ARYNews.tv | Urdu – Har Lamha Bakhabar

Tag: Inzamam ul Haq

  • بابر اعظم اسلام آباد کیخلاف میچ میں اوپنر کیوں نہیں آئے؟ وجہ سامنے آگئی

    بابر اعظم اسلام آباد کیخلاف میچ میں اوپنر کیوں نہیں آئے؟ وجہ سامنے آگئی

    پشاور زلمی کے ڈائریکٹر کرکٹ انضمام الحق نے کپتان بابر اعظم کے اسلام آباد یونائیٹڈ کے خلاف میچ میں اوپنر نہ آنے کی وجہ بتادی ہے۔

    میچ کے بعد لاہور میں میڈیا سے گفتگو کرتے ہوئے انضمام الحق نے کہا کہ بابر اعظم ورلڈ کلاس کھلاڑی ہیں وہ خود نمبر تبدیل کر کے تیسرے پر آئے۔

    پی ایس ایل 10: پشاور زلمی نے اسلام آباد یونائیٹڈ کو 6 وکٹوں سے شکست دے دی

    انضمام الحق کا کہنا ہے کہ بابر اعظم چاہتے تھے کہ مچل اوون اوپنر کھیلیں اور پاور ہٹنگ کریں، بابر نے ضرورت کے مطابق اپنی اننگز کھیلی۔

    انہوں نے کہا کہ معاذ صداقت کا ڈیبیو تھا اس نے پریشر میں عمدہ کھیل کا مظاہرہ کیا، وکٹ آسان نہیں تھی بالنگ بھی زبردست تھی، وہ اوپنر ہیں لیکن مڈل آرڈر میں جس طرح سے اس نے کھیلا وہ قابل دید تھا۔

    واضح رہے کہ گزشتہ روز پاکستان سپر لیگ (پی ایس ایل) سیزن 10 کے 22ویں میچ میں پشاور زلمی نے اسلام آباد یونائیٹڈ کو 6 وکٹ سے شکست دی تھی۔

    قذافی اسٹیڈیم لاہور میں کھیلے گئے میچ میں پشاور زلمی نے 144 رنز کا ہدف 17ویں اوورز میں حاصل کر لیا تھا، پشاور زلمی کی جانب سے معاذ صداقت نے 33 گیندوں پر 55 رنز کی اننگز کھیلی جبکہ کپتان بابر اعظم نے 49 گیندوں پر 53 کی ناقابل شکست اننگز کھیلی۔

  • پاک بھارت میچ سے قبل انضمام الحق کا بمراہ سے متعلق اہم بیان

    پاک بھارت میچ سے قبل انضمام الحق کا بمراہ سے متعلق اہم بیان

    پاکستان کرکٹ ٹیم کے سابق کپتان اور چیف سلیکٹر انضمام الحق نے بھارتی بولر جسپریت بمراہ سے متعلق اہم بیان دیا ہے۔

    چیمپئنز ٹرافی 2025 کا 5واں میچ 23 فروری بروز اتوار دبئی انٹرنیشنل کرکٹ اسٹیڈیم میں کل روایتی حریف ہائی وولٹیج میچ میں پاکستان اور بھارت آمنے سامنے ہوں گے، دونوں ٹیموں نے تیاریاں تیز کردیں۔

     

    View this post on Instagram

     

    A post shared by ICC Hindi (@icchindiofficial)

    آئی سی سی چیمپئنز ٹرافی سے قبل ہی کئی اہم کھلاڑی انجرڈ ہونے کے بعد ٹورنامنٹ سے باہر ہوگئے تھے جس میں پاکستان کرکٹ ٹیم کے اہم اوپنر صائم ایوب، فخر زمان اور بھارتی ٹیم کے اہم بولر جسپریت بمراہ شامل ہیں۔

    پاک بھارت ٹاکرے سے متعلق گفتگو کرتے ہوئے پاکستان کرکٹ ٹیم کے سابق کپتان انضمام الحق نے کہا کہ بھارت کرکٹ ٹیم کا اہم کھلاڑی بمراہ ہے، اگر آپ 2024 کا ٹی ٹوئنٹی ورلڈ کپ دیکھیں تو اس جیت میں بھی بھارتی بولر بمراہ کا اہم کردار تھا۔

