Tag: iqrar ul hasan

  • 23مارچ : سرعام کی ٹیم مینار پاکستان پر ملک سنوارنے کی قرارداد پیش کرے گی

    23مارچ : سرعام کی ٹیم مینار پاکستان پر ملک سنوارنے کی قرارداد پیش کرے گی

    لاہور : اے آر وائی نیوز یوم پاکستان کے موقع پر ایک خصوصی پروگرام پیش کر رہا ہے، جس میں وطن کی محبت سے سرشار پاکستانی اپنے ملک کو سنوارنے کی قرارداد پیش کریں گے۔

    تفصیلات کے مطابق اے آر وائی نیوز کے معروف پروگرام ’’ سرعام ‘‘ کے اینکر اور  سینئر صحافی اقرار الحسن یوم پاکستان کے موقع  پر ایک نئے  ولولے اور جوش و جذبے کے ساتھ مینار پاکستان لاہور میں خصوصی پروگرام کریں گے۔

    ان کا کہنا ہے کہ آج سے78قبل  ہمارے بزرگوں نے23مارچ 1923کو قرارداد پاکستان پیش کی تھی اور اس سال سر عام کی ٹیم پاکستان کو سنوارنے کی قرار داد پیش کرے گی۔

    انہوں نے تمام محب وطن پاکستانیو کو دعوت دیتے ہوئے کہا کہ آئیے ملک کو سنوارنے کیلئے ہمارا ساتھ دیجئے، انہوں نے کہا کہ 23مارچ بروز جمعہ دوپہر تین بجے مینار پاکستان کے سائے تلے پاکستان اپنے ایک نئے عہد کی بنیاد رکھے گا۔

    ہم دنیا کو یہ دکھا دیں گے کہ ہم وہی قوم ہیں جس نے دنیا کا نقشہ تبدیل کرکے رکھ دیا تھا اور ہم آج بھی ایسا کر دکھانے کی صلاحیت رکھتے ہیں۔


    یاد رہے کہ اس سے قبل بھی پروگرام سرعام کے اینکر اور سینئر صحافی اقرار الحسن اپنی ٹیم کے ہمراہ شام کی تباہ کاریوں کے حقائق عالمی دنیا تک پہنچانے اور مسلمانوں کی مدد کے لیے شام کے جنگ زدہ علاقے میں پہنچے تھے، وہاں انہوں نے شامی فوج کی وحشیانہ بمباری سے یتیم اور زخمی ہونے والے بچوں کی داد رسی کی۔

    اس کے علاوہ اقرار الحسن گزشتہ برس میانمار میں ہونے والے فوجی آپریشن کی حقیقت دنیا کو دکھانے اور مظلوم مسلمانوں کی مدد کے لیے برما بھی پہنچے تھے اور انہوں نے متاثرہ خاندانوں سے ملاقاتیں بھی کی تھیں، تاہم برما کی حکومت نے اے آر وائی نیوز کی ٹیم کو اصل حقائق کی کوریج کرنے پر ملک بدر کردیا تھا۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • سرعام کی ٹیم نے جعلی ماہرنجوم کی حقیقت بے نقاب کردی

    سرعام کی ٹیم نے جعلی ماہرنجوم کی حقیقت بے نقاب کردی

    کراچی : خواتین کے مسائل حل کرانے کے لیے تعویزوں کے نام پر ان کا جنسی استحصال کرنے والے نام نہاد نجومی علی تبسم کو اے آر وائی نے ایک بار پھر بے نقاب کردیا، ٹی وی پر پروگرام نشر نہ کرنے کیلئے سر عام کی ٹیم کو ڈھائی کروڑ روپے رشوت کی پیشکش کردی۔

    تفصیلات کے مطابق چار سال پہلے اے آر وائی نیوز پر بے نقاب ہونے والے جعلی ماہر نجوم علی تبسم نے اپنا مکروہ دھندا دوبارہ شروع کردیا تھا، سر عام کی ٹیم نے لاتعداد شکایتوں کے بعد ایک بار پھر اس کیخلاف کارروائی کا فیصلہ کیا۔

