ARYNews.tv | Urdu – Har Lamha Bakhabar

Tag: investigate

  • نیب کا15 لاکھ یا اس سے زائد تنخواہ لینے والے سرکاری افسروں کے گرد گھیرا تنگ

    نیب کا15 لاکھ یا اس سے زائد تنخواہ لینے والے سرکاری افسروں کے گرد گھیرا تنگ

    اسلام آباد : نیب نے لاکھوں روپے تنخواہ لینے والے سرکاری افسران کے گرد گھیراتنگ کردیا اور سرکاری افسروں کے خلاف تحقیقات کے لئے ریجنل آفسز کو خط لکھ دیا ہے۔

    تفصیلات کے مطابق ڈی جی پی ایس او کی 37 لاکھ روپے ماہانہ تنخواہ کے انکشاف کے بعد نیب نے پندرہ لاکھ یا اس سے زائد تنخواہ لینے والے سرکاری افسروں کے خلاف تحقیقات کا آغاز کردیا۔

    نیب ہیڈکواٹرز نے تمام ریجنل آفسز کو خط لکھ دیا، جس میں پوچھا گیا ہے کہ لاکھوں روپے تنخواہ لینے والے سرکاری افسران کی تعیناتی کیسے ہوئیں؟ تحقیقات ہوں گی۔

    نیب نے ڈی جی پی ایس او سمیت دیگر افسران کی تنخواہوں اور تعیناتی کا ریکارڈ بھی طلب کرلیا۔

    نیب ذرائع کے مطابق تفصیلات تمام متعلقہ اداروں کے ساتھ اے جی پی آر اور اسٹبلشمنٹ سے بھی مانگی ہیں۔

    یاد رہے چند روز قبل قومی احتساب بیورو کے چیئرمین جسٹس (ر) جاوید اقبال کا کہنا تھا کہ بڑی مچھلیوں پر قانون کے مطابق ہی ہاتھ ڈالا جائے گا، کسی کے ساتھ امتیاز نہیں برتا جائے گا۔

    نیب چیئرمین کا کہنا تھا کہ نیب کی تحقیقات سائنسی ہوتی ہیں، وہ ملزم سے سائنسی بنیادوں پر تحقیقات کرتا ہے اور کرپشن کے ثبوت حاصل کرتا ہے۔

  • کینیڈا میں نسل پرست شخص کا مسلمان خاندان پر حملہ، قتل کی دھمکیاں

    کینیڈا میں نسل پرست شخص کا مسلمان خاندان پر حملہ، قتل کی دھمکیاں

    اوٹاوا : کینیڈا کے شہر ٹورنٹو میں نسل پرست شخص کی مسلمان فیملی پر تشدد اور قتل کی دھمکیاں دینے کی ویڈیو سوشل میڈیا پر وائرل ہوگئی، پولیس نے واقعے کی تحقیقات کا آغاز کردیا۔

    تفصیلات کے مطابق کینیڈا کے شہر ٹورنٹو میں پولیس نے نسل پرست متعصب شخص کو مسلمان فیملی پر تشدد کرنے، زبانی طور پر ہراساں کرنے اور قتل کی دھمکیاں دینے کے جرم میں گرفتار کرکے واقعے کی تحقیقات شروع کردی ہیں۔

    غیر ملکی خبر رساں ادارے کا کہنا تھا کہ سوشل میڈیا پر وائرل ہونے والی ویڈیو میں دیکھا جاسکتا ہے کہ 50 سالہ کینیڈین شخص شہر کے وسط میں واقع تفریحی مقام پر مسلم خاندان کو مسلسل نسل پرستی اور تعصب کا نشانہ بنارہا ہے۔

    کینیڈین پولیس کی جانب سے جمعے کے روز جاری بیان کہا تھا کہ تفتیش کاروں نے مذکورہ شخص کے اقدام کو تعصب اور نفرت پر مبنی جرم قرار دیا ہے اور ملزم کے خلاف سخت کارروائی کرنے کا اعلان کیا ہے۔

