ARYNews.tv | Urdu – Har Lamha Bakhabar

Tag: iqbal day

  • مزار اقبال پر پاک بحریہ کے دستے نے گارڈ کی ذمہ داریاں سنبھال لیں

    مزار اقبال پر پاک بحریہ کے دستے نے گارڈ کی ذمہ داریاں سنبھال لیں

    لاہور : علامہ محمد اقبال 9 نومبر کو 1877 کو سیالکوٹ میں پیدا ہوئے اور آبائی شہر سے ابتدائی تعلیم حاصل کرنے کے بعد لاہور چلے گئے۔

    شاعر مشرق نے لاہور سے ایم اے کی ڈگری حاصل کی اور جرمنی سے فلسفہ میں پی ایچ ڈی کی ڈگری حاصل کی۔ڈاکٹر محمد اقبال نے 1910 میں وطن واپسی کے بعد وکالت شروع کی۔

    May be an image of 1 person and text

    1930 میں آپ نے الہٰ آباد کے مقام پر آل انڈیا مسلم لیگ کے صدر کی حیثیت سے تاریخ خطبہ دیا جس میں مسلمانوں کیلئے علیحدہ مملکت کا مطالبہ پیش کیا جس کا نتیجہ بالآخر قیام پاکستان کی صورت میں برآمد ہوا۔

    علامہ محمد اقبال کے یوم ولادت کے موقع پر چاروں صوبوں اور وفاقی دارالحکومت میں تعلیمی ادارے کھلے رہیں گے اور خصوصی تقاریب کا اہتمام کیا جائے گا۔

    مسلمانوں کیلیے آزادی کا خواب دیکھنے والے شاعر مشرق علامہ اقبال کے مزار  پر گارڈز کی تبدیلی کی پُروقار تقریب منعقد کی گئی۔

    آج حکیم الامت علامہ محمد اقبال کا 144 واں یومِ ولادت منایا جا رہا ہے۔ علامہ اقبال کے خودی کے تصور کو اجاگر کرنے کے لئے ملک بھر میں خصوصی تقاریب منعقد کی جارہی ہیں۔

    لاہور میں مزار اقبال پر منعقدہ تقریب میں پاک بحریہ کے چاک و چوبند دستے نے سلامی دی اور مزار کی اعزازی گارڈ کی ذمہ داریاں سنبھال لی ہیں۔

    پاک بحریہ کے اسٹیشن کمانڈر لاہور کموڈور عامر اقبال خان تقریب کے مہمان خصوصی تھے جنہوں نے مزار پر پھولوں کی چادر چڑھائی۔ گارڈز نے مہمان خصوصی کو سلامی دی اور گارڈ آف آنر پیش کیا۔ معزز مہمان نے کتاب میں اپنے تاثرات درج کیے۔

    واضح رہے کہ اس سے قبل رینجرز کا دستہ سیکیورٹی فرائض سرانجام دے رہا تھا۔

     

  • یومِ اقبال : وزیراعظم اور صدر مملکت کا علامہ اقبال کو خراج عقیدت پیش

    یومِ اقبال : وزیراعظم اور صدر مملکت کا علامہ اقبال کو خراج عقیدت پیش

    اسلام آباد : وزیراعظم عمران خان اور صدر مملکت ڈاکٹر عارف علوی نے یوم اقبال پر شاعر مشرق علامہ اقبال کو     خراج عقیدت پیش کیا۔

    تفصیلات کے وزیراعظم عمران خان نے سماجی رابطے کی ویب سائٹ ٹوئٹر پر یوم اقبال کے موقع پر حکیم الامت کو خراج عقیدت پیش کرتے ہوئے کہا علامہ محمداقبال ایک عظیم صوفی تھے، وہ سائنس وٹیکنالوجی اورترقی پر یقین رکھتے تھے اور سائنس وٹیکنالوجی کوترقی کا ذریعہ سمجھتے تھے ، علامہ اقبال کے افکار ہمیں تحریک دیتے ہیں اورہماری رہنمائی کرتے ہیں۔

