Tag: iran israel

تہران (23 جولائی 2025): ایرانی صدر مسعود پزشکیان کا کہنا ہے کہ ایران اسرائیل کے ساتھ جنگ کیلیے پوری طرح تیار ہیں، جوہری پروگرام سے پیچھے نہیں ہٹیں گے۔

قطری نشریاتی ادارےت الجزیرہ کو دیے گئے خصوصی انٹرویو میں مسعود پزشکیان نے کہا کہ اسرائیل کے ساتھ جنگ بندی کے بارے میں زیادہ پُرامید نہیں تھے۔

مسعود پزشکیان نے کہا کہ ہم کسی بھی نئے اسرائیلی فوجی اقدام کا مقابلہ کرنے کیلیے پوری طرح تیار ہیں، ہماری مسلح افواج ایک بار پھر اسرائیل کے اندر گہرے حملہ کرنے کیلیے پُرعزم ہے۔

ایرانی صدر نے کہا کہ ایران اسرائیل کے ساتھ جنگ بندی پر بھروسہ نہیں کر رہا تھا، ہم اس بارے میں زیادہ پُرامید نہیں تھے اور یہی وجہ ہے کہ ہم نے اپنے آپ کو کسی بھی ممکنہ منظر نامے اور کسی بھی ممکنہ ردعمل کیلیے تیار کر رکھا ہے۔

انہوں نے مزید کہا کہ اسرائیل نے ہمیں نقصان پہنچایا ہے اور ہم نے بھی اسے گہرا نقصان پہنچایا ہے، اس نے ہم پر طاقتور حملے کیے تو ہم نے بھی اسے حملوں سے گہری چوٹ پہنچائی لیکن وہ نقصانات کو چھپا رہا ہے۔

انٹرویو میں ان کا کہنا تھا کہ اسرائیل کے حملے ایرانی حکومت ختم کرنے کی کوشش کی ہے لیکن وہ ایسا کرنے میں مکمل طور پر ناکام رہا ہے۔

مسعود پزشکیان نے ایک بار پھر واضح کیا کہ بین الاقوامی مخالفت کے باوجود ایران اپنے یورینیم افزودگی کے پروگرام کو جاری رکھے گا، جوہری صلاحیتوں کی ترقی کو بین الاقوامی قوانین کے فریم ورک کے تحت انجام دیا جائے گا۔

ایرانی صدر نے کہا کہ امریکی صدر ڈونلڈ ٹرمپ کا کہنا ہے کہ ایران کے پاس جوہری ہتھیار نہیں ہونا چاہئیں اور ہم اس کو قبول کرتے ہیں کیونکہ ہم جوہری ہتھیاروں کو مسترد کرتے ہیں۔

’ہم سفارت کاری پر یقین رکھتے ہیں لہٰذا آئندہ مذاکرات منطق کے مطابق ہونا چاہیے اور ہم دھمکیوں اور حکم کو قبول نہیں کریں گے۔‘

(18 جولائی 2025) امریکی انٹیلیجنس سے منسلک ذرائع نے ایرانی صدر مسعود پیزشکیان کے اسرائیلی حملے میں زخمی ہونے کے حوالے سے حیران کن دعویٰ کر دیا۔

سی بی ایس نیوز کی رپورٹ کے مطابق امریکی انٹیلیجنس سے منسلک دو ذرائع نے تصدیق کی ہے کہ ایرانی صدر مسعود پیزشکیان گزشتہ ماہ اسرائیلی حملے میں زخمی ہوئے تھے۔

ذرائع نے سی بی ایس نیوز کو بتایا کہ ایران کے سرکاری میڈیا میں یہ رپورٹس درست ہیں کہ مسعود پیزشکیان اُس وقت سپریم نیشنل سکیورٹی کونسل کے اجلاس میں شریک تھے جب اسرائیل کی جانب سے حملہ کیا گیا، انہیں ہنگامی صورتحال میں فرار ہوتے ہوئے ٹانگ میں چوٹ آئی۔