    کینیڈین میڈیا کا کہنا ہے کہ ٹورنٹو کی عدالت نے 50 لامبرے بال کے خلاف دو مقدمات تشدد کرنے اور ایک مسلم خاندان کو سر عام قتل کی دھمکیاں دینے کا مقدمہ درج کیا ہے۔

    غیر ملکی خبر رساں ادارے کے مطابق پولیس نے ابتدائی تحقیقات مکمل کرلی ہیں لیکن ابھی تک ملزم گرفتار نہیں کیا ہے، تاہم پولیس نے واضح کیا ہے کہ حملہ اسلام دشمنی اور نفرت کی وجہ سے کیا گیا ہے۔

    کینیڈین خبر رساں ادارے کا کہنا تھا کہ حسن احمد پہلی بار اپنے اہلیہ اور دو بچوں کے ہمراہ ٹورنٹو شہر کا دورہ کرنے گئے تھے جو کینیڈا کے شہر سسکاٹون میں مقیم ہیں۔

    حسن احمد نے میڈیا کو بتایا کہ ’مذکورہ ملزم نے مجھے اور دیگر افراد کو دھکے دیئے اور میرے خاندان والوں سے کہا کہ صوبے نے نکل جاؤ‘۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • ندیم بارا کے ڈیرے پر فائرنگ اور پولیس تشدد کیس، آئی جی پنجاب کو خود تحقیقات کرنے کا حکم

    ندیم بارا کے ڈیرے پر فائرنگ اور پولیس تشدد کیس، آئی جی پنجاب کو خود تحقیقات کرنے کا حکم

    لاہور : پاکستان تحریک انصاف کے نومنتخب ایم پی اے ندیم عباس بارا کے ڈیرے پر فائرنگ اور پولیس پر تشدد کے واقعہ پر چیف جسٹس نے آئی جی پنجاب کو خود تحقیقات کرنے کا حکم دے دیا۔

    تفصیلات کے مطابق سپریم کورٹ لاہور رجسٹری میں چیف جسٹس کی سربراہی میں پی ٹی آئی کے نومنتخب ایم پی اے ندیم عباس بارا کے ڈیرے پر فائرنگ اور پولیس پر تشدد کے واقعہ پر ازخود نوٹس کی سماعت ہوئی۔

    چیف جسٹس نے آئی جی پنجاب کو خود تحقیقات کرنے کا حکم دیتے ہوئے کہا کہ آئی جی پنجاب دیانتدار آدمی ہیں، مکمل تفتیش کریں گے اور رپورٹ دیں گے، عدالت اپنا ازخود نوٹس واپس لیتی ہے۔

    سرکاری وکیل نے عدالت کو آگاہ کیا کہ واقعہ میں ملوث زیادہ تر ملزمان گرفتار کیے جاچکے ہیں اور وہ ریمانڈ پر ہیں۔

    ملزم ندیم بارا کے وکیل نے مؤقف اختیار کیا کہ فائرنگ کا واقعہ کسی اور جگہ پیش آیا لیکن پولیس نے ملزمان گرفتار کرلئے، متعلقہ ایس پی نے ذاتی رنجش پر ندیم بارا اور ساتھیوں کیخلاف جھوٹا مقدمہ درج کیا۔

    چیف جسٹس نے قرار دیا کہ تحقیقات کا حکم دے دیا ہے، حقائق سامنے آ جائیں گے۔

    یاد رہے کہ چیف جسٹس نے ہنجروال میں فائرنگ اور پولیس اہلکاروں پر تشدد کے واقعہ کا ازخود نوٹس لیتے ہوئے تحریکِ انصاف کے نومنتخب رکن صوبائی اسمبلی ندیم عباس بارا کو گرفتار کرنے کا حکم دیا تھا۔

    ملزمان کے خلاف تھانہ ہنجروال میں دہشتگردی کی دفعات کے تحت مقدمہ درج کیا گیا۔

    واضح رہے کہ ندیم عباس بارا جسمانی ریمانڈ پر پولیس کی تحویل میں ہیں،  پی ٹی آئی کے نومنتخب ایم پی اے پر الزام ہے کہ انہوں نے اپنے ساتھیوں کے ساتھ مل کر پولیس اہلکاروں کو تشدد کا نشانہ بنایا اور فائرنگ کی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