    دوسری جانب صدر مملکت ڈاکٹر عارف علوی نے علامہ محمد اقبال کی سالگرہ کے موقع پر اپنے پیغام میں کہا کہ عظیم مسلمان فلسفی اور شاعر مشرق علامہ محمد اقبال و بھرپور خراج عقیدت پیش کرتا ہوں، وہ برصغیر کے مسلمانوں کے محسن اور بڑے مفکر تھے، جنہوں نے مسلمانوں کیلئے علیحدہ وطن کا خواب دیکھا اور اپنی تحریروں اور شاعری کےذریعے مسلمانوں کو اتحاد کا درس دیا۔

    صدر مملکت کا کہنا تھا کہ علامہ اقبال نے مسلمانوں میں انقلابی روح پھونکی اور مسلمانوں کے مفادات کے تحفظ کیلئے نمایاں خدمات انجام دیں اور برصغیر میں مسلم معاشرے کی نشاط ثانیہ کیلئے اہم کردار ادا کیا۔

    عارف علوی نے کہا کہ شاعر مشرق کے فلسفہ خودی پر عمل ہمیں ترقی کی نئی بلندیوں تک پہنچا سکتا ہے، اہل وطن اور خصوصاً نوجوان نسل اُن کی تعلیمات پر عمل پیرا ہو کر مسلم امہ کو درپیش مسائل پر قابو پا سکتی ہے۔

    ان کا کہنا تھا کہ علامہ محمداقبال کا فلسفہ خودی اور اسلام پر اُن کے افکار عزت نفس اور انسانی وقار پر یقین رکھتے ہیں، ہمیں متحد رہنے کی سخت ضرورت ہے اور باہمی اختلافات بالائے طاق رکھ کر ملک کی سماجی اور معاشی ترقی کیلئے زیادہ عزم سے کام کرنا ہوگا۔

    آج کا دن ہمیں امت مسلمہ کے اتحاد ، ترقی اور ملک میں خوشحالی کا درس دیتا ہے، ایک ہو ں مسلم حرم کی پاسبانی کیلئے نیل کے ساحل سے لیکر تابخاک کاشغر۔

    خیال رہے شاعرمشرق مفکر پاکستان علامہ محمد اقبال کا آج ایک سو تینتالیس واں یوم پیدائش انتہائی عقیدت و احترام کے ساتھ منایا جا رہا ہے، مزار اقبال پر گارڈز تبدیلی کی پروقارتقریب ہوئی، جس میں پاک بحریہ کے چاق وچوبند دستے نے اعزازی گارڈز کے فرائض سنبھالیے۔

  • کوئی کام ناممکن نہیں،  یہ قوم عظیم بن سکتی ہے: وزیراعظم کا ویڈیو پیغام

    کوئی کام ناممکن نہیں،  یہ قوم عظیم بن سکتی ہے: وزیراعظم کا ویڈیو پیغام

    اسلام آباد: وزیر اعظم عمران خان نے کہا ہے کہ کوئی کام ناممکن نہیں،  یہ قوم عظیم بن سکتی ہے.

    ان خیالات کا اظہار انھوں نے یوم اقبال پر اپنے خصوصی ویڈیو پیغام میں کیا. ان کا کہنا تھا کہ اقبال کا شاہین خوف اور ذہنی دباؤ سے آزاد تھا.

    وزیراعظم عمران خان نے کہا کہ اقبال کے شاہین وہ تھے، جو بڑی سوچ کے حامل اور انسانیت کے علم بردار تھے، علامہ اقبال کی سوچ کا محور وہ افراد تھے، جو عقل کی غلامی سے آزاد ہوگئے، انھوں نے اپنی ذات کا سوچنے کے بجائے خوف کی زنجیریں توڑدی تھیں.

    وزیراعظم عمران خان نے کہا ہے کہ انسان میں عشق اور جنون ہو ،تو ناممکن کو ممکن بنا سکتا ہے، عقل کی غلامی سے آزاد شخص ایک کے بعد ایک منزل طے کرتا جاتا ہے.

    انھوں نے کہا کہ اللہ نے انسان کو بے پناہ طاقت دی ہے، انسان اپنی طاقت کو جتنا آزماتا ہے، اتنا اوپر جاتا ہے، نبی کریم ﷺنےجوکام کئے، وہ انسانی تاریخ میں کبھی کسی نےنہیں کیے.

