Tag: iran israel

اسرائیلی فوج نے تصدیق کی ہے کہ مغربی کنارے میں یہودی آباد کاروں نے اہلکاروں پر حملہ کیا۔

قطری نشریاتی ادارے الجزیرہ نے اپنی رپورٹ میں بتایا کہ کئی یہودی آباد کاروں نے مقبوضہ مغربی کنارے کے گاؤں کفر مالک میں اسرائیلی فوجی اہلکاروں پر حملہ کیا جس کے نتیجے میں گرفتاریاں ہوئیں۔

اس متعلق اسرائیلی فوج کا بیان سامنے آیا ہے جس میں بتایا گیا کہ اہلکاروں پر حملے کا واقعہ رات کے وقت پیش آیا جب متعدد یہودی آباد کار ایک بند فوجی زون کی طرف گاڑی چلا کر لا رہے تھے۔

یہ بھی پڑھیں: یہودی آباد کاروں نے غزہ جانے والا امدادی سامان ضائع کر دیا

اسرائیلی فوج کے مطابق سکیورٹی فورسز کی آمد پر درجنوں یہودی آباد کاروں نے ان کی طرف پتھراؤ کیا اور بٹالین کمانڈر سمیت فوجیوں پر تشدد کیا، ملزمان نے فوجی گاڑیوں کو توڑ پھوڑ اور نقصان پہنچایا اور ساتھ ہی سکیورٹی فورسز کو بھگانے کی کوشش کی۔

بیان میں کہا گیا کہ سکیورٹی فورسز نے آباد کاروں کو منتشر کیا اور چھ آباد کاروں کو گرفتار کر کے مزید کارروائی کیلیے پولیس کے حوالے کر دیا۔

واضح رہے کہ اسرائیل نے 1967 کی جنگ میں مغربی کنارے اور مشرقی یروشلم پر قبضہ کرنے کے بعد سے تقریباً 160 بستیاں تعمیر کی ہیں جن میں تقریباً 700,000 یہودی آباد ہیں۔

مئی 2025 میں اسرائیلی حکومت نے مقبوضہ مغربی کنارے میں یہودی آبادی کو توسیع دیتے ہوئے بڑی تعداد میں غیر قانونی یہودی بستیاں قائم کرنے کا اعلان کیا تھا۔

اسرائیلی وزیر دفاع کاٹز اور وزیر خزانہ بیزلیل سموٹریچ نے بتایا کہ مقبوضہ مغربی کنارے میں 22 نئی یہودی بستیوں کے قیام کی منظوری دی گئی۔

اسرائیلی وزرا نے بتایا کہ علاقے میں کئی بستیاں پہلے سے موجود ہیں جو حکومتی اجازت کے بغیر تعمیر کی گئی تاہم اب اسرائیلی قانون کے تحت انہیں بھی قانونی کیا جائے گا۔

ایران کے ساتھ جنگ کے دوران امریکا کے جدید میزائل شکن نظاموں میں سے ایک ’تھاڈ‘ کو انتہائی سخت امتحان کا سامنا کرنا پڑا کیونکہ اس نے اسرائیل کو ایرانی میزائل اور غیر متوقع صلاحیتوں سے بچایا۔

مہر نیوز ایجنسی پر شائع ایک رپورٹ کے مطابق یہ خیالات دفاعی خبر رساں اداروں اور آزاد تجزیہ کاروں کے ہیں جن میں نیوز ویک میگزین سمیت کئی مغربی ذرائع ابلاغ بھی شامل ہیں۔

ایران اسرائیل کشیدگی سے متعلق تمام خبریں

13 جون کو شروع ہونے والی 12 روزہ جنگ میں ایران نے اسرائیل کے مختلف علاقوں میں سٹریٹجک جوہری، فوجی اور صنعتی اہداف کی طرف بھاری تعداد میں بیلسٹک میزائلوں بشمول ہائپرسونک سے جواب دیا۔

آپریشن ’وعدہ صادق سوم‘ کے تحت ایران کے جوابی میزائل حملوں نے اسرائیل کے قلب تل ابیب کو نشانہ بنایا جو حکومت کا اقتصادی مرکز ہے۔ اسی طرح پورٹ سٹی حیفہ اور ٹیکنالوجی و تحقیق کیلیے مشہور شہر بئر سبع کو نشانہ بنایا۔

تجزیہ کاروں کے مطابق امریکا نے اسرائیل کے دفاع کیلیے اپنے میزائل شکن دفاعی نظام ٹرمینل ہائی ایلٹیٹیوڈ ایریا ڈیفنس (تھاڈ) کا 15 سے 20 فیصد استعمال کیا، اس نے ایرانی پروجیکٹائل کو روکنے کیلیے انٹرسیپٹرز فائر کیے جن کی مجموعی لاگت 800 ملین ڈالر سے زیادہ ہے۔