  • سانحہ مستونگ کی تحقیقات، پنجاب فرانزک ایجنسی ٹیم کوئٹہ پہنچ گئی

    سانحہ مستونگ کی تحقیقات، پنجاب فرانزک ایجنسی ٹیم کوئٹہ پہنچ گئی

    کوئٹہ : سانحہ مستونگ کی تحقیقات کے لئے پنجاب فرانزک ایجنسی ٹیم کوئٹہ پہنچ گئی، ڈی آئی جی عبدالرزاق چیمہ کا کہنا ہے کہ ٹیم خودکش حملے کے مقام کا دورہ کرکے شواہد اکٹھے کرے گی ، جو فرانزک ایجنسی کی ٹیم کے حوالے کیے جائیں گے۔

    تفصیلات کے مطابق پنجاب فرانزک ایجنسی ٹیم سانحہ مستونگ کی تحقیقات کے لیے کوئٹہ پہنچ گئی ہے، اس موقع پر ڈی آئی جی کوئٹہ عبدالرزاق چیمہ کا کہنا ہے کہ فرانزک ایجنسی کی ٹیم تین ماہرین پرمشتمل ہے، ٹیم جائے وقوعہ کا دورہ کرکے شواہد اکٹھے کرے گی جبکہ متعلقہ لیویز اور ضلعی انتظامیہ نے بھی شواہد اکٹھے کئے ہیں۔

    ڈی آئی جی کوئٹہ کا کہنا تھا کہ شواہد فرانزک ایجنسی کی ٹیم کے حوالے کیے جائیں گے، مبینہ خودکش حملہ آورکی شناخت کے لیے نمونے حاصل کیے جاچکے ہیں،  ڈی این اے نمونے بھی فرانزک ایجنسی کی ٹیم کے حوالے کئے جائیں گے۔

    اس سے مستونگ خود کش حملے کی نئی فوٹیج بھی سامنے آئی، فوٹیج میں دیکھا جاسکتا ہے کہ سراج رئیسانی کی تقریر جیسے ہی شروع ہوئی زور دار دھماکا ہوگی، سیکیورٹی انچارج کو اپنی طرف آتا دیکھا اور خود کش بمبار نے خود کو اڑا دیا، جس کے بعد ہر طرف چیخ و پکار مچ گئی۔

    مزید پڑھیں : سانحہ مستونگ کے مزید زخمی دم توڑ گئے‘ شہداء کی تعداد 149 ہوگئی

    ڈپٹی کمشنر مستونگ قائم لاشاری کی جانب سے  شہداء اور زخمیوں کے تمام کوائف حاصل کر کے رپورٹ مکمل کر لی گئی ہے، جس کے مطابق درینگڑھ خود کش دھماکے کے فوری بعد جاں بحق ہونے والے 18 افراد کی میتیں لواحقین جائے وقوعہ سے ہی اپنے گھروں کو لے گئے۔ ان شہداء کی میتیں اسپتال نہیں لائی گئیں۔

    یاد رہے کہ دو روز قبل صوبہ بلوچستان کے ضلع مستونگ کے علاقے درینگڑھ میں بلوچستان عوامی پارٹی کی کارنرمیٹنگ میں دھماکا ہوا جس کے نتیجے میں سراج رئیسانی سمیت 149 افراد شہید جبکہ 186 زخمی ہوگئے۔

    مستونگ دھماکے میں زخمی ہونے والے سو سے زائد افراد کوئٹہ کے سول اسپتال میں زیرعلاج ہیں جن میں سے متعدد کی حالت تشویشناک ہے۔

    بم ڈسپوزل اسکواڈ نے مستونگ دھماکے کو خودکش قرار دیتے ہوئے کہا کہ دھماکے میں 16 سے 20 کلو دھماکہ خیز مواد استعمال کیا گیا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • جسٹس اعجاز الاحسن کی رہائش گاہ پرفائرنگ، مشترکہ تحقیقاتی کمیٹی کی تفتیش شروع