    سرعام کی ٹیم کو سینکڑوں شکایات موصول ہوئی تھیں کہ یہ شخص مسائل کے حل کیلئے آنے والی خواتین کی عملیات، تعویزات اور مختلف بہانوں سے آبرو ریزی کرتا ہے، جس پر ایکشن لیتے ہوئے سر عام ٹیم نے چار سال بعد دوبارہ اس کے دفترپر جاکر اس کے انتہائی مکروہ قسم کے بیانات اور تہلکہ خیز انکشافات خفیہ ریکارڈنگ کے ذریعے محفوظ کرلئے۔

    تمام ریکارڈنگ کے بعد جب سرعام کی ٹیم پولیس کے ہمراہ اس کے دفتر پر پہنچی تو اس نے پہلے تو ڈرامائی انداز میں مزاحمت کی اور جب بات نہ بنتے دیکھی تو انتہائی ڈھٹائی کے ساتھ پروگرام ٹی وی پر نشر نہ کرنے کے عوض سرعام کی ٹیم کو ڈھائی کروڑ روپے رشوت کی پیکشکش کی جسے ٹیم کے خفیہ کیمروں نے ریکارڈ کرلیا۔

    جعلی نجومی مختلف چینلز پر لاکھوں روپے کے عوض پروگرام خرید کر اپنی پبلسٹی بھی کیا کرتا تھا، جس میں وہ لوگوں بالخصوص خواتین کو مختلف عملیات بتا کر اپنی جانب راغب کرتا تھا۔

    پروگرام دیکھ کرعام لوگ یہ سمجھتے تھے کہ اسے بحیثیت مہمان مدعو کیا گیا ہے۔ اس تمام تر کارروائی کے بعد سر عام کی ٹیم نے اس کے خلاف مقدمہ درج کرواکر لاک اپ میں بند کرادیا۔

    بات یہیں ختم نہیں ہوئی اس شخص کے اثرو رسوخ کا اندازہ اس بات سے بخوبی لگایا جا سکتا ہے کہ تمام تر ویڈیو ریکارڈنگ کے ثبوتوں کے باوجود لاک اپ میں ایک رات بھی قیام نہیں کرایا گیا۔

    اس کو ساری رات بڑے احترام کے ساتھ پولیس افسر کے کمرے میں کرسی پر بٹھایا گیا اور صبح عدالت میں پہلی پیشی پر ہی اسے ضمانت پر رہا کردیا گیا۔

  • اقرارالحسن کی پورے پاکستان کو’’سرعام‘‘ کی ٹیم میں شمولیت کی دعوت

    اقرارالحسن کی پورے پاکستان کو’’سرعام‘‘ کی ٹیم میں شمولیت کی دعوت

    کراچی : اے آر وائی نیوز کے مقبول ترین پروگرام ’’سرعام‘‘ کے میزبان اقرارالحسن نے پورے پاکستان کو ’’سرعام‘‘ کی ٹیم میں شمولیت کی دعوت دے دی، ان کا کہنا ہے کہ ٹیم میں شامل ہوجائیں اور معمولی کام سے ملک میں بڑی تبدیلی لائیں۔

    تفصیلات کے مطابق اے آر وائی نیوزکے پروگرام اینکر اقرار الحسن نے کہا ہے کہ پاکستان کے ہر شہری میں چھوٹے چھوٹے کام کرکے بڑی تبدیلی لانے کی صلاحیت ہے، اب آپ بھی ’’سرعام‘‘ کی ٹیم میں شامل ہوکر پاکستان کی خدمت کر سکتے ہیں، یہ بات انہوں نے’’سرعام‘‘ کے خصوصی پروگرام میں کہی۔

