ARYNews.tv | Urdu – Har Lamha Bakhabar

Tag: IOK

  • بھارتی انتخابات کا پانچواں مرحلہ، مقبوضہ کشمیر میں ہڑتال

    بھارتی انتخابات کا پانچواں مرحلہ، مقبوضہ کشمیر میں ہڑتال

    سری نگر: مقبوضہ کشمیر میں بھارت کے جانب سے رچائے جانے والے انتخابی ڈھونگ کے خلاف وادی میں مکمل ہڑتال ہے۔

    تفصیلات کے مطابق بھارتی انتخابات کے پانچویں مرحلے کی ووٹنگ 7 ریاستوں کے 51 حلقوں میں ہو رہ ہے جبکہ مقبوضہ کشمیر میں انتخابی ڈرامے کے خلاف بائیکاٹ کا اعلان کیا گیا ہے۔

    کشمیری میڈیا کے مطابق کل جماعتی حریت کانفرنس کے چیئرمین سید علی گیلانی نے کشمیری عوام سے ہڑتال اور بائیکاٹ کی اپیل کی ہے۔

    اس سے قبل بھی کشمیری عوام نے تمام انتخابی مراحل کا بائیکاٹ کیا تھا۔

    خیال رہے کہ 11 اپریل سے شروع ہونے والے بھارت کے 17ویں عام انتخابات 7 مراحل میں ہو رہے ہیں جو 19 مئی تک جاری رہیں گے جبکہ 23 مئی کو نتائج کا اعلان کیا جائے گا۔

    بھارتی انتخابات میں مجموعی طور پر 89 کروڑ 89 لاکھ ووٹرز اپنا حق رائے دہی استعمال کریں گے۔

    انتخابات میں حکمران جماعت بی جے پی اور کانگریس کے درمیان ہی اصل مقابلہ ہے تاہم متعدد دیگر جماعتیں بھی انتخابی عمل کا حصہ ہیں۔

  • مقبوضہ کشمیر میں بھارتی فوج کی فائرنگ سے 2 کشمیری نوجوان شہید

    مقبوضہ کشمیر میں بھارتی فوج کی فائرنگ سے 2 کشمیری نوجوان شہید

    سری نگر: قابض بھارتی فورسز نے مقبوضہ کشمیر کے علاقے اننت ناگ میں فائرنگ کرکے 2 کشمیری نوجوانوں کو شہید کردیا۔

    تفصیلات کے مطابق قابض بھارتی فورسز نے مقبوضہ کشمیر میں ظلم و بربریت جاری رکھتے ہوئے اننت ناگ میں نام نہاد سرچ آپریشن کے دوران 2 کشمیری نوجوانوں کو فائرنگ کرکے شہید کردیا۔

    کشمیری میڈیا کا کہنا ہے کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں غیراعلانیہ کرفیو نافذ کردیا گیا ہے، جبکہ انٹرنیٹ اور موبائل فون سروس بھی بند کردی گئی ہے۔

    کشمیری میڈیا کے مطابق بھارتی فورسزنے تلاشی کے بہانے خواتین، بچوں کوگھروں سے نکال دیا۔

    مقبوضہ کشمیر میں بھارتی مظالم، استاد سمیت7 نوجوان شہید

    بھارتی فورسز نے گزشتہ ماہ مقبوضہ کشمیر کے علاقے باندی پورہ اورشوپیاں میں نام نہاد سرچ آپریشن کے دوران 7 کشمیری نوجوانوں کوشہید کردیا تھا۔

    واضح رہے کہ مقبوضہ کشمیر میں بھارتی فوج آزادی کی آواز کو دبانے کے لیے مختلف ہتھکنڈے استعمال کررہی ہے اور اب تک ہزاروں کشمیری شہید اور زخمی ہوچکے ہیں۔

  • مقبوضہ کشمیر‘بھارتی فوجیوں کا متعدد افراد پرتشدد اوردکانوں کی لوٹ مار

    مقبوضہ کشمیر‘بھارتی فوجیوں کا متعدد افراد پرتشدد اوردکانوں کی لوٹ مار

    سرینگر:مقبوضہ کشمیرمیں بھارتی فوجیوں نے اسلام آباد قصبے میں تلاشی اور محاصرے کی ایک کارروائی کے دوران متعدد افراد کو تشدد کا نشانہ بنایا اور دکانوں سے لوٹ مار بھی کی، وادی میں بھارتی افواج نے ظلم کا بازار گرم کرکے رکھا ہوا ہے ۔

