ARYNews.tv | Urdu – Har Lamha Bakhabar

Tag: ipl

  • آسٹریلوی اخبار نے آئی پی ایل کھلاڑیوں کی سیکیورٹی پر سوالات اٹھادیے

    آسٹریلوی اخبار نے آئی پی ایل کھلاڑیوں کی سیکیورٹی پر سوالات اٹھادیے

    آسٹریلوی اخبار سڈنی مارننگ ہیرالڈ نے آئی پی ایل کھلاڑیوں کی سیکیورٹی پر سوالات اٹھادیے۔

    آسٹریلوی اخبار نے دعویٰ کیا ہے کہ آئی پی ایل شروع ہوا تو آسٹریلوی کھلاڑی بھارت جانے سے انکار کر سکتے ہیں اور میچز کا انعقادجنوبی بھارت میں ہوا تو بھارت جانے پر غور کیا جاسکتا ہے۔

    آسٹریلوی میڈیا کا کہنا ہے کہ دھرم شالا میں سیکیورٹی خدشات کے باعث میچ کو روکا گیا، دھرم شالا میں کھلاڑیوں کی سیکیورٹی کو خطرہ تھا۔

    بھارت پر خوف طاری، آئی پی ایل میچ کے وینیو تبدیل

    واضح رہے کہ بھارت کی جانب سے پاکستان پر حملوں کے بعد پاک فوج کی جوابی کارروائیوں کے باعث بھارت نے انڈین پریمیئر لیگ (آئی پی ایل) ہی معطل کر دیا تھا تاہم اب جنگ بندی کے بعد بھارت بورڈ آئی پی ایل پر نظر ثانی کررہی ہے۔

    بھارتی میڈیا نے آئی پی ایل معطل سے متعلق کہا تھا کہ بھارتی بورڈ اور آئی پی ایل مینجمنٹ کا ہنگامی اجلاس ہوا جس میں مختلف تجاویز پر غور کرنے کے بعد آئی پی ایل کو معطل کرنے کا فیصلہ کیا گیا ہے۔

  • آئی پی ایل کے مہنگے ترین کرکٹر کی بدترین کارکردگی، 11 میچز میں کتنے رنز بنائے؟

    آئی پی ایل کے مہنگے ترین کرکٹر کی بدترین کارکردگی، 11 میچز میں کتنے رنز بنائے؟

    انڈین پریمئیر لیگ (آئی پی ایل) کے مہنگے ترین کرکٹر رشبھ پنت ایونٹ میں سب سے زیادہ معاوضہ وصول کرنے کے باوجود بدترین کارکردگی کا مظاہرہ کررہے ہیں۔

    لکھنوں سپر جائنٹس نے ان کی خدمات ریکارڈ 27 کروڑ بھارتی روپے میں حاصل کی تھیں، جبکہ کرکٹر نے اب تک 11 میچز میں صرف 128 رنز بنائے ہیں، جس میں ایک ففٹی شامل ہے، وہ 3 بار ہی ڈبل فیگر میں جاسکے۔

    رشبھ پنت نے رواں سیزن میں یہ رنز 12.80 کی اوسط اور 99.22 کے اسٹرائیک ریٹ سے بنائے۔ پنت کو امباتی رائیڈو نے اپنی اپروچ تبدیل کرنے کا مشورہ دیا ہے۔

    انہوں نے کہا کہ مجھے پنت سے ہمدردی ہے مگر وہ بھی مسلسل ناکامی کے باوجود اپنے کھیلنے کے انداز میں تبدیلی نہیں لا رہے، انہیں اپنا مائنڈ سیٹ تبدیل کرنے کی ضرورت ہے۔

    واضح رہے کہ آئی پی ایل لیگ میں موجود کھلاڑیوں میں عدم برداشت کا عنصر تیزی سے پروان چڑھ رہا ہے، اس وجہ سے بھارتی اسٹیڈیمز کھیلوں کے میدان کم اور اکھاڑے زیادہ لگنے لگے ہیں۔

    تازہ واقعے میں آئی پی ایل کے ایک میچ کے دوران کولکتہ نائٹ رائیڈرز کے بیٹر رنکو سنگھ کو دہلی کیپیٹلز کے کلدیپ یادیو نے میدان میں تھپڑ دے مارا۔