مبصرین کا ماننا ہے کہ ایک حملے کو نشانہ بنانے کیلیے فائر کیے گئے انٹرسیپٹر کی لاگت 12 سے 15 ملین ڈالر ہے۔ وہ ہتھیار بنانے والی کمپنی لاک ہیڈ مارٹن کا حوالہ دیتے ہوئے اس بات کو اجاگر کرتے ہیں کہ کس طرح تھاڈ ہتھیاروں کو ختم کیا گیا۔

ماہرین نے اس بات کی بھی نشاندہی کی کہ کس طرح ایران کے کم پروجیکٹائلز اور فتح 1 جیسے ہائپر سونک بیلسٹک میزائل سے تھاڈ کا مقابلہ کیا گیا۔

اسرائیلی فوجی حکام نے دعویٰ کیا ہے کہ ایران کے جوہری پروگرام کو بڑا دھچکا پہنچانے کیلیے تہران کے 30 سے زائد اعلیٰ فوجی عہدیداروں اور 11 سائنسدانوں کو نشانہ بنایا۔

خبر رساں ایجنسی روئٹرز کی رپورٹ کے مطابق اسرائیل میں سینئر فوجی اہلکار نے کہا کہ 13 جون کو ایران پر اسرائیل کے ابتدائی حملے نے اس کے فضائی دفاع کو شدید نقصان پہنچایا اور اس کی جواب دینے کی صلاحیت کو غیر مستحکم کر دیا۔

ایران اسرائیل کشیدگی سے متعلق تمام خبریں

اس نے بتایا کہ اسرائیل کی فضائیہ نے 900 سے زیادہ اہداف کو نشانہ بنایا اور فوج نے اس جنگ کے دوران ایران کے میزائلوں کی پیداوار کو گہرا نقصان پہنچایا۔

سینئر فوجی اہلکار کے مطابق ’ایران کے جوہری پروگرام کو ایک بڑا دھچکا پہنچا ہے، اس کی یورینیم کو 90 فیصد تک افزودہ کرنے کی صلاحیت کو ایک طویل مدت کیلیے بے اثر کر دیا گیا، جوہری ہتھیار بنانے کی صلاحیت کو بھی نقصان پہنچایا گیا۔

امریکا میں موجود ماہر نے کہا کہ کمرشل سیٹلائٹ تصاویر کے جائزے سے معلوم ہوا کہ تقریباً 30 ایرانی میزائلوں میں سے صرف ایک چھوٹی تعداد نے اسرائیل کے فضائی دفاع کو نشانہ بنانے میں کامیاب ہوا۔

سی این اے کارپوریشن کے ایک ایسوسی ایٹ ریسرچ تجزیہ کار ڈیکر ایویلیتھ نے روئٹرز کو بتایا کہ ایران کو ابھی تک ایسے میزائل تیار کرنے ہیں جو بڑی درستگی کا مظاہرہ کرتے ہیں۔

ایران نے اسرائیلی فوجی مقامات اور شہروں پر میزائلوں کے بیراجوں سے حملوں کا جواب دیا۔ ایران نے کہا کہ اس نے اسرائیلی دفاع نظام میں گھس کر اسے جنگ کے خاتمے پر مجبور کیا۔

ایرانی حکام نے بتایا کہ ایران میں 627 افراد جان سے گئے جبکہ اسرائیلی حکام کا کہنا ہے کہ اسرائیل میں 28 افراد ہلاک ہوئے۔

یمن کے حوثیوں کی جانب سے اسرائیل پر بیلسٹک میزائل سے حملہ کیا گیا جس کے باعث تل ابیب میں سائرن بجائے گئے۔

ٹائمز آف اسرائیل کی رپورٹ کے مطابق اسرائیلی فوج نے اپنے بیان میں کہا کہ یمن میں حوثی باغیوں کی طرف سے اسرائیل پر داغا گیا ایک بیلسٹک میزائل فضائی دفاع کے ذریعے روک دیا گیا۔

ایران اسرائیل کشیدگی سے متعلق تمام خبریں

اسرائیلی دفاعی فورسز (آئی ڈی ایف) نے بتایا کہ میزائل کو مار گرانے کی کوشش کی گئی جو بظاہر کامیاب رہی، واقعے میں کسی جانی نقصان کی اطلاع نہیں ہے۔

حملے کے فوراً بعد بیر سبع، دیمونا، عراد اور آس پاس کے علاقے میں سائرن بجائے گئے تھے جبکہ سائرن بجنے سے چار منٹ پہلے رہائشیوں کو ابتدائی وارننگ جاری کی گئی تھی۔

شہریوں کو ان کے فون پر پش نوٹیفکیشن کے ذریعے طویل فاصلے تک مار کرنے والے بیلسٹک میزائل حملے سے آگاہ کیا تھا۔

واضح رہے کہ یمن کے حوثی باغی غزہ پر اسرائیلی جارحیت اور ایران سے یکجہتی میں اکثر اسرائیل پر حملے کرتے ہیں۔