈ کمیونیکیشن ٹیکنالوجی کے استعمال اور رسائی کے حوالے سے جاری رپورٹ میں کہا ہے کہ 15 برس اوراس سے زیادہ عمر کے افراد میں انٹرنیٹ کے استعمال کا تناسب 2021 کے مقابلے میں 1.4 فیصد اضافہ ہوا جو بڑھ کر 94.3 فیصد تک پہنچ گیا ہے۔

    انٹرنیٹ استعمال کرنے والے سعودی شہریوں کا تناسب 93.6 فیصد اور غیر ملکیوں کا تناسب 95.2 فیصد ہوگیا ہے۔

    رپورٹ میں بتایا گیا ہے کہ انٹرنیٹ تک رسائی رکھنے والے خاندانوں کا تناسب 96.5 فیصد اور کمپیوٹر رکھنے والے خاندانوں کا تناسب 57.4 فیصد ریکارڈ کیا گیا۔

    رپورٹ میں واضح کیا گیا ہے کہ 2022 کے دوران کمپیوٹر استعمال کرنے والے 15 برس اور اس سے زیادہ عمر کے افراد کا تناسب 49.3 فیصد ہے، ان میں 55.1 فیصد سعودی اور 40.08 فیصد غیر ملکی ہیں۔

    رپورٹ میں بتایا گیا ہے کہ 2022 کے دوران موبائل رکھنے والے 15 برس اور اس سے زیادہ عمر کے افراد کی شرح 97.7 فیصد ریکارڈ کی گئی۔

  • ریچھ کے بچے کا والہانہ رقص، وائرل ویڈیو نے شائقین کے دل جیت لئے

    ریچھ کے بچے کا والہانہ رقص، وائرل ویڈیو نے شائقین کے دل جیت لئے

    انٹرنیٹ صارفین کو تفریح کے بے پناہ موقع فراہم کرتی ہے جبکہ کچھ ویڈیوز تو دل کو چھو لینے والی ہوتی ہے اور تادیر تک اسے یاد رکھا جاتاہے۔

    ایسی ہی ایک ویڈیو نے سوشل میڈیا صارفین کے دل میں گھر کرلیا ہے، محض تیرہ سیکنڈز کے اس مختصر کلپ نے اب تک پچیس لاکھ سے زائد صارفین کو اپنا گرویدہ بنالیا ہے۔

    مذکورہ ویڈیو ریچھ کے ننھے منے بچے کی ہے، پرجوش ریچھ کا یہ بچہ اپنی پچھلی ٹانگوں پر کھڑا ہونے کے بعد ادھر ادھر قلابازیاں کھاتے ہوئے ڈانس کررہا ہے، زمین پر لڑھک رہا ہے، جسے اسے کوئی بڑی خوشی مل گئی ہو۔

    بچہ اس طرح محو ڈانس ہیں جیسے اسے کوئی دیکھ نہ رہا ہوں، ،مگر کسی پروفیشنل فوٹو گرافر نے ڈانس کرتی ویڈیو کو اپنے کیمرے کی میموری میں محفوظ کرنے کے بعد سوشل میڈیا پر وائرل کیا۔

    شرارتی ریچھ کے بچے کی ویڈیو انٹرنیٹ پر تیزی سے وائرل ہوچکی ہے جس پر صارفین کی جانب سے دلچسپ تبصروں کا سلسلہ جاری ہے۔

    https://twitter.com/Yoda4ever/status/1532332451854536705?s=20&t=rShIkGMuyqffG_BOZVcNqA

  • پرندے نے خاتون کا  پیزا ‘چوری’ کرلیا، دلچسپ ویڈیو وائرل

    پرندے نے خاتون کا پیزا ‘چوری’ کرلیا، دلچسپ ویڈیو وائرل

    سوشل میڈیا پر ان دنوں ہزاروں کی تعداد میں ایسی ویڈیوز وائرل ہو رہی ہیں جو آپ کو بے ساختہ ہنسنے پر مجبور کردیتی ہے۔