    اقرار الحسن نے بتایا کہ ’’سرعام‘‘ کی اس مہم کا مقصد پاکستان اور پاکستانیوں کے کردار کی تعمیر کرنا ہے، اسی لئے ہم ہرپاکستانی کو سرعام کی ٹیم میں شامل ہونے کی دعوت دے رہے ہیں۔

    ’’سرعام‘‘ کے خصوصی پروگرام میں ان کا کہنا تھا کہ ہمارا یہ قدم برداشت، تحمل ، سچ اور انسانیت پر قائم معاشرے کی طرف ایک اہم قدم ہے، ہر سیاسی حماعت، مذہب اور مسلک کے لوگ سرعام کا حصہ بن سکتے ہیں۔

    انہوں نے کہا کہ ہم چھوٹے چھوٹے کاموں سے بڑی بڑی تبدیلیاں لائیں گے، آئیے سب مل کر ایک عظیم الشان پاکستان کی بنیاد رکھتے ہیں۔’’سرعام‘‘ کی ٹیم کا حصہ بنیے، اگلے لائحہ عمل کا اعلان ہم سب مل کر کریں گے۔

    انہوں نے مزید کہا کہ ’’سرعام‘‘ ٹیم کی ٹی شرٹ ممبر بننے کے کچھ عرصے بعد تحفے کے طور پر آپ تک پہنچ جائے گی، ہرعمر ہرعلاقے ہر طبقے اور ہر شعبے کے لوگ ’’سرعام‘‘ کی ٹیم کا حصہ بن سکتے ہیں۔

    تو پھر آئیے اور ’’سرعام‘‘ کی ٹیم میں شامل ہوکر اپنے پاکستان کو سنواریں۔


    مزید پڑھیں: سندھ اسمبلی کی سیکیورٹی کا پول کھولنے پر’اقرارالحسن‘ گرفتار


    انہوں نے بتایا کہ بیرونِ ملک مقیم پاکستانی ہماری ویب سائٹ پر رجسٹریشن کروا سکتے ہیں، اس کے علاوہ پاکستان میں بسنے والے تمام شہری ایک میسج کرکے ٹیم ’’سرعام‘‘ میں شامل ہوسکیں گے۔


    مزید پڑھیں:سندھ اسمبلی، اقرارالحسن نے اسٹنگ آپریشن کے حقائق بتادیئے


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

     

  • اقرارالحسن نے سندھ اسمبلی میں اسٹنگ آپریشن کے حقائق بتادیئے

    اقرارالحسن نے سندھ اسمبلی میں اسٹنگ آپریشن کے حقائق بتادیئے

    کراچی : اے آر وائی نیوز کے معروف پروگرام سرعام میں اینکر پرسن اقرارالحسن نے سندھ اسمبلی میں اسٹنگ آپریشن کے حقائق کھول کر رکھ دیئے۔

    تفصیلات کے مطابق جمعہ کی شام سات بجے نشر کئے جانے والے اے آر وائی نیوز کے معروف پروگرام سرعام میں سندھ حکومت کے جھوٹ اور الزامات کا پردہ چاک ہوگیا اور سچ کی جیت ہوگئی۔

    اقرار الحسن نے سچ کو جھوٹ کہنے والوں کو بے نقاب کردیا، پروگرام سرعام میں دکھائی گئی فوٹیج سے یہ الزام غلط ثابت ہوگیا کہ سرعام کی ٹیم کے ممبر کو سندھ اسمبلی آتے ہوئے کسی بھی سیکیورٹی گارڈ نے نہیں روکا۔

    اقرارالحسن پرالزامات لگانے والوں کو منہ کی کھانی پڑی، فوٹیج سے کلثوم چانڈیو کا الزام بھی غلط ثابت ہوگیا، بعض نام نہاد صحافی خود کس طرح اسمبلی آتے ہیں۔ علاقائی بنیادوں پر کس طرح کام نکالے جاتےہیں، لسانی بنیادوں پر سہولیات لینے کا بھی پول کھل گیا، سر عام نے یہ سارے رازعیاں کردیئے۔