    جسٹس اعجاز الاحسن کی رہائش گاہ پرفائرنگ، مشترکہ تحقیقاتی کمیٹی کی تفتیش شروع

    لاہور : مشترکہ تحقیقاتی کمیٹی نے جسٹس اعجاز الاحسن کی رہائش گاہ پر فائرنگ کے واقعہ کی تفتیش شروع کردی ہے اور جائے وقوعہ سے ملنے والے شواہد کی روشنی میں تفتیش کا عمل جاری ہے۔

    تفصیلات کے مطابق لاہور میں جسٹس اعجاز الاحسن کے گھر پر فائرنگ کے واقعہ کی تفتیش کے لئے پنجاب حکومت کی بنائی گئی جے آئی ٹی نے تحقیقات شروع کردیں، جے آئی ٹی جائے وقوعہ سے ملنے والے شواہد کی روشنی میں تفتیش کررہی ہے۔

    جے آئی ٹی کے سربراہ ایڈیشنل آئی جی ویلفیئر اینڈ فنانس محمد طاہر ہیں، جے آئی ٹی میں آئی ایس آئی ، آئی بی، ایم آئی اور فرانزک لیب کا ایک ایک نمائندہ شامل ہے۔

    ڈی آئی جی انویسٹی گیشن چوہدری سلطان کی مشترکہ تحقیقاتی کمیٹی میں شمولیت پرسوال اٹھ رہے ہیں، ذرائع کے مطابق چوہدری سلطان شہباز شریف کے قریبی ساتھی ہیں۔

    دوسری جانب واقعے کا مقدمہ لاہور کے ماڈل ٹاؤن تھانے میں درج کرلیا گیا ، مقدمے میں اقدام قتل اوردہشتگردی کی دفعات شامل کی گئیں ہیں۔

    یاد رہے کہ گذشتہ روز سپریم کورٹ کے جسٹس اعجازالاحسن کے ماڈل ٹاؤن لاہور میں گھر پر نامعلوم افراد کی جانب سے فائرنگ کی گئی، فائرنگ میں رہائش گاہ کے مرکزی دروازے کو نشانہ بنایا گیا تھا جبکہ صبح کے وقت فائر کی گئی گولی باورچی خانے کی کھڑکی پر لگی تھی۔

    مزید پڑھیں: سپریم کورٹ کے جج جسٹس اعجاز الاحسن کے گھر پر فائرنگ

     پولیس کے مطابق جسٹس اعجاز الحسن کے گھر کے صحن سے گولی کا سکہ ملا ہے، گولی کا سکہ جسٹس اعجاز الحسن کے دروازے پر لگا، گولی کا سکہ قبضہ میں لیکر فرانزک لیب بھجوادیا گیا ہے اور مختلف زاویوں سے تحقیقات کی جارہی ہیں۔

    خیال رہے کہ جسٹس اعجازالاحسن پاناماکیس کےنگران جج بھی ہیں،نیب عدالت میں نوازشریف اورمریم کامقدمہ چل رہا ہے،نیب عدالت ہرپندرہ دن بعدانہیں اپنی رپورٹ پیش کرتی ہے۔

    جسٹس اعجازالاحسن توہین عدالت کے کئی کیسز کی سماعت کرنے والی بینچز میں بھی شامل ہیں،  اسی طرح جسٹس اعجازالاحسن خواجہ سعدرفیق سےریلوےکےحسابات طلب کرنےوالی بینچ ،  پاناماکیس اورنظرثانی کی سماعت کرنےوالی بینچ میں شامل رہے۔

    جسٹس اعجازالحسن نااہلی مدت کےتعین سےمتعلق کیس کی بینچ کا بھی حصہ رہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیاپر شیئر کریں۔

     

  • پاکستان تحریک انصاف کا خواجہ آصف کیخلاف منی لانڈرنگ کی تحقیقات کا مطالبہ

    پاکستان تحریک انصاف کا خواجہ آصف کیخلاف منی لانڈرنگ کی تحقیقات کا مطالبہ

    اسلام آباد: پاکستان تحریک انصاف نے چیئر مین نیب سے خواجہ آصف کیخلاف منی لانڈرنگ کی تحقیقات کا مطالبہ کردیا۔