    شمیرمیڈیاسروس کے مطابق فوجیوں نے بلا اشتعال طورپرشیر پورہ میں راہگیروں کو تشدد کا نشانہ بنایا اور دکانوں میں لوٹ کی ۔ فوجیوں کے تشدد سے ایک مقامی شہری عامر گنائی زخمی ہو گیا۔

    ادھر بھارتی فوجیوں نے کولگام ، پلوامہ اور شوپیاں کے اضلاع میں تلاشی اور محاصرے کی کارروائیاں شروع کیں۔ فوجیوں نے کولگام کے علاقے بوگام میں تلاشی کی پر تشدد کارروائی شروع کی اور علاقے کے تمام داخلی اور خارجی مقامات کی ناکہ بندی کر دی جبکہ ضلع کشتواڑ کے مختلف علاقوںمیں مسلسل چھٹے روز بھی تلاشی کی کارروائی جاری رہی ۔

    تاہم ضلع کے مختلف علاقوںمیں نافذ کرفیو میں ایک گھنٹے کی نرمی کی گئی ۔ادھر بھارتی تحقیقاتی ادارے این آئی اے نے ضلع پلوامہ کے علاقے رتنی پورہ میں چھاپہ مار کرایک عام شہری ارشاد احمد کو گرفتارکرلیا۔

    یاد رہے کہ دو روز قبل بھی مقبوضہ وادی میں بھارتی فورسز کی نہتے کشمیریوں پر ظلم و بربریت کا نہ تھمنے والا سلسلہ جاری ہے۔ شوپیاں میں نام نہاد سرچ آپریشن کے دوران دو کشمیریوں کو شہید کردیا گیا تھا۔

    دوسری جانب حریت قیادت نے کشمیر میں بڑھتے ہوئے مظالم پر تشویش کا اظہار کیا تھا۔ میر واعظ عمر فاروق کی جانب سے عدالت میں درخواست دائر کی گئی تھی کہ کٹھ پتلی انتظامیہ کو ظلم سے روکا جاسکے۔

    مقبوضہ کشمیر کے مختلف علاقوں میں کٹھ پتلی انتظامیہ نے بھارتی مظالم پر پردہ ڈالنے کے لیے انٹرنیٹ، موبائل فون سروس بند کردی جبکہ صحافیوں کو بھی متاثرہ علاقوں تک رسائی نہیں دی جارہی ہے۔

  • مقبوضہ کشمیر میں بھارتی فورسز کی فائرنگ سے 2 کشمیری شہید

    مقبوضہ کشمیر میں بھارتی فورسز کی فائرنگ سے 2 کشمیری شہید

    سری نگر : قابض بھارتی فورسز نے مقبوضہ کشمیر کےعلاقے شوپیاں میں فائرنگ کرکے 2 کشمیری جوانوں کو شہید کردیا۔

    تفصیلات کے مطابق مقبوضہ کشمیر کے علاقے شوپیاں میں بھارتی فورسز نے ریاستی دہشت گردی کا مظاہرہ کرتے ہوئے سرچ آپریشن کے دوران دو کشمیریوں کو شہید کردیا۔

    ذرائع کا کہنا ہے کہ بھارتی فورسز نے مقبوضہ وادی میں ظلم و بربریت کا بازار گرم کرتے ہوئے شوپیاں کا محاصرہ کرلیا اور گھر گھر تلاشی کے دوران متعدد کشمیریوں کو گرفتار کرلیا۔

    کشمیر میڈیا سروس کا کہنا ہے کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں انٹرنیٹ اور موبائل فون سروس بھی بند کردی گئی ہے۔

    مزید پڑھیں : مقبوضہ کشمیر: بھارتی فوجی کمانڈر کی کشمیری ماؤں کو دھمکی

    برطانوی خبررساں ادارے کی رپورٹ کے مطابق بھارتی فوج کی 15ویں کور کے کمانڈر لیفٹیننٹ جنرل کے ایس ڈھلوں نے 19 فروری کو پریس کانفرنس کرتے ہوئے کشمیری ماؤں کو دھمکی دی تھی کہ اگر اُن کے بچوں نے بھارتی فوج کے آگے سرینڈر نہ کیا تو انہیں مار دیا جائے گا۔

