تہران(21 جولائی 2025): ایران میں شدید ہیٹ وی درجہ حرارت پچاس ڈگری سینٹی گریڈ تک پہنچ گیا، ہیٹ ویو کے باعث پانی کی شدید قلت پیدا ہوگئی ہے۔
ایرانی حکومت نے عوام سے پانی کے استعمال میں احتیاط کرنے پر زور دیا ہے، تہران میں گزشتہ روز درجہ حرارت چالیس ڈگری ریکارڈ کیا گیا جبکہ ایرانی نیشنل میٹرولوجیکل سروس نے آج درجہ حرات 41 ڈگری رہنے کی پیش گوئی ہے۔
الجزیرہ کی رپورٹ کے مطابق یہ ویک رواں سال کا گرم ترین ہفتہ رہا ہے، حکومتی ترجمان فاطمہ مہاجرانی نے سماجی رابطے کی ویب سائٹ پر پیغام میں لکھا کہ ہیٹ ویو کی وجہ سے تہران میں بدھ کو عام تعطیل ہوگی۔
تہران کی صوبائی واٹر منیجنٹ کمپنی نے شہریوں پر زور دیا گیا ہےکہ وہ پینے کا پانی ضائع کرنے گریز کریں، بیان میں کہا گیا کہ حالیہ برسوں میں برف باری میں معمولی کمی کے باعث تہران کو پانی فراہم کرنے والے ڈیمز اس وقت پانی کی سطح کم ترین پوزیشن پر ہے۔
تہران میں کام کر نے والی صوبائی واٹر مینجمنٹ کمپنی نے شہریوں کو 20 فیصد پانی کم استعمال کرنے کی ہدایت کی ہے تاکہ پانی کی قلت کا مل جل کر مقابلہ کیا جا سکے، تہران کو پانی فراہم کرنے والے ڈیموں میں اس وقت پانی بہت کم ہے اور اگلے سال اس سے بھی کم ہونے کا خطرہ ہے۔