    تفصیلات کے مطابق پاکستان تحریک انصاف نے چیئر مین نیب کو خط لکھا ، خط پی ٹی آئی رہنماعثمان ڈار کی جانب سے لکھا گیا ، جس میں خواجہ آصف کیخلاف منی لانڈرنگ کی تحقیقات کا مطالبہ کیا گیا ہے۔

    خط میں کہا گیا ہے کہ خواجہ آصف منی لانڈرنگ اورمالی جرائم میں ملوث ہیں، خواجہ آصف کےفارن اکاؤنٹس میں کروڑوں روپےمنتقل ہوئے ، منی لانڈرنگ کے لئے اہلیہ کے فارن اکاونٹس بھی استعمال کئےگئے۔

    پی ٹی آئی کی جانب سے خط میں لکھا گیا کہ فارن اکاؤنٹس میں مشکوک،بےنامی ٹرانزکشنزکی گئیں ، غیر ملکی ہوٹلزاور مشکوک بینک اکاوٴنٹس کا ریکارڈحاصل کر لیا ہے، کروڑوں روپےکی منتقلی کاریکارڈالیکشن کمیشن کےگوشواروں میں نہیں۔

    خط میں مزید کہا گیا ہے کہ خواجہ آصف غیر ملکی کمپنی میں ملازمت اوراقامہ تسلیم کر چکے، خط نواز شریف اور خواجہ آصف کےکیس میں مماثلت ہے۔

    تحریک انصاف نے مطالبہ کیا ہے کہ نیب خواجہ آصف کےخلاف منی لانڈرنگ کی تحقیقات کا آغاز کرے، غیرملکی ہوٹلز،بینک اکاؤنٹس، بے نامی ٹرانزکشنز کے ثبوت دیں گے۔

    مزید پڑھیں : پی ٹی آئی نے خواجہ آصف کیخلاف نیب جانے کی تیاری کرلی

    گذشتہ روز وزیر خارجہ خواجہ آصف کی مبینہ کرپشن پر تحریک انصاف نے ان کیخلاف کارروائی کا فیصلہ کیا تھا اور اس حوالے سے پی ٹی آئی نے نیب سے رابطے کا فیصلہ کیا تھا اور کہا گیا تھا کہ خواجہ آصف قوم کےلیےسیکیورٹی رسک ہیں، خواجہ آصف کی کرپشن کے ٹھوس شواہد موجود ہیں۔

    چیئرمین عمران خان کی زیر صدارت کور گروپ کے اجلاس میں خواجہ آصف کیخلاف نیب میں ریفرنس دائر کرنے کی منظوری دی گئی تھی اور عثمان ڈارکوخواجہ آصف کےخلاف نیب کوخط لکھنےکی ذمےداری سونپ دی گئی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • روپے کی قدر میں کمی، تحقیقاتی رپورٹ 10دن میں جمع کروانے کا باضابطہ حکم

    روپے کی قدر میں کمی، تحقیقاتی رپورٹ 10دن میں جمع کروانے کا باضابطہ حکم

    کراچی : وزارت خزانہ نے اسٹیٹ بینک کو تحقیقاتی رپورٹ دس دن میں جمع کروانے کا باضابطہ حکم دے دیا۔

    وزارت خزانہ نے پاکستانی روپے کی قدر میں کمی کے معاملے پر با ضابطہ تحقیقات کا حکم دیدیا ہے ، یہ تحقیقات وزیر خزانہ اسحاق ڈار کی ہدایت پر کی جاری ہے، وزیر خزانہ مانیٹری اینڈ فیسکل پالیسی کارڈینیشن بورڈ کے چیئرمین ہونے کے حیثیت سے تحقیقات کا حکم دے سکتے ہیں۔

    وزارت خزانہ کے جاری بیان میں کہا گیا ہے کہ اسٹیٹ بینک کے نئے گورنر طارق باجوہ نے اس معاملے کی مذکورہ رپورٹ 10 روز میں طلب کرلی ہے۔