    لیفٹیننٹ جنرل کے ایس ڈھلوں کا کہنا تھا کہ پلوامہ حملے کی منصوبہ بندی کرنے والوں کو آپریشن کر کے مارا جاچکا ہے۔

    مزید پڑھیں : مقبوضہ کشمیرمیں بھارتی فوج کی فائرنگ‘ 4 کشمیری شہید

    واضح رہے کہ تین روز قبل قابض بھارتی فورسز نے مقبوضہ کشمیر کے علاقے پلواما میں فائرنگ کرکے 4 کشمیریوں کو شہید کردیا تھا۔

  • بھارت مقبوضہ کشمیرمیں انسانی حقوق کی خلاف ورزیوں میں ملوث ہے‘ شاہ محمود قریشی

    بھارت مقبوضہ کشمیرمیں انسانی حقوق کی خلاف ورزیوں میں ملوث ہے‘ شاہ محمود قریشی

    اسلام آباد: وزیرخارجہ شاہ محمود قریشی کا کہنا ہے کہ بھارتی شہریوں کی اکثریت کو یقین ہے کہ وہ جذباتی طور پرکشمیر کو کھوچکے ہیں۔

    تفصیلات کے مطابق وزیرخارجہ شاہ محمود قریشی نے ریڈیو پاکستان سے گفتگو کرتے ہوئے کہا کہ قابض بھارتی فورسز مقبوضہ کشمیر میں انسانی حقوق کی سنگین خلاف ورزیوں میں ملوث ہیں۔

    وزیر خارجہ کا کہنا تھا کہ بھارتی شہریوں کی اکثریت کو یقین ہے کہ وہ جذباتی طور پرکشمیر کو کھوچکے ہیں۔

    شاہ محمود قریشی کا مزید کہنا تھا کہ بھارتی سیاست دان انتخابات میں پاکستان مخالف کارڈ استعمال کرتے ہیں جو غیراخلاقی اور ناقابل قبول ہے۔

    بھارت میں انسانی حقوق کی پامالیاں شام سے بھی بڑا المیہ ہیں، تھنک ٹینک رپورٹ

    یاد رہے کہ رواں ماہ معروف عالمی تھنک ٹینک یورایشیا نے بھارت میں اقلیتوں پرانسانیت سوز مظالم کے حوالے سے اپنی رپورٹ میں تہلکہ خیز انکشافات کرتے ہوئے بھارت میں انسانی حقوق کی پامالیوں کو شام سے بھی بڑا المیہ قرار دیا تھا۔

    رپورٹ میں یورایشیا کی جانب سے مودی سرکار اور بی جے پی کے عسکری ونگ آر ایس ایس پر کڑی تنقید کی گئی تھی، یورایشیا کی رپورٹ میں کہا گیا تھا کہ مقبوضہ کشمیر میں انسانی حقوق کی پامالی پر عالمی برادری اور انسانی حقوق کی تنظیمیں آواز بلند کریں۔

  • بھارتی فوج کی فائرنگ سے 8 کشمیری نوجوان شہید، درجنوں زخمی

    بھارتی فوج کی فائرنگ سے 8 کشمیری نوجوان شہید، درجنوں زخمی

    سری نگر : بھارتی افواج نے کشمیر میں ریاستی دہشت گردی کا مظاہرہ کرتے ہوئے کشمیر کے ضلع کلگام میں مزید آٹھ کشمیریوں کو شہید کردیا، 4 روز میں شہادتوں کی تعداد 18 ہوگئی۔

    تفصیلات کے مطابق مقبوضہ کشمیر میں بھارت کی درندہ صفت فوج کے کشمیریوں پر انسانیت سوز مظالم تھمنے کا نام ہی نہیں لے رہے کشمیری خواتین و مردوں پر بھارتی فورسز کے بہیمانہ سلوک نے بھارت کا بدنما چہرہ دنیا کے سامنے عیاں کردیا۔