    بھارتی کرکٹر کلدیپ یادیو کی اپنے ساتھی کرکٹر رنکو سنگھ کو میچ کے اختتام پر طمانچہ مارنے کی ویڈیو سوشل میڈیا پلیٹ فارمز پر وائرل ہورہی ہے۔

    میچ کے دوران دونوں کرکٹرز میں جھگڑا شروع ہوا تھا تاہم میدان میں کھلاڑیوں نے بیچ بچاؤ کرتے ہوئے جھگڑا ختم کروادیا تھا جبکہ واقعہ میچ ریفری کو رپورٹ کردیا گیا۔

    بھارتی کرکٹر نے لگاتار 6 بالز پر چھکے جڑ دیے

    واضح رہے کہ آئی پی ایل 2008 کے پہلے سیزن میں سابق بھارتی اسپنر ہربھجن سنگھ نے اپنی ہی ٹیم کے کھلاڑی سری سانتھ کو زور دار تھپڑ جڑ دیا تھا۔

  • کوہلی نے ایک اور تاریخی ریکارڈ اپنے نام کر لیا

    کوہلی نے ایک اور تاریخی ریکارڈ اپنے نام کر لیا

    بھارتی کرکٹ ٹیم کے سابق کپتان ویرات کوہلی نے ڈیوڈ وارنر کا ریکارڈ توڑ کر آئی پی ایل میں نئی تاریخ رقم کر دی۔

    رائل چیلنجرز بینگلورو (آر سی بی) کے جارح مزاج بلے باز ویرات کوہلی نے آئی پی ایل 2025ء کے ایک اہم مقابلے میں پنجاب کنگز کے خلاف بہترین کھیل پیش کرتے ہوئے ایک نیا اور تاریخی ریکارڈ اپنے نام کر لیا۔

    کوہلی نے میچ میں ناقابلِ شکست 73 رنز 54 گیندوں پر بنائے اور اپنی ٹیم کی جیت میں بنیادی کردارادا کیا۔

    کوہلی نے آئی پی ایل میں 59 ویں نصف سنچری اسکور کی اور مجموعی طور پر یہ ان کی 67 ویں ففٹی یا اس سے زیادہ رنز کی اننگز تھی۔

    کوہلی اس کارکردگی کے بعد ڈیوڈ وارنر کو پیچھے چھوڑتے ہوئے آئی پی ایل کی تاریخ میں سب سے زیادہ 50 پلس اسکور بنانے والے کھلاڑی بن گئے، ان کے ریکارڈ میں اب 59 ففٹیز اور 8 سنچریاں شامل ہیں۔

    پنجاب کنگز نے 158 رنز کا ہدف دیا تھا، جس کا تعاقب کرتے ہوئے کوہلی اور دیودت پڈیگل نے شاندار بیٹنگ کی، دونوں نے پہلی وکٹ کی شراکت میں 103 رنز بنائے، جس نے آر سی بی کی جیت کی بنیاد رکھ دی، پڈیگل نے 35 گیندوں پر 61 رنز کی جارحانہ اننگز کھیلی۔

    واضح رہے اس سے قبل آئی پی ایل میں رائل چیلنجرز بنگلورو کو پنجاب کنگز کے ہاتھوں عبرتناک شکست کا سامنا کرنا پڑا تھا، اس میچ کو 14، 14 اوورز تک محدود کیا گیا تھا آر سی بی کی ٹیم پہلے کھیلتے ہوئے 9 وکٹوں پر صرف 95 رنز بنا سکی، کوہلی اور دیگر بیٹرز جادو جگانے میں ناکام رہے تھے۔

    اسلام آباد یونائیٹڈ نے کراچی کنگز کو زیر کر دیا

    ہدف کے تعاقب میں پنجاب کنگز نے 13ویں اوور کی پہلی بال پر 5 وکٹوں کے نقصان پر 98 رنز بناکر آر سی بی کے خلاف میچ باآسانی جیت لیا تھا۔