    ایسی ہی ایک ویڈیو نے سوشل میڈیا شائقین کو خوب محظوظ کیا ہے اور ویڈیو تیزی کے ساتھ وائرل ہورہی ہے۔

    وائرل ویڈیو میں دیکھا جاسکتا ہے کہ ایک خاتون اپنے گھر کے صحن میں پیزا کھانے میں مصروف تھی کہ اچانک انہیں گھر میں کوئی کام یاد آیا، خاتون عجلت کا مظاہرہ کرتے ہوئے پیزے کا ڈبہ بند کئے بغیر گھر کے اندر چلی گئی، ایسے میں ایک پرندے کی نظر ” پیزے کے ڈبے” پر پڑی۔

    پرندے نے آؤ دیکھا نہ تاؤ، فوری طور پر ڈبے سے پیزا اٹھایا اور یہ جا اور وہ جا، خاتون جب واپس صحن میں واپس آئی تو ڈبہ خالی دیکھ کر بہت حیران ہوئی اسی اثنا میں ان کی نظر آسمان پر پڑی تو ان کے زبان سے بے ساختہ نکلا کہ ” اوہ میرے خدایا” یہ نہیں ہوسکتا، کیونکہ سیگل نامی پرندہ پورا پیزا اٹھائے محو پرواز تھا۔

    خاتون نے پیزے کے ساتھ اڑتے پرندے کی ویڈیو بناکر سوشل میڈیا پر وائرل کردی، ویڈیو پر صارفین کی جانب سے ملے جلے ردعمل کا اظہار کیا جارہا ہے، کسی نے کہا کہ یہ ایڈٹ شدہ ویڈیو ہے تو کسی صارف کا کہنا تھا کہ شاید اس پرندے کو پیزے کی زیاد ضرورت تھی۔

    ایک صارف نے لکھا کہ پیزا ملنے پر پرندوں کا دستہ آج پارٹی کرے گا۔

     

    View this post on Instagram

     

    A post shared by Robert Tolppi (@roberttolppi)

     

  • اکشے کمار کی فلم کو ریلیز سے پہلے ہی نقصان

    اکشے کمار کی فلم کو ریلیز سے پہلے ہی نقصان

    بالی ووڈ اداکار اکشے کمار کی نئی فلم انٹرنیٹ پر لیک ہوگئی جس سے فلم کی کاسٹ اور پروڈکشن کو شدید دھچکا لگا ہے۔

    بھارتی میڈیا کے مطابق بالی وڈ کی نئی فلم بچن پانڈے کی ریلیز سے قبل اکشے کمار کو بڑا دھچکا لگ گیا، فلم پائریسی کا شکار ہوگئی۔

    بھارتی میڈیا کا کہنا ہے کہ ہدایت کار فرہاد سمجی کی فلم بچن پانڈے سینما گھروں میں ریلیز سے قبل ہی انٹرنیٹ پر لیک ہوگئی ہے جس کی وجہ سے فلم کی پروڈکشن سمیت کاسٹ کو بڑا دھچکا لگا ہے۔

    فلم میں اکشے کمار، کریتی سینن اور ارشد وارثی اہم کردار ادا کر رہے ہیں۔ فلم بچن پانڈے آج یعنی 18 مارچ کو سینما گھروں میں ریلیز ہوئی ہے جو کہ ریلیز سے قبل ہی انٹرنیٹ پر لیک ہو چکی تھی۔

    بھارتی میڈیا کے مطابق گزشتہ ہفتے بھی دو اور بھارتی فلمیں ریلیز سے قبل انٹرنیٹ پر لیک ہوگئی تھیں۔

  • طالبان حکومت کا پاکستان سے شکوہ

    طالبان حکومت کا پاکستان سے شکوہ

    کابل: افغانستان کی طالبان حکومت نے پاکستان سے شکوہ کیا ہے کہ انھیں انٹرنیٹ مہنگا فروخت کیا جا رہا ہے، نیز، پاکستان افغانستان کی حدود میں فریکونسیوں کو تباہ کر رہا ہے، پاکستان اس سے احتراز کرے۔