    ان کاکہنا تھا کہ پاکستانیوں سے کہتا ہوں، ہمارے لیے کوئی چیزنا ممکن نہیں، اللہ نے پاکستان اور پاکستانیوں کو بے شمار وسائل مہیا کئے ہیں، قائداعظم اورعلامہ اقبال جیسے لوگ عظیم تھے.

    مزید پڑھیں: پاکستان کوپولیو فری ملک بنانے کیلئے ہر ممکن اقدامات کیے جائیں گے، وزیراعظم عمران خان

    عمران خان نے کہا کہ علامہ اقبال نے پاکستان کا جو خواب دیکھا تھا، اسے پورا کر دکھایا، ہم پاکستان کو ویسا ملک بنائیں گے، جیساعلامہ اقبال نےسوچا تھا.، بس یہ چیز ذہن نشین ہونی چاہیے کہ کوئی چیز ناممکن نہیں، یہ قوم عظیم بن سکتی ہے اورایک دن ہم ضروربنیں گے.

    اپنے ویڈیو پیغام میں انھوں نے ماؤنٹ ایوریسٹ سر کرنے والے ایڈمن ہیلری کے عزم اور جذبے کا بھی ذکر کیا.

  • وزیراعظم پاکستان کو قائداعظم اور اقبال کا پاکستان بنانے کا عزم رکھتےہیں، فوادچوہدری

    وزیراعظم پاکستان کو قائداعظم اور اقبال کا پاکستان بنانے کا عزم رکھتےہیں، فوادچوہدری

    اسلام آباد : وفاقی وزیراطلاعات فوادچوہدری کا کہنا ہے کہ مفکرپاکستان کے خواب کی تعبیر پی ٹی آئی کاایجنڈااورمنشورہے، وزیراعظم پاکستان کو قائداعظم اور اقبال کا پاکستان بنانے کا عزم رکھتے ہیں جبکہ اسد قیصر نے کہا اقبال نےشاعری کےذریعے مسلمانوں کوخواب غفلت سے بیدارکیا۔

    تفصیلات کے مطابق وفاقی وزیراطلاعات فوادچوہدری نے یوم اقبال پر اپنے پیغام میں کہا علامہ محمد اقبال کانام ممتازاورجداگانہ حیثیت رکھتا ہے، اقبال نے مغربی فلسفیوں کے نظریات کاجدیدعلمی اندازمیں جواب دیا، علامہ اقبال کے پیغام کی روشنی وقت کے ساتھ ساتھ مزید بڑھ رہی ہے۔

    فوادچوہدری کا کہنا تھا کہ مفکرپاکستان کے خواب کی تعبیر پی ٹی آئی کاایجنڈااورمنشورہے، وزیراعظم پاکستان کو قائداعظم اور اقبال کا پاکستان بنانے کا عزم رکھتے ہیں۔

    وزیراطلاعات نے کہا نوجوانوں کو خاص طور پر اقبال کے کلام کا مطالعہ کرنے کی ضرورت ہے، اقبال نے نوجوانوں کو خودی کا پیغام دیا اور شاہین کی زندگی اپنانے کا درس دیا۔

      اقبال نےشاعری کےذریعے مسلمانوں کوخواب غفلت سے بیدارکیا، اسد قیصر 

    دوسری جانب اقبال ڈے پر اسپیکرقومی اسمبلی اسد قیصر نے پیغام میں کہا مسلم امہ کودرپیش مسائل کاحل اقبال کی تعلیمات میں مضمرہے،  اقبال نےشاعری کےذریعے مسلمانوں کوخواب غفلت سے بیدارکیا اور مستقبل کی نئی راہیں دکھائیں۔

    اسپیکرقومی اسمبلی کا کہنا تھا مسلم امہ کو چیلنجز کا سامنا ہے، اقبال کی تجویز کردہ تدبیر کے ذریعے نمٹا جاسکتا ہے، اقبال نے مسلمانوں کو اپنے وسائل اور زور بازو پر انحصار کا درس دیا۔