  • جیمز ونس نے انگلینڈ کرکٹ بورڈ کی این او سی پالیسی پر سوال اٹھا دیا

    جیمز ونس نے انگلینڈ کرکٹ بورڈ کی این او سی پالیسی پر سوال اٹھا دیا

    انگلش کرکٹر جیمز ونس نے کرکٹ بورڈ کی این او سی پالیسی پر سوال اٹھا دیا ہے۔

    انگلش کرکٹر جیمز ونس کا کہنا ہے کہ پی ایس ایل مختصر لیگ ہے اس میں کھیل کر انگلینڈ کی کرکٹ متاثر نہیں ہوگی، آئی پی ایل کی اجازت کیوں ہے اور پی ایس ایل کی کیوں نہیں۔

    انگلش کرکٹ بورڈ کی این او سی پالیسی آئی پی ایل کھیلنے کی اجازت دیتی ہے لیکن غیرملکی لیگز میں شرکت سے روکتی ہے۔

    کراچی کنگز کی جانب سے پی ایس 10 کے لیے جیمز ونس کو برقرار رکھا گیا ہے جس کے بعد ونس نے ای سی بی کی پالیسی میں دوہرے معیارات پر روشنی ڈالی ہے۔

    انہوں نے کہا کہ پی ایس ایل مختصر لیگ ہے لہٰذا اگر آپ یہ لیگ کھیلنے جارہے ہیں تو شاید آپ آئی پی ایل کے مقابلے میں کم ڈومیسٹک کرکٹ سے محروم ہوں گے۔

    ونس نے کہا کہ میرا اندازہ ہے کہ ای سی بی، پی سی بی اور بی سی سی آئی کے درمیان تعلقات سے کچھ لینا دینا ہوگا۔

    واضح رہے کہ جیمز ونس نے گزشتہ سال ریڈ بال کرکٹ چھوڑنے اور 2025 کے سیزن کے لیے خصوصی طور پر وائٹ بال کرکٹ پر توجہ مرکوز کرنے کے لیے ہمپشائر کے کلب کی کپتانی چھوڑنے کا اعلان کیا تھا جس کے بعد وہ پی ایس ایل میں شرکت کرسکیں گے۔

    انہوں نے کہا کہ ای سی بی کی پالیسی نے کھلاڑیوں کے لیے مشکلات بڑھا دی ہیں۔

  • دھونی نے ریٹائرمنٹ سے متعلق خاموشی توڑ دی

    دھونی نے ریٹائرمنٹ سے متعلق خاموشی توڑ دی

    احمد آباد:  بھارتی کرکٹ کے سپراسٹار مہندر سنگھ دھونی نے ریٹائرمنٹ سے متعلق اپنے فینز کو خوش خبری دی ہے۔

    بھارتی میڈیا کے مطابق مہندر سنگھ دھونی نے ایک انٹرویو میں انڈین پریمئیر لیگ( آئی پی ایل)  سے ریٹائرمنٹ کے بارے میں پوچھے گئے سوال پر جواب دیا کہ میرے لیے اس وقت ریٹائرمنٹ کا اعلان کرنا اچھا اور آسان ہوگا لیکن میں اگلے سیزن میں بھی کھیلنے کا خواہش مند ہوں۔

    ایم ایس دھونی کا کہنا تھا کہ میں میں چھ سے سات ماہ میں یہ فیصلہ کروں گا، اگر میں  آئی پی ایل کا اگلا سیزن کھیلتا ہوں تو یہ میرے اپنے فینز کے لیے ہوگا، اس سیزن میں مجھے بہت پیار ملا اس لیے میں اپنے مداحوں کویہ  تحفہ دینا چاہتا ہوں۔

    انہوں نے کہا کہ میرے لیے ایک سال اور آئی پی ایل کھیلنا مشکل ہوگا لیکن آئندہ 9 ماہ سخت محنت اور ٹریننگ کروں گا تاکہ اگلا سیزن اپنے مداحوں کے لیے کھیل سکوں۔

    کیا دھونی کرکٹ کو ہمیشہ کیلیے الوداع کہہ رہے ہیں؟

    واضح رہے کہ آئی پی ایل شروع ہونے کے بعد ہی بھارت میڈیا پر  یہ دعویٰ کیا جارہا تھا کہ ایم ایس دھونی اگلے سال آئی پی ایل نہیں کھیلے گے۔