    تفصیلات کے مطابق پاکستان کے قومی سلامتی کے مشیر معید یوسف کی سربراہی میں ایک وفد نے افغان وزیر انفارمیشن ٹیکنالوجی و مخابرات مولوی نجیب اللہ حقانی اور وزارت کے دیگر حکام سے ملاقات کی۔

    افغان وزیر انفارمیشن ٹیکنالوجی اور پاکستانی مہمان نے ٹیکنالوجی، دو طرفہ تعلقات اور تعاون پر گفتگو کی، افغان وفد کی جانب سے کئی شکوے کیے گئے، اور کچھ معاملات میں تعاون کی درخواست کی گئی۔

    افغان وزیر انفارمیشن ٹیکنالوجی نے کہا کہ گزشتہ سالوں میں انفرا اسٹرکچر کی تعمیر کے منصوبوں میں افغانستان کے ساتھ کسی نے تعاون نہیں کیا، اقوام عالم اور پڑوسی ممالک ان منصوبوں کی تکمیل کے لیے تعاون کریں۔

    انھوں نے پاکستانی فریق سے کہا کہ اگر پاکستان فائبر نوری کیبل کے ساتھ منسلک ہونے میں دل چسپی ظاہر کرے تو یہ دونوں ممالک کے لیے بہت مفید ثابت ہوگا، پاکستان اس راستے سے یورپ تک ٹرانزٹ حاصل کر سکے گا اور جنوبی ایشیا اور وسطی ایشیا سے انٹرنیٹ ٹرانزٹ کے شعبے میں منسلک ہو جائے گا۔

    مولوی نجیب اللہ حقانی نے کہا کہ پاکستان افغانستان کی حدود میں فریکونسیوں کی تباہ کاری سے احتراز کرے، تاکہ افغانستان اپنی حدود میں فریکونسیاں ٹھیک طرح سے سیٹ کر سکے اور اس کی آمدنی سے فائدہ اٹھا سکے۔

    انھوں نے افغانستان میں بہتر انٹرنیٹ سروس کی دستیابی کے لیے پاکستانی فریق سے مطالبہ کیا کہ ہمیں ڈارک فائبر کرائے پر مہیا کیے جائیں تاکہ سب میرین کیبل تک افغانستان رسائی حاصل کر سکے، جس سے انٹرنیٹ اسپیڈ میں اضافہ اور اس کی قیمتوں میں کمی آئے گی۔

    انھوں نے کہا اگرچہ پاکستان کو سب میرین کیبل تک رسائی حاصل ہے لیکن اس کے باوجود وہ وسطی ایشیا کی بہ نسبت زیادہ مہنگا انٹرنیٹ افغانستان کو فروخت کرتا ہے، اگر پاکستان قیمتیں کم رکھے تو ہم دیگر ممالک سمیت پاکستان سے بھی انٹرنیٹ خریدیں گے۔

    وفود کی ملاقات میں ڈاک کے شعبے میں سہولتیں پیدا کرنے پر بھی گفتگو کی گئی، تاکہ پاکستان سے افغانستان ڈاک ترسیل کی سہولت پیدا کی جائے۔

    پاکستانی فریق نے کہا کہ وزیر اعظم پاکستان نے کہا ہے کہ وہ بہت سے شعبوں میں افغانستان کے ساتھ تعاون کریں گے، پاکستانی وزیرانفارمیشن ٹیکنالوجی نے کہا کہ افغانستان کے ساتھ آئی ٹی، تعلقات میں بہتری، شکایات کے ازالے اور دیگر حوالوں سے تعاون کرے گا۔

    ملاقات میں فریقین نے ایک مشترکہ تیکنیکی ٹیم کے قیام پر اتفاق کیا جو مستقبل میں متعلقہ موضوعات پر بحث کرے گی۔