Tag: iran israel

فرانسیسی وزیر خارجہ جین نول بیروٹ نے کہا ہے کہ ایران پر اسرائیلی حملوں کی  حمایت کی نہ حصہ لیا۔

وزیر خارجہ نے ایک بیان میں کہا کہ ایران کا جوہری پروگرام اسرائیل اوریورپ کی سلامتی کےلیےخطرہ ہے ایران کے بیلسٹک میزائل خطےاور ممکنہ طور پر فرانسیسی سرزمین کیلئےخطرہ ہیں۔

انہوں نے کہا کہ ایران کے جوہری پروگرام پر قابو پانےکا بہترین طریقہ سفارتکاری ہے فریقین تحمل کا مظاہرہ کریں اور مذاکرات شروع کریں۔

اس سے قبل جرمن وزیر خارجہ جوہان وڈے فل نے کہا تھا کہ جرمنی، فرانس اور برطانیہ مشرق وسطیٰ میں بڑھتی ہوئی کشیدگی کو کم کرنے کے لیے ایران کے ساتھ اس کے جوہری پروگرام پر فوری بات چیت کے لیے تیار ہیں۔

فرانسیسی صدر میکرون کا کہنا ہے کہ فرانس اسرائیل کا دفاع کرتا ہے اور ایران کے جوہری پروگرام کی مذمت کرتا ہے۔

سوشل میڈیا پلیٹ فارم X پر ایک پوسٹ میں صدر نے کہا کہ فرانس نے بارہا ایران کے جوہری پروگرام کی مذمت کی تھی اور اسرائیل کے اپنے تحفظ کے حق پر یقین کا اعادہ کیا تھا، اسرائیل نے ایران پر حملے کیے اور تہران نے جوابی کارروائی کا وعدہ کیا تھا۔

میکرون نے کہا کہ انہوں نے کئی عالمی رہنماؤں سے بات کی ہے جن میں محمد بن سلمان، سعودی عرب کے ولی عہد اور امریکی صدر ڈونلڈ ٹرمپ شامل ہیں۔

انھوں نے یہ نہیں بتایا کہ آیا انھوں نے اسرائیلی وزیر اعظم بنجمن نیتن یاہو سے بات کی تھی۔

تہران: ایران میں اہم کارروائی کے دوران اسرائیل کی بدنام زمانہ خفیہ ایجنسی موساد کے ایجنٹ کو گرفتار کر لیا گیا۔

قطری نشریاتی ادارے الجزیرہ کی رپورٹ کے مطابق ایران میں دو افراد کو گرفتار کیا گیا ہے جن کا تعلق اسرائیلی خفیہ ایجنسی موساد سے ہے۔

ایران اسرائیل کشیدگی سے متعلق تمام خبریں

تسنیم نیوز ایجنسی نے بتایا کہ ایجنٹ کو اُس وقت گرفتار کیا گیا جب وہ ایرانی صوبے البرز میں دھماکا خیز مواد اور الیکٹرانک آلات تیار کر رہے تھے۔

واضح رہے کہ ایران میں پہلے بھی موساد سے تعلق رکھنے والے متعدد ایجنٹ کو گرفتار کیا جا چکا ہے خاص طور پر اُن لوگوں کو جو جوہری پروگرام کو مجروح کرنے کیلیے تخریب کاری اور قتل کی کوششوں مین ملوث ہیں۔

یہ بھی پڑھیں: موساد نے ایران میں ڈرون اڈہ بنایا، ہتھیاروں کا نظام اور کمانڈوز اسمگل کیے، اسرائیلی میڈیا

گزشتہ روز ایران میں 5 افراد کو اسرائیل کے ساتھ تعاون کے الزام میں گرفتار کیا گیا تھا۔ ان تمام افراد کو ایران کے شہر یزد میں گرفتار کیا گیا، گرفتار ملزمان مبینہ طور پر مختلف سائٹس کی تصاویر لے رہے تھے اور اسرائیلی انٹیلی جنس سروسز کو معلومات بھیج رہے تھے۔

واضھ رہے کہ اسرائیل نے 13 جون بروز جمعہ باقاعدہ جنگ کا آغاز کرتے ہوئے ایران کے جوہری اور فوجی اڈوں کو نشانہ بنایا تھا، جبکہ اسرائیل کی 200 جنگی طیاروں نے اس حملے میں حصہ لیا تھا۔