    اسی حوالے سے سابق کرکٹر محمد کیف نے اسٹار اسپورٹس کے شو ’کرکٹ لائیو‘ میں کہا تھا کہ ’مجھے لگتا ہے کہ ایم ایس دھونی نے عندیہ دے دیا ہے کہ یہ اُن کا آخری آئی پی ایل ہے، مجھے لگتا ہے کہ دھونی اگلے برس کا آئی پی ایل نہیں کھیلیں گے۔‘

    انہوں نے ایم ایس دھونی اور سنیل گواسکر کے درمیان خوشگوار لمحات کے بارے میں بات کرتے ہوئے کہا تھا کہ ہم نے کبھی نہیں دیکھا کہ سنیل گواسکر نے کسی کرکٹر کا آٹوگراف لیا ہو۔ سنیل گواسکر جیسے عظیم کھلاڑی نے ایم ایس دھونی کا آٹوگراف لیا ہے جس سے ثابت ہوتا ہے ایم ایس دھونی کتنے عظیم کھلاڑی ہیں۔

    یاد رہے کہ آئی پی ایل کے فائنل میں دھونی کی ٹیم چنئی سپر کنگز نے گجرات ٹائٹنز کو شکست دے کر پانچویں دفعہ ٹرافی اپنے نام کی ہے۔

  • بھارتی کرکٹر نے تمام فارمیٹس سے ریٹائرمنٹ کا اعلان کر دیا

    بھارتی کرکٹر نے تمام فارمیٹس سے ریٹائرمنٹ کا اعلان کر دیا

    بھارتی کرکٹر سریش رائنا نے تمام فارمیٹس سے ریٹائرمنٹ کا اعلان کر دیا۔

    تفصیلات کے مطابق دائیں ہاتھ سے بلے بازی کرنے والے انڈین کرکٹر سریش رائنا کرکٹ کے تمام فارمیٹس سے ریٹائر ہو گئے ہیں۔

    انھوں نے منگل کو اپنے ٹویٹر اکاؤنٹ پر ریٹائرمنٹ کا اعلان کیا، سریش رائنا نے 18 ٹیسٹ، 226 ون ڈے اور 78 ٹی ٹوئنٹی میچز میں بھارت کی نمائندگی کی۔

    بھارتی کرکٹر نے ٹوئٹر پر اعلان کرتے ہوئے لکھا کہ اپنے ملک اور ریاست اتر پردیش کی نمائندگی کرنا میرے لیے اعزاز کی بات ہے۔

    بھارتی کرکٹر نے لکھا میں اب کرکٹ کے تمام فارمیٹ سے ریٹائرمنٹ کا اعلان کر رہا ہوں، کیرئیر میں سپورٹ کرنے پر سب کا شکریہ ادا کرتا ہوں۔

    یاد رہے کہ رائنا نے اگست 2020 میں بین الاقوامی کرکٹ سے ریٹائرمنٹ لے لی تھی۔ اب انھوں نے آئی پی ایل اور ڈومیسٹک کرکٹ سے بھی ریٹائرمنٹ لے لی۔ خبر تھی کہ 2022 کے سیزن سے باہر ہونے کے بعد وہ انڈین پریمیئر لیگ (آئی پی ایل) سے ریٹائر ہونے والے ہیں، انھوں نے اس حوالے سے بھارتی کرکٹ بورڈ کو بھی بتا دیا تھا۔

    چنئی سپر کنگز کی جانب سے انھیں برقرار نہ رکھا گیا اور کوئی بولی لگانے والا نہ ملنے کے بعد وہ میگا نیلامی میں فروخت نہ ہو سکے تھے۔

    ٹیسٹ میچز: سریش رائنا نے اپنے کیرئیر کے 18 ٹیسٹ میچوں میں 768 رنز اسکور کیے، جب کہ 13 وکٹیں بھی حاصل کیں۔

    ون ڈے انٹرنیشل: رائنا نے 226 ایک روزہ میچز کھیلے جس میں انھوں نے مجموعی طور پر 5 ہزار 615 رنز بنائے، اس کے علاوہ انھوں نے ان میچوں میں 36 وکٹیں حاصل کیں۔

