Tag: iran israel

امریکا میں اسرائیل کے سابق سفیر مائیکل اورین کا کہنا ہے کہ خدشہ ہے ایران امریکی بحری جہاز یا اڈے پر حملہ کر کے واشنگٹن کو جنگ پر مجبور کر سکتا ہے۔

برطانوی نشریاتی ادارے بی بی سی کی رپورٹ کے مطابق مائیکل اورین نے ریڈیو 4 کے پروگرام ٹوڈے میں کہا کہ وائٹ ہاؤس میں کچھ ایسے افراد ہیں جو امریکا کو مشرق وسطیٰ میں ایک اور جنگ میں داخل ہوتے نہیں دیکھنا چاہتے۔

سابق اسرائیلی سفیر نے کہا کہ ایران کے امریکا پر پہلے حملہ کرنے سے صدر ڈونلڈ ٹرمپ پر وائٹ ہاؤس میں دباؤ بڑھے گا اور وہ اسرائیل پر دباؤ ڈالیں گے کہ وہ لڑائی ختم کرنے کیلیے بات چیت کرے۔

انہوں نے کہا کہ ایران ایسا سوچ سکتا ہے اور مجھے اس کا خوف بھی ہے۔

مائیکل اورین نے مزید کہا کہ اسرائیل کو اپنے حملے جاری رکھنے کی ضرورت ہے، اب جنگ بندی کا وقت نہیں ہے جیسا کہ امریکا میں کچھ لوگوں نے بھی مشورہ دیا ہے۔

اسرائیل امریکا کی مداخلت کے بغیر ایران کے جوہری پروگرام کو تباہ نہیں کر سکتا

واشنگٹن ڈی سی میں اسٹیمسن سنٹر تھنک ٹینک کی ممتاز فیلو باربرا سلاوین کا ماننا ہے کہ اسرائیل امریکا کی مداخلت کے بغیر ایران میں اس کے جوہری پروگرام کو تباہ کرنے سے قاصر ہے۔

باربرا سلاوین نے کہا کہ اسرائیل کو ایران کے جوہری پروگرام کو تباہ کرنے کیلیے امریکا کی فوجی مداخلت کی ضرورت ہے کیونکہ اس کے پاس تنہا ایسا کرنے کی صلاحیت نہیں ہے۔

الجزیرہ سے گفتگو کرتے ہوئے باربرا سلاوین نے کہا کہ اسرائیل ایرن میں اپنے ان‘ مقاصد کو حاصل کرنے میں ناکام رہا ہے جس کا اس نے اعلان کیا تھا۔

باربرا سلاوین نے کہا کہ اسرائیل نے ایران کے جوہری پروگرام کو تباہ کرنے کا اعلان کیا تھا جو واضح طور پر امریکا کی مدد کے بغیر نہیں کر سکتا۔

’لہٰذا جو کچھ ہم اب دیکھ رہے ہیں وہ اسرائیل کی طرف سے ایک کوشش ہے کہ امریکا اس جنگ میں شامل ہو جائے، لیکن اس دوران ایسی اطلاعات بھی ہیں کہ ایران سفارت کاری میں فوری واپسی پر زور دے رہا ہے۔‘

تجزیہ کار نے مزید کہا کہ مجھے نہیں لگتا کہ امریکی صدر ڈونلڈ ٹرمپ اس میں شامل ہونا چاہتے ہیں لیکن اسرائیل ایران پر اپنے حملوں کو جاری رکھنا چاہتا ہے اور ایران بھی جوابی کارروائی کر رہا ہے، میں اس وقت کسی کو نہیں دیکھ رہا جو اس جنگ کو روک سکے۔

باربرا سلاوین کا کہنا تھا کہ اس وقت ڈونلڈ ٹرمپ اسرائیل کو روکنے کیلیے آمادہ نظر نہیں آتے۔

ایران کے ساتھ کیشدگی کے بیچ واشنگٹن پوسٹ کے بعد امریکی اخبار وال اسٹریٹ جرنل نے بھی اسرائیل کے دفاعی نظام کی کمزوری کا پول کھول دیا۔

قطری نشریاتی ادارے الجزیرہ کی رپورٹ کے مطابق وال اسٹریٹ جرنل نے بتایا کہ اسرائیل کو دفاعی نظام ایرو انٹرسیپٹرز کی کمی کا سامنا ہے جس کے باعث اس کی ایران سے طویل فاصلے تک مار کرنے والے بیلسٹک میزائلوں کو مار گرانے کی صلاحیت متاثر ہو سکتی ہے۔

ایران اسرائیل کشیدگی سے متعلق تمام خبریں

وال اسٹریٹ جرنل نے اپنی تازہ رپورٹ میں امریکی عہدیدار کا حوالہ دیا جس نے اپنی شناخت ظاہر نہیں کی۔

امریکی عہدیدار نے وال اسٹریٹ جرنل کو بتایا کہ امریکا کئی مہینوں سے اسرائیل کے دفاع نظام کی صلاحیت کے مسئلے سے آگاہ ہے اور واشنگٹن زمین، سمندر اور فضا میں سسٹمز کے ذریعے اسرائیل کے دفاع کو بڑھا رہا ہے۔

امریکی اخبار کے مطابق اسرائیلی فوج نے اس متعلق تبصرہ کرنے سے انکار کر دیا۔

یہ بھی پڑھیں: ایران کے دفاعی نظام نے اسرائیلی میزائلوں کو کیسے تباہ کیا؟ ویڈیو جاری