    علامہ اقبال کاتصورانسانیت کےہررنگ ونسل کی تر جمانی کرتاہے، قاسم سوری 

    ڈپٹی اسپیکر قاسم سوری نے اپنے پیغام میں کہا اقبال کی تعلیمات پرعمل پیراہوکرعصرحاضرکےمسائل پرقابوپاسکتےہیں، علامہ اقبال کےقریب تعصب اور انتہا پسندی کی کوئی گنجائش نہیں تھی۔

    قاسم سوری کا مزید کہنا تھا کہ علامہ اقبال کاتصورانسانیت کےہررنگ ونسل کی تر جمانی کرتاہے۔

    خیال رہے شاعرمشرق مصور پاکستان ڈاکٹرعلامہ محمد اقبال کا141 یوم پیدائش آج ملی جوش وجذبے کے ساتھ منایا جارہا ہے، مزار اقبال پر گارڈز تبدیلی کی پروقارتقریب کا انعقاد کیا گیا ، پاک بحریہ کے چاق وچوبنددستے نے مزار اقبال پر سلامی دی۔

  • علامہ اقبال نے مسلمانوں کو اتحاد اور اتفاق کی تلقین کی: وزیراعظم

    علامہ اقبال نے مسلمانوں کو اتحاد اور اتفاق کی تلقین کی: وزیراعظم

    اسلام آباد: وزیراعظم عمران خان نے یوم اقبال پر اپنے خصوصی پیغام میں کہا ہے کہ علامہ اقبال نے مسلمانوں کو اتحاد، اتفاق کی تلقین کی اور دعوتِ عمل دی۔

    تفصیلات کے مطابق نوجوانوں کو خودی کا درس دینے والے مصور پاکستان اور بیسویں صدی کے عظیم صوفی شاعر حضرت علامہ محمد اقبالؒ کا ایک سو بیالیسواں یوم ولادت منایا جارہا ہے۔

    خصوصی پیغام میں عمران خان کا کہنا تھا کہ علامہ اقبال کے افکار اورسوچ نے امید کے چراغ روشن کیے، انہی چراغوں نے منزل اور راستے کی نشاندہی کی۔

    ڈاکٹر علامہ محمد اقبالؒ کا 142 واں یوم ولادت آج منایا جارہا ہے

    انہوں نے کہا کہ فرقہ واریت اور انتہاپسندی پر اقبال کی سوچ آج بھی مشعل راہ ہے، علامہ اقبال نے جن مسائل کی پیشگوئی کی آج ہمیں انھی کا سامنا ہے۔

    ان کا کہنا تھا کہ علامہ اقبال کے نزدیک عمل ہی زندگی ہے، خودی پر عمل سے پاکستان کو اقوام عالم میں اصل مقام دلا سکتے ہیں، عظیم مفکر کی فکر اجاگر کرنے کے لیے حکومتی سطح پر خصوصی پروگرام کیے جائیں۔

    خیال رہے کہ شاعر مشرق حکیم الامت اور سر کا خطاب پانے والے ڈاکٹر علامہ اقبال 9 نومبر اٹھارہ سو ستتر (1877) کو سیالکوٹ میں پیدا ہوئے، ان کے والد کا نام شیخ نور محمد تھا، آپ نے قانون اور فلسفے ميں ڈگرياں لیں لیکن جذبات کے اظہار شاعری سے کیا۔

  • اقبال ڈے پر اسکولوں کی چھٹی کے بجائے خصوصی تعلیمی سیشنز ہونے چاہئیں،شاہد آفریدی

    اقبال ڈے پر اسکولوں کی چھٹی کے بجائے خصوصی تعلیمی سیشنز ہونے چاہئیں،شاہد آفریدی

    کراچی : قومی کرکٹ ٹیم کے سابق کپتان شاہد خان آفریدی کا کہنا ہے اقبال ڈے پر اسکولوں کی چھٹی کے بجائے اقبال کی یاد میں خصوصی تعلیمی سیشنز ہونے چاہئیں، میری نظر میں یہی بہترین طریقہ ہے۔

    تفصیلات کے مطابق قومی کرکٹ ٹیم کے سابق کپتان شاہد خان آفریدی نے سماجی رابطے کی ویب سائٹ ٹویٹر پر اقبال ڈے کی چھٹی کے حوالے سے کہا اقبال کوخراج عقیدت ان کے نظریے آگے لے کر چلنے سے دیا جاسکتا ہے، ہمارے بچے ہمارا مستقبل ہیں ان کو تعلیم سے ہمکنار کریں۔