    ٹی ٹوئنٹی انٹرنیشنل: 78 ٹی ٹوئنٹی میں سریش رائنا نے 1604 رنز کیے جب کہ 13 وکٹیں اپنے نام کیں۔

    رائنا اپنے ٹی 20 کیریئر میں 6 ہزار رنز کے ساتھ ساتھ 8 ہزار رنز بنانے والے پہلے بھارتی کھلاڑی تھے، وہ آئی پی ایل میں بھی 5 ہزار رنز مکمل کرنے والے پہلے کرکٹر ہیں۔

    سریش رائنا کرس گیل کے بعد دوسرے اور آئی پی ایل میں 100 چھکے لگانے والے پہلے بھارتی کھلاڑی ہیں۔

  • کرس گیل کا آئی پی ایل سے علیحدگی کا اعلان

    کرس گیل کا آئی پی ایل سے علیحدگی کا اعلان

    ویسٹ انڈیز کے عالمی شہرت یافتہ بلے باز کرس گیل نے انڈین پریمیئر لیگ (آئی پی ایل) کے رواں سیزن سے علیحدگی اختیار کرنے کا اعلان کردیا ہے۔

    بین الاقوامی ویب سائٹ کے مطابق سٹار بلے باز کرس گیل کا اس حوالے سے کہنا ہے کہ وہ بائیو سیکیور ببل سے اکتا گئے ہیں۔

    کرس گیل نے کہا ہے کہ گزشتہ چند ماہ کے دوران ایک کے بعد دوسرے ببل کا حصہ بنا ہوں۔ ٹی 2 ورلڈ کپ سے قبل ذہنی طور پر خود کو ری فریش ہونا چاہتا ہوں اس لیے بائیو سیکیورببل سے بریک لینے کا فیصلہ کیا ہے۔

    خیال رہے کہ کرس گیل آئی پی ایل میں پنجاب کنگز کی نمائندگی کر رہے تھے۔

  • وطن واپس پہنچنے کے باوجود آسٹریلوی کھلاڑی فیملی سے کیوں نہ مل سکے؟

    وطن واپس پہنچنے کے باوجود آسٹریلوی کھلاڑی فیملی سے کیوں نہ مل سکے؟

    سڈنی: آسٹریلوی کرکٹرز مالدیپ میں ایک ہفتے سے زیادہ وقت گزارنے کے بعد چارٹر طیارے کے ذریعے سڈنی پہنچ گئے ، مگر انہیں اپنے فیملی سے ملنے کے لئے مزید ایک ہفتہ انتظار کرنا ہوگا۔

    غیر ملکی میڈیا رپورٹ کے مطابق انڈیا میں کرونا وائرس کے بڑھتے کیسز کے باعث انڈین پریمیئر لیگ کو معطل کیا تھا جس کے بعد چھ مئی کو انڈین کرکٹ بورڈ کی جانب سے ایک چارٹر طیارے کے ذریعے آسٹریلوی کرکٹرز کو مالدیپ پہنچایا گیا تھا۔

    نیشنل براڈکاسٹر اے بی سی کا کہنا ہے کہ اسٹیو سمتھ اور ڈیوڈ وارنر سمیت کھلاڑی چارٹر طیارے کے ذریعے مقامی وقت کے مطابق صبح 7:30سڈنی پہنچے، اڑتیس رکنی آسٹریلوی گروپ میں کھلاڑی، کوچز، آفیشلز سمیت ٹی وی کمنٹیٹرز شامل تھے، جو انڈیا سے چھ مئی کو مالدیپ کو پہنچے تھے، جہاں انہوں نے خود کو قرنطینہ کیا۔

    دو روز قبل آسٹریلوی حکومت نے وہ عارضی پابندی اٹھا لی تھی جس میں شہریوں کو ملک واپسی پر جیل بھیجنے کی دھمکی دی گئی تھی، اتوار کو وزیراعظم سکاٹ مورسن نے کہا تھا کہ کرکٹرز کے ساتھ کوئی خاص سلوک نہیں کیا گیا بلکہ وہ بغیر کسی مدد کے واپس آئیں گے اور اپنی ٹکٹ پر واپس آئیں گے۔