    تمام تر حقائق سامنے لانے کے باوجود اقرارالحسن کا کہنا ہے کہ ان کی اپنے ٹیم ممبر کامران کے ساتھ داخل ہونے کی ایک منٹ کی فوٹیج بھی دکھا دی جائے تو وہ پروگرام کرنا ہی چھوڑدیں گے۔

    اقرارالحسن کے سندھ اسمبلی کے اسٹنگ آپریشن کے فوٹیج منظر عام پر آنے کے بعد اب اس کی شفافیت میں کوئی ابہام باقی نہیں رہا۔ اقرارالحسن کے اس پروگرام سرعام سے دودھ کا دودھ اور پانی کا پانی ہو گیا۔

    واضح رہے کہ اے آروائی نیوز کے تحقیقاتی پروگرام ’سرعام‘ کے میزبان اقرار الحسن گزشتہ جمعہ کے روز سندھ اسمبلی میں اسٹنگ آپریشن کرتے ہوئے سیکیورٹی انتظامات کے نقائص منظرعام پر لائے تھے۔

    وہ سندھ اسمبلی میں اپنے ایک ساتھی کے لائسنس یافتہ اسلحے کی موجودگی کے کافی دیر بعد ایوان میں داخل ہوئے تھے اور حکومتی نمائندوں کو دکھایا کہ جس سیکیورٹی کے سہارے وہ یہاں بیٹھے ہیں وہ کس قدر ناقص ہے۔


    Sar-e-Aam 6th May 2016 by arynews

  • اقرار الحسن کا سماء نیوز کو چیلنج، الزامات ثابت کریں یا معافی مانگیں

    اقرار الحسن کا سماء نیوز کو چیلنج، الزامات ثابت کریں یا معافی مانگیں

    کراچی : اقرارالحسن نے غلط رپورٹنگ کرنے پر نجی ٹی وی چینل سماء نیوز کو چیلنج کردیاہے، ان کا کہنا ہے کہ سماء نیوز کے رپوٹرمجھ پر الزام ثابت کریں میری غلطی ہوگی تو معافی ضرورمانگوں گا.

    تفصیلات کے مطابق اے آروائی نیوز کے اینکر اقرار الحسن آرام باغ تھانے سے رہائی کے فوری بعد اسٹوڈیو پہنچ گئے۔ ان کا کہنا تھا کہ وہ اپنے کام سے پیچھے نہیں ہٹیں گے .

    انہوں نے اس عزم کا اظہار کیا کہ جرائم کے خلاف لڑائی جاری رہے گی، میں اپنے کام سے پیچھے نہیں ہٹوں گا۔ اقرارالحسن نے پورے واقعے کوغلط رنگ دینے اورسنسنی پھیلانے پرسماء نیوز کو چیلنج کردیا.

    ، اقرار الحسن نے حوالات میں ان پر جوبیتی اس کی کہانی بھی سنائی۔ ان کا کہنا تھا کہ انہیں ذہنی اذیت کانشانہ بنایا گیا، ایک بہت چھوٹے سے کمرے میں ہمیں بند کیا گیا گیا تھااور اچانک سے بیس پچیس ہیروہنچیوں کو ہمارے ساتھ لا کر بند کردیا گیا،جس کی وجہ ماحول تعفن زدہ ہوگیا تھا، اتنی جگہ بھی نہیں تھی کہ پاؤں پھیلائے جا سکیں۔

    اقرار الحسن کو ضمانت پر رہائی ملی تو تھانے کے باہر چاہنے والوں نے ان کا استقبال کیا۔ اقرارالحسن کا کہنا تھا کہ لوگوں کی محبت ہی میرا اثاثہ ہے، اقرارالحسن کو سندھ اسمبلی کی سیکورٹی کاپول کھولنے پرگرفتارکیا گیا تھا۔