    ان کا کہنا تھا کہ ورلڈ کپ میں روہت شرما نے بمراہ کو پہلا اور دوسرا اوور دے کر میچ کا پانسہ پلٹ دیا تھا اس لیے مجھے لگتا ہے کہ بھارتی ٹیم کو بڑے مقابلے میں بمراہ کی کمی محسوس ہوگی۔

    پاکستان کے سابق کپتان نے کہا کہ اس میں کوئی شک نہیں کہ جسپریت بمراہ دنیا کے بہترین بولر میں سے ایک ہیں، انہوں نے اپنی ٹیم میں اس وقت پرفارم کیا جب ٹیم کو بہت زیادہ ضرورت تھی۔

  • انضمام الحق کس بالر کو کھیلنے سے ڈرتے تھے؟

    انضمام الحق کس بالر کو کھیلنے سے ڈرتے تھے؟

    پاکستان کرکٹ ٹیم کے سابق کپتان انضمام الحق کو کس بالر کا سامنا کرنے سے ڈر لگتا تھا؟ یہ بات انہوں نے ایک انٹرویو میں بتادی۔

    ایک نجی ٹی وی چینل پر گفتگو کرتے ہوئے انضمام الحق کا کہنا تھا کہ ویسٹ انڈیز کے بالر کیٹلن ڈوزر، سری لنکا کے مرلی دھرن آسٹریلیا کے شین وارن اور ساؤتھ افریقہ کے شان پولاک بہت خطرناک بالرز میں سے تھے۔

    انہوں نے بتایا کہ یہ ایسے بالنگ کرتے تھے کہ رنز ہی نہیں بنتے تھے ان کی کوشش ہوتی تھی کہ جیسے ہی بلے باز کوئی غلطی کرے اور ہماری پکڑ میں آجائے۔

    اس کے علاوہ زیادہ تر بالر ایسے تھے جو بار بار کچھ نہ کچھ بول کر بیٹسمین کو زچ کرتگے تھے تاکہ اسے غصہ آئے اور جذبات میں غلط شاٹ کھیل دے جس کا وہ فائدہ اٹھا سکیں۔

    اس سوال کا جواب دیتے ہوئے سابق کرکٹر سلیم ملک نے بتایا کہ مجھے نیوزی لینڈ کے بالر سر رچرڈ ہیڈلی کو کھیلنا بہت مشکل لگتا تھا کیونکہ زندگی میں جب بھی میں نے اس کا سامنا کیا اس نے میرے لیے مصیبت ڈال کر رکھی۔

  • انضمام نے عبداللہ شفیق کو اچھی بیٹنگ کی اپنی پسندیدہ ٹپ دے دی

    انضمام نے عبداللہ شفیق کو اچھی بیٹنگ کی اپنی پسندیدہ ٹپ دے دی

    راولپنڈی: سابق کپتان انضمام الحق نے عبداللہ شفیق کو اچھی بیٹنگ کی اپنی پسندیدہ ٹپ دے دی۔

    تفصیلات کے مطابق پشاور زلمی کے صدر اور سابق کپتان انضمام الحق نے لاہور قلندرز کے بیٹر عبداللہ شفیق کو کئی بیٹنگ ٹپس دے دی ہیں۔

    انضمام الحق نے گراؤنڈ میں عبداللہ شفیق سے گفتگو کرتے ہوئے بتایا کہ آپ بہت با صلاحیت بیٹر ہیں، میں نے آپ کو ٹیسٹ کرکٹ کھیلتے بھی دیکھا ہے، آپ کے پاس قدرتی طور پر اچھے کرکٹ شاٹس کھیلنے کی صلاحیت ہے۔

    انضمام نے شفیق کو مشورہ دیا کہ ٹینس بال کو گیلا کر کے بیٹنگ کی مشکل پریکٹس کریں، میں بھی بال گیلا کر کے بولرز کو کہتا تھا کہ اب مجھے آؤٹ کرو۔

    سابق کپتان نے عبداللہ شفیق کو بتایا کہ خطرناک بیٹرز وہی ہیں جو اسٹرائیک بدلتے رہتے ہیں۔

  • طبیعت میں بہتری ، انضمام الحق کو نجی اسپتال سے ڈسچارج کردیا گیا

    طبیعت میں بہتری ، انضمام الحق کو نجی اسپتال سے ڈسچارج کردیا گیا

    ہور: قومی ٹیم کے سابق کپتان اور مایہ ناز بلے باز انضمام الحق کو نجی اسپتال سے ڈسچارج کردیا گیا، انضمام الحق کی انجیو پلاسٹی کی گئی تھی۔