     مالدیپ سے سڈنی والے کھلاڑیوں اور آفیشلز کو ایک ہوٹل میں چودہ دن کے لیے قرنطینہ کیا جائے گا۔

    رواں مہینے کے آغاز میں آسٹریلوی حکومت نے اعلان کیا تھا کہ کورونا وائرس کے پھیلاؤ سے بری طرح متاثرہ انڈیا سے آنے والے افراد کو ملک میں داخلے پر پانچ برس قید اور جرمانے کی سزا دی جا سکتی ہے۔

    آسٹریلیا نے انڈیا سے آنے والے مسافروں کے داخلے پر 15مئی تک پابندی عائد کی تھی۔

    آسٹریلیا نے قید اور جرمانے کی سزا کا اعلان اس وقت کیا جب ملک میں بالواسطہ پروازوں کے ذریعے انڈیا سے آنے والے مسافروں کا پتا چلا۔

    واضح رہے کہ انڈین پریمیئر لیگ (آئی پی ایل) میں شامل سابق آسٹریلوی کرکٹر مائیکل ہسی بھی عالمی وبا کرونا وائرس میں مبتلا ہوگئے تھے۔

    خیال رہے کہ انڈین پریمیر لیگ کی بائیو سیکیور ببل میں کرونا انفیکشن پھیل جانے کے سبب آئی پی ایل کے 14ویں سیزن کو غیرمعینہ مدت تک کے لیے ملتوی کیا جاچکا ہے، انڈین کرکٹ پریمیئر لیگ ملتوی ہونے سے قبل دو کھلاڑیوں میں کرونا کی تصدیق ہوئی تھی، جس کے باعث کولکتہ نائٹ رائیڈرز اوررائل چیلنجرز کے درمیان ہونے والا میچ ملتوی کر دیا گیا تھا۔

  • بڑی خبر، آئی پی ایل ملتوی

    بڑی خبر، آئی پی ایل ملتوی

    نئی دہلی: کرونا وبا کی سنگینی کے باعث بھارت میں آئی پی ایل ملتوی کر دی گئی۔

    تفصیلات کےمطابق کرونا وبا نے بھارت میں آئی پی ایل کو بریک لگا دی، کھلاڑیوں اور آفیشلز میں کروناکیسز میں اضافے کے بعد بی سی سی آئی نے لیگ کو غیر معینہ مدت کے لیے ملتوی کرنے کا فیصلہ کیا ہے۔

    بھارتی کرکٹ بورڈ کے وائس پریذیڈنٹ راجیو شکلا نے بیان میں کہا کہ آئی پی ایل کو غیر معینہ مدت کے لیے ملتوی کر دیا گیا ہے۔ بی سی سی آئی کا کہنا ہے کہ آئی پی ایل کھیلنے والے متعدد کھلاڑیوں میں کرونا وائرس کی تشخیص ہو چکی ہے۔

    گزشتہ روز کلکتہ نائٹ رائیڈرز کے 2 کھلاڑیوں اور چنئی سپر کنگز کے سپورٹنگ اسٹاف میں موجود 3 ارکان کے کرونا ٹیسٹ مثبت آئے تھے، جس پر میچ نہ ہو سکا، آج سن رائزر کے کھلاڑی کا کرونا ٹیسٹ بھی مثبت آ گیا۔

    واضح رہے کہ بھارت میں کرونا وائرس کے قہر کی وجہ سے آسٹریلوی کھلاڑی اینڈریو ٹائی، کین رچرڈسن اور ایڈم زمپا کے علاوہ آراشون اور 2 امپائرز بھی آئی پی ایل کو چھوڑ کر جا چکے ہیں۔

    بھارت میں کرونا کی بگڑتی صورت حال کے باوجود نجی لیگ کو جاری رکھنے پر منتظمین کو شدید تنقید کا سامنا تھا۔ لیگ چھوڑ کر اپنے وطن واپس لوٹنے والے اینڈریو ٹائی نے اعتراض کیا تھا کہ بھارت میں کرونا کے مریضوں کو علاج کے لیے اسپتال نہیں مل رہے تو کمپنیاں اور کارپوریٹ ادارے آئی پی ایل پر اتنا خرچ کیوں کر رہے ہیں؟