قبل ازیں، امریکی اخبار واشنگٹن پوسٹ نے اپنی ایک رپورٹ میں لکھا ہے کہ ایرانی بیلسٹک میزائلوں نے اسرائیل کے آئرن ڈوم دفاعی سسٹم کو کمزور کر دیا ہے، ایرانی میزائل حملوں سے اسرائیل کا دفاعی نظام کمزور ہو رہا ہے، اگر اسے انٹرسیپٹرز نہ ملے تو یہ دفاعی نظام 10 سے 20 دن چل سکے گا۔

رپورٹ میں اسرائیلی انٹلیجنس عہدیداروں کے حوالے سے بتایا گیا ہے کہ ایران کے پاس اسرائیل کو نشانہ بنانے کے لیے تقریبا 2،000 میزائل تھے، اسرائیل نے حملے کر کے اس میں سے کئی تباہ کر دیے، جب کہ اب تک ایران نے اپنے باقی ذخیرے سے لگ بھگ 400 میزائل لانچ کر دیے ہیں، اسرائیلی اسٹرائکس نے ایران کے میزائل لانچروں میں سے 120 یا ایک تہائی کو ختم کر دیا ہے۔

رپورٹ میں دعویٰ کیا گیا کہ ایران کے بیراجوں کی شدت میں تیزی سے کمی آ رہی ہے، جنگ کی پہلی رات جمعہ کو 150 سے زیادہ میزائل فائر کرنے کے بعد ایران نے منگل کی سہ پہر 10 میزائلوں کی بیراج فائر کی۔ تاہم اسرائیلی تجزیہ کاروں نے متنبہ کیا ہے کہ ایران کے نصف سے زیادہ ہتھیار اب بھی موجود ہیں، اور میزائلوں کی ایک نامعلوم مقدار زیر زمین ڈپووں میں موجود ہو سکتی ہے۔

اگرچہ اسرائیل نے ایران کے حملے کی صلاحیتوں کو نمایاں طور پر کم کر دیا ہے لیکن اسرائیل کے لیے یہ دفاع مہنگا پڑا ہے، اسرائیلی مالیاتی اخبار مارکر نے اطلاع دی ہے کہ دفاع کے لیے اسرائیل کو ایک رات میں 1 ارب شیکل، یا تقریبا 285 ملین ڈالر خرچ کرنے پڑے ہیں، جس کی وجہ سے مبصرین کا کہنا ہے کہ اسرائیل اور ایران کے مابین لمبی جنگ ممکن نہیں ہے۔

رپورٹ کے مطابق اسرائیل کے لیے ایک مسئلہ یہ ہے کہ وہ بڑے پیمانے پر نسبتا مہنگے ایرو سسٹم پر انحصار کر رہا ہے، اور اسے ایک میزائل 3 ملین ڈالر میں پڑتا ہے، آئرن ڈوم سے فائر کیے گئے انٹرسیپٹرز حماس کے ابتدائی راکٹوں کے خلاف کارآمد ہیں لیکن یہ ایران کے آواز کی رفتار سے جانے والے بھاری میزائلوں پر ایسے ہی غیر مؤثر ہیں جیسے ’’9 ملی میٹر پستول کی فائرنگ‘‘۔

اسرائیل نے ایران پر اپنے تازہ فضائی حملوں میں اس کی سینٹری فیوج پروڈکشن سائٹ اور میزائل فیکٹریوں کو نشانہ بنانے کا دعویٰ کر دیا۔

قطری نشریاتی ادارے الجزیرہ کی رپورٹ کے مطابق اسرائیلی فوج نے اپنے بیان میں دعویٰ کیا کہ حالیہ گھنٹوں کے دوران 50 سے زائد لڑاکا طیاروں نے ایران میں حملہ کیا جس میں تہران کی سینٹری فیوج پروڈکشن سائٹ اور میزائل تیار کرنے والے متعدد مقامات کو نشانہ بنایا۔

ایران اسرائیل کشیدگی سے متعلق تمام خبریں

واضح رہے کہ سینٹری فیوج وہ مشینیں ہیں جو یورینیم کو افزودہ کرتی ہیں۔ افزودہ یورینیم کو نہ صرف پاور پلانٹس کیلیے ایندھن بنانے کیلیے بھی استعمال کیا جا سکتا ہے بلکہ یہ جوہری بم بنانے کیلیے بھی کارآمد ہے۔

ٹیلی گرام پر جاری بیان میں اسرائیلی فوج نے بتایا کہ حملوں کی ترین لہر ایران کے جوہری ہتھیاروں کی تیاری کے پروگرام کو نقصان پہنچانے کی وسیع کوششوں کے حصے کے طور پر کی گئی۔

یہ بھی پڑھیں: ایران کے دفاعی نظام نے اسرائیلی میزائلوں کو کیسے تباہ کیا؟ ویڈیو جاری

تاہم ایران اسرائیل کے اس دعویٰ کی تردید کرتا ہے کہ وہ جوہری ہتھیار تیار کر رہا ہے جبکہ اقوام متحدہ کے نگران ادارے آئی اے ای اے کے ساتھ امریکی انٹیلی جنس کمیونٹی نے بھی اپنی تازہ رپورٹس میں یہ کہا ہے۔

اسرائیلی فوج کے بیان میں کہا گیا کہ اس کے لڑاکا طیاروں نے زمین سے زمین اور زمین سے فضا میں مار کرنے والے میزائلوں کو تیار کرنے کیلیے خام مال اور اجزاء کی تیاری میں ملوث مینوفیکچرنگ پلانٹس پر بھی حملہ کیا۔