    تفصیلات کے مطابق قومی ٹیم کے سابق کپتان اور مایہ ناز بلے باز انضمام الحق کی طبیعت میں بہتری کے بعد انھیں نجی اسپتال سے ڈسچارج کردیاگیاہے، ماہرامراض قلب پروفیسرزبیر اکرم کا کہنا ہے کہ انضمام الحق کوہدایات اورادویات تجویزکر دی ہیں۔

    گذشتہ روز دل میں تکلیف کے باعث سابق کرکٹر انضمام الحق کو نجی اسپتال میں داخل کیا گیا جہاں ضروری ٹیسٹوں کے بعد ماہرامراض دل پروفیسر زبیرا کرم نے انضمام الحق کی انجیوپلاسٹی کی۔

    پروفیسرزبیراکرم کا کہنا تھا کہ شریان میں تنگی کےباعث ایک اسٹنٹ ڈالاگیا تھا۔

    دوسری جانب سابق ٹیسٹ کرکٹرمشتاق احمد نے اپنے پیغام میں کہا ہے کہ انضمام الحق کا علاج بہترین ہورہاہے،اللہ کے کرم سے وہ مکمل صحتیاب ہوکر گھر منتقل ہوگئے، انضمام الحق کے مداحوں اورعالمی کرکٹرز کی دعاؤں پرشکرگزارہیں۔

    خیال رہے کہ سابق کپتان پاکستان کرکٹ ٹیم انضمام الحق قومی کرکٹ ٹیم کے چیف سلیکٹر بھی رہ چکے ہیں، سن 1992 کے ورلڈکپ میں سیمی فائنل کے ہیرو انضمام الحق نے 120 ٹیسٹوں میں پاکستان کی نمائندگی کرتے ہوئے 8830 رنز بنارکھے ہیں، ان کا ٹیسٹ میں انفرادی اسکور 329 رنز ہےجبکہ وہ پاکستان کے لئے 25 ٹیسٹ سینچریاں اور 46 نصف سینچریاں بناچکے ہیں۔

    ایک روزہ میچز میں انضمام الحق نے پاکستان کی جانب سے 378 میچز کھیل کر 11739 رنز اسکور کئے، انہوں نے 10 سینچریاں اور 83 نصف سینچریاں بنارکھی ہیں۔

  • سابق کرکٹرانضمام الحق عارضہ قلب میں مبتلا

    سابق کرکٹرانضمام الحق عارضہ قلب میں مبتلا

    لاہور: قومی ٹیم کے سابق کپتان اور مایہ ناز بلے باز انضمام الحق عارضہ قلب میں مبتلا ہوگئے ہیں۔

    ذرائع کے مطابق دل میں تکلیف کے باعث سابق کرکٹر انضمام الحق کو نجی اسپتال میں داخل کیا گیا جہاں ضروری ٹیسٹوں کے بعد ماہرامراض دل پروفیسر زبیرا کرم نےانضمام الحق کی انجیوپلاسٹی کی۔

    ذرائع کے مطابق انضمام الحق کو اسٹنٹ ڈالا گیا ہے، تاہم کھلاڑی کی طبیعت قدرے بہتر بتائی جاتی ہے۔

    واضح رہے کہ سابق کپتان پاکستان کرکٹ ٹیم انضمام الحق قومی کرکٹ ٹیم کے چیف سلیکٹر بھی رہ چکے ہیں۔

    یہ بھی پڑھیں: پی سی بی کی آفر ہوئی؟ انضمام الحق نے حقیقت بتا دی

    انیس سو بانوے کے ورلڈکپ میں سیمی فائنل کے ہیرو انضمام الحق نے 120 ٹیسٹوں میں پاکستان کی نمائندگی کرتے ہوئے 8830 رنز بنارکھے ہیں، ان کا ٹیسٹ میں انفرادی اسکور 329 رنز ہےجبکہ وہ پاکستان کے لئے 25 ٹیسٹ سینچریاں اور 46 نصف سینچریاں بناچکے ہیں۔

    ایک روزہ میچز میں انضمام الحق نے پاکستان کی جانب سے 378 میچز کھیل کر 11739 رنز اسکور کئے، انہوں نے 10 سینچریاں اور 83 نصف سینچریاں بنارکھی ہیں۔