اس حملے کے نتیجے میں ایرانی مسلح افواج کے سربراہ میجر جنرل محمد باقری اور ایرانی پاسداران انقلاب کے سربراہ میجر جنرل حسین سلامی سمیت 4 اعلیٰ فوجی افسران اور 6 جوہری سائنسدان شہید ہوگئے۔

ایران نے اسرائیل کے خلاف جوابی کارروائی ’وعده صادق 3‘ کا آغاز کرتے ہوئے اسرائیل کے مختلف مقامات پر میزائل حملے کیے، گزشتہ رات سے جاری حملوں میں اسرائیل کی کئی عمارتیں متاثر ہوئیں۔

تہران کی جانب سے اسرائیل پر اب تک 150 سے زائد میزائلوں سے حملہ کیا گیا ہے، اسرائیلی میڈیا نے ان حملوں کے نتیجے میں خاتون سمیت 5 اسرائیلی شہری ہلاک اور 80 سے زائد زخمی ہونے کی تصدیق کی۔

تہران: ایران کے وزیر خارجہ عباس عراقچی کا کہنا ہے کہ اسرائیل امریکا اور تہران کے درمیان جوہری معاہدہ ہوتے ہوئے نہیں دیکھ سکتا۔

قطری نشریاتی ادارے الجزیرہ کی رپورٹ کے مطابق وزیر خارجہ عباس عراقچی نے تہران میں مختلف ممالک کے سفارت کاروں کو جوہری ہتھیاروں کے بارے میں ملک کے مؤقف کی توثیق کرتے ہوئے کہا کہ ہمارا پختہ یقین ہے کہ جوہری ہتھیار نہ ہوں۔

ایران اسرائیل کشیدگی سے متعلق تمام خبریں

عباس عراقچی نے کہا کہ اس کے باوجود جو لوگ پرامن مقاصد کیلیے ایران کو جوہری پروگرام رکھنے کے حق سے محروم کرنا چاہتے ہیں انہیں ایسا کرنے کا کوئی حق نہیں۔

انہوں نے کہا کہ امریکا کے ساتھ اب منسوخ ہونے والے مذاکرات کے چھٹے دور میں جو آج کیلیے طے تھا ایران ضروری یقین دہانیاں فراہم کرنے کیلیے تیار ہے۔

وزیر خارجہ نے کہا کہ مذاکرات کے پچھلے دور میں امریکیوں نے بہت سی تجاویز پیش کیں جو ہمیں مکمل طور پر قابل قبول نہیں تھیں، ہم نے اپنا ردعمل اور اپنا نقطہ نظر پیش کیا اور ہمیں جوابی تجویز پیش کرنی تھی، ہماری تجویز سے امریکیوں کے ساتھ ہمہ گیر معاہدے کے دروازے کھل سکتے تھے۔

ان کا کہنا تھا کہ اگر اسرائیل نے حملے روکے تو ہمارا ردعمل بھی رک جائے گا، امریکا کو ایران کی جوہری تنصیبات پر اسرائیلی حملوں کی مذمت کرنی چاہیے، ایران نطنز جوہری تنصیب پر اسرائیل کے حملے میں ملوث نہ ہونے کے امریکی دعوے پر یقین نہیں کرتا۔

’ایران نہیں چاہتا کہ اسرائیل کے ساتھ اس کا تنازع دیگر پڑوسی ممالک تک پھیلے۔ اسرائیل کے خلاف ایران کا فوجی ردعمل اپنے دفاع پر مبنی ہے۔ اسرائیل نے ایٹمی تنصیبات پر حملہ کر کے نئی سرخ لائن عبور کی۔‘

عباس عراقچی نے کہا کہ اسرائیلی حملے امریکی مدد کے بغیر ممکن نہیں تھے، دنیا کو اسرائیلی جارحیت کو نوٹس لینا چاہیے، امریکا کی اسرائیلی حملوں کی پشت پناہی کے ثبوت موجود ہیں، اگر مجبور کیا گیا تو ایران جنگ کو دیگر ممالک تک بڑھانے پر غور کر سکتا ہے۔