    شاہد آفریدی کا مزید کہنا تھا کہ اقبال ڈے پر اسکولوں کی چھٹی کے بجائے اقبال کی یاد میں خصوصی تعلیمی سیشنز ہونے چاہئیں، میری نظر میں یہی بہترین طریقہ ہے۔

    یاد رہے یوم اقبال پر 9 نومبر کو عام تعطیل بحال کرنے کی قرارداد ایوان میں پیش کی گئی ، حکومت کے ساتھ مسلم لیگ ن کے رہنما احسن اقبال نے بھی  قرارداد کی مخالفت کی تھی۔

    مسلم لیگ ن کے رہنما  احسن اقبال نے قرارداد کی مخالفت کرتے ہوئے کہا تھا پاکستان میں پہلےہی 52 قومی تعطیلات ہیں جوبہت زیادہ ہیں، علامہ اقبال نےمحنت کادرس دیا ہے، ہربات پرچھٹی کا نہیں، ایک دن کی چھٹی سے اربوں روپے کا نقصان ہوتا ہے۔

    مزید پڑھیں : یوم اقبال پرعام تعطیل بحالی کی قرارداد پیش، حکومت اوراحسن اقبال کی مخالفت

    پاکستان تحریک انصاف کی رہنما شیریں مزاری نے حزبِ اختلاف کے رہنما احسن اقبال کی حمایت کرتے ہوئے ان کے موقف کو درست  قرار دیا اور کہا کہ ہرچیز پرچھٹی کا تاثر ختم ہونا چاہیے، یہ نہیں ہوسکتا کہ ہرچیز پرچھٹی کردیں، اقبال ڈے پر ہمیں چھٹی نہیں بلکہ لوگوں کو ان کے بارے میں بتانا چاہیے۔

    واضح رہے کہ 9 نومبر کو شاعرِ مشرق علامہ اقبال کا یوم پیدائش منایا جاتا ہے، علامہ اقبال برصغیر پاک و ہند کے عظیم شاعر تھے جنہوں نے سب سے پہلے پاکستان کا تصور پیش کیا تھا، ان کے اس تصور کو پاکستان کے خواب سے بھی تعبیر کیا جاتا ہے۔

    علامہ اقبال کا بیش تر کلام جوانوں میں عقابی روح پھونکنے، ان میں غیرتِ ملی کو بیدار کرنے اور انہیں ہمہ وقت آمادہٗ عمل رہنے کے فلسفے پر مشتمل ہے۔

  • اقبال ڈے پر تعلیمی ادارے کھلے رہیں گے: محکمہ تعلیم سندھ

    اقبال ڈے پر تعلیمی ادارے کھلے رہیں گے: محکمہ تعلیم سندھ

    کراچی: محکمہ تعلیم سندھ کا کہنا ہے کہ یوم اقبال کے موقع پرسندھ کے تمام سرکاری تعلیمی ادارے معمول کےمطابق کھلے رہیں گے، سندھ حکومت کے چھٹیوں کے شیڈول میں اقبال ڈے کو تعطیل کے طور پر رکھا گیا ہے۔

    تفصیلات کے مطابق محکمہ تعلیم سندھ نے وضاحت جاری کی ہے کہ اقبال ڈے پر صوبے کے تمام تعلیمی ادارے معمول کے مطابق کھلیں گےاور اس موقع پر کوئی چھٹی نہیں ہوگی۔

     اس سے قبل سندھ حکومت کی جانب سے جاری کردہ سالانہ تعطیلات کے نوٹی فکیشن میں اقبال ڈے شامل ہونے کے سبب ابہام پیدا ہوا تھا کہ سندھ میں کل تعلیمی ادارے بند رہیں گے۔

    سال کے اوائل میں جاری ہونے والے نوٹیفکیشن کے مطابق شاعر مشرق علامہ محمد اقبال کے یوم پیدائش کی مناسبت سے 9 نومبر کو صوبے بھر کے تعلیمی اداروں میں تعطیل ہوگی۔