  • نئے سال کا شیڈول، انضمام کی اہم تجویز سامنے آ گئی

    نئے سال کا شیڈول، انضمام کی اہم تجویز سامنے آ گئی

    لاہور: پاکستان کرکٹ ٹیم کے سابق کپتان انضمام الحق نے ایک طرف 2021 کے پاکستانی شیڈول پر تنقید کی ہے تو دوسری طرف ایک اہم تجویز بھی دے دی ہے، جس پر اگر عمل ہو تو نہ صرف ٹیم کے لیے بلکہ کرکٹ کے شائقین کے لیے خوش آئند ثابت ہوگی۔

    اپنے یو ٹیوٹ چینل پر لیجنڈ بیٹسمین انضمام الحق نے نئے سال کے لیے پاکستانی شیڈول پر تنقید کرتے ہوئے کہا کہ رواں سال جنوبی افریقا نے پاکستان آنا ہے، مختلف ممالک کے خلاف شیڈول سیریز میں 2 ٹیسٹ میچز رکھے گئے ہیں یا محدود اوورز کی ایک سیریز، میں ایسے ٹور کو سیریز نہیں کہتا۔

    ماضی کے شان دار بلے باز کا کہنا تھا کہ ان کا ماننا ہے کہ سیریز میں تینوں فارمیٹ ہوں اور کم سے کم 3 میچز کی سیریز ہو، پاکستان کے شیڈول میں کہیں 3 ٹیسٹ نہیں ہیں، یہ اچھی بات نہیں۔

    انضمام الحق نے یاد دلایا کہ 1992 ورلڈ کپ کے بعد ہم نے انگلینڈ کا 136 دن کا دورہ کیا تھا، 5 ون ڈے، 5 ٹیسٹ اور انگلینڈ میں 13 کاؤنٹی میچز کھیلے گئے تھے، اس کے علاوہ پریکٹس میچز، ون ڈے اور 2 روزہ میچز بھی تھے۔

    ان کا کہنا تھا کہ اتنی مصروفیات میں کھلاڑیوں کو گروم ہونے کا موقع ملا، اس ٹیم میں کئی نئے لڑکے بھی تھے، اس دورے سے وہ سیٹ ہوگئے، لیکن نئے سال میں پاکستانی مصروفیات میں مجھے ایسا نہیں لگتا، اب دیکھیں کہ جنوبی افریقا 2 ٹیسٹ، 3 ٹی 20 میچز کھیلے گا، پھر پاکستان نے جنوبی افریقا کا دورہ کرنا ہے، وہاں بھی محدود اوورز کی سیریز ہوگی۔

    انضمام نے کہا کہ رواں برس ایشیا کپ ہے، پی ایس ایل ہے لیکن پاکستان نے جنوبی افریقا جانا ہے، انگلینڈ نے یہاں آنا ہے، پھر ویسٹ انڈیز سے سیریز ہے، نیوزی لینڈ نے پاکستان آنا ہے، پاکستان نے بنگلہ دیش جانا ہے، ورلڈ ٹی 20 بھی ہے لیکن کسی باہمی سیریز میں تینوں فارمیٹ نہیں ہیں اور یہ اچھی بات نہیں ہے۔

    انضمام نے تجویز دی کہ اگرچہ کرونا کی وجہ سے کافی مسائل ہیں لیکن میں پھر بھی تجویز دوں گا کہ تینوں فارمیٹ کی مکمل سیریز ہوں، ٹیسٹ میچز 3 ہوں تاکہ پلیئرز گروم ہو سکیں۔

  • ’’سرفراز کی ٹیم میں واپسی دو دھاری تلوار ثابت ہوسکتی ہے‘‘

    ’’سرفراز کی ٹیم میں واپسی دو دھاری تلوار ثابت ہوسکتی ہے‘‘

    لاہور: قومی کرکٹ ٹیم کے سابق کپتان انضمام الحق نے کہا ہے کہ سرفراز احمد کی ٹیم میں واپسی دو دھاری تلوار ثابت ہوسکتی ہے۔