    کشمیری خبر رساں ادارے کا کہنا تھا کہ بھارتی فورسز کے ظلم و بربریت کے نتیجے میں وادی کشمیر میں 4 روز دوران 5 ماہ حاملہ خاتون سمیت 18 کشمیری شہری شہید ہوچکے ہیں۔

    مقامی خبر رساں اداروں کا کہنا تھا کہ وادی کشمیر پر قابض بھارتی فوجیوں نے ضلع کلگام کے علاقے لارو میں چادر اور چار دیواری کے تقدس کو روندتے ہوئے گھر گھر نام نہاد سرچ آپریشن کیا اور نہتے شہریوں کو زدکوب کرتے رہے۔

    خبر رساں اداروں نے بتایا کہ ظالم بھارتی فورس نے سرچ آپریشن کے دوران تین نوجوانوں کو دہشت گرد قرار دیتے ہوئے بے دردی سے شہید کردیا۔

    کشمیری میڈیا کا کہنا تھا کہ دہشت گرد بھارتی فوج کے ہاھتوں نوجوانوں کی بہیمانہ شہادت پر کشمیریوں نے شدید احتجاج کیا۔

    کشمیری خبر رساں ایجنسی کے مطابق بھارتی فورسز کی ریاستی دہشت گردی کے خلاف احتجاج کرنے والے مظاہرین پر فورسز نے بے دریغ گولیاں برسا دیں جس کے نتیجے میں عبید نامی نوجوان شہید جبکہ درجنوں افراد زخمی ہوگئے۔

    کشمیر میڈیا سروس کا کہنا ہے کہ بھارتی فورسز کی فائرنگ سے زخمی ہونے افراد میں 5 کی حالت تشویش ناک ہے جنہیں سری نگر اسپتال منتقل کردیا گیا ہے.

    کشمیری انتظامیہ نے واقعے کے بعد وادی میں انٹرنیٹ اور موبائل فون سروس بند کردی ہے۔

    مزید پڑھیں :کشمیر: بھارتی فورسز کی اندھا دھند فائرنگ سے حاملہ خاتون شہید

    یاد رہے کہ گذشتہ روز مقبوضہ کشمیر کے ضلع پلوامہ میں کچھ نامعلوم افراد نے بھارتی فورسز کے کیمپ پر دستی بم حملہ کیا تھا جس پر رد عمل دیتے ہوئے فورسز نے نہتے کشمیروں پر اندھادھند فائرنگ کی جس کی زد میں آکر فرودسہ اختر نامی حاملہ خاتون شہید ہوگئی تھی۔

  • میر واعظ عمر فاروق کا آرمڈ فورسز اسپیشل پاورز ایکٹ کی فوری منسوخی کا مطالبہ

    میر واعظ عمر فاروق کا آرمڈ فورسز اسپیشل پاورز ایکٹ کی فوری منسوخی کا مطالبہ

    سری نگر : حریت کانفرنس کے چیئر مین میر واعظ عمر فاروق نے بھارت سے مقبوضہ علاقے میں رائج کالے قانون آرمڈ فورسز اسپیشل پاورز ایکٹ کی فوری منسوخی کا مطالبہ کردیا۔

    تفصیلات کے مطابق حریت کانفرنس کے چیئر مین میر واعظ عمر فاروق نے انسانی حقوق پامالی کے واقعات پر برہمی کا اظہار کرتے ہوئے بھارت سے مقبوضہ علاقے میں رائج کالے قانون آرمڈ فورسز اسپیشل پاورز ایکٹ کی فوری منسوخی کا مطالبہ کردیا اور کہا کہ بھارتی فورسز اس قانون کے زریعے نہتے کشمیریوں کی زندگیوں سے کھیل رہی ہے۔

    میر واعظ عمر فاروق نے اپنے ایک بیان میں کہا کہ پچھلے 30 سالوں سے بھارتی فورسز کی جانب سے اس کالے اور ظالمانہ قانون افسپا کے ذریعے نہتے کشمیریوں کی زندگیوں کے ساتھ کھلواڑ کیا جارہا ہے۔

    ان کا کہنا تھا کہ ہم طویل عرصے سے اس آرمڈ فورسز اسپیشل پاورز ایکٹ کی منسوخی کا مطالبہ کر رہے ہیں۔