    تاہم اب سندھ حکومت کے محکمہ تعلیم نے وفاقی حکومت کے نقشِ قدم پرچلتے ہوئے فیصلہ کیا ہے کہ سندھ میں تمام تعلیمی اداروں میں تدریس کا عمل معمول کے مطابق جاری رہے گا۔

    یاد رہے کہ یوم اقبال پر 9 نومبر کو عام تعطیل بحال کرنے کی قرارداد دو روز قبل قومی اسمبلی میں پیش کی گئی تھی ، تاہم موجودہ وفاقی حکومت کے ساتھ مسلم لیگ ن کے رہنما احسن اقبال نے بھی قرارداد کی مخالفت کی تھی۔

    مسلم لیگ (ن) کی گزشتہ حکومت میں یوم اقبال کے موقع پر تعطیل ختم کردی گئی تھی ، سابقہ حکومتی جماعت کا موقف تھا کہ پاکستان میں سالانہ عام تعطیلات کی تعداد دنیا کے ترقی یافتہ ممالک سے کہیں زیادہ ہے، ایک دن کام بند ہونے سے اربوں روپے کا نقصان ہوتا ہے جو براہ راست قوم پر اثرا نداز ہوتا ہے۔

    قومی اسمبلی میں قرارداد پیش ہونے پر احسن اقبال کا کہنا تھا کہ علامہ اقبال کے احترام میں چھٹی کی جائے توغلط ہوگا، علامہ اقبال کا ادب ہم سب کے دل میں ہے ، علامہ اقبال توکہتےتھے کہ دن کے24 گھنٹے، اور ہفتے کے ساتوں دن محنت کرنی چاہیے۔

    تاہم سندھ حکومت نے سال رواں کے آغاز پر جو سالانہ تعطیلات کا شیڈول جاری کیا تھا ، اس میں اقبال ڈے کو اسکولوں میں تعطیل کا دن قرار دیا گیا تھا ۔ شیڈول میں لکھا ہے کہ 14 اگست ، یومِ پاکستان اور عید میلاد النبیﷺ پر تعلیمی اداروں میں تقاریب کا انعقاد کیا جاسکتا ہے۔

  • علامہ اقبال کا فلسفہ ہمارے لئے مشعل راہ ہے،بلاول بھٹو

    علامہ اقبال کا فلسفہ ہمارے لئے مشعل راہ ہے،بلاول بھٹو

    کراچی : پیپلز پارٹی کے چیئرمین بلاول بھٹو کا یوم اقبال پر کہنا ہے کہ علامہ اقبال کا فلسفہ ہمارے لئے مشعل راہ ہے، نوجوان نسل کو علامہ اقبال کوضرور پڑھنا چاہئیں۔

    تفصیلات کے مطابق پیپلز پارٹی کے چیئرمین بلاول بھٹو نے علامہ اقبال کو خراج عقیدت پیش کرتے ہوئے کہا کہ علامہ اقبال نے برصغیر کے مسلمانوں کو جگایا، علامہ اقبال کا فلسفہ ہمارے لئے مشعل راہ ہے۔

    بلاول بھٹو کا کہنا تھا کہ نوجوان نسل کو علامہ اقبال کوضرور پڑھنا چاہئیں، علامہ اقبال کے خواب کی مکمل تکمیل کے لئے جدوجہد جاری رہے گی۔

    خیال رہے کہ حکیم الامت ڈاکٹرعلامہ محمداقبال کا140واں یوم پیدائش آج منایا جارہا ہے اور یوم اقبال کےحوالے سے ملک بھرمیں تقریبات کا انعقاد کیا جائے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • علامہ اقبال کی شاعری سے دنیا کے مسلمانوں کو روشنی ملتی ہے،شہبازشریف

    علامہ اقبال کی شاعری سے دنیا کے مسلمانوں کو روشنی ملتی ہے،شہبازشریف

    لاہور :وزیراعلٰی پنجاب شہبازشریف کا کہنا ہے کہ علامہ اقبال کی شاعری سے دنیا کے مسلمانوں کو روشنی ملتی ہے، آج کا دن عہد کرنا چاہئے کہ پاکستان کے عوام کی خدمت کرینگے۔

