ایپوہ : سلطان اذلان شاہ ہاکی میں ملائیشیانے بھی پاکستان کوہرادیا۔ ایونٹ میں پاکستان کو مسلسل چوتھی بار شکست کاسامناکرناپڑا۔
ایپوہ میں جاری سلطان اذلان شاہ ہاکی ٹورنامنٹ میں ناقص کارکردگی کی وجہ سے پاکستان ٹیم کو ملائیشیا کیخلاف بھی شکست کا سامنا کرنا پڑا۔
ابتدائی لمحات میں ہی ملائیشیا کو ایک صفر کی برتری حاصل ہوگئی۔ جو کھیل کے اختتام تک برقرار رہی۔ پاکستان ٹیم کو فیلڈ گول سمیت پینلٹی کارنر پر بھی گول کرنے کےکئی مواقع ملے،لیکن فائدہ نہ اٹھایاجاسکا۔
پاکستان ہاکی ٹیم آخری گروپ میچ پندرہ اپریل کو جاپان کیخلاف کھیلے گی۔