یہ بھی پڑھیں: اسرائیلی حملے میں ایرانی صدر کے زخمی ہونے کا انکشاف

تاہم یہ اب تک واضح نہیں ہو سکا کہ آیا اسرائیلی حملے کا ہدف ایرانی صدر تھے۔

واضح رہے کہ رواں ماہ ایک انٹرویو کے دوران مسعود پیزشکیان نے دعویٰ کیا کہ اسرائیل نے ایک ایسے علاقے پر بمباری کر کے مجھے قتل کرنے کی کوشش کی جہاں میں ایک اہم اجلاس میں شریک تھا۔

انہوں نے کہا کہ اسرائیل نے مجھے قتل کرنے کی کوشش کی لیکن ناکام رہے۔

انٹرویو میں ان کا کہنا تھا کہ مجھ پر قاتلانہ حملے کے پیچھے امریکا نہیں بلکہ اسرائیل ہی تھا، اجلاس میں ہم جنگی صورتحال پر تبادلہ خیال کر رہے تھے لیکن ان کے جاسوسوں کی انٹیلیجنس کے باعث اُس علاقے کو نشانہ بنایا گیا جہاں ہم موجود تھے۔

تاہم مسعود پریشکیان نے اسرائیلی حملے کی تاریخ کو وقت سے آگاہ نہیں کیا۔

واضح رہے کہ سی بی ایس نیوز کی رپورٹ پر وائٹ ہاؤس نے کوئی تبصرہ نہیں کیا اور نہ ہی اسرائیل کی جانب سے کوئی ردعمل سامنے آیا ہے، ایک ایرانی عہدیدار نے اس پر تبصرہ کرنے سے انکار کر دیا۔

تہران: ترجمان ایرانی وزارت خارجہ اسماعیل نے ایران اور امریکا کے درمیان جوہری مذاکرات کے حوالے سے امریکی صدر ڈونلڈ ٹرمپ کا دعویٰ مسترد کر دیا۔

مہر نیوز ایجنسی کی رپورٹ کے مطابق ترجمان وزارت خارجہ نے واضح کیا کہ ہماری طرف سے امریکا کو ملاقات کی کوئی درخواست نہیں کی گئی ہے۔

ایران اسرائیل کشیدگی سے متعلق تمام خبریں

یاد رہے کہ ڈونلڈ ٹرمپ نے اپنے حالیہ بیان میں دعویٰ کیا کہ امریکا ایران جوہری مذاکرات شیڈول پر واپس آ چکے ہیں، آنے والے دنوں میں ناروے کے شہر اوسلو میں ملاقات ہونے والی ہے۔

ڈونلڈ ٹرمپ کا کہنا تھا کہ ایران بات کرنا چاہتا ہے۔

یہ بھی پڑھیں: اسرائیل کا ایران پر دوبارہ حملے کا امکان، ایرانی فوج ہائی الرٹ

قبل ازیں، ایرانی صدر مسعود پزشکیان نے اپنے بیان میں کہا تھا کہ تہران امریکا کے ساتھ جوہری مذاکرات کی بحالی کیلیے تیار ہے، اگر دونوں ملکوں کے درمیان اعتماد بحال ہو جائے تو ہمیں مذاکرات دوبارہ شروع کرنے میں کوئی مسئلہ نہیں ہے۔

مسعود پزشکیان نے امریکی صحافی ٹکر کارلسن کے ساتھ ایک انٹرویو میں واشنگٹن کے ساتھ اعتماد کے بحران کا انکشاف کرتے ہوئے سوال کیا کہ ایران کیسے یقین کر سکتا ہے کہ واشنگٹن اسرائیل کو دوبارہ ایران پر حملہ کرنے کی اجازت نہیں دے گا؟

گزشتہ روز ایرانی صدر نے اسرائیل پر خود کو قتل کرنے کی کوشش کا الزام لگایا تاہم مزید تفصیلات نہیں بتائیں۔ ان کا کہنا تھا کہ میری جان لینے کی کوشش کے پیچھے امریکا نہیں بلکہ اسرائیل تھا، انہوں نے اس علاقے پر بمباری کرنے کی کوشش کی جہاں ہم میٹنگ میں مصروف تھے۔