    Iqrar denies helping the man who took firearm… by arynews


    From assembly to police station, then to court… by arynews


    What made Iqrar cry inside the lock-up? by arynews


    Iqrar says tried to contact Shehla Raza but she… by arynews

  • مزاحمت کرنے والے بچوں کو کنویں میں الٹا لٹکا دیا جاتا تھا، اقرار الحسن

    مزاحمت کرنے والے بچوں کو کنویں میں الٹا لٹکا دیا جاتا تھا، اقرار الحسن

    قصور: اے آروائی نیوز نےایک بار پھر صحافتی ذمہ داری نبھائی، اے آر وائی نے دہشت کی علامت حویلی کھوج نکالی، جہاں معصوم بچوں کے ساتھ انسانیت سوز کام ہوتا تھا۔

    قصورکی کرموں حویلی دہشت کی علامت بن گئی، جہاں قصور کے بے قصور بچوں کو سالوں تک زیادتی کا نشانہ بنایا جاتا رہا، اے آر وائی نے قصور اسیکنڈل کے سب راز کھول دیئے، اےآروائی کی ٹیم سب سے پہلے کرموں والی حویلی پہنچی، جہاں سے گزرنے والا ہر بچہ ظلم کا نشانہ بنا۔

    کرموں والی حویلی جہاں ہولناک اور دل دہلا دینے والے انکشافات ہوئے، علاقہ مکینوں کے مطابق گاؤں کا ہر گھر اس حویلی میں ہونے والے مظالم کا شکار ہے، کوئی بھی ایسا نہیں جس کےساتھ ایسا نہ ہوا ہو۔

    معصوم بچے اپنے بچپن کی قتل گاہ تک خود لے آئے اور اے آر وائی کو دکھائی وہ جگہ جہاں زیادتی ہوتی رہی، ظالم گن پوائنٹ پر بچوں کو دھمکاتے اور کہتے تھے کہ تم سب کے خاندان تک کو کاٹ ڈالیں گے، بچے کئی سال تک بلیک میل ہوتے رہے اور اپنے گھروں سے سونا اور پیسے چوری کرکے ویڈیو بنانے والوں کو دیتے رہے۔

    حویلی میں ایک کنواں بھی نظر آیا جہاں سفاک لوگوں کی بات نہ ماننے والے بچوں کو لٹکایا جاتا تھا  پھر وہ کمرہ بھی نظر آیا جہاں گاؤں کی تاریخ کا بدترین واقعہ پیش آیا، کمرے میں جگہ جگہ بکھری دوائیں،گولیوں کے خول اور انجیکشنز بچوں پر ہونے والے ظلم کی گواہی دے رہے تھے۔

  • لاہور:اقرارالحسن اور وسیم قیصر کی 5جنوری تک عبوری ضمانت

    لاہور:اقرارالحسن اور وسیم قیصر کی 5جنوری تک عبوری ضمانت

    لاہور: عدالت نے اے آر وائی نیوز کے اینکر پرسن اقرار الحسن اور پروڈیوسر وسیم قیصر کی پانچ جنوری تک عبوری ضمانت منظور کرلی ہے۔

    جرم بے نقاب کرنے والے اے آر وائی نیوز کے زندہ دل رپورٹرز کی فتح ہوئی، ریلوے حکام کی دال نہ گلی اور مقامی عدالت نے اے آر وائی نیوز کے نمائندوں کی ضمانت منظور کرلی ہے۔

    ریلوے پولیس نے کرپشن بے نقاب کرنے پر اقرار الحسن سمیت اے آر وائی نیوز کے چار نمائندوں کے خلاف مقدمہ درج کیا تھا، عدالت نے مقدمے میں نامزد اقرار الحسن اور وسیم قیصر کی پانچ جنوری تک عبوری ضمانت منظور کرتے ہوئے پچاس پچاس ہزار روپے کے مچلکے جمع کرانے کا حکم دیا ہے۔

    واضح رہے کہ گرفتار کئے گئے رپورٹرز ذوالقرنین شیخ اور آصف قریشی آٹھ دن قید میں رہنے کے بعد گزشتہ روز ضمانت کے بعد رہا ہوئے تھے۔