    لیگ شروع ہونے سے قبل ہی خدشہ ظاہر کیا جا رہا تھا لیکن بھارت میں کرونا کی شدت کے باوجود بی سی سی آئی نے میں نہ مانوں کی رٹ برقرار رکھی اور کھلاڑیوں کی زندگیوں کو خطرے میں ڈال دیا، 9 اپریل کو لیگ شروع تو ہوگئی تاہم اب بھارتی کرکٹ بورڈ نے کرونا کے سامنے گھٹنے ٹیک دیے ہیں۔

    بھارت میں اس وقت کرونا قہر ڈھا رہا ہے، 2 ہفتے سے مسلسل 3 لاکھ سے زیادہ کیسز رپورٹ ہو رہے ہیں، نئی دہلی، مہاراشٹرا، یوپی، مغربی بنگال سمیت دیگر ریاستوں میں صورت حال تشویش ناک ہے، گزشتہ روز بھی ایک دن میں ساڑھے 3 لاکھ سے زائد نئے کیسز رپورٹ ہوئے جب کہ 3 ہزار 449 افراد جان سے گئے۔

  • آئی پی ایل : ڈیرن سیمی بھارتی کھلاڑیوں کی بدسلوکی پر برہم

    آئی پی ایل : ڈیرن سیمی بھارتی کھلاڑیوں کی بدسلوکی پر برہم

    پاکستان سپر لیگ (پی ایس ایل) میں مقبول ترین غیر ملکی کھلاڑی اور سابق ویسٹ انڈین کپتان ڈیرن سیمی نے کہا ہے کہ جب وہ آئی پی ایل میں حیدر آباد سن رائزرز ٹیم کا حصہ تھے تو انہیں کالو کہہ کر پکارا جاتا تھا۔

    سماجی رابطے کی ویب سائٹ انسٹا گرام  پر اپنے جذبات کا اظہار کرتے ہوئے ڈیرن سیمی نے انڈین پریمئیر لیگ (آئی پی ایل) میں نسل پرستانہ جملے سننے سے متعلق انکشاف کرتے ہوئے سن رائزرس حیدرآباد کے کھلاڑیوں پر بدسلوکی کا الزام عائد کیا۔

    اپنے سوشل میڈیا پیغام میں انہوں نے خود کو کالو کہنے پر شدید غصے کا اظہار کیا ہے۔ ان کا کہنا تھا کہ ان کے ساتھ ساتھ سری لنکن آل راؤنڈر تھیسارا پریرا کو بھی ان ہی الفاظ سے پکارا جاتا تھا۔

    پشاور زلمی کے سابق کپتان نے کہا کہ پہلے انہیں لگتا تھا کہ کالو کا مطلب طاقتور ہوتا ہے، تاہم بعد میں اس لفظ کے اصل معنی معلوم ہوئے۔

    سال 2014 کے ایڈیشن میں ڈیرن سیمی نے آئی پی ایل میں سن رائزرز حیدرآباد کی نمائندگی کی تھی جہاں ان کی ٹیم پلے آف مرحلے میں پہنچے میں بھی ناکام رہی تھی۔

    دوسری جانب بھارتی کرکٹر عرفان پٹھان بھی نسلی تعصب کے خلاف میدان میں آگئے، ان کا کہنا تھا کہ خاص مذہب کی وجہ سے کسی جگہ گھر نہ خرید سکنا بھی نسلی تعصب ہے۔

    واضح رہے کہ ڈیرن سیمی نے یہ معاملہ ایسے وقت میں اٹھایا ہے جب امریکا میں سیاہ فام جارج فلائیڈ کی سفید فام امریکی پولیس اہلکار کے ہاتھوں قتل کے خلاف بلیک لائیوز میٹر (سیاہ فام لوگوں کی زندگی کی اہمیت ہے) مہم جاری ہے اور اس مہم کی حمایت میں اور جارج فلائیڈ کے قتل کے خلاف ڈیرن سیمی بھی سوشل میڈیا پر اپنے پیغام کا اظہار کر چکے ہیں۔