Tag: IPAD

کچن میں کسی غلطی کی وجہ سے کھانا برباد ہوتے تو آپ نے سنا ہوگا لیکن کیا یہ بھی سنا ہے کہ کسی خاتون نے کیک کی جگہ ایپل آئی پیڈ ہی کو مائیکرو اوون میں رکھ کر ’پکا‘ دیا ہو۔

ایسا ہی ایک حیرت انگیز واقعہ اس وقت پیش آیا جب ایک خاتون نے کچن میں کام کرتے وقت غلطی سے اپنا مہنگا آئی پیڈ ہی اٹھا کر اوون میں پکنے کے لیے رکھ دیا اور بڑا نقصان کر دیا۔

سوشل نیوز ایگریگیٹر ریڈٹ پر ایک پوسٹ وائرل ہوئی ہے، جس میں صارف نے بتایا کہ ان کی والدہ نے غلطی سے آئی پیڈ اوون میں بیک کر دیا ہے۔ خاتون نے آئی پیڈ اس قدر بیک کیا کہ وہ دوبارہ ٹھیک ہونے کے قابل ہی نہیں رہا۔

اس وائرل پوسٹ پر دیگر صارفین نے دل چسپ تبصرے بھی کیے اور بعض نے اہم مشورے بھی دیے، ایک صارف نے لکھا ’ابھی تک آئی پیڈ کچا لگ رہا ہے، اوون میں مزید 20 منٹ تک پکائیں۔‘ ایک صارف نے لکھا ’مزے دار ایپل پائی۔‘‘

ایک اور صارف نے لکھا ’آپ کی والدہ خوش قسمت ہیں کہ بیٹری پھٹی نہیں یا کوئی اور ایسا واقعہ نہیں ہوا۔‘ ایک اور صارف نے لکھا ’امید ہے آپ کی والدہ ٹھیک ہیں، کوشش کریں کہ اوون کو صاف کریں اور سینیٹائز کریں تاکہ اوون میں کوئی کیمیکل نہ رہ جائے۔‘

My mom accidentally baked her iPad in the oven
byu/mrcalmcarrot inmildlyinteresting