    خیال رہے کہ 5 جولائی کو ڈالر کی قیمت اچانک 108.25 روپے پر آگئی تھی جبکہ 4 جولائی کو ڈالر کی قیمت 104.90 تھی۔

    جولائی 2017 کو مختلف بینکس کے صدور اور سی ای اوز سے ہونے والی ملاقات کے بعد وزیر خزانہ اسحٰق ڈار نے معاملے کی تفصیلی تحقیقات اور ذمہ داروں کے خلاف کارروائی عمل میں لانے کا فیصلہ کیا تھا۔

    مزید پڑھیں : پاکستانی روپے کی قدر میں راتوں رات کمی، ڈالر 109 روپے تک جا پہنچا

    خیال رہے کہ 5 جولائی کو یکایک ڈالر مارکیٹ میں مہنگا ہو گیا تھا جبکہ روپے کی قدر میں تین فیصد سے زائد کی کمی ریکارڈ کی گئی، ایک ڈالر ایک سو آٹھ روپے پچیس پیسے تک فروخت ہوا، بینکنگ سیکٹر اور وزارت خزانہ کسی کو کچھ معلوم نہیں۔

    ڈالر کی قدر میں یہ اچانک تبدیلی غیر ملکی کرنسی مارکیٹ میں اچانک استحصال کی تشخیص اور تشویش کی وجہ سے سامنے آئی تھی جس کے بعد اسی روز 5 جولائی کو وزیر خزانہ نے اس معاملے کا نوٹس لیا۔

    وزیر خزانہ نے 6 جولائی 2017 کو مختلف بینکس کے صدور اور سی ای اوز کا اجلاس طلب کیا، جس کے بعد اسٹیٹ بینک سے اس معاملے پر تحقیقات کی ہدایت کی۔

    روپے کی قدر میں کمی کو وزارت خزانہ نے مصنوعی اور اسٹیٹ بینک نے وقت کی ضرورت قرار دیا۔

    وزارت خزانہ نے نئے گورنر اسٹیٹ بینک کو روپے کی قدر میں کمی کی تحقیقات کرنے کی ہدایات دیں، وزارت خزانہ کاکہنا ہےکہ کارروائی تحقیقات کی روشنی میں کی جائے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کراچی : نالوں کی صفائی کے لیے جاری رقم میں خورد برد کا انکشاف

    کراچی : نالوں کی صفائی کے لیے جاری رقم میں خورد برد کا انکشاف

    کراچی : شہرقائد میں نالوں کی صفائی کے لیے جاری رقم میں خورد برد کا انکشاف ہوا، محکمہ اینٹی کرپشن کا کہنا ہے کہ کرپشن میں بلدیہ عظمیٰ اور دیگر اداروں کےافسران ملوث ہیں۔

    تفصیلات کے مطابق کراچی میں نالوں کی صفائی نہ ہونے سے بارشوں کا پانی گھروں میں داخل ہوا، گلیاں ڈوب گئیں، محکمہ اینٹی کرپشن نے کراچی میں نالوں کی صفائی کے لئے مختص رقم خورد برد کرنے کی تحقیقات شروع کردی ہیں اور سیکریٹری بلدیات نے کے ایم سی سے فنڈز سےمتعلق جواب طلب کرلیا ہے۔

    سیکریٹری بلدیات کے خط کی کاپی اےآر وائی نیوزنے حاصل کرلی ہے۔

    خط میں پوچھا گیا ہے کہ رقم سے مچھرکالونی اور نہرخیام کی صفائی ہونا تھی، صدر،لیاری، بلدیہ،اورنگی اورپہلوان گوٹھ میں صفائی ہونا تھی۔ ناتھا خان پل اور اورنگی پل کی مرمت بھی کی جانی تھی۔

    خط میں کہا گیا ہے کہ بتایا جائے صفائی و مرمت کے لیے جاری رقم کہاں خرچ کی گئی؟

    محکمہ اینٹی کرپشن کا کہنا ہے کہ کرپشن میں بلدیہ عظمیٰ اوردیگر محکموں کے افسران ملوث ہیں، کرپشن میں جوملوث ہوا اس کو پکڑیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