    تفصیلات کے مطابق قومی کرکٹ ٹیم کے سابق کپتان انضمام الحق نے اپنے یو ٹیوب چینل پر گفتگو کرتے ہوئے پاکستانی ٹیم انتظامیہ کو متنبہ کرتے ہوئے بتایا کہ سابق کپتان سرفراز احمد کی ٹیم میں واپسی سے ڈریسنگ روم کے ماحول پر کیا اثرات مرتب ہوسکتے ہیں۔

    انضمام الحق کا کہنا ہے کہ ٹیم انتظامیہ کو ڈریسنگ روم کے ماحول کے بارے میں محتاط رہنا ہوگا، اگر وہ سرفراز احمد کو اعتماد دیتے ہیں تو یہ ٹیم کے لیے فائدہ مند ثابت ہوسکتا ہے، چونکہ بابر اعظم نیا کپتان ہے اور اظہر علی بھی سرفراز جتنے تجربہ کار نہیں ہیں، اگر آپ سرفراز کو اعتماد نہیں دیتے ہیں تو یہ آپ کے ڈریسنگ روم کا ماحول کافی کشیدہ بناسکتا ہے۔

    سابق کپتان نے کہا کہ چونکہ بابر اعظم سرفراز کی کپتانی میں کھیلا ہے لہٰذا اس پر بھی دباؤ پڑسکتا ہے، اسی طرح وہ کھلاڑی جو سرفراز کے ماتحت کھیلیں ہیں وہ بھی دباؤ میں آسکتے ہیں۔

    مزید پڑھیں: سرفراز احمد ٹیم میں واپسی پرخوش، بہترین کارکردگی کیلئے پرعزم

    انضمام الحق کا کہنا تھا کہ پی سی بی کو یا تو سرفراز احمد کو اے کیٹیگری میں شامل کرنا چاہئے تھا یا انہیں سینٹرل کنٹریکٹ میں شامل ہی نہیں کرتے۔

    انہوں نے کہا کہ مجھے سرفراز سے بھی چھوٹی سی شکایت ہے کہ آپ کو اپنی اہلیت کے بارے میں خود ہی سوچنا چاہئے، انضمام الحق نے کہا کہ سرفراز کو سینٹرل کنٹریکٹ سے انکار کردینا چاہئے تھا انہیں پہلے پرفارم کرنا چاہئے تھا اور پھر بورڈ سے ایسا معاہدہ کرنے کا مطالبہ کرنا تھا جو ان کی اہلیت کے مطابق ہو۔

    یاد رہے کہ چند روز قبل پاکستان نے دورہ انگلینڈ کے لیے 29 رکنی اسکواڈ کا اعلان کیا تھا جس میں فواد عالم اور سرفراز احمد کے ساتھ ساتھ نوجوان حیدر علی کو بھی شامل کیا گیا ہے۔

  • انضمام الحق کی بطور چیف سلیکٹرعہدے کی مدت ختم، توسیع نہ لینے کا اعلان

    انضمام الحق کی بطور چیف سلیکٹرعہدے کی مدت ختم، توسیع نہ لینے کا اعلان

    لاہور : قومی کرکٹ ٹیم کے چیف سلیکٹر انضمام الحق کے عہدے کی مدت ختم ہوگئی، چیف سلیکٹر نے کہا ہے کہ مدت میں توسیع کے بجائے نئےشخص کو عہدے پر دیکھنا چاہتا ہوں۔

    تفصیلات کے مطابق پاکستان کرکٹ ٹیم کے چیف سلیکٹر و مایہ ناز بلے باز انضمام الحق کی مدت ذمہ داری ختم ہوگئی، انضمام نے 30جولائی کےبعدمزیدذمہ داریاں نبھانے سے معذرت کرتے ہوئے کہا ہے کہ بورڈسلیکشن کےعلاوہ کسی اورکام کی ہدایت کرےگاتومیں حاضرہوں۔

    اس بات کا اعلان انہوں نے لاہور میں پریس کانفرنس سے خطاب کرتے ہوئے کیا، انضمام الحق نے بتایا ہے کہ چیئرمین پی سی بی سےبات کی تھی عہدے کی مدت میں توسیع نہیں چاہتا، فیصلہ کیاہے کہ نئےلوگوں کونئی سوچ کےساتھ آگےآناچاہیے۔

    ان کا کہنا تھا کہ ورلڈکپ سےسوا3سال پہلےعہدہ قبول کیاتھا، آگےمختلف سیریز ہیں،چیمپئنزٹرافی،ٹی ٹوئنٹی ورلڈکپ بھی ہےلہذا آنےوالےلوگوں کوپوراوقت ملناچاہیے۔