    میر واعظ نے ایک بار پھر اس کالے قانون کی منسوخی کا مطالبہ کرتے ہوئے کہا کہ اگربھارت شمال مشرقی ریاستوں سے اس قانون کو منسوخ کر سکتا ہے تو جموں وکشمیر سے بھی فوری طور پر منسوخ کیا جانا چاہیے، جہاں 8لاکھ سے زائد بھارتی فوجیوں کو افسپا کے ذریعے نہتے کشمیریوں کے قتل کی کھلی چھوٹ حاصل ہے۔

    دوسری جانب میڈیا رپورٹس میں بھارتی وزارت داخلہ کے حوالے سے کہا گیا ہے کہ میگھالیہ اوراروناچل پردیش میں آرمڈ فورسز اسپیشل پاورز ایکٹ کو منسوخ کر دیاگیا ہے ۔

    سیاسی تجزیہ کاروں کا کہنا ہے کہ اس اقدام سے جموں وکشمیر کے متنازعہ علاقے کے ساتھ بھارت کا امتیازی سلوک ظاہر ہوتا ہے جہاں اس قانون کے تحت بے گناہ کشمیریوں کو مسلسل نشانہ بنایا جارہا ہے۔

    یاد رہے انسانی حقوق کی تنظیم ہیومن رائٹس واچ اور کئی دیگر تنظیمیں کشمیر میں نافذ کالے قانون آرمڈ فورسز سپیشل پاورز ایکٹ کو دنیا کا بدترین قانون قراردے چکی ہیں۔

    خیال رہے کہ 1990ء میں پوری وادٔ کشمیر اور جموں ریجن کو شورش زدہ قرار دیا گیا تھا، جس کے بعد متنازعہ قانون آرمڈ فورسز اسپیشل پاورز ایکٹ کو لاگو کردیا گیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • بھارت مقبوضہ کشمیر میں انسانی حقوق کی پامالی کررہا ہے، ایمنسٹی

    بھارت مقبوضہ کشمیر میں انسانی حقوق کی پامالی کررہا ہے، ایمنسٹی

    نیویارک: عالمی شہرت یافتہ انسانی حقوق کی تنظیم نے انکشاف کیا ہے کہ بھارت مقبوضہ کشمیر میں کھلے عام انسانی حقوق کی خلاف ورزی کررہاہے اورآج تک کسی بھی فوجی کو انسانی حقوق کی خلاف ورزی پر سزا تو درکنار عدالت میں بھی طلب نہیں کیا گیا۔

    انسانی حقوق کی عالمی تنظیم ایمنسٹی انٹرنیشنل نے بھارت سے مطالبہ کیا ہے کہ مقبوضہ کشمیرمیں انسانی حقوق کی پامالیوں کا نوٹس لے اورظالمانہ کارروائیوں کے لئے بنائے گئے ظالمانہ قوانین ختم کرے۔

    تازہ رپورٹ میں ایمنسٹی انٹرنیشنل نے انسانی حقوق کی مبینہ خلاف ورزیوں کے واقعات کی آزادانہ اورغیر جانبدارانہ تحقیقات پربھی زوردیا ہے۔

    مقبوضہ کشمیر میں ایفسپا کے نام سے انیس سو نوے میں علیحدگی پسند گروپوں کی سرگرمیوں کو کچلنے کے لیے لاگو کیا گیا تھاجومقامی افراد اورحکومت کے درمیان مزید دوریاں پیدا کرنے کا باعث بنا ہے۔

    ایمنسٹی کا کہنا ہے کہ ان وسیع اختیارات کی وجہ سے اس غیر مستحکم خطے میں تشدد اور انسانی حقوق کی خلاف ورزیوں میں اضافہ ہوا ہے۔

    ایمنسٹی کے گلوبل ڈائریکٹر مِنرپِمپل کا کہنا ہے کہ فوجیوں کی جوابدہی نہ ہونے کی وجہ سے زیادہ سنگین واقعات رونما ہوئے ہیں۔

    ایمنسٹی انٹرنیشنل کی اس رپورٹ نے سوشل میڈیا پر بھی ایک کہرام برپا ہوگیا اور بھارتی بربریت کے حوالےسے ٹرینڈ اس وقت پاکستان میں سرفہرست ہے۔

    trend

    #AmnestyScreamsOnKashmir