Tag: iran israel

تل ابیب: اسرائیل کی پولیس نے کہا ہے کہ ایران کے فضائی حملے میں پہلے اسرائیلی شہری کی ہلاکت ہوئی ہے۔

اسرائیلی میڈیا رپورٹس کے مطابق اسرائیلی شہر رامات گان میں ڈرون حملے میں ایک خاتون ہلاک ہو گئی ہے، حملے میں متعدد اسرائیلی شہریوں کے زخمی ہونے کی بھی اطلاعات ہیں، ایرانی حملوں کے بعد اسپتالوں میں ایمرجنسی نافد کر دی گئی ہے۔

امریکی میڈیا نے رپورٹ کیا ہے کہ ایران نے آج علی الصبح ایک بار پھر یروشلم پر میزائل داغے ہیں، دھماکوں کی آواز دور دور تک سنائی دی اور مختلف مقامات پر دھوئیں کے بادل اٹھتے دیکھے گئے، جب کہ اسرائیلی دفاعی نظام ایرانی میزائل روکنے میں ناکام رہا۔

ایرانی حکام نے کہا ہے کہ اسرائیل پر اپنے حملوں میں تیزی لائیں گے، جو ملک اسرائیل کا دفاع کرے گا اس کی تنصیبات کو بھی نشانہ بنایا جائے گا، ایران عالمی قوانین کے تحت فیصلہ کن جواب دینے کا حق رکھتا ہے۔

ایران پر حملے سے قبل امریکا نے اسرائیل کو کون سے میزائل دیے؟ برطانوی میڈیا نے بھانڈا پھوڑ دیا

اسرائیلی ڈیفنس فورسز نے کہا ہے کہ اسرائیلی عوام محفوظ پناہ گاہوں اور بنکرز میں رہیں، ایران سے اسرائیل کی جانب میزائل داغے جا رہے ہیں، آئی ڈی ایف نے کہا کہ اسرائیلی دفاعی نظام سے ایرانی میزائلوں کو ناکارہ بنانے کی کوشش کر رہے ہیں۔

واضح رہے کہ ایران کی جانب سے اسرائیل پر میزائل داغنے کا سلسلہ وقفے وقفے سے جاری ہے، ایران نے دعویٰ کیا ہے کہ اس نے چوتھے حملے میں اسرائیل کے جوہری تحقیق کے مرکز کو نشانہ بنایا، ایران نے حملے میں اسرائیل کے کئی شہروں کو نشانہ بنایا۔

اسرائیلی فوج نے کہا ہے ایران کی جانب سے بیلسٹک میزائل داغے گئے ہیں، اسرائیلی میڈیا کے مطابق وزارت دفاع کی عمارت کے قریب آگ بھڑک اٹھی، حملوں کے سبب 41 اسرائیلی زخمی ہوئے جس میں سے 2 کی حالت تشویش ناک ہے۔

تہران: یورپی ممالک کی جانب سے اسرائیلی حمایت پر ایرانی وزیر خارجہ نے کڑی تنقید کی ہے، اور کہا ہے کہ ایران سے اسرائیلی جارحیت پر تحمل سے کام لینے کا مطالبہ غیر منصفانہ ہے۔

وزیر خارجہ عباس عراقچی نے ایرانی سرزمین پر اسرائیلی حملوں کو بین الاقوامی قوانین کی کھلی خلاف ورزی قرار دیتے ہوئے کہا ہے کہ ایران توقع کرتا ہے کہ یورپی یونین اسرائیلی مجرمانہ حملوں کی مذمت کرے گی۔

ایرانی میڈیا کے مطابق جمعہ کے روز اپنے اطالوی ہم منصب انتونیو تاجانی سے فون پر بات چیت کرتے ہوئے عباس عراقچی نے ایران کے جوہری ڈھانچے اور شہری اضلاع پر ٹارگٹڈ حملوں کی مذمت کی۔ انھوں نے ان کارروائیوں کو مجرمانہ جارحیت قرار دیتے ہوئے کہا کہ ایران توقع کرتا ہے کہ یورپی یونین ایک واضح طور پر سرکشی کے اقدام کی مذمت میں قطعی مؤقف اختیار کرے گی۔

ایران کی اسرائیل کا دفاع کرنے والے ممالک کو دھمکی

ایرانی وزیر خارجہ عباس عراقچی نے کہا کہ ایرانی قوم اور اس کی حکومت بین الاقوامی برادری خصوصاً یورپی یونین سے اس سنگین فعل کے خلاف واضح مذمت کی توقع رکھتی ہے۔ اٹلی کے وزیر خارجہ انتونیو تاجانی نے کہا کہ انھوں نے اسرائیلی حکام سے بات چیت کی ہے تاکہ اس حملے کی سخت ناپسندیدگی کا اظہار کیا جا سکے۔ تاجانی نے زور دے کر کہا کہ ایسی حرکتیں ناقابل برداشت ہیں اور انھیں فوری طور پر روکا جانا چاہیے۔

وزیر خارجہ اٹلی نے دونوں اطراف سے تحمل کے مظاہرے پر زور دیا، اور کہا کہ امن اور علاقائی استحکام کے حصول میں نئے سرے سے مذاکرات کے لیے اٹلی سہولت فراہم کرنے کے لیے تیار ہے۔