    انضمام کا کہنا تھا کہ نئےلوگوں کوموقع ملناچاہیے،ٹیم کی بہتری کے لیے جوکچھ کرسکتاتھاوہ3ساڑھے3سال میں کیا،پی سی بی کاشکرگزارہوں کہ انہوں نے مجھےفری ہینڈدیا اوراپنی مدت پوری کی۔

    انضمام الحق نے بتایا کہ پلیئنگ الیون میں کپتان اورکوچ کافیصلہ ہوتاہے میرامشورہ ہوتاہے،جبکہ 15لڑکوں کےفیصلوں میں میرافیصلہ اوران کامشورہ ہوتاہے۔

    انہوں نے کہا کہ بورڈسلیکشن کےعلاوہ کسی اورکام کی ہدایت کرےگاتومیں حاضرہوں،بورڈسلیکشن کی ہدایت کرتاہےتومیں معذرت کروں گا،سلیکٹرنہیں بنوں گا،کوئی اورعہدہ لینےکیلئےتیارہوں۔

    چیف سلیکٹر کا کہنا ہے کہ ٹیم مینجمنٹ اورکھلاڑیوں کامشکورہوں،سب نےبھرپورسپورٹ کیا،بورڈسےکسی آفرپرکوئی بات نہیں ہوئی،ان کا کہنا تھا کہ قومی ٹیم کی پرفارمنس اچھی رہی ہے،ورلڈکپ فائنل میں پہنچنےوالی دونوں ٹیموں کوپاکستان نےہرایاتھا اگر قسمت ساتھ دیتی تو ہم یہ ورلڈ جیت سکتے تھے۔

    انضمام الحق نے بتایا کہ شعیب ملک کوپرفارمنس کی بنیادپرمنتخب کیاگیاتھا، امام سےمتعلق مجھ سےسوال کامطلب پوری مینجمنٹ پرسوالیہ نشان ہے بس اتنی کی درخواست ہےکہ کھلاڑی کی کارکردگی پربات کریں ذاتیات پرنہیں۔

  • چیف سلیکٹر انضمام الحق ٹیم کی ناقص کارکردگی پر برہم، تبدیلی کا عندیہ دے دیا

    چیف سلیکٹر انضمام الحق ٹیم کی ناقص کارکردگی پر برہم، تبدیلی کا عندیہ دے دیا

    لاہور: پاکستان کرکٹ ٹیم کے چیف سلیکٹر انضام الحق نے ٹیم میں تبدیلیوں کا عندیہ دے دیا۔

    تفصیلات کے مطابق لاہور کے نجی اسکول میں میڈیا سے گفتگو کرتے ہوئے چیف سلیکٹر نے ٹیم کی ناقص کارکردگی پر شدید برہمی کا اظہار کیا۔

    انضمام الحق کا کہنا تھا کہ صرف کپتان کا قصور نہیں ہے، اگر کوئی ذمہ داری نہیں لے گا، تو  پھر تبدیلی ضرور  ہو گی، چیف سلیکٹر نے اعتراف کیا کہ ٹیم کی کارکردگی ناقص ہے۔

    ایک سوال کے جواب میں‌ انھوں نے کہا کہ امام کو میرے ساتھ جوڑا جاتا ہے، اس لئے زیادہ تنقید ہوتی ہے.

    مزید پڑھیں: پہلی اننگز میں بڑی برتری نہ لینا ٹیم کی ناکامی کی وجہ بنی، سرفراز احمد

    انضمام الحق کا مزید کہنا تھا کہ کوئی کپتان تا حیات نہیں ہوتا، جنوبی افریقا کی سیریز ہمیشہ سے سخت رہی ہے، ہمیں بہت محنت کرنا ہو گی۔

    واضح رہے کہ نیوزی لینڈ کے خلاف ہوم سیریز میں پاکستانی ٹیم نے انتہائی ناقص کارکردگی کا مظاہرہ کیا. تین ٹیسٹ میچز کی سیریز میں پاکستان کو دو ایک کے شسکت ہوئی.

    پہلے اور تیسرے ٹیسٹ میں‌ پاکستان اچھی کارکردگی کے بعد ڈگمگا گئی اور دونوں میچ پاکستان کی شکست پر  ختم ہوئے.