    تفصیلات کے مطابق وزیراعلٰی پنجاب شہبازشریف نے یوم اقبال پر مزاراقبال پرحاضری دی ، اس موقع پر میڈیا سے گفتگو کرتے ہوئے کہا علامہ اقبال کی شاعری سےدنیا کےمسلمانوں کو روشنی ملتی ہے، علامہ اقبال کی شاعری زمان ومکان سے آزاد ہے ، آج بھی ہم پستی کا شکار ہیں۔

    شہبازشریف نے کہا کہ آج کا دن عہد کرنا چاہئے کہ پاکستان کے عوام کی خدمت کرینگے، پاکستان صحیح معنوں میں اقبال اورقائداعظم کا پاکستان بنانا ہے ، عمل میں زندگی بنتی ہے اور ہم نے عمل میں کمی کی ہے، اس منزل کی طرف بڑھ رہےہیں جس کاخواب اقبال نےدیکھا۔

    انکا کہنا تھا کہ حکومت نےشفافیت اوربرق رفتاری سےمنصوبےمکمل کیے، وسائل کاشفاف استعمال یقینی بناکرن لیگ نےتاریخ رقم کی ہے، قومی وسائل کی پائی پائی ایمانداری سےمنصوبوں پرصرف کی، الزام تراشی اورافرا تفری کی نہیں خدمت کی سیاست کامیاب ہوگی۔

    وزیر اعلیٰ پنجاب کا کہنا تھا کہ ملک کی ترقی میں سب سے بڑی رکاوٹ کرپشن ہے۔کرپٹ لوگ معاشرے میں اشرافیہ کہلاتے ہیں، میرٹ میں کمی کی بڑی وجہ ملک میں احتساب کانہ ہونا ہے

    احتساب کا عمل شفاف نہیں، پیراڈائس لیکس میں شہزادچالس کا نام آیا،آج برطانوی میڈیاپر شور ہے۔

    خیال رہے کہ حکیم الامت ڈاکٹرعلامہ محمداقبال کا140واں یوم پیدائش آج منایا جارہا ہے اور یوم اقبال کےحوالے سے ملک بھرمیں تقریبات کا انعقاد کیا جائے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وہ وقت دور نہیں جب پاکستان کا ہر نوجوان اقبال کا شاہین ہوگا،عمران خان

    وہ وقت دور نہیں جب پاکستان کا ہر نوجوان اقبال کا شاہین ہوگا،عمران خان

    اسلام آباد : پاکستان تحریک انصاف کے سربراہ عمران خان کا کہنا ہے کہ اقبال نے مسلمانان ہندکو قدموں پر کھڑا ہونے کا سبق دیا، وہ وقت دور نہیں جب پاکستان کا ہر نوجوان اقبال کا شاہین ہوگا۔

    تفصیلات کے مطابق یوم اقبال پر چیئرمین پاکستان تحریک انصاف عمران خان نے اپنے پیغام میں کہا کہ یوم ولادت پرشاعرمشرق کوخراج عقیدت پیش کرتے ہیں علامہ اقبال نےاپنے فکر انگیز کلام سےقوم کو یکجا کیا۔

    عمران خان کا کہنا ہے کہ اقبال نے مسلمانان ہندکو قدموں پر کھڑا ہونے کا سبق دیا، اقبال نےقومی اہمیت پر سمجھوتہ نہ کرنے کاخصوصی درس دیا، پاکستان کو حقیقی مقام دلانے کیلئے اقبال کے فلسفے کو اپنانے کی ضرورت ہے۔

    پی ٹی آئی چیئرمین نے کہا کہ وہ وقت دور نہیں جب پاکستان کا ہر نوجوان اقبال کا شاہین ہوگا، نوجوان کلامِ اقبال کو اپنی شخصیت و کردار سازی کا مرکز بنائیں۔

    انکا مزید کہنا تھا کہ اس سے پاکستان اقوام عالم میں اپنا کھویا ہوا مقام حاصل کر سکے۔

    خیال رہے کہ حکیم الامت ڈاکٹرعلامہ محمداقبال کا140واں یوم پیدائش آج منایا جارہا ہے اور یوم اقبال کےحوالے سے ملک بھرمیں تقریبات کا انعقاد